𑁬. 𑀅𑀢𑀻𑀢𑀸𑀦𑀸𑀕𑀢𑀯𑀸𑀭𑁄

𑁨𑁧𑁧. (𑀓) 𑀬𑁄 𑀭𑀽𑀧𑀓𑁆𑀔𑀦𑁆𑀥𑀁 𑀧𑀭𑀺𑀚𑀸𑀦𑀺𑀢𑁆𑀣 𑀲𑁄 𑀯𑁂𑀤𑀦𑀸𑀓𑁆𑀔𑀦𑁆𑀥𑀁 𑀧𑀭𑀺𑀚𑀸𑀦𑀺𑀲𑁆𑀲𑀢𑀻𑀢𑀺? 𑀦𑁄.

(𑀔) 𑀬𑁄 𑀯𑀸 𑀧𑀦 𑀯𑁂𑀤𑀦𑀸𑀓𑁆𑀔𑀦𑁆𑀥𑀁 𑀧𑀭𑀺𑀚𑀸𑀦𑀺𑀲𑁆𑀲𑀢𑀺 𑀲𑁄 𑀭𑀽𑀧𑀓𑁆𑀔𑀦𑁆𑀥𑀁 𑀧𑀭𑀺𑀚𑀸𑀦𑀺𑀢𑁆𑀣𑀸𑀢𑀺? 𑀦𑁄.

(𑀓) 𑀬𑁄 𑀭𑀽𑀧𑀓𑁆𑀔𑀦𑁆𑀥𑀁 𑀦 𑀧𑀭𑀺𑀚𑀸𑀦𑀺𑀢𑁆𑀣 𑀲𑁄 𑀯𑁂𑀤𑀦𑀸𑀓𑁆𑀔𑀦𑁆𑀥𑀁 𑀦 𑀧𑀭𑀺𑀚𑀸𑀦𑀺𑀲𑁆𑀲𑀢𑀻𑀢𑀺?

𑀬𑁂 𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂 𑀭𑀽𑀧𑀓𑁆𑀔𑀦𑁆𑀥𑀁 𑀦 𑀧𑀭𑀺𑀚𑀸𑀦𑀺𑀢𑁆𑀣, 𑀦𑁄 𑀘 𑀯𑁂𑀤𑀦𑀸𑀓𑁆𑀔𑀦𑁆𑀥𑀁 𑀦 𑀧𑀭𑀺𑀚𑀸𑀦𑀺𑀲𑁆𑀲𑀦𑁆𑀢𑀺. 𑀅𑀕𑁆𑀕𑀫𑀕𑁆𑀕𑀲𑀫𑀗𑁆𑀕𑀻 𑀬𑁂 𑀘 𑀧𑀼𑀣𑀼𑀚𑁆𑀚𑀦𑀸 𑀫𑀕𑁆𑀕𑀁 𑀦 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂 𑀭𑀽𑀧𑀓𑁆𑀔𑀦𑁆𑀥𑀜𑁆𑀘 𑀦 𑀧𑀭𑀺𑀚𑀸𑀦𑀺𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑀜𑁆𑀘 𑀦 𑀧𑀭𑀺𑀚𑀸𑀦𑀺𑀲𑁆𑀲𑀦𑁆𑀢𑀺.

(𑀔) 𑀬𑁄 𑀯𑀸 𑀧𑀦 𑀯𑁂𑀤𑀦𑀸𑀓𑁆𑀔𑀦𑁆𑀥𑀁 𑀦 𑀧𑀭𑀺𑀚𑀸𑀦𑀺𑀲𑁆𑀲𑀢𑀺 𑀲𑁄 𑀭𑀽𑀧𑀓𑁆𑀔𑀦𑁆𑀥𑀁 𑀦 𑀧𑀭𑀺𑀚𑀸𑀦𑀺𑀢𑁆𑀣𑀸𑀢𑀺?

𑀅𑀭𑀳𑀸 𑀯𑁂𑀤𑀦𑀸𑀓𑁆𑀔𑀦𑁆𑀥𑀁 𑀦 𑀧𑀭𑀺𑀚𑀸𑀦𑀺𑀲𑁆𑀲𑀢𑀺, 𑀦𑁄 𑀘 𑀭𑀽𑀧𑀓𑁆𑀔𑀦𑁆𑀥𑀁 𑀦 𑀧𑀭𑀺𑀚𑀸𑀦𑀺𑀢𑁆𑀣. 𑀅𑀕𑁆𑀕𑀫𑀕𑁆𑀕𑀲𑀫𑀗𑁆𑀕𑀻 𑀬𑁂 𑀘 𑀧𑀼𑀣𑀼𑀚𑁆𑀚𑀦𑀸 𑀫𑀕𑁆𑀕𑀁 𑀦 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂 𑀯𑁂𑀤𑀦𑀸𑀓𑁆𑀔𑀦𑁆𑀥𑀜𑁆𑀘 𑀦 𑀧𑀭𑀺𑀚𑀸𑀦𑀺𑀲𑁆𑀲𑀦𑁆𑀢𑀺 𑀭𑀽𑀧𑀓𑁆𑀔𑀦𑁆𑀥𑀜𑁆𑀘 𑀦 𑀧𑀭𑀺𑀚𑀸𑀦𑀺𑀢𑁆𑀣.

𑀧𑀭𑀺𑀜𑁆𑀜𑀸𑀯𑀸𑀭𑁄.

𑀔𑀦𑁆𑀥𑀬𑀫𑀓𑀧𑀸𑀴𑀺 𑀦𑀺𑀝𑁆𑀞𑀺𑀢𑀸.

𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲