(𑁧𑁧) 𑀤𑁄𑀯𑀘𑀲𑁆𑀲𑀢𑀸 𑀘 𑀧𑀸𑀧𑀫𑀺𑀢𑁆𑀢𑀢𑀸 𑀘

𑁯𑁦𑁧. (𑀓) 𑀢𑀢𑁆𑀣 𑀓𑀢𑀫𑀸 𑀤𑁄𑀯𑀘𑀲𑁆𑀲𑀢𑀸? 𑀲𑀳𑀥𑀫𑁆𑀫𑀺𑀓𑁂 𑀯𑀼𑀘𑁆𑀘𑀫𑀸𑀦𑁂 𑀤𑁄𑀯𑀘𑀲𑁆𑀲𑀸𑀬𑀁 𑀤𑁄𑀯𑀘𑀲𑁆𑀲𑀺𑀬𑀁 𑀤𑁄𑀯𑀘𑀲𑁆𑀲𑀢𑀸 𑀯𑀺𑀧𑁆𑀧𑀝𑀺𑀓𑀼𑀮𑀕𑁆𑀕𑀸𑀳𑀺𑀢𑀸 𑀯𑀺𑀧𑀘𑁆𑀘𑀦𑀻𑀓𑀲𑀸𑀢𑀢𑀸 𑀅𑀦𑀸𑀤𑀭𑀺𑀬𑀁 𑀅𑀦𑀸𑀤𑀭𑀢𑀸 𑀅𑀕𑀸𑀭𑀯𑀢𑀸 𑀅𑀧𑁆𑀧𑀢𑀺𑀲𑁆𑀲𑀯𑀢𑀸 𑁋 𑀅𑀬𑀁 𑀯𑀼𑀘𑁆𑀘𑀢𑀺 ‘‘𑀤𑁄𑀯𑀘𑀲𑁆𑀲𑀢𑀸’’.

(𑀔) 𑀢𑀢𑁆𑀣 𑀓𑀢𑀫𑀸 𑀧𑀸𑀧𑀫𑀺𑀢𑁆𑀢𑀢𑀸? 𑀬𑁂 𑀢𑁂 𑀧𑀼𑀕𑁆𑀕𑀮𑀸 𑀅𑀲𑁆𑀲𑀤𑁆𑀥𑀸 𑀤𑀼𑀲𑁆𑀲𑀻𑀮𑀸 𑀅𑀧𑁆𑀧𑀲𑁆𑀲𑀼𑀢𑀸 𑀫𑀘𑁆𑀙𑀭𑀺𑀦𑁄 𑀤𑀼𑀧𑁆𑀧𑀜𑁆𑀜𑀸, 𑀬𑀸 𑀢𑁂𑀲𑀁 𑀲𑁂𑀯𑀦𑀸 𑀦𑀺𑀲𑁂𑀯𑀦𑀸 𑀲𑀁𑀲𑁂𑀯𑀦𑀸 𑀪𑀚𑀦𑀸 𑀲𑀫𑁆𑀪𑀚𑀦𑀸 𑀪𑀢𑁆𑀢𑀺 𑀲𑀫𑁆𑀪𑀢𑁆𑀢𑀺 𑀲𑀫𑁆𑀧𑀯𑀗𑁆𑀓𑀢𑀸 𑁋 𑀅𑀬𑀁 𑀯𑀼𑀘𑁆𑀘𑀢𑀺 ‘‘𑀧𑀸𑀧𑀫𑀺𑀢𑁆𑀢𑀢𑀸’’.