𑁨. 𑀧𑀤𑀲𑁄𑀥𑀦𑀫𑀽𑀮𑀘𑀓𑁆𑀓𑀯𑀸𑀭𑁄

(𑀓) 𑀅𑀦𑀼𑀮𑁄𑀫𑀁

𑁧𑁨. (𑀓) 𑀘𑀓𑁆𑀔𑀼 𑀘𑀓𑁆𑀔𑀸𑀬𑀢𑀦𑀦𑁆𑀢𑀺?

𑀤𑀺𑀩𑁆𑀩𑀘𑀓𑁆𑀔𑀼 𑀧𑀜𑁆𑀜𑀸𑀘𑀓𑁆𑀔𑀼 𑀘𑀓𑁆𑀔𑀼, 𑀦 𑀘𑀓𑁆𑀔𑀸𑀬𑀢𑀦𑀁. 𑀘𑀓𑁆𑀔𑀸𑀬𑀢𑀦𑀁 𑀘𑀓𑁆𑀔𑀼 𑀘𑁂𑀯 𑀘𑀓𑁆𑀔𑀸𑀬𑀢𑀦𑀜𑁆𑀘…𑀧𑁂….

(𑀔) 𑀆𑀬𑀢𑀦𑀸 𑀲𑁄𑀢𑀸𑀬𑀢𑀦𑀦𑁆𑀢𑀺?

𑀲𑁄𑀢𑀸𑀬𑀢𑀦𑀁 𑀆𑀬𑀢𑀦𑀜𑁆𑀘𑁂𑀯 𑀲𑁄𑀢𑀸𑀬𑀢𑀦𑀜𑁆𑀘. 𑀅𑀯𑀲𑁂𑀲𑀸 𑀆𑀬𑀢𑀦𑀸 𑀦 𑀲𑁄𑀢𑀸𑀬𑀢𑀦𑀁.

𑀘𑀓𑁆𑀔𑀼 𑀘𑀓𑁆𑀔𑀸𑀬𑀢𑀦𑀦𑁆𑀢𑀺?

𑀤𑀺𑀩𑁆𑀩𑀘𑀓𑁆𑀔𑀼 𑀧𑀜𑁆𑀜𑀸𑀘𑀓𑁆𑀔𑀼 𑀘𑀓𑁆𑀔𑀼, 𑀦 𑀘𑀓𑁆𑀔𑀸𑀬𑀢𑀦𑀁. 𑀘𑀓𑁆𑀔𑀸𑀬𑀢𑀦𑀁 𑀘𑀓𑁆𑀔𑀼 𑀘𑁂𑀯 𑀘𑀓𑁆𑀔𑀸𑀬𑀢𑀦𑀜𑁆𑀘…𑀧𑁂….

𑀆𑀬𑀢𑀦𑀸 𑀖𑀸𑀦𑀸𑀬𑀢𑀦𑀦𑁆𑀢𑀺…𑀧𑁂… 𑀆𑀬𑀢𑀦𑀸 𑀥𑀫𑁆𑀫𑀸𑀬𑀢𑀦𑀦𑁆𑀢𑀺?

𑀥𑀫𑁆𑀫𑀸𑀬𑀢𑀦𑀁 𑀆𑀬𑀢𑀦𑀜𑁆𑀘𑁂𑀯 𑀥𑀫𑁆𑀫𑀸𑀬𑀢𑀦𑀜𑁆𑀘. 𑀅𑀯𑀲𑁂𑀲𑀸 𑀆𑀬𑀢𑀦𑀸 𑀦 𑀥𑀫𑁆𑀫𑀸𑀬𑀢𑀦𑀁.

𑀲𑁄𑀢𑀁 𑀲𑁄𑀢𑀸𑀬𑀢𑀦𑀦𑁆𑀢𑀺?…𑀧𑁂… 𑀅𑀯𑀲𑁂𑀲𑀸 𑀆𑀬𑀢𑀦𑀸 𑀦 𑀥𑀫𑁆𑀫𑀸𑀬𑀢𑀦𑀁…𑀧𑁂….

𑀥𑀫𑁆𑀫𑁄 𑀥𑀫𑁆𑀫𑀸𑀬𑀢𑀦𑀦𑁆𑀢𑀺?

𑀥𑀫𑁆𑀫𑀸𑀬𑀢𑀦𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑁄 𑀥𑀫𑁆𑀫𑁄, 𑀦 𑀥𑀫𑁆𑀫𑀸𑀬𑀢𑀦𑀁. 𑀥𑀫𑁆𑀫𑀸𑀬𑀢𑀦𑀁 𑀥𑀫𑁆𑀫𑁄 𑀘𑁂𑀯 𑀥𑀫𑁆𑀫𑀸𑀬𑀢𑀦𑀜𑁆𑀘…𑀧𑁂….

𑀆𑀬𑀢𑀦𑀸 𑀘𑀓𑁆𑀔𑀸𑀬𑀢𑀦𑀦𑁆𑀢𑀺?

𑀘𑀓𑁆𑀔𑀸𑀬𑀢𑀦𑀁 𑀆𑀬𑀢𑀦𑀜𑁆𑀘𑁂𑀯 𑀘𑀓𑁆𑀔𑀸𑀬𑀢𑀦𑀜𑁆𑀘. 𑀅𑀯𑀲𑁂𑀲𑀸 𑀆𑀬𑀢𑀦𑀸 𑀦 𑀘𑀓𑁆𑀔𑀸𑀬𑀢𑀦𑀁.

𑀥𑀫𑁆𑀫𑁄 𑀥𑀫𑁆𑀫𑀸𑀬𑀢𑀦𑀦𑁆𑀢𑀺?

𑀥𑀫𑁆𑀫𑀸𑀬𑀢𑀦𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑁄 𑀥𑀫𑁆𑀫𑁄, 𑀦 𑀥𑀫𑁆𑀫𑀸𑀬𑀢𑀦𑀁. 𑀥𑀫𑁆𑀫𑀸𑀬𑀢𑀦𑀁 𑀥𑀫𑁆𑀫𑁄 𑀘𑁂𑀯 𑀥𑀫𑁆𑀫𑀸𑀬𑀢𑀦𑀜𑁆𑀘.

𑀆𑀬𑀢𑀦𑀸 𑀲𑁄𑀢𑀸𑀬𑀢𑀦𑀦𑁆𑀢𑀺…𑀧𑁂… 𑀆𑀬𑀢𑀦𑀸 𑀫𑀦𑀸𑀬𑀢𑀦𑀦𑁆𑀢𑀺?

𑀫𑀦𑀸𑀬𑀢𑀦𑀁 𑀆𑀬𑀢𑀦𑀜𑁆𑀘𑁂𑀯 𑀫𑀦𑀸𑀬𑀢𑀦𑀜𑁆𑀘. 𑀅𑀯𑀲𑁂𑀲𑀸 𑀆𑀬𑀢𑀦𑀸 𑀦 𑀫𑀦𑀸𑀬𑀢𑀦𑀁.

(𑀏𑀓𑁂𑀓𑀧𑀤𑀫𑀽𑀮𑀓𑀁 𑀘𑀓𑁆𑀓𑀁 𑀩𑀦𑁆𑀥𑀺𑀢𑀩𑁆𑀩𑀁 𑀅𑀲𑀫𑁆𑀫𑁄𑀳𑀦𑁆𑀢𑁂𑀦).

(𑀔) 𑀧𑀘𑁆𑀘𑀦𑀻𑀓𑀁

𑁧𑁩. (𑀓) 𑀦 𑀘𑀓𑁆𑀔𑀼 𑀦 𑀘𑀓𑁆𑀔𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀔) 𑀦𑀸𑀬𑀢𑀦𑀸 𑀦 𑀲𑁄𑀢𑀸𑀬𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀓) 𑀦 𑀘𑀓𑁆𑀔𑀼 𑀦 𑀘𑀓𑁆𑀔𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀔) 𑀦𑀸𑀬𑀢𑀦𑀸 𑀦 𑀖𑀸𑀦𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.…𑀧𑁂….

𑀦𑀸𑀬𑀢𑀦𑀸 𑀦 𑀥𑀫𑁆𑀫𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

𑀦 𑀲𑁄𑀢𑀁 𑀦 𑀲𑁄𑀢𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

𑀦𑀸𑀬𑀢𑀦𑀸 𑀦 𑀘𑀓𑁆𑀔𑀸𑀬𑀢𑀦𑀁…𑀧𑁂… 𑀦𑀸𑀬𑀢𑀦𑀸 𑀦 𑀥𑀫𑁆𑀫𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

𑀦 𑀖𑀸𑀦𑀁 𑀦 𑀖𑀸𑀦𑀸𑀬𑀢𑀦𑀁…𑀧𑁂… 𑀦𑀸𑀬𑀢𑀦𑀸 𑀦 𑀥𑀫𑁆𑀫𑀸𑀬𑀢𑀦𑀦𑁆𑀢𑀺?

𑀆𑀫𑀦𑁆𑀢𑀸.…𑀧𑁂….

(𑀓) 𑀦 𑀥𑀫𑁆𑀫𑁄 𑀦 𑀥𑀫𑁆𑀫𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀔) 𑀦𑀸𑀬𑀢𑀦𑀸 𑀦 𑀘𑀓𑁆𑀔𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

𑀦 𑀥𑀫𑁆𑀫𑁄 𑀦 𑀥𑀫𑁆𑀫𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

𑀦𑀸𑀬𑀢𑀦𑀸 𑀦 𑀲𑁄𑀢𑀸𑀬𑀢𑀦𑀁…𑀧𑁂… 𑀦𑀸𑀬𑀢𑀦𑀸 𑀦 𑀫𑀦𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸.

(𑀘𑀓𑁆𑀓𑀁 𑀩𑀦𑁆𑀥𑀦𑁆𑀢𑁂𑀦 𑀲𑀩𑁆𑀩𑀢𑁆𑀣 𑀆𑀫𑀦𑁆𑀢𑀸𑀢𑀺 𑀓𑀸𑀢𑀩𑁆𑀩𑀁).