𑁫. 𑀧𑀜𑁆𑀘𑀫𑀯𑀕𑁆𑀕𑁄

(𑁪𑁮) 𑁬. 𑀲𑀫𑁆𑀫𑀼𑀢𑀺𑀜𑀸𑀡𑀓𑀣𑀸

𑁪𑁩𑁪. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀲𑀫𑁆𑀫𑀼𑀢𑀺𑀜𑀸𑀡𑀁 𑀲𑀘𑁆𑀘𑀸𑀭𑀫𑁆𑀫𑀡𑀜𑁆𑀜𑁂𑀯 𑀦 𑀅𑀜𑁆𑀜𑀸𑀭𑀫𑁆𑀫𑀡’’𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀧𑀣𑀯𑀻𑀓𑀲𑀺𑀡𑀁 𑀲𑀫𑀸𑀧𑀢𑁆𑀢𑀺𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀜𑀸𑀡𑀁, 𑀧𑀣𑀯𑀻𑀓𑀲𑀺𑀡𑀜𑁆𑀘 𑀲𑀫𑁆𑀫𑀼𑀢𑀺𑀲𑀘𑁆𑀘𑀫𑁆𑀳𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀧𑀣𑀯𑀻𑀓𑀲𑀺𑀡𑀁 𑀲𑀫𑀸𑀧𑀢𑁆𑀢𑀺𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀜𑀸𑀡𑀁, 𑀧𑀣𑀯𑀻𑀓𑀲𑀺𑀡𑀜𑁆𑀘 𑀲𑀫𑁆𑀫𑀼𑀢𑀺𑀲𑀘𑁆𑀘𑀫𑁆𑀳𑀺, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀫𑁆𑀫𑀼𑀢𑀺𑀜𑀸𑀡𑀁 𑀲𑀘𑁆𑀘𑀸𑀭𑀫𑁆𑀫𑀡𑀜𑁆𑀜𑁂𑀯 𑀦 𑀅𑀜𑁆𑀜𑀸𑀭𑀫𑁆𑀫𑀡’’𑀦𑁆𑀢𑀺.

𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀲𑀫𑁆𑀫𑀼𑀢𑀺𑀜𑀸𑀡𑀁 𑀲𑀘𑁆𑀘𑀸𑀭𑀫𑁆𑀫𑀡𑀜𑁆𑀜𑁂𑀯 𑀦 𑀅𑀜𑁆𑀜𑀸𑀭𑀫𑁆𑀫𑀡’’𑀦𑁆𑀢𑀺? 𑀆𑀫𑀦𑁆𑀢𑀸…𑀧𑁂… 𑀦𑀦𑀼 𑀆𑀧𑁄𑀓𑀲𑀺𑀡𑀁…𑀧𑁂… 𑀢𑁂𑀚𑁄𑀓𑀲𑀺𑀡𑀁…𑀧𑁂… 𑀕𑀺𑀮𑀸𑀦𑀧𑀘𑁆𑀘𑀬𑀪𑁂𑀲𑀚𑁆𑀚𑀧𑀭𑀺𑀓𑁆𑀔𑀸𑀭𑀁 𑀤𑀤𑀦𑁆𑀢𑀲𑁆𑀲 𑀅𑀢𑁆𑀣𑀺 𑀜𑀸𑀡𑀁, 𑀕𑀺𑀮𑀸𑀦𑀧𑀘𑁆𑀘𑀬𑀪𑁂𑀲𑀚𑁆𑀚𑀧𑀭𑀺𑀓𑁆𑀔𑀸𑀭𑁄 𑀘 𑀲𑀫𑁆𑀫𑀼𑀢𑀺𑀲𑀘𑁆𑀘𑀫𑁆𑀳𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀕𑀺𑀮𑀸𑀦𑀧𑀘𑁆𑀘𑀬𑀪𑁂𑀲𑀚𑁆𑀚𑀧𑀭𑀺𑀓𑁆𑀔𑀸𑀭𑀁 𑀤𑀤𑀦𑁆𑀢𑀲𑁆𑀲 𑀅𑀢𑁆𑀣𑀺 𑀜𑀸𑀡𑀁, 𑀕𑀺𑀮𑀸𑀦𑀧𑀘𑁆𑀘𑀬𑀪𑁂𑀲𑀚𑁆𑀚𑀧𑀭𑀺𑀓𑁆𑀔𑀸𑀭𑁄 𑀘 𑀲𑀫𑁆𑀫𑀼𑀢𑀺𑀲𑀘𑁆𑀘𑀫𑁆𑀳𑀺, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀫𑁆𑀫𑀼𑀢𑀺𑀜𑀸𑀡𑀁 𑀲𑀘𑁆𑀘𑀸𑀭𑀫𑁆𑀫𑀡𑀜𑁆𑀜𑁂𑀯 𑀦 𑀅𑀜𑁆𑀜𑀸𑀭𑀫𑁆𑀫𑀡’’𑀦𑁆𑀢𑀺.

𑁪𑁩𑁫. 𑀲𑀫𑁆𑀫𑀼𑀢𑀺𑀜𑀸𑀡𑀁 𑀲𑀘𑁆𑀘𑀸𑀭𑀫𑁆𑀫𑀡𑀜𑁆𑀜𑁂𑀯 𑀦 𑀅𑀜𑁆𑀜𑀸𑀭𑀫𑁆𑀫𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀜𑀸𑀡𑁂𑀦 𑀤𑀼𑀓𑁆𑀔𑀁 𑀧𑀭𑀺𑀚𑀸𑀦𑀸𑀢𑀺, 𑀲𑀫𑀼𑀤𑀬𑀁 𑀧𑀚𑀳𑀢𑀺, 𑀦𑀺𑀭𑁄𑀥𑀁 𑀲𑀘𑁆𑀙𑀺𑀓𑀭𑁄𑀢𑀺, 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀫𑁆𑀫𑀼𑀢𑀺𑀜𑀸𑀡𑀓𑀣𑀸 𑀦𑀺𑀝𑁆𑀞𑀺𑀢𑀸.