𑁨𑁩. 𑀢𑁂𑀯𑀻𑀲𑀢𑀺𑀫𑀯𑀕𑁆𑀕𑁄

(𑁨𑁨𑁫) 𑁮. 𑀧𑀢𑀺𑀭𑀽𑀧𑀓𑀣𑀸

𑁯𑁧𑁫. 𑀅𑀢𑁆𑀣𑀺 𑀦 𑀭𑀸𑀕𑁄 𑀭𑀸𑀕𑀧𑀢𑀺𑀭𑀽𑀧𑀓𑁄𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀦 𑀨𑀲𑁆𑀲𑁄 𑀨𑀲𑁆𑀲𑀧𑀢𑀺𑀭𑀽𑀧𑀓𑁄, 𑀅𑀢𑁆𑀣𑀺 𑀦 𑀯𑁂𑀤𑀦𑀸 𑀯𑁂𑀤𑀦𑀸𑀧𑀢𑀺𑀭𑀽𑀧𑀺𑀓𑀸, 𑀅𑀢𑁆𑀣𑀺 𑀦 𑀲𑀜𑁆𑀜𑀸 𑀲𑀜𑁆𑀜𑀸𑀧𑀢𑀺𑀭𑀽𑀧𑀺𑀓𑀸, 𑀅𑀢𑁆𑀣𑀺 𑀦 𑀘𑁂𑀢𑀦𑀸 𑀘𑁂𑀢𑀦𑀸𑀧𑀢𑀺𑀭𑀽𑀧𑀺𑀓𑀸, 𑀅𑀢𑁆𑀣𑀺 𑀦 𑀘𑀺𑀢𑁆𑀢𑀁 𑀘𑀺𑀢𑁆𑀢𑀧𑀢𑀺𑀭𑀽𑀧𑀓𑀁, 𑀅𑀢𑁆𑀣𑀺 𑀦 𑀲𑀤𑁆𑀥𑀸 𑀲𑀤𑁆𑀥𑀸𑀧𑀢𑀺𑀭𑀽𑀧𑀺𑀓𑀸, 𑀅𑀢𑁆𑀣𑀺 𑀦 𑀯𑀻𑀭𑀺𑀬𑀁 𑀯𑀻𑀭𑀺𑀬𑀧𑀢𑀺𑀭𑀽𑀧𑀓𑀁, 𑀅𑀢𑁆𑀣𑀺 𑀦 𑀲𑀢𑀺 𑀲𑀢𑀺𑀧𑀢𑀺𑀭𑀽𑀧𑀺𑀓𑀸, 𑀅𑀢𑁆𑀣𑀺 𑀦 𑀲𑀫𑀸𑀥𑀺 𑀲𑀫𑀸𑀥𑀺𑀧𑀢𑀺𑀭𑀽𑀧𑀓𑁄, 𑀅𑀢𑁆𑀣𑀺 𑀦 𑀧𑀜𑁆𑀜𑀸 𑀧𑀜𑁆𑀜𑀸𑀧𑀢𑀺𑀭𑀽𑀧𑀺𑀓𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁯𑁧𑁬. 𑀅𑀢𑁆𑀣𑀺 𑀦 𑀤𑁄𑀲𑁄 𑀤𑁄𑀲𑀧𑀢𑀺𑀭𑀽𑀧𑀓𑁄, 𑀅𑀢𑁆𑀣𑀺 𑀦 𑀫𑁄𑀳𑁄 𑀫𑁄𑀳𑀧𑀢𑀺𑀭𑀽𑀧𑀓𑁄, 𑀅𑀢𑁆𑀣𑀺 𑀦 𑀓𑀺𑀮𑁂𑀲𑁄 𑀓𑀺𑀮𑁂𑀲𑀧𑀢𑀺𑀭𑀽𑀧𑀓𑁄𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀦 𑀨𑀲𑁆𑀲𑁄 𑀨𑀲𑁆𑀲𑀧𑀢𑀺𑀭𑀽𑀧𑀓𑁄…𑀧𑁂… 𑀅𑀢𑁆𑀣𑀺 𑀦 𑀧𑀜𑁆𑀜𑀸 𑀧𑀜𑁆𑀜𑀸𑀧𑀢𑀺𑀭𑀽𑀧𑀺𑀓𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀢𑀺𑀭𑀽𑀧𑀓𑀣𑀸 𑀦𑀺𑀝𑁆𑀞𑀺𑀢𑀸.