𑁫. 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀦𑀸𑀕𑀢𑀯𑀸𑀭𑁄

𑁨𑁧𑁦. (𑀓) 𑀬𑁄 𑀭𑀽𑀧𑀓𑁆𑀔𑀦𑁆𑀥𑀁 𑀧𑀭𑀺𑀚𑀸𑀦𑀸𑀢𑀺 𑀲𑁄 𑀯𑁂𑀤𑀦𑀸𑀓𑁆𑀔𑀦𑁆𑀥𑀁 𑀧𑀭𑀺𑀚𑀸𑀦𑀺𑀲𑁆𑀲𑀢𑀻𑀢𑀺? 𑀦𑁄.

(𑀔) 𑀬𑁄 𑀯𑀸 𑀧𑀦 𑀯𑁂𑀤𑀦𑀸𑀓𑁆𑀔𑀦𑁆𑀥𑀁 𑀧𑀭𑀺𑀚𑀸𑀦𑀺𑀲𑁆𑀲𑀢𑀺 𑀲𑁄 𑀭𑀽𑀧𑀓𑁆𑀔𑀦𑁆𑀥𑀁 𑀧𑀭𑀺𑀚𑀸𑀦𑀸𑀢𑀻𑀢𑀺? 𑀦𑁄.

(𑀓) 𑀬𑁄 𑀭𑀽𑀧𑀓𑁆𑀔𑀦𑁆𑀥𑀁 𑀦 𑀧𑀭𑀺𑀚𑀸𑀦𑀸𑀢𑀺 𑀲𑁄 𑀯𑁂𑀤𑀦𑀸𑀓𑁆𑀔𑀦𑁆𑀥𑀁 𑀦 𑀧𑀭𑀺𑀚𑀸𑀦𑀺𑀲𑁆𑀲𑀢𑀻𑀢𑀺?

𑀬𑁂 𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂 𑀭𑀽𑀧𑀓𑁆𑀔𑀦𑁆𑀥𑀁 𑀦 𑀧𑀭𑀺𑀚𑀸𑀦𑀦𑁆𑀢𑀺, 𑀦𑁄 𑀘 𑀯𑁂𑀤𑀦𑀸𑀓𑁆𑀔𑀦𑁆𑀥𑀁 𑀦 𑀧𑀭𑀺𑀚𑀸𑀦𑀺𑀲𑁆𑀲𑀦𑁆𑀢𑀺. 𑀅𑀭𑀳𑀸 𑀬𑁂 𑀘 𑀧𑀼𑀣𑀼𑀚𑁆𑀚𑀦𑀸 𑀫𑀕𑁆𑀕𑀁 𑀦 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂 𑀭𑀽𑀧𑀓𑁆𑀔𑀦𑁆𑀥𑀜𑁆𑀘 𑀦 𑀧𑀭𑀺𑀚𑀸𑀦𑀦𑁆𑀢𑀺 𑀯𑁂𑀤𑀦𑀸𑀓𑁆𑀔𑀦𑁆𑀥𑀜𑁆𑀘 𑀦 𑀧𑀭𑀺𑀚𑀸𑀦𑀺𑀲𑁆𑀲𑀦𑁆𑀢𑀺.

(𑀔) 𑀬𑁄 𑀯𑀸 𑀧𑀦 𑀯𑁂𑀤𑀦𑀸𑀓𑁆𑀔𑀦𑁆𑀥𑀁 𑀦 𑀧𑀭𑀺𑀚𑀸𑀦𑀺𑀲𑁆𑀲𑀢𑀺 𑀲𑁄 𑀭𑀽𑀧𑀓𑁆𑀔𑀦𑁆𑀥𑀁 𑀦 𑀧𑀭𑀺𑀚𑀸𑀦𑀸𑀢𑀻𑀢𑀺?

𑀅𑀕𑁆𑀕𑀫𑀕𑁆𑀕𑀲𑀫𑀗𑁆𑀕𑀻 𑀯𑁂𑀤𑀦𑀸𑀓𑁆𑀔𑀦𑁆𑀥𑀁 𑀦 𑀧𑀭𑀺𑀚𑀸𑀦𑀺𑀲𑁆𑀲𑀢𑀺, 𑀦𑁄 𑀘 𑀭𑀽𑀧𑀓𑁆𑀔𑀦𑁆𑀥𑀁 𑀦 𑀧𑀭𑀺𑀚𑀸𑀦𑀸𑀢𑀺. 𑀅𑀭𑀳𑀸 𑀬𑁂 𑀘 𑀧𑀼𑀣𑀼𑀚𑁆𑀚𑀦𑀸 𑀫𑀕𑁆𑀕𑀁 𑀦 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂 𑀯𑁂𑀤𑀦𑀸𑀓𑁆𑀔𑀦𑁆𑀥𑀜𑁆𑀘 𑀦 𑀧𑀭𑀺𑀚𑀸𑀦𑀺𑀲𑁆𑀲𑀦𑁆𑀢𑀺 𑀭𑀽𑀧𑀓𑁆𑀔𑀦𑁆𑀥𑀜𑁆𑀘 𑀦 𑀧𑀭𑀺𑀚𑀸𑀦𑀦𑁆𑀢𑀺.