(𑁩𑁪. 𑀓) 𑀫𑀼𑀝𑁆𑀞𑀲𑁆𑀲𑀘𑁆𑀘𑀁

𑁯𑁩𑁫. 𑀢𑀢𑁆𑀣 𑀓𑀢𑀫𑀁 𑀫𑀼𑀝𑁆𑀞𑀲𑁆𑀲𑀘𑁆𑀘𑀁? 𑀬𑀸 𑀅𑀲𑁆𑀲𑀢𑀺 𑀅𑀦𑀦𑀼𑀲𑁆𑀲𑀢𑀺 𑀅𑀧𑁆𑀧𑀝𑀺𑀲𑁆𑀲𑀢𑀺 𑀅𑀲𑁆𑀲𑀢𑀺 𑀅𑀲𑁆𑀲𑀭𑀡𑀢𑀸 𑀅𑀥𑀸𑀭𑀡𑀢𑀸 𑀧𑀺𑀮𑀸𑀧𑀦𑀢𑀸 𑀲𑀫𑁆𑀫𑀼𑀲𑀦𑀢𑀸 𑁋 𑀇𑀤𑀁 𑀯𑀼𑀘𑁆𑀘𑀢𑀺 ‘‘𑀫𑀼𑀝𑁆𑀞𑀲𑁆𑀲𑀘𑁆𑀘𑀁’’.

(𑀔) 𑀅𑀲𑀫𑁆𑀧𑀚𑀜𑁆𑀜𑀁

𑀢𑀢𑁆𑀣 𑀓𑀢𑀫𑀁 𑀅𑀲𑀫𑁆𑀧𑀚𑀜𑁆𑀜𑀁? 𑀬𑀁 𑀅𑀜𑁆𑀜𑀸𑀡𑀁 𑀅𑀤𑀲𑁆𑀲𑀦𑀁 …𑀧𑁂… 𑀅𑀯𑀺𑀚𑁆𑀚𑀸𑀮𑀗𑁆𑀕𑀻 𑀫𑁄𑀳𑁄 𑀅𑀓𑀼𑀲𑀮𑀫𑀽𑀮𑀁 𑁋 𑀇𑀤𑀁 𑀯𑀼𑀘𑁆𑀘𑀢𑀺 ‘‘𑀅𑀲𑀫𑁆𑀧𑀚𑀜𑁆𑀜𑀁’’.

(𑀕) 𑀘𑁂𑀢𑀲𑁄 𑀯𑀺𑀓𑁆𑀔𑁂𑀧𑁄

𑀢𑀢𑁆𑀣 𑀓𑀢𑀫𑁄 𑀘𑁂𑀢𑀲𑁄 𑀯𑀺𑀓𑁆𑀔𑁂𑀧𑁄? 𑀬𑀁 𑀘𑀺𑀢𑁆𑀢𑀲𑁆𑀲 𑀉𑀤𑁆𑀥𑀘𑁆𑀘𑀁 𑀅𑀯𑀽𑀧𑀲𑀫𑁄 𑀘𑁂𑀢𑀲𑁄 𑀯𑀺𑀓𑁆𑀔𑁂𑀧𑁄 𑀪𑀦𑁆𑀢𑀢𑁆𑀢𑀁 𑀘𑀺𑀢𑁆𑀢𑀲𑁆𑀲 𑁋 𑀅𑀬𑀁 𑀯𑀼𑀘𑁆𑀘𑀢𑀺 ‘‘𑀘𑁂𑀢𑀲𑁄 𑀯𑀺𑀓𑁆𑀔𑁂𑀧𑁄’’.