𑁧𑁩. 𑀢𑁂𑀭𑀲𑀫𑀯𑀕𑁆𑀕𑁄

(𑁧𑁨𑁭) 𑁨. 𑀓𑀼𑀲𑀮𑀧𑀝𑀺𑀮𑀸𑀪𑀓𑀣𑀸

𑁬𑁫𑁮. 𑀓𑀧𑁆𑀧𑀝𑁆𑀞𑁄 𑀓𑀼𑀲𑀮𑀁 𑀘𑀺𑀢𑁆𑀢𑀁 𑀦 𑀧𑀝𑀺𑀮𑀪𑁂𑀬𑁆𑀬𑀸𑀢𑀺? 𑀆𑀫𑀦𑁆𑀢𑀸. 𑀓𑀧𑁆𑀧𑀝𑁆𑀞𑁄 𑀤𑀸𑀦𑀁 𑀤𑀤𑁂𑀬𑁆𑀬𑀸𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀓𑀧𑁆𑀧𑀝𑁆𑀞𑁄 𑀤𑀸𑀦𑀁 𑀤𑀤𑁂𑀬𑁆𑀬, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀓𑀧𑁆𑀧𑀝𑁆𑀞𑁄 𑀓𑀼𑀲𑀮𑀁 𑀘𑀺𑀢𑁆𑀢𑀁 𑀦 𑀧𑀝𑀺𑀮𑀪𑁂𑀬𑁆𑀬𑀸’’𑀢𑀺.

𑀓𑀧𑁆𑀧𑀝𑁆𑀞𑁄 𑀓𑀼𑀲𑀮𑀁 𑀘𑀺𑀢𑁆𑀢𑀁 𑀦 𑀧𑀝𑀺𑀮𑀪𑁂𑀬𑁆𑀬𑀸𑀢𑀺? 𑀆𑀫𑀦𑁆𑀢𑀸. 𑀓𑀧𑁆𑀧𑀝𑁆𑀞𑁄 𑀘𑀻𑀯𑀭𑀁 𑀤𑀤𑁂𑀬𑁆𑀬…𑀧𑁂… 𑀧𑀺𑀡𑁆𑀟𑀧𑀸𑀢𑀁 𑀤𑀤𑁂𑀬𑁆𑀬…𑀧𑁂… 𑀲𑁂𑀦𑀸𑀲𑀦𑀁 𑀤𑀤𑁂𑀬𑁆𑀬…𑀧𑁂… 𑀕𑀺𑀮𑀸𑀦𑀧𑀘𑁆𑀘𑀬𑀪𑁂𑀲𑀚𑁆𑀚𑀧𑀭𑀺𑀓𑁆𑀔𑀸𑀭𑀁 𑀤𑀤𑁂𑀬𑁆𑀬 … 𑀔𑀸𑀤𑀦𑀻𑀬𑀁 𑀤𑀤𑁂𑀬𑁆𑀬… 𑀪𑁄𑀚𑀦𑀻𑀬𑀁 𑀤𑀤𑁂𑀬𑁆𑀬… 𑀧𑀸𑀦𑀻𑀬𑀁 𑀤𑀤𑁂𑀬𑁆𑀬… 𑀘𑁂𑀢𑀺𑀬𑀁 𑀯𑀦𑁆𑀤𑁂𑀬𑁆𑀬… 𑀘𑁂𑀢𑀺𑀬𑁂 𑀫𑀸𑀮𑀁 𑀆𑀭𑁄𑀧𑁂𑀬𑁆𑀬… 𑀕𑀦𑁆𑀥𑀁 𑀆𑀭𑁄𑀧𑁂𑀬𑁆𑀬… 𑀯𑀺𑀮𑁂𑀧𑀦𑀁 𑀆𑀭𑁄𑀧𑁂𑀬𑁆𑀬…𑀧𑁂… 𑀘𑁂𑀢𑀺𑀬𑀁 𑀅𑀪𑀺𑀤𑀓𑁆𑀔𑀺𑀡𑀁 [𑀧𑀤𑀓𑁆𑀔𑀺𑀡𑀁 (𑀧𑀻.)] 𑀓𑀭𑁂𑀬𑁆𑀬𑀸𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀓𑀧𑁆𑀧𑀝𑁆𑀞𑁄 𑀘𑁂𑀢𑀺𑀬𑀁 𑀅𑀪𑀺𑀤𑀓𑁆𑀔𑀺𑀡𑀁 𑀓𑀭𑁂𑀬𑁆𑀬, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀓𑀧𑁆𑀧𑀝𑁆𑀞𑁄 𑀓𑀼𑀲𑀮𑀁 𑀘𑀺𑀢𑁆𑀢𑀁 𑀦 𑀧𑀝𑀺𑀮𑀪𑁂𑀬𑁆𑀬𑀸’’𑀢𑀺…𑀧𑁂….

𑁬𑁫𑁯. 𑀓𑀧𑁆𑀧𑀝𑁆𑀞𑁄 𑀓𑀼𑀲𑀮𑀁 𑀘𑀺𑀢𑁆𑀢𑀁 𑀧𑀝𑀺𑀮𑀪𑁂𑀬𑁆𑀬𑀸𑀢𑀺? 𑀆𑀫𑀦𑁆𑀢𑀸. 𑀢𑀢𑁄 𑀯𑀼𑀝𑁆𑀞𑀸𑀦𑀁 𑀓𑀼𑀲𑀮𑀁 𑀘𑀺𑀢𑁆𑀢𑀁 𑀧𑀝𑀺𑀮𑀪𑁂𑀬𑁆𑀬𑀸𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀸𑀯𑀘𑀭𑀁…𑀧𑁂… 𑀅𑀭𑀽𑀧𑀸𑀯𑀘𑀭𑀁…𑀧𑁂… 𑀮𑁄𑀓𑀼𑀢𑁆𑀢𑀭𑀁 𑀓𑀼𑀲𑀮𑀁 𑀘𑀺𑀢𑁆𑀢𑀁 𑀧𑀝𑀺𑀮𑀪𑁂𑀬𑁆𑀬𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀓𑀼𑀲𑀮𑀧𑀝𑀺𑀮𑀸𑀪𑀓𑀣𑀸 𑀦𑀺𑀝𑁆𑀞𑀺𑀢𑀸.