𑁧. 𑀧𑀤𑀲𑁄𑀥𑀦𑀯𑀸𑀭𑁄

(𑀓) 𑀅𑀦𑀼𑀮𑁄𑀫𑀁

𑁧𑁦. (𑀓) 𑀘𑀓𑁆𑀔𑀼 𑀘𑀓𑁆𑀔𑀸𑀬𑀢𑀦𑀦𑁆𑀢𑀺?

𑀤𑀺𑀩𑁆𑀩𑀘𑀓𑁆𑀔𑀼 𑀧𑀜𑁆𑀜𑀸𑀘𑀓𑁆𑀔𑀼 𑀘𑀓𑁆𑀔𑀼, 𑀦 𑀘𑀓𑁆𑀔𑀸𑀬𑀢𑀦𑀁. 𑀘𑀓𑁆𑀔𑀸𑀬𑀢𑀦𑀁 𑀘𑀓𑁆𑀔𑀼 𑀘𑁂𑀯 𑀘𑀓𑁆𑀔𑀸𑀬𑀢𑀦𑀜𑁆𑀘.

(𑀔) 𑀘𑀓𑁆𑀔𑀸𑀬𑀢𑀦𑀁 𑀘𑀓𑁆𑀔𑀽𑀢𑀺? 𑀆𑀫𑀦𑁆𑀢𑀸.

(𑀓) 𑀲𑁄𑀢𑀁 𑀲𑁄𑀢𑀸𑀬𑀢𑀦𑀦𑁆𑀢𑀺?

𑀤𑀺𑀩𑁆𑀩𑀲𑁄𑀢𑀁 𑀢𑀡𑁆𑀳𑀸𑀲𑁄𑀢𑀁 𑀲𑁄𑀢𑀁, 𑀦 𑀲𑁄𑀢𑀸𑀬𑀢𑀦𑀁. 𑀲𑁄𑀢𑀸𑀬𑀢𑀦𑀁 𑀲𑁄𑀢𑀜𑁆𑀘𑁂𑀯 𑀲𑁄𑀢𑀸𑀬𑀢𑀦𑀜𑁆𑀘.

(𑀔) 𑀲𑁄𑀢𑀸𑀬𑀢𑀦𑀁 𑀲𑁄𑀢𑀦𑁆𑀢𑀺? 𑀆𑀫𑀦𑁆𑀢𑀸.

(𑀓) 𑀖𑀸𑀦𑀁 𑀖𑀸𑀦𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀔) 𑀖𑀸𑀦𑀸𑀬𑀢𑀦𑀁 𑀖𑀸𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀓) 𑀚𑀺𑀯𑁆𑀳𑀸 𑀚𑀺𑀯𑁆𑀳𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀔) 𑀚𑀺𑀯𑁆𑀳𑀸𑀬𑀢𑀦𑀁 𑀚𑀺𑀯𑁆𑀳𑀸𑀢𑀺? 𑀆𑀫𑀦𑁆𑀢𑀸.

(𑀓) 𑀓𑀸𑀬𑁄 𑀓𑀸𑀬𑀸𑀬𑀢𑀦𑀦𑁆𑀢𑀺?

𑀓𑀸𑀬𑀸𑀬𑀢𑀦𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑁄 𑀓𑀸𑀬𑁄, 𑀦 𑀓𑀸𑀬𑀸𑀬𑀢𑀦𑀁. 𑀓𑀸𑀬𑀸𑀬𑀢𑀦𑀁 𑀓𑀸𑀬𑁄 𑀘𑁂𑀯 𑀓𑀸𑀬𑀸𑀬𑀢𑀦𑀜𑁆𑀘.

(𑀔) 𑀓𑀸𑀬𑀸𑀬𑀢𑀦𑀁 𑀓𑀸𑀬𑁄𑀢𑀺? 𑀆𑀫𑀦𑁆𑀢𑀸.

(𑀓) 𑀭𑀽𑀧𑀁 𑀭𑀽𑀧𑀸𑀬𑀢𑀦𑀦𑁆𑀢𑀺?

𑀭𑀽𑀧𑀸𑀬𑀢𑀦𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀁 𑀭𑀽𑀧𑀁, 𑀦 𑀭𑀽𑀧𑀸𑀬𑀢𑀦𑀁. 𑀭𑀽𑀧𑀸𑀬𑀢𑀦𑀁 𑀭𑀽𑀧𑀜𑁆𑀘𑁂𑀯 𑀭𑀽𑀧𑀸𑀬𑀢𑀦𑀜𑁆𑀘.

(𑀔) 𑀭𑀽𑀧𑀸𑀬𑀢𑀦𑀁 𑀭𑀽𑀧𑀦𑁆𑀢𑀺? 𑀆𑀫𑀦𑁆𑀢𑀸.

(𑀓) 𑀲𑀤𑁆𑀤𑁄 𑀲𑀤𑁆𑀤𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀔) 𑀲𑀤𑁆𑀤𑀸𑀬𑀢𑀦𑀁 𑀲𑀤𑁆𑀤𑁄𑀢𑀺? 𑀆𑀫𑀦𑁆𑀢𑀸.

(𑀓) 𑀕𑀦𑁆𑀥𑁄 𑀕𑀦𑁆𑀥𑀸𑀬𑀢𑀦𑀦𑁆𑀢𑀺?

𑀲𑀻𑀮𑀕𑀦𑁆𑀥𑁄 𑀲𑀫𑀸𑀥𑀺𑀕𑀦𑁆𑀥𑁄 𑀧𑀜𑁆𑀜𑀸𑀕𑀦𑁆𑀥𑁄 𑀕𑀦𑁆𑀥𑁄, 𑀦 𑀕𑀦𑁆𑀥𑀸𑀬𑀢𑀦𑀁. 𑀕𑀦𑁆𑀥𑀸𑀬𑀢𑀦𑀁 𑀕𑀦𑁆𑀥𑁄 𑀘𑁂𑀯 𑀕𑀦𑁆𑀥𑀸𑀬𑀢𑀦𑀜𑁆𑀘.

(𑀔) 𑀕𑀦𑁆𑀥𑀸𑀬𑀢𑀦𑀁 𑀕𑀦𑁆𑀥𑁄𑀢𑀺? 𑀆𑀫𑀦𑁆𑀢𑀸.

(𑀓) 𑀭𑀲𑁄 𑀭𑀲𑀸𑀬𑀢𑀦𑀦𑁆𑀢𑀺?

𑀅𑀢𑁆𑀣𑀭𑀲𑁄 𑀥𑀫𑁆𑀫𑀭𑀲𑁄 𑀯𑀺𑀫𑀼𑀢𑁆𑀢𑀺𑀭𑀲𑁄 𑀭𑀲𑁄, 𑀦 𑀭𑀲𑀸𑀬𑀢𑀦𑀁. 𑀭𑀲𑀸𑀬𑀢𑀦𑀁 𑀭𑀲𑁄 𑀘𑁂𑀯 𑀭𑀲𑀸𑀬𑀢𑀦𑀜𑁆𑀘.

(𑀔) 𑀭𑀲𑀸𑀬𑀢𑀦𑀁 𑀭𑀲𑁄𑀢𑀺? 𑀆𑀫𑀦𑁆𑀢𑀸.

(𑀓) 𑀨𑁄𑀝𑁆𑀞𑀩𑁆𑀩𑁄 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀔) 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁 𑀨𑁄𑀝𑁆𑀞𑀩𑁆𑀩𑁄𑀢𑀺? 𑀆𑀫𑀦𑁆𑀢𑀸.

(𑀓) 𑀫𑀦𑁄 𑀫𑀦𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀔) 𑀫𑀦𑀸𑀬𑀢𑀦𑀁 𑀫𑀦𑁄𑀢𑀺? 𑀆𑀫𑀦𑁆𑀢𑀸.

(𑀓) 𑀥𑀫𑁆𑀫𑁄 𑀥𑀫𑁆𑀫𑀸𑀬𑀢𑀦𑀦𑁆𑀢𑀺?

𑀥𑀫𑁆𑀫𑀸𑀬𑀢𑀦𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑁄 𑀥𑀫𑁆𑀫𑁄, 𑀦 𑀥𑀫𑁆𑀫𑀸𑀬𑀢𑀦𑀁. 𑀥𑀫𑁆𑀫𑀸𑀬𑀢𑀦𑀁 𑀥𑀫𑁆𑀫𑁄 𑀘𑁂𑀯 𑀥𑀫𑁆𑀫𑀸𑀬𑀢𑀦𑀜𑁆𑀘.

(𑀔) 𑀥𑀫𑁆𑀫𑀸𑀬𑀢𑀦𑀁 𑀥𑀫𑁆𑀫𑁄𑀢𑀺? 𑀆𑀫𑀦𑁆𑀢𑀸.

(𑀔) 𑀧𑀘𑁆𑀘𑀦𑀻𑀓𑀁

𑁧𑁧. (𑀓) 𑀦 𑀘𑀓𑁆𑀔𑀼 𑀦 𑀘𑀓𑁆𑀔𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀔) 𑀦 𑀘𑀓𑁆𑀔𑀸𑀬𑀢𑀦𑀁 𑀦 𑀘𑀓𑁆𑀔𑀽𑀢𑀺?

𑀤𑀺𑀩𑁆𑀩𑀘𑀓𑁆𑀔𑀼 𑀧𑀜𑁆𑀜𑀸𑀘𑀓𑁆𑀔𑀼 𑀦 𑀘𑀓𑁆𑀔𑀸𑀬𑀢𑀦𑀁, 𑀘𑀓𑁆𑀔𑀼. 𑀘𑀓𑁆𑀔𑀼𑀜𑁆𑀘 𑀘𑀓𑁆𑀔𑀸𑀬𑀢𑀦𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀁 [𑀅𑀯𑀲𑁂𑀲𑀸 (𑀲𑁆𑀬𑀸. 𑀧𑀻.)] 𑀦 𑀘𑁂𑀯 𑀘𑀓𑁆𑀔𑀼 𑀦 𑀘 𑀘𑀓𑁆𑀔𑀸𑀬𑀢𑀦𑀁.

(𑀓) 𑀦 𑀲𑁄𑀢𑀁 𑀦 𑀲𑁄𑀢𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀔) 𑀦 𑀲𑁄𑀢𑀸𑀬𑀢𑀦𑀁 𑀦 𑀲𑁄𑀢𑀦𑁆𑀢𑀺?

𑀤𑀺𑀩𑁆𑀩𑀲𑁄𑀢𑀁 𑀢𑀡𑁆𑀳𑀸𑀲𑁄𑀢𑀁 𑀦 𑀲𑁄𑀢𑀸𑀬𑀢𑀦𑀁, 𑀲𑁄𑀢𑀁. 𑀲𑁄𑀢𑀜𑁆𑀘 𑀲𑁄𑀢𑀸𑀬𑀢𑀦𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀁 𑀦 𑀘𑁂𑀯 𑀲𑁄𑀢𑀁 𑀦 𑀘 𑀲𑁄𑀢𑀸𑀬𑀢𑀦𑀁.

(𑀓) 𑀦 𑀖𑀸𑀦𑀁 𑀦 𑀖𑀸𑀦𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀔) 𑀦 𑀖𑀸𑀦𑀸𑀬𑀢𑀦𑀁 𑀦 𑀖𑀸𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀓) 𑀦 𑀚𑀺𑀯𑁆𑀳𑀸 𑀦 𑀚𑀺𑀯𑁆𑀳𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀔) 𑀦 𑀚𑀺𑀯𑁆𑀳𑀸𑀬𑀢𑀦𑀁 𑀦 𑀚𑀺𑀯𑁆𑀳𑀸𑀢𑀺? 𑀆𑀫𑀦𑁆𑀢𑀸.

(𑀓) 𑀦 𑀓𑀸𑀬𑁄 𑀦 𑀓𑀸𑀬𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀔) 𑀦 𑀓𑀸𑀬𑀸𑀬𑀢𑀦𑀁 𑀦 𑀓𑀸𑀬𑁄𑀢𑀺?

𑀓𑀸𑀬𑀸𑀬𑀢𑀦𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑁄 𑀦 𑀓𑀸𑀬𑀸𑀬𑀢𑀦𑀁, 𑀓𑀸𑀬𑁄. 𑀓𑀸𑀬𑀜𑁆𑀘 𑀓𑀸𑀬𑀸𑀬𑀢𑀦𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀁 [𑀅𑀯𑀲𑁂𑀲𑁄 (𑀲𑁆𑀬𑀸.)] 𑀦 𑀘𑁂𑀯 𑀓𑀸𑀬𑁄 𑀦 𑀘 𑀓𑀸𑀬𑀸𑀬𑀢𑀦𑀁.

(𑀓) 𑀦 𑀭𑀽𑀧𑀁 𑀦 𑀭𑀽𑀧𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀔) 𑀦 𑀭𑀽𑀧𑀸𑀬𑀢𑀦𑀁 𑀦 𑀭𑀽𑀧𑀦𑁆𑀢𑀺?

𑀭𑀽𑀧𑀸𑀬𑀢𑀦𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀁 𑀦 𑀭𑀽𑀧𑀸𑀬𑀢𑀦𑀁, 𑀭𑀽𑀧𑀁. 𑀭𑀽𑀧𑀜𑁆𑀘 𑀭𑀽𑀧𑀸𑀬𑀢𑀦𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀁 𑀦 𑀘𑁂𑀯 𑀭𑀽𑀧𑀁 𑀦 𑀘 𑀭𑀽𑀧𑀸𑀬𑀢𑀦𑀁.

(𑀓) 𑀦 𑀲𑀤𑁆𑀤𑁄 𑀦 𑀲𑀤𑁆𑀤𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀔) 𑀦 𑀲𑀤𑁆𑀤𑀸𑀬𑀢𑀦𑀁 𑀦 𑀲𑀤𑁆𑀤𑁄𑀢𑀺? 𑀆𑀫𑀦𑁆𑀢𑀸.

(𑀓) 𑀦 𑀕𑀦𑁆𑀥𑁄 𑀦 𑀕𑀦𑁆𑀥𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀔) 𑀦 𑀕𑀦𑁆𑀥𑀸𑀬𑀢𑀦𑀁 𑀦 𑀕𑀦𑁆𑀥𑁄𑀢𑀺?

𑀲𑀻𑀮𑀕𑀦𑁆𑀥𑁄 𑀲𑀫𑀸𑀥𑀺𑀕𑀦𑁆𑀥𑁄 𑀧𑀜𑁆𑀜𑀸𑀕𑀦𑁆𑀥𑁄 𑀦 𑀕𑀦𑁆𑀥𑀸𑀬𑀢𑀦𑀁, 𑀕𑀦𑁆𑀥𑁄. 𑀕𑀦𑁆𑀥𑀜𑁆𑀘 𑀕𑀦𑁆𑀥𑀸𑀬𑀢𑀦𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀁 [𑀅𑀯𑀲𑁂𑀲𑀸 (𑀲𑁆𑀬𑀸.)] 𑀦 𑀘𑁂𑀯 𑀕𑀦𑁆𑀥𑁄 𑀦 𑀘 𑀕𑀦𑁆𑀥𑀸𑀬𑀢𑀦𑀁.

(𑀓) 𑀦 𑀭𑀲𑁄 𑀦 𑀭𑀲𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀔) 𑀦 𑀭𑀲𑀸𑀬𑀢𑀦𑀁 𑀦 𑀭𑀲𑁄𑀢𑀺?

𑀅𑀢𑁆𑀣𑀭𑀲𑁄 𑀥𑀫𑁆𑀫𑀭𑀲𑁄 𑀯𑀺𑀫𑀼𑀢𑁆𑀢𑀺𑀭𑀲𑁄 𑀦 𑀭𑀲𑀸𑀬𑀢𑀦𑀁, 𑀭𑀲𑁄. 𑀭𑀲𑀜𑁆𑀘 𑀭𑀲𑀸𑀬𑀢𑀦𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀁 𑀦 𑀘𑁂𑀯 𑀭𑀲𑁄 𑀦 𑀘 𑀭𑀲𑀸𑀬𑀢𑀦𑀁.

(𑀓) 𑀦 𑀨𑁄𑀝𑁆𑀞𑀩𑁆𑀩𑁄 𑀦 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀔) 𑀦 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁 𑀦 𑀨𑁄𑀝𑁆𑀞𑀩𑁆𑀩𑁄𑀢𑀺? 𑀆𑀫𑀦𑁆𑀢𑀸.

(𑀓) 𑀦 𑀫𑀦𑁄 𑀦 𑀫𑀦𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀔) 𑀦 𑀫𑀦𑀸𑀬𑀢𑀦𑀁 𑀦 𑀫𑀦𑁄𑀢𑀺? 𑀆𑀫𑀦𑁆𑀢𑀸.

(𑀓) 𑀦 𑀥𑀫𑁆𑀫𑁄 𑀦 𑀥𑀫𑁆𑀫𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀔) 𑀦 𑀥𑀫𑁆𑀫𑀸𑀬𑀢𑀦𑀁 𑀦 𑀥𑀫𑁆𑀫𑁄𑀢𑀺?

𑀥𑀫𑁆𑀫𑀸𑀬𑀢𑀦𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑁄 𑀦 𑀥𑀫𑁆𑀫𑀸𑀬𑀢𑀦𑀁, 𑀥𑀫𑁆𑀫𑁄. 𑀥𑀫𑁆𑀫𑀜𑁆𑀘 𑀥𑀫𑁆𑀫𑀸𑀬𑀢𑀦𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀁 𑀦 𑀘𑁂𑀯 𑀥𑀫𑁆𑀫𑁄 𑀦 𑀘 𑀥𑀫𑁆𑀫𑀸𑀬𑀢𑀦𑀁.