(𑁧𑁭) 𑀲𑀻𑀮𑀯𑀺𑀧𑀢𑁆𑀢𑀺 𑀘 𑀤𑀺𑀝𑁆𑀞𑀺𑀯𑀺𑀧𑀢𑁆𑀢𑀺 𑀘

𑁯𑁦𑁭. (𑀓) 𑀢𑀢𑁆𑀣 𑀓𑀢𑀫𑀸 𑀲𑀻𑀮𑀯𑀺𑀧𑀢𑁆𑀢𑀺? 𑀬𑁄 𑀓𑀸𑀬𑀺𑀓𑁄 𑀯𑀻𑀢𑀺𑀓𑁆𑀓𑀫𑁄 𑀯𑀸𑀘𑀲𑀺𑀓𑁄 𑀯𑀻𑀢𑀺𑀓𑁆𑀓𑀫𑁄 𑀓𑀸𑀬𑀺𑀓𑀯𑀸𑀘𑀲𑀺𑀓𑁄 𑀯𑀻𑀢𑀺𑀓𑁆𑀓𑀫𑁄 𑁋 𑀅𑀬𑀁 𑀯𑀼𑀘𑁆𑀘𑀢𑀺 ‘‘𑀲𑀻𑀮𑀯𑀺𑀧𑀢𑁆𑀢𑀺’’. 𑀲𑀩𑁆𑀩𑀫𑁆𑀧𑀺 𑀤𑀼𑀲𑁆𑀲𑀻𑀮𑁆𑀬𑀁 𑀲𑀻𑀮𑀯𑀺𑀧𑀢𑁆𑀢𑀺.

(𑀔) 𑀢𑀢𑁆𑀣 𑀓𑀢𑀫𑀸 𑀤𑀺𑀝𑁆𑀞𑀺𑀯𑀺𑀧𑀢𑁆𑀢𑀺? ‘‘𑀦𑀢𑁆𑀣𑀺 𑀤𑀺𑀦𑁆𑀦𑀁, 𑀦𑀢𑁆𑀣𑀺 𑀬𑀺𑀝𑁆𑀞𑀁…𑀧𑁂… 𑀬𑁂 𑀇𑀫𑀜𑁆𑀘 𑀮𑁄𑀓𑀁 𑀧𑀭𑀜𑁆𑀘 𑀮𑁄𑀓𑀁 𑀲𑀬𑀁 𑀅𑀪𑀺𑀜𑁆𑀜𑀸 𑀲𑀘𑁆𑀙𑀺𑀓𑀢𑁆𑀯𑀸 𑀧𑀯𑁂𑀤𑁂𑀦𑁆𑀢𑀻’’𑀢𑀺 𑁋 𑀬𑀸 𑀏𑀯𑀭𑀽𑀧𑀸 𑀤𑀺𑀝𑁆𑀞𑀺 𑀤𑀺𑀝𑁆𑀞𑀺𑀕𑀢𑀁…𑀧𑁂… 𑀯𑀺𑀧𑀭𑀺𑀬𑀸𑀲𑀕𑁆𑀕𑀸𑀳𑁄 𑁋 𑀅𑀬𑀁 𑀯𑀼𑀘𑁆𑀘𑀢𑀺 ‘‘𑀤𑀺𑀝𑁆𑀞𑀺𑀯𑀺𑀧𑀢𑁆𑀢𑀺’’. 𑀲𑀩𑁆𑀩𑀸𑀧𑀺 𑀫𑀺𑀘𑁆𑀙𑀸𑀤𑀺𑀝𑁆𑀞𑀺 𑀤𑀺𑀝𑁆𑀞𑀺𑀯𑀺𑀧𑀢𑁆𑀢𑀺.