𑁨𑁩. 𑀢𑁂𑀯𑀻𑀲𑀢𑀺𑀫𑀯𑀕𑁆𑀕𑁄

(𑁨𑁧𑁯) 𑁨. 𑀅𑀭𑀳𑀦𑁆𑀢𑀯𑀡𑁆𑀡𑀓𑀣𑀸

𑁯𑁦𑁯. 𑀅𑀭𑀳𑀦𑁆𑀢𑀸𑀦𑀁 𑀯𑀡𑁆𑀡𑁂𑀦 𑀅𑀫𑀦𑀼𑀲𑁆𑀲𑀸 𑀫𑁂𑀣𑀼𑀦𑀁 𑀥𑀫𑁆𑀫𑀁 𑀧𑀝𑀺𑀲𑁂𑀯𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀦𑁆𑀢𑀸𑀦𑀁 𑀯𑀡𑁆𑀡𑁂𑀦 𑀅𑀫𑀦𑀼𑀲𑁆𑀲𑀸 𑀧𑀸𑀡𑀁 𑀳𑀦𑀦𑁆𑀢𑀺…𑀧𑁂… 𑀅𑀤𑀺𑀦𑁆𑀦𑀁 𑀆𑀤𑀺𑀬𑀦𑁆𑀢𑀺, 𑀫𑀼𑀲𑀸 𑀪𑀡𑀦𑁆𑀢𑀺, 𑀧𑀺𑀲𑀼𑀡𑀁 𑀪𑀡𑀦𑁆𑀢𑀺, 𑀨𑀭𑀼𑀲𑀁 𑀪𑀡𑀦𑁆𑀢𑀺, 𑀲𑀫𑁆𑀨𑀁 𑀧𑀮𑀧𑀦𑁆𑀢𑀺, 𑀲𑀦𑁆𑀥𑀺𑀁 𑀙𑀺𑀦𑁆𑀤𑀦𑁆𑀢𑀺, 𑀦𑀺𑀮𑁆𑀮𑁄𑀧𑀁 𑀳𑀭𑀦𑁆𑀢𑀺, 𑀏𑀓𑀸𑀕𑀸𑀭𑀺𑀓𑀁 𑀓𑀭𑁄𑀦𑁆𑀢𑀺, 𑀧𑀭𑀺𑀧𑀦𑁆𑀣𑁂 𑀢𑀺𑀝𑁆𑀞𑀦𑁆𑀢𑀺, 𑀧𑀭𑀤𑀸𑀭𑀁 𑀕𑀘𑁆𑀙𑀦𑁆𑀢𑀺, 𑀕𑀸𑀫𑀖𑀸𑀢𑀓𑀁 𑀓𑀭𑁄𑀦𑁆𑀢𑀺…𑀧𑁂… 𑀦𑀺𑀕𑀫𑀖𑀸𑀢𑀓𑀁 𑀓𑀭𑁄𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀭𑀳𑀦𑁆𑀢𑀯𑀡𑁆𑀡𑀓𑀣𑀸 𑀦𑀺𑀝𑁆𑀞𑀺𑀢𑀸.