(𑁨𑁧𑁮) 𑁧. 𑀏𑀓𑀸𑀥𑀺𑀧𑁆𑀧𑀸𑀬𑀓𑀣𑀸

𑁯𑁦𑁮. 𑀏𑀓𑀸𑀥𑀺𑀧𑁆𑀧𑀸𑀬𑁂𑀦 𑀫𑁂𑀣𑀼𑀦𑁄 𑀥𑀫𑁆𑀫𑁄 𑀧𑀝𑀺𑀲𑁂𑀯𑀺𑀢𑀩𑁆𑀩𑁄𑀢𑀺? 𑀆𑀫𑀦𑁆𑀢𑀸. 𑀏𑀓𑀸𑀥𑀺𑀧𑁆𑀧𑀸𑀬𑁂𑀦 𑀅𑀲𑁆𑀲𑀫𑀡𑁂𑀦 𑀳𑁄𑀢𑀩𑁆𑀩𑀁, 𑀅𑀪𑀺𑀓𑁆𑀔𑀼𑀦𑀸 𑀳𑁄𑀢𑀩𑁆𑀩𑀁, 𑀙𑀺𑀦𑁆𑀦𑀫𑀽𑀮𑁂𑀦 𑀳𑁄𑀢𑀩𑁆𑀩𑀁 𑀧𑀸𑀭𑀸𑀚𑀺𑀓𑁂𑀦 𑀳𑁄𑀢𑀩𑁆𑀩𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀏𑀓𑀸𑀥𑀺𑀧𑁆𑀧𑀸𑀬𑁂𑀦 𑀫𑁂𑀣𑀼𑀦𑁄 𑀥𑀫𑁆𑀫𑁄 𑀧𑀝𑀺𑀲𑁂𑀯𑀺𑀢𑀩𑁆𑀩𑁄𑀢𑀺? 𑀆𑀫𑀦𑁆𑀢𑀸. 𑀏𑀓𑀸𑀥𑀺𑀧𑁆𑀧𑀸𑀬𑁂𑀦 𑀧𑀸𑀡𑁄 𑀳𑀦𑁆𑀢𑀩𑁆𑀩𑁄, 𑀅𑀤𑀺𑀦𑁆𑀦𑀁 𑀆𑀤𑀺𑀬𑀺𑀢𑀩𑁆𑀩𑀁, 𑀫𑀼𑀲𑀸 𑀪𑀡𑀺𑀢𑀩𑁆𑀩𑀸, 𑀧𑀺𑀲𑀼𑀡𑀁 𑀪𑀡𑀺𑀢𑀩𑁆𑀩𑀁, 𑀨𑀭𑀼𑀲𑀁 𑀪𑀡𑀺𑀢𑀩𑁆𑀩𑀁, 𑀲𑀫𑁆𑀨𑀁 𑀧𑀮𑀧𑀺𑀢𑀩𑁆𑀩𑀁, 𑀲𑀦𑁆𑀥𑀺 𑀙𑁂𑀤𑀺𑀢𑀩𑁆𑀩𑁄, 𑀦𑀺𑀮𑁆𑀮𑁄𑀧𑀁 𑀳𑀸𑀢𑀩𑁆𑀩𑀁, 𑀏𑀓𑀸𑀕𑀸𑀭𑀺𑀓𑀁 𑀓𑀸𑀢𑀩𑁆𑀩𑀁, 𑀧𑀭𑀺𑀧𑀦𑁆𑀣𑁂 𑀞𑀸𑀢𑀩𑁆𑀩𑀁, 𑀧𑀭𑀤𑀸𑀭𑁄 𑀕𑀦𑁆𑀢𑀩𑁆𑀩𑁄, 𑀕𑀸𑀫𑀖𑀸𑀢𑀓𑁄 𑀓𑀸𑀢𑀩𑁆𑀩𑁄, 𑀦𑀺𑀕𑀫𑀖𑀸𑀢𑀓𑁄 𑀓𑀸𑀢𑀩𑁆𑀩𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀏𑀓𑀸𑀥𑀺𑀧𑁆𑀧𑀸𑀬𑀓𑀣𑀸 𑀦𑀺𑀝𑁆𑀞𑀺𑀢𑀸.