𑁨. 𑀭𑀽𑀧𑀓𑀡𑁆𑀟𑀁

𑀉𑀤𑁆𑀤𑁂𑀲𑁄

𑁫𑁮𑁩. 𑀓𑀢𑀫𑁂 𑀥𑀫𑁆𑀫𑀸 𑀅𑀩𑁆𑀬𑀸𑀓𑀢𑀸? 𑀓𑀼𑀲𑀮𑀸𑀓𑀼𑀲𑀮𑀸𑀦𑀁 𑀥𑀫𑁆𑀫𑀸𑀦𑀁 𑀯𑀺𑀧𑀸𑀓𑀸 𑀓𑀸𑀫𑀸𑀯𑀘𑀭𑀸 𑀭𑀽𑀧𑀸𑀯𑀘𑀭𑀸 𑀅𑀭𑀽𑀧𑀸𑀯𑀘𑀭𑀸 𑀅𑀧𑀭𑀺𑀬𑀸𑀧𑀦𑁆𑀦𑀸 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀲𑀗𑁆𑀔𑀸𑀭𑀓𑁆𑀔𑀦𑁆𑀥𑁄 𑀯𑀺𑀜𑁆𑀜𑀸𑀡𑀓𑁆𑀔𑀦𑁆𑀥𑁄, 𑀬𑁂 𑀘 𑀥𑀫𑁆𑀫𑀸 𑀓𑀺𑀭𑀺𑀬𑀸 𑀦𑁂𑀯 𑀓𑀼𑀲𑀮𑀸 𑀦𑀸𑀓𑀼𑀲𑀮𑀸 𑀦 𑀘 𑀓𑀫𑁆𑀫𑀯𑀺𑀧𑀸𑀓𑀸, 𑀲𑀩𑁆𑀩𑀜𑁆𑀘 𑀭𑀽𑀧𑀁, 𑀅𑀲𑀗𑁆𑀔𑀢𑀸 𑀘 𑀥𑀸𑀢𑀼 𑁋 𑀇𑀫𑁂 𑀥𑀫𑁆𑀫𑀸 𑀅𑀩𑁆𑀬𑀸𑀓𑀢𑀸.

𑀫𑀸𑀢𑀺𑀓𑀸

𑀏𑀓𑀓𑀁

𑁫𑁮𑁪. 𑀢𑀢𑁆𑀣 𑀓𑀢𑀫𑀁 𑀲𑀩𑁆𑀩𑀁 𑀭𑀽𑀧𑀁? 𑀘𑀢𑁆𑀢𑀸𑀭𑁄 𑀘 𑀫𑀳𑀸𑀪𑀽𑀢𑀸, 𑀘𑀢𑀼𑀦𑁆𑀦𑀜𑁆𑀘 𑀫𑀳𑀸𑀪𑀽𑀢𑀸𑀦𑀁 𑀉𑀧𑀸𑀤𑀸𑀬 𑀭𑀽𑀧𑀁 𑁋 𑀇𑀤𑀁 𑀯𑀼𑀘𑁆𑀘𑀢𑀺 𑀲𑀩𑁆𑀩𑀁 𑀭𑀽𑀧𑀁. 𑀲𑀩𑁆𑀩𑀁 𑀭𑀽𑀧𑀁 𑀦 𑀳𑁂𑀢𑀼, 𑀅𑀳𑁂𑀢𑀼𑀓𑀁, 𑀳𑁂𑀢𑀼𑀯𑀺𑀧𑁆𑀧𑀬𑀼𑀢𑁆𑀢𑀁, 𑀲𑀧𑁆𑀧𑀘𑁆𑀘𑀬𑀁, 𑀲𑀗𑁆𑀔𑀢𑀁, 𑀭𑀽𑀧𑀁 [𑀭𑀽𑀧𑀺𑀬𑀁 (𑀲𑀻.)], 𑀮𑁄𑀓𑀺𑀬𑀁, 𑀲𑀸𑀲𑀯𑀁, 𑀲𑀁𑀬𑁄𑀚𑀦𑀺𑀬𑀁, 𑀕𑀦𑁆𑀣𑀦𑀺𑀬𑀁, 𑀑𑀖𑀦𑀺𑀬𑀁, 𑀬𑁄𑀕𑀦𑀺𑀬𑀁, 𑀦𑀻𑀯𑀭𑀡𑀺𑀬𑀁, 𑀧𑀭𑀸𑀫𑀝𑁆𑀞𑀁, 𑀉𑀧𑀸𑀤𑀸𑀦𑀺𑀬𑀁, 𑀲𑀁𑀓𑀺𑀮𑁂𑀲𑀺𑀓𑀁, 𑀅𑀩𑁆𑀬𑀸𑀓𑀢𑀁, 𑀅𑀦𑀸𑀭𑀫𑁆𑀫𑀡𑀁, 𑀅𑀘𑁂𑀢𑀲𑀺𑀓𑀁, 𑀘𑀺𑀢𑁆𑀢𑀯𑀺𑀧𑁆𑀧𑀬𑀼𑀢𑁆𑀢𑀁, 𑀦𑁂𑀯𑀯𑀺𑀧𑀸𑀓𑀦𑀯𑀺𑀧𑀸𑀓𑀥𑀫𑁆𑀫𑀥𑀫𑁆𑀫𑀁, 𑀅𑀲𑀁𑀓𑀺𑀮𑀺𑀝𑁆𑀞𑀲𑀁𑀓𑀺𑀮𑁂𑀲𑀺𑀓𑀁, 𑀦 𑀲𑀯𑀺𑀢𑀓𑁆𑀓𑀲𑀯𑀺𑀘𑀸𑀭𑀁, 𑀦 𑀅𑀯𑀺𑀢𑀓𑁆𑀓𑀯𑀺𑀘𑀸𑀭𑀫𑀢𑁆𑀢𑀁, 𑀅𑀯𑀺𑀢𑀓𑁆𑀓𑀅𑀯𑀺𑀘𑀸𑀭𑀁, 𑀦 𑀧𑀻𑀢𑀺𑀲𑀳𑀕𑀢𑀁, 𑀦 𑀲𑀼𑀔𑀲𑀳𑀕𑀢𑀁, 𑀦 𑀉𑀧𑁂𑀓𑁆𑀔𑀸𑀲𑀳𑀕𑀢𑀁, 𑀦𑁂𑀯 𑀤𑀲𑁆𑀲𑀦𑁂𑀦 𑀦 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀁, 𑀦𑁂𑀯 𑀤𑀲𑁆𑀲𑀦𑁂𑀦 𑀦 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀳𑁂𑀢𑀼𑀓𑀁, 𑀦𑁂𑀯 𑀆𑀘𑀬𑀕𑀸𑀫𑀺 𑀦 𑀅𑀧𑀘𑀬𑀕𑀸𑀫𑀺, 𑀦𑁂𑀯𑀲𑁂𑀓𑁆𑀔𑀦𑀸𑀲𑁂𑀓𑁆𑀔𑀁, 𑀧𑀭𑀺𑀢𑁆𑀢𑀁, 𑀓𑀸𑀫𑀸𑀯𑀘𑀭𑀁, 𑀦 𑀭𑀽𑀧𑀸𑀯𑀘𑀭𑀁, 𑀦 𑀅𑀭𑀽𑀧𑀸𑀯𑀘𑀭𑀁, 𑀧𑀭𑀺𑀬𑀸𑀧𑀦𑁆𑀦𑀁, 𑀦𑁄 𑀅𑀧𑀭𑀺𑀬𑀸𑀧𑀦𑁆𑀦𑀁, 𑀅𑀦𑀺𑀬𑀢𑀁, 𑀅𑀦𑀺𑀬𑁆𑀬𑀸𑀦𑀺𑀓𑀁, 𑀉𑀧𑁆𑀧𑀦𑁆𑀦𑀁, 𑀙𑀳𑀺 𑀯𑀺𑀜𑁆𑀜𑀸𑀡𑁂𑀳𑀺 𑀯𑀺𑀜𑁆𑀜𑁂𑀬𑁆𑀬𑀁, 𑀅𑀦𑀺𑀘𑁆𑀘𑀁, 𑀚𑀭𑀸𑀪𑀺𑀪𑀽𑀢𑀁.

𑀏𑀯𑀁 𑀏𑀓𑀯𑀺𑀥𑁂𑀦 𑀭𑀽𑀧𑀲𑀗𑁆𑀕𑀳𑁄.

𑀏𑀓𑀓𑀁.

𑀤𑀼𑀓𑀁

𑀤𑀼𑀯𑀺𑀥𑁂𑀦 𑀭𑀽𑀧𑀲𑀗𑁆𑀕𑀳𑁄 𑁋

𑀅𑀢𑁆𑀣𑀺 𑀭𑀽𑀧𑀁 𑀉𑀧𑀸𑀤𑀸, 𑀅𑀢𑁆𑀣𑀺 𑀭𑀽𑀧𑀁 𑀦𑁄 𑀉𑀧𑀸𑀤𑀸.

𑀅𑀢𑁆𑀣𑀺 𑀭𑀽𑀧𑀁 𑀉𑀧𑀸𑀤𑀺𑀡𑁆𑀡𑀁, 𑀅𑀢𑁆𑀣𑀺 𑀭𑀽𑀧𑀁 𑀅𑀦𑀼𑀧𑀸𑀤𑀺𑀡𑁆𑀡𑀁.

𑀅𑀢𑁆𑀣𑀺 𑀭𑀽𑀧𑀁 𑀉𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀁, 𑀅𑀢𑁆𑀣𑀺 𑀭𑀽𑀧𑀁 𑀅𑀦𑀼𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀁.

𑀅𑀢𑁆𑀣𑀺 𑀭𑀽𑀧𑀁 𑀲𑀦𑀺𑀤𑀲𑁆𑀲𑀦𑀁, 𑀅𑀢𑁆𑀣𑀺 𑀭𑀽𑀧𑀁 𑀅𑀦𑀺𑀤𑀲𑁆𑀲𑀦𑀁.

𑀅𑀢𑁆𑀣𑀺 𑀭𑀽𑀧𑀁 𑀲𑀧𑁆𑀧𑀝𑀺𑀖𑀁, 𑀅𑀢𑁆𑀣𑀺 𑀭𑀽𑀧𑀁 𑀅𑀧𑁆𑀧𑀝𑀺𑀖𑀁.

𑀅𑀢𑁆𑀣𑀺 𑀭𑀽𑀧𑀁 𑀇𑀦𑁆𑀤𑁆𑀭𑀺𑀬𑀁, 𑀅𑀢𑁆𑀣𑀺 𑀭𑀽𑀧𑀁 𑀦 𑀇𑀦𑁆𑀤𑁆𑀭𑀺𑀬𑀁.

𑀅𑀢𑁆𑀣𑀺 𑀭𑀽𑀧𑀁 𑀫𑀳𑀸𑀪𑀽𑀢𑀁, 𑀅𑀢𑁆𑀣𑀺 𑀭𑀽𑀧𑀁 𑀦 𑀫𑀳𑀸𑀪𑀽𑀢𑀁.

𑀅𑀢𑁆𑀣𑀺 𑀭𑀽𑀧𑀁 𑀯𑀺𑀜𑁆𑀜𑀢𑁆𑀢𑀺, 𑀅𑀢𑁆𑀣𑀺 𑀭𑀽𑀧𑀁 𑀦 𑀯𑀺𑀜𑁆𑀜𑀢𑁆𑀢𑀺.

𑀅𑀢𑁆𑀣𑀺 𑀭𑀽𑀧𑀁 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁, 𑀅𑀢𑁆𑀣𑀺 𑀭𑀽𑀧𑀁 𑀦 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁.

𑀅𑀢𑁆𑀣𑀺 𑀭𑀽𑀧𑀁 𑀘𑀺𑀢𑁆𑀢𑀲𑀳𑀪𑀼, 𑀅𑀢𑁆𑀣𑀺 𑀭𑀽𑀧𑀁 𑀦 𑀘𑀺𑀢𑁆𑀢𑀲𑀳𑀪𑀼.

𑀅𑀢𑁆𑀣𑀺 𑀭𑀽𑀧𑀁 𑀘𑀺𑀢𑁆𑀢𑀸𑀦𑀼𑀧𑀭𑀺𑀯𑀢𑁆𑀢𑀺, 𑀅𑀢𑁆𑀣𑀺 𑀭𑀽𑀧𑀁 𑀦 𑀘𑀺𑀢𑁆𑀢𑀸𑀦𑀼𑀧𑀭𑀺𑀯𑀢𑁆𑀢𑀺.

𑀅𑀢𑁆𑀣𑀺 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀅𑀢𑁆𑀣𑀺 𑀭𑀽𑀧𑀁 𑀩𑀸𑀳𑀺𑀭𑀁.

𑀅𑀢𑁆𑀣𑀺 𑀭𑀽𑀧𑀁 𑀑𑀴𑀸𑀭𑀺𑀓𑀁, 𑀅𑀢𑁆𑀣𑀺 𑀭𑀽𑀧𑀁 𑀲𑀼𑀔𑀼𑀫𑀁.

𑀅𑀢𑁆𑀣𑀺 𑀭𑀽𑀧𑀁 𑀤𑀽𑀭𑁂, 𑀅𑀢𑁆𑀣𑀺 𑀭𑀽𑀧𑀁 𑀲𑀦𑁆𑀢𑀺𑀓𑁂.

𑀅𑀢𑁆𑀣𑀺 𑀭𑀽𑀧𑀁 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑀲𑁆𑀲 𑀯𑀢𑁆𑀣𑀼, 𑀅𑀢𑁆𑀣𑀺 𑀭𑀽𑀧𑀁 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑀲𑁆𑀲 𑀦 𑀯𑀢𑁆𑀣𑀼. 𑀅𑀢𑁆𑀣𑀺 𑀭𑀽𑀧𑀁 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑀚𑀸𑀬 𑀯𑁂𑀤𑀦𑀸𑀬…𑀧𑁂… 𑀲𑀜𑁆𑀜𑀸𑀬…𑀧𑁂… 𑀘𑁂𑀢𑀦𑀸𑀬…𑀧𑁂… 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀲𑁆𑀲 𑀯𑀢𑁆𑀣𑀼, 𑀅𑀢𑁆𑀣𑀺 𑀭𑀽𑀧𑀁 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀲𑁆𑀲 𑀦 𑀯𑀢𑁆𑀣𑀼.

𑀅𑀢𑁆𑀣𑀺 𑀭𑀽𑀧𑀁 𑀲𑁄𑀢𑀲𑀫𑁆𑀨𑀲𑁆𑀲𑀲𑁆𑀲…𑀧𑁂… 𑀖𑀸𑀦𑀲𑀫𑁆𑀨𑀲𑁆𑀲𑀲𑁆𑀲…𑀧𑁂… 𑀚𑀺𑀯𑁆𑀳𑀸𑀲𑀫𑁆𑀨𑀲𑁆𑀲𑀲𑁆𑀲…𑀧𑁂… 𑀓𑀸𑀬𑀲𑀫𑁆𑀨𑀲𑁆𑀲𑀲𑁆𑀲 𑀯𑀢𑁆𑀣𑀼, 𑀅𑀢𑁆𑀣𑀺 𑀭𑀽𑀧𑀁 𑀓𑀸𑀬𑀲𑀫𑁆𑀨𑀲𑁆𑀲𑀲𑁆𑀲 𑀦 𑀯𑀢𑁆𑀣𑀼. 𑀅𑀢𑁆𑀣𑀺 𑀭𑀽𑀧𑀁 𑀓𑀸𑀬𑀲𑀫𑁆𑀨𑀲𑁆𑀲𑀚𑀸𑀬 𑀯𑁂𑀤𑀦𑀸𑀬…𑀧𑁂… 𑀲𑀜𑁆𑀜𑀸𑀬…𑀧𑁂… 𑀘𑁂𑀢𑀦𑀸𑀬 …𑀧𑁂… 𑀓𑀸𑀬𑀯𑀺𑀜𑁆𑀜𑀸𑀡𑀲𑁆𑀲 𑀯𑀢𑁆𑀣𑀼, 𑀅𑀢𑁆𑀣𑀺 𑀭𑀽𑀧𑀁 𑀓𑀸𑀬𑀯𑀺𑀜𑁆𑀜𑀸𑀡𑀲𑁆𑀲 𑀦 𑀯𑀢𑁆𑀣𑀼.

𑀅𑀢𑁆𑀣𑀺 𑀭𑀽𑀧𑀁 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑀲𑁆𑀲 𑀆𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀭𑀽𑀧𑀁 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑀲𑁆𑀲 𑀦𑀸𑀭𑀫𑁆𑀫𑀡𑀁. 𑀅𑀢𑁆𑀣𑀺 𑀭𑀽𑀧𑀁 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑀚𑀸𑀬 𑀯𑁂𑀤𑀦𑀸𑀬…𑀧𑁂… 𑀲𑀜𑁆𑀜𑀸𑀬…𑀧𑁂… 𑀘𑁂𑀢𑀦𑀸𑀬…𑀧𑁂… 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀲𑁆𑀲 𑀆𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀭𑀽𑀧𑀁 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀲𑁆𑀲 𑀦𑀸𑀭𑀫𑁆𑀫𑀡𑀁.

𑀅𑀢𑁆𑀣𑀺 𑀭𑀽𑀧𑀁 𑀲𑁄𑀢𑀲𑀫𑁆𑀨𑀲𑁆𑀲𑀲𑁆𑀲…𑀧𑁂… 𑀖𑀸𑀦𑀲𑀫𑁆𑀨𑀲𑁆𑀲𑀲𑁆𑀲…𑀧𑁂… 𑀚𑀺𑀯𑁆𑀳𑀸𑀲𑀫𑁆𑀨𑀲𑁆𑀲𑀲𑁆𑀲…𑀧𑁂… 𑀓𑀸𑀬𑀲𑀫𑁆𑀨𑀲𑁆𑀲𑀲𑁆𑀲 𑀆𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀭𑀽𑀧𑀁 𑀓𑀸𑀬𑀲𑀫𑁆𑀨𑀲𑁆𑀲𑀲𑁆𑀲 𑀦𑀸𑀭𑀫𑁆𑀫𑀡𑀁. 𑀅𑀢𑁆𑀣𑀺 𑀭𑀽𑀧𑀁 𑀓𑀸𑀬𑀲𑀫𑁆𑀨𑀲𑁆𑀲𑀚𑀸𑀬 𑀯𑁂𑀤𑀦𑀸𑀬…𑀧𑁂… 𑀲𑀜𑁆𑀜𑀸𑀬…𑀧𑁂… 𑀘𑁂𑀢𑀦𑀸𑀬…𑀧𑁂… 𑀓𑀸𑀬𑀯𑀺𑀜𑁆𑀜𑀸𑀡𑀲𑁆𑀲 𑀆𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀭𑀽𑀧𑀁 𑀓𑀸𑀬𑀯𑀺𑀜𑁆𑀜𑀸𑀡𑀲𑁆𑀲 𑀦𑀸𑀭𑀫𑁆𑀫𑀡𑀁.

𑀅𑀢𑁆𑀣𑀺 𑀭𑀽𑀧𑀁 𑀘𑀓𑁆𑀔𑀸𑀬𑀢𑀦𑀁, 𑀅𑀢𑁆𑀣𑀺 𑀭𑀽𑀧𑀁 𑀦 𑀘𑀓𑁆𑀔𑀸𑀬𑀢𑀦𑀁. 𑀅𑀢𑁆𑀣𑀺 𑀭𑀽𑀧𑀁 𑀲𑁄𑀢𑀸𑀬𑀢𑀦𑀁…𑀧𑁂… 𑀖𑀸𑀦𑀸𑀬𑀢𑀦𑀁…𑀧𑁂… 𑀚𑀺𑀯𑁆𑀳𑀸𑀬𑀢𑀦𑀁…𑀧𑁂… 𑀓𑀸𑀬𑀸𑀬𑀢𑀦𑀁, 𑀅𑀢𑁆𑀣𑀺 𑀭𑀽𑀧𑀁 𑀦 𑀓𑀸𑀬𑀸𑀬𑀢𑀦𑀁.

𑀅𑀢𑁆𑀣𑀺 𑀭𑀽𑀧𑀁 𑀭𑀽𑀧𑀸𑀬𑀢𑀦𑀁, 𑀅𑀢𑁆𑀣𑀺 𑀭𑀽𑀧𑀁 𑀦 𑀭𑀽𑀧𑀸𑀬𑀢𑀦𑀁. 𑀅𑀢𑁆𑀣𑀺 𑀭𑀽𑀧𑀁 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀕𑀦𑁆𑀥𑀸𑀬𑀢𑀦𑀁…𑀧𑁂… 𑀭𑀲𑀸𑀬𑀢𑀦𑀁…𑀧𑁂… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁, 𑀅𑀢𑁆𑀣𑀺 𑀭𑀽𑀧𑀁 𑀦 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁.

𑀅𑀢𑁆𑀣𑀺 𑀭𑀽𑀧𑀁 𑀘𑀓𑁆𑀔𑀼𑀥𑀸𑀢𑀼, 𑀅𑀢𑁆𑀣𑀺 𑀭𑀽𑀧𑀁 𑀦 𑀘𑀓𑁆𑀔𑀼𑀥𑀸𑀢𑀼. 𑀅𑀢𑁆𑀣𑀺 𑀭𑀽𑀧𑀁 𑀲𑁄𑀢𑀥𑀸𑀢𑀼…𑀧𑁂… 𑀖𑀸𑀦𑀥𑀸𑀢𑀼…𑀧𑁂… 𑀚𑀺𑀯𑁆𑀳𑀸𑀥𑀸𑀢𑀼…𑀧𑁂… 𑀓𑀸𑀬𑀥𑀸𑀢𑀼, 𑀅𑀢𑁆𑀣𑀺 𑀭𑀽𑀧𑀁 𑀦 𑀓𑀸𑀬𑀥𑀸𑀢𑀼.

𑀅𑀢𑁆𑀣𑀺 𑀭𑀽𑀧𑀁 𑀭𑀽𑀧𑀥𑀸𑀢𑀼, 𑀅𑀢𑁆𑀣𑀺 𑀭𑀽𑀧𑀁 𑀦 𑀭𑀽𑀧𑀥𑀸𑀢𑀼. 𑀅𑀢𑁆𑀣𑀺 𑀭𑀽𑀧𑀁 𑀲𑀤𑁆𑀤𑀥𑀸𑀢𑀼…𑀧𑁂… 𑀕𑀦𑁆𑀥𑀥𑀸𑀢𑀼…𑀧𑁂… 𑀭𑀲𑀥𑀸𑀢𑀼…𑀧𑁂… 𑀨𑁄𑀝𑁆𑀞𑀩𑁆𑀩𑀥𑀸𑀢𑀼, 𑀅𑀢𑁆𑀣𑀺 𑀭𑀽𑀧𑀁 𑀦 𑀨𑁄𑀝𑁆𑀞𑀩𑁆𑀩𑀥𑀸𑀢𑀼.

𑀅𑀢𑁆𑀣𑀺 𑀭𑀽𑀧𑀁 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁, 𑀅𑀢𑁆𑀣𑀺 𑀭𑀽𑀧𑀁 𑀦 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁. 𑀅𑀢𑁆𑀣𑀺 𑀭𑀽𑀧𑀁 𑀲𑁄𑀢𑀺𑀦𑁆𑀤𑁆𑀭𑀺𑀬𑀁…𑀧𑁂… 𑀖𑀸𑀦𑀺𑀦𑁆𑀤𑁆𑀭𑀺𑀬𑀁…𑀧𑁂… 𑀚𑀺𑀯𑁆𑀳𑀺𑀦𑁆𑀤𑁆𑀭𑀺𑀬𑀁…𑀧𑁂… 𑀓𑀸𑀬𑀺𑀦𑁆𑀤𑁆𑀭𑀺𑀬𑀁, 𑀅𑀢𑁆𑀣𑀺 𑀭𑀽𑀧𑀁 𑀦 𑀓𑀸𑀬𑀺𑀦𑁆𑀤𑁆𑀭𑀺𑀬𑀁.

𑀅𑀢𑁆𑀣𑀺 𑀭𑀽𑀧𑀁 𑀇𑀢𑁆𑀣𑀺𑀦𑁆𑀤𑁆𑀭𑀺𑀬𑀁, 𑀅𑀢𑁆𑀣𑀺 𑀭𑀽𑀧𑀁 𑀦 𑀇𑀢𑁆𑀣𑀺𑀦𑁆𑀤𑁆𑀭𑀺𑀬𑀁.

𑀅𑀢𑁆𑀣𑀺 𑀭𑀽𑀧𑀁 𑀧𑀼𑀭𑀺𑀲𑀺𑀦𑁆𑀤𑁆𑀭𑀺𑀬𑀁, 𑀅𑀢𑁆𑀣𑀺 𑀭𑀽𑀧𑀁 𑀦 𑀧𑀼𑀭𑀺𑀲𑀺𑀦𑁆𑀤𑁆𑀭𑀺𑀬𑀁.

𑀅𑀢𑁆𑀣𑀺 𑀭𑀽𑀧𑀁 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀁, 𑀅𑀢𑁆𑀣𑀺 𑀭𑀽𑀧𑀁 𑀦 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀁.

𑀅𑀢𑁆𑀣𑀺 𑀭𑀽𑀧𑀁 𑀓𑀸𑀬𑀯𑀺𑀜𑁆𑀜𑀢𑁆𑀢𑀺, 𑀅𑀢𑁆𑀣𑀺 𑀭𑀽𑀧𑀁 𑀦 𑀓𑀸𑀬𑀯𑀺𑀜𑁆𑀜𑀢𑁆𑀢𑀺.

𑀅𑀢𑁆𑀣𑀺 𑀭𑀽𑀧𑀁 𑀯𑀘𑀻𑀯𑀺𑀜𑁆𑀜𑀢𑁆𑀢𑀺, 𑀅𑀢𑁆𑀣𑀺 𑀭𑀽𑀧𑀁 𑀦 𑀯𑀘𑀻𑀯𑀺𑀜𑁆𑀜𑀢𑁆𑀢𑀺.

𑀅𑀢𑁆𑀣𑀺 𑀭𑀽𑀧𑀁 𑀆𑀓𑀸𑀲𑀥𑀸𑀢𑀼, 𑀅𑀢𑁆𑀣𑀺 𑀭𑀽𑀧𑀁 𑀦 𑀆𑀓𑀸𑀲𑀥𑀸𑀢𑀼.

𑀅𑀢𑁆𑀣𑀺 𑀭𑀽𑀧𑀁 𑀆𑀧𑁄𑀥𑀸𑀢𑀼, 𑀅𑀢𑁆𑀣𑀺 𑀭𑀽𑀧𑀁 𑀦 𑀆𑀧𑁄𑀥𑀸𑀢𑀼.

𑀅𑀢𑁆𑀣𑀺 𑀭𑀽𑀧𑀁 𑀭𑀽𑀧𑀲𑁆𑀲 𑀮𑀳𑀼𑀢𑀸, 𑀅𑀢𑁆𑀣𑀺 𑀭𑀽𑀧𑀁 𑀭𑀽𑀧𑀲𑁆𑀲 𑀦 𑀮𑀳𑀼𑀢𑀸.

𑀅𑀢𑁆𑀣𑀺 𑀭𑀽𑀧𑀁 𑀭𑀽𑀧𑀲𑁆𑀲 𑀫𑀼𑀤𑀼𑀢𑀸, 𑀅𑀢𑁆𑀣𑀺 𑀭𑀽𑀧𑀁 𑀭𑀽𑀧𑀲𑁆𑀲 𑀦 𑀫𑀼𑀤𑀼𑀢𑀸.

𑀅𑀢𑁆𑀣𑀺 𑀭𑀽𑀧𑀁 𑀭𑀽𑀧𑀲𑁆𑀲 𑀓𑀫𑁆𑀫𑀜𑁆𑀜𑀢𑀸, 𑀅𑀢𑁆𑀣𑀺 𑀭𑀽𑀧𑀁 𑀭𑀽𑀧𑀲𑁆𑀲 𑀦 𑀓𑀫𑁆𑀫𑀜𑁆𑀜𑀢𑀸.

𑀅𑀢𑁆𑀣𑀺 𑀭𑀽𑀧𑀁 𑀭𑀽𑀧𑀲𑁆𑀲 𑀉𑀧𑀘𑀬𑁄, 𑀅𑀢𑁆𑀣𑀺 𑀭𑀽𑀧𑀁 𑀭𑀽𑀧𑀲𑁆𑀲 𑀦 𑀉𑀧𑀘𑀬𑁄.

𑀅𑀢𑁆𑀣𑀺 𑀭𑀽𑀧𑀁 𑀭𑀽𑀧𑀲𑁆𑀲 𑀲𑀦𑁆𑀢𑀢𑀺, 𑀅𑀢𑁆𑀣𑀺 𑀭𑀽𑀧𑀁 𑀭𑀽𑀧𑀲𑁆𑀲 𑀦 𑀲𑀦𑁆𑀢𑀢𑀺.

𑀅𑀢𑁆𑀣𑀺 𑀭𑀽𑀧𑀁 𑀭𑀽𑀧𑀲𑁆𑀲 𑀚𑀭𑀢𑀸, 𑀅𑀢𑁆𑀣𑀺 𑀭𑀽𑀧𑀁 𑀭𑀽𑀧𑀲𑁆𑀲 𑀦 𑀚𑀭𑀢𑀸.

𑀅𑀢𑁆𑀣𑀺 𑀭𑀽𑀧𑀁 𑀭𑀽𑀧𑀲𑁆𑀲 𑀅𑀦𑀺𑀘𑁆𑀘𑀢𑀸, 𑀅𑀢𑁆𑀣𑀺 𑀭𑀽𑀧𑀁 𑀭𑀽𑀧𑀲𑁆𑀲 𑀦 𑀅𑀦𑀺𑀘𑁆𑀘𑀢𑀸.

𑀅𑀢𑁆𑀣𑀺 𑀭𑀽𑀧𑀁 𑀓𑀩𑀴𑀻𑀓𑀸𑀭𑁄 𑀆𑀳𑀸𑀭𑁄, 𑀅𑀢𑁆𑀣𑀺 𑀭𑀽𑀧𑀁 𑀦 𑀓𑀩𑀴𑀻𑀓𑀸𑀭𑁄 𑀆𑀳𑀸𑀭𑁄.

𑀏𑀯𑀁 𑀤𑀼𑀯𑀺𑀥𑁂𑀦 𑀭𑀽𑀧𑀲𑀗𑁆𑀕𑀳𑁄.

𑀤𑀼𑀓𑀁.

𑀢𑀺𑀓𑀁

𑀢𑀺𑀯𑀺𑀥𑁂𑀦 𑀭𑀽𑀧𑀲𑀗𑁆𑀕𑀳𑁄 𑁋

𑁫𑁮𑁫. 𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀉𑀧𑀸𑀤𑀸. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀉𑀧𑀸𑀤𑀸, 𑀅𑀢𑁆𑀣𑀺 𑀦𑁄 𑀉𑀧𑀸𑀤𑀸.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀉𑀧𑀸𑀤𑀺𑀡𑁆𑀡𑀁. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀉𑀧𑀸𑀤𑀺𑀡𑁆𑀡𑀁, 𑀅𑀢𑁆𑀣𑀺 𑀅𑀦𑀼𑀧𑀸𑀤𑀺𑀡𑁆𑀡𑀁.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀉𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀁. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀉𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀁, 𑀅𑀢𑁆𑀣𑀺 𑀅𑀦𑀼𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀁.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀅𑀦𑀺𑀤𑀲𑁆𑀲𑀦𑀁. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀲𑀦𑀺𑀤𑀲𑁆𑀲𑀦𑀁, 𑀅𑀢𑁆𑀣𑀺 𑀅𑀦𑀺𑀤𑀲𑁆𑀲𑀦𑀁.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀲𑀧𑁆𑀧𑀝𑀺𑀖𑀁. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀲𑀧𑁆𑀧𑀝𑀺𑀖𑀁, 𑀅𑀢𑁆𑀣𑀺 𑀅𑀧𑁆𑀧𑀝𑀺𑀖𑀁.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀇𑀦𑁆𑀤𑁆𑀭𑀺𑀬𑀁. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀇𑀦𑁆𑀤𑁆𑀭𑀺𑀬𑀁, 𑀅𑀢𑁆𑀣𑀺 𑀦 𑀇𑀦𑁆𑀤𑁆𑀭𑀺𑀬𑀁.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀦 𑀫𑀳𑀸𑀪𑀽𑀢𑀁. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀫𑀳𑀸𑀪𑀽𑀢𑀁, 𑀅𑀢𑁆𑀣𑀺 𑀦 𑀫𑀳𑀸𑀪𑀽𑀢𑀁.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀦 𑀯𑀺𑀜𑁆𑀜𑀢𑁆𑀢𑀺. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀯𑀺𑀜𑁆𑀜𑀢𑁆𑀢𑀺, 𑀅𑀢𑁆𑀣𑀺 𑀦 𑀯𑀺𑀜𑁆𑀜𑀢𑁆𑀢𑀺.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀦 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁, 𑀅𑀢𑁆𑀣𑀺 𑀦 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀦 𑀘𑀺𑀢𑁆𑀢𑀲𑀳𑀪𑀼. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀘𑀺𑀢𑁆𑀢𑀲𑀳𑀪𑀼, 𑀅𑀢𑁆𑀣𑀺 𑀦 𑀘𑀺𑀢𑁆𑀢𑀲𑀳𑀪𑀼.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀦 𑀘𑀺𑀢𑁆𑀢𑀸𑀦𑀼𑀧𑀭𑀺𑀯𑀢𑁆𑀢𑀺. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀘𑀺𑀢𑁆𑀢𑀸𑀦𑀼𑀧𑀭𑀺𑀯𑀢𑁆𑀢𑀺, 𑀅𑀢𑁆𑀣𑀺 𑀦 𑀘𑀺𑀢𑁆𑀢𑀸𑀦𑀼𑀧𑀭𑀺𑀯𑀢𑁆𑀢𑀺.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀑𑀴𑀸𑀭𑀺𑀓𑀁. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀑𑀴𑀸𑀭𑀺𑀓𑀁, 𑀅𑀢𑁆𑀣𑀺 𑀲𑀼𑀔𑀼𑀫𑀁.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀲𑀦𑁆𑀢𑀺𑀓𑁂. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀤𑀽𑀭𑁂, 𑀅𑀢𑁆𑀣𑀺 𑀲𑀦𑁆𑀢𑀺𑀓𑁂.

𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑀲𑁆𑀲 𑀦 𑀯𑀢𑁆𑀣𑀼. 𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀅𑀢𑁆𑀣𑀺 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑀲𑁆𑀲 𑀯𑀢𑁆𑀣𑀼, 𑀅𑀢𑁆𑀣𑀺 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑀲𑁆𑀲 𑀦 𑀯𑀢𑁆𑀣𑀼.

𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑀚𑀸𑀬 𑀯𑁂𑀤𑀦𑀸𑀬…𑀧𑁂… 𑀲𑀜𑁆𑀜𑀸𑀬…𑀧𑁂… 𑀘𑁂𑀢𑀦𑀸𑀬…𑀧𑁂… 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀲𑁆𑀲 𑀦 𑀯𑀢𑁆𑀣𑀼. 𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀅𑀢𑁆𑀣𑀺 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀲𑁆𑀲 𑀯𑀢𑁆𑀣𑀼, 𑀅𑀢𑁆𑀣𑀺 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀲𑁆𑀲 𑀦 𑀯𑀢𑁆𑀣𑀼.

𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀲𑁄𑀢𑀲𑀫𑁆𑀨𑀲𑁆𑀲𑀲𑁆𑀲…𑀧𑁂… 𑀖𑀸𑀦𑀲𑀫𑁆𑀨𑀲𑁆𑀲𑀲𑁆𑀲…𑀧𑁂… 𑀚𑀺𑀯𑁆𑀳𑀸𑀲𑀫𑁆𑀨𑀲𑁆𑀲𑀲𑁆𑀲…𑀧𑁂… 𑀓𑀸𑀬𑀲𑀫𑁆𑀨𑀲𑁆𑀲𑀲𑁆𑀲 𑀦 𑀯𑀢𑁆𑀣𑀼. 𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀅𑀢𑁆𑀣𑀺 𑀓𑀸𑀬𑀲𑀫𑁆𑀨𑀲𑁆𑀲𑀲𑁆𑀲 𑀯𑀢𑁆𑀣𑀼, 𑀅𑀢𑁆𑀣𑀺 𑀓𑀸𑀬𑀲𑀫𑁆𑀨𑀲𑁆𑀲𑀲𑁆𑀲 𑀦 𑀯𑀢𑁆𑀣𑀼. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀓𑀸𑀬𑀲𑀫𑁆𑀨𑀲𑁆𑀲𑀚𑀸𑀬 𑀯𑁂𑀤𑀦𑀸𑀬…𑀧𑁂… 𑀲𑀜𑁆𑀜𑀸𑀬…𑀧𑁂… 𑀘𑁂𑀢𑀦𑀸𑀬…𑀧𑁂… 𑀓𑀸𑀬𑀯𑀺𑀜𑁆𑀜𑀸𑀡𑀲𑁆𑀲 𑀦 𑀯𑀢𑁆𑀣𑀼. 𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀅𑀢𑁆𑀣𑀺 𑀓𑀸𑀬𑀯𑀺𑀜𑁆𑀜𑀸𑀡𑀲𑁆𑀲 𑀯𑀢𑁆𑀣𑀼, 𑀅𑀢𑁆𑀣𑀺 𑀓𑀸𑀬𑀯𑀺𑀜𑁆𑀜𑀸𑀡𑀲𑁆𑀲 𑀦 𑀯𑀢𑁆𑀣𑀼.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑀲𑁆𑀲 𑀦𑀸𑀭𑀫𑁆𑀫𑀡𑀁. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑀲𑁆𑀲 𑀆𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑀲𑁆𑀲 𑀦𑀸𑀭𑀫𑁆𑀫𑀡𑀁. 𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑀚𑀸𑀬 𑀯𑁂𑀤𑀦𑀸𑀬…𑀧𑁂… 𑀲𑀜𑁆𑀜𑀸𑀬…𑀧𑁂… 𑀘𑁂𑀢𑀦𑀸𑀬…𑀧𑁂… 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀲𑁆𑀲 𑀦𑀸𑀭𑀫𑁆𑀫𑀡𑀁. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀲𑁆𑀲 𑀆𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀲𑁆𑀲 𑀦𑀸𑀭𑀫𑁆𑀫𑀡𑀁.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀲𑁄𑀢𑀲𑀫𑁆𑀨𑀲𑁆𑀲𑀲𑁆𑀲…𑀧𑁂… 𑀖𑀸𑀦𑀲𑀫𑁆𑀨𑀲𑁆𑀲𑀲𑁆𑀲…𑀧𑁂… 𑀚𑀺𑀯𑁆𑀳𑀸𑀲𑀫𑁆𑀨𑀲𑁆𑀲𑀲𑁆𑀲…𑀧𑁂… 𑀓𑀸𑀬𑀲𑀫𑁆𑀨𑀲𑁆𑀲𑀲𑁆𑀲 𑀦𑀸𑀭𑀫𑁆𑀫𑀡𑀁. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀓𑀸𑀬𑀲𑀫𑁆𑀨𑀲𑁆𑀲𑀲𑁆𑀲 𑀆𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀓𑀸𑀬𑀲𑀫𑁆𑀨𑀲𑁆𑀲𑀲𑁆𑀲 𑀦𑀸𑀭𑀫𑁆𑀫𑀡𑀁. 𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀓𑀸𑀬𑀲𑀫𑁆𑀨𑀲𑁆𑀲𑀚𑀸𑀬 𑀯𑁂𑀤𑀦𑀸𑀬…𑀧𑁂… 𑀲𑀜𑁆𑀜𑀸𑀬…𑀧𑁂… 𑀘𑁂𑀢𑀦𑀸𑀬…𑀧𑁂… 𑀓𑀸𑀬𑀯𑀺𑀜𑁆𑀜𑀸𑀡𑀲𑁆𑀲 𑀦𑀸𑀭𑀫𑁆𑀫𑀡𑀁. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀓𑀸𑀬𑀯𑀺𑀜𑁆𑀜𑀸𑀡𑀲𑁆𑀲 𑀆𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀓𑀸𑀬𑀯𑀺𑀜𑁆𑀜𑀸𑀡𑀲𑁆𑀲 𑀦𑀸𑀭𑀫𑁆𑀫𑀡𑀁.

𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀦 𑀘𑀓𑁆𑀔𑀸𑀬𑀢𑀦𑀁. 𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀅𑀢𑁆𑀣𑀺 𑀘𑀓𑁆𑀔𑀸𑀬𑀢𑀦𑀁, 𑀅𑀢𑁆𑀣𑀺 𑀦 𑀘𑀓𑁆𑀔𑀸𑀬𑀢𑀦𑀁. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀦 𑀲𑁄𑀢𑀸𑀬𑀢𑀦𑀁…𑀧𑁂… 𑀦 𑀖𑀸𑀦𑀸𑀬𑀢𑀦𑀁…𑀧𑁂… 𑀦 𑀚𑀺𑀯𑁆𑀳𑀸𑀬𑀢𑀦𑀁…𑀧𑁂… 𑀦 𑀓𑀸𑀬𑀸𑀬𑀢𑀦𑀁. 𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀅𑀢𑁆𑀣𑀺 𑀓𑀸𑀬𑀸𑀬𑀢𑀦𑀁, 𑀅𑀢𑁆𑀣𑀺 𑀦 𑀓𑀸𑀬𑀸𑀬𑀢𑀦𑀁.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀦 𑀭𑀽𑀧𑀸𑀬𑀢𑀦𑀁. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀭𑀽𑀧𑀸𑀬𑀢𑀦𑀁, 𑀅𑀢𑁆𑀣𑀺 𑀦 𑀭𑀽𑀧𑀸𑀬𑀢𑀦𑀁. 𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀦 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀦 𑀕𑀦𑁆𑀥𑀸𑀬𑀢𑀦𑀁…𑀧𑁂… 𑀦 𑀭𑀲𑀸𑀬𑀢𑀦𑀁…𑀧𑁂… 𑀦 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁, 𑀅𑀢𑁆𑀣𑀺 𑀦 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁.

𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀦 𑀘𑀓𑁆𑀔𑀼𑀥𑀸𑀢𑀼. 𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀅𑀢𑁆𑀣𑀺 𑀘𑀓𑁆𑀔𑀼𑀥𑀸𑀢𑀼, 𑀅𑀢𑁆𑀣𑀺 𑀦 𑀘𑀓𑁆𑀔𑀼𑀥𑀸𑀢𑀼. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀦 𑀲𑁄𑀢𑀥𑀸𑀢𑀼…𑀧𑁂… 𑀦 𑀖𑀸𑀦𑀥𑀸𑀢𑀼…𑀧𑁂… 𑀦 𑀚𑀺𑀯𑁆𑀳𑀸𑀥𑀸𑀢𑀼…𑀧𑁂… 𑀦 𑀓𑀸𑀬𑀥𑀸𑀢𑀼. 𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀅𑀢𑁆𑀣𑀺 𑀓𑀸𑀬𑀥𑀸𑀢𑀼, 𑀅𑀢𑁆𑀣𑀺 𑀦 𑀓𑀸𑀬𑀥𑀸𑀢𑀼.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀦 𑀭𑀽𑀧𑀥𑀸𑀢𑀼. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀭𑀽𑀧𑀥𑀸𑀢𑀼, 𑀅𑀢𑁆𑀣𑀺 𑀦 𑀭𑀽𑀧𑀥𑀸𑀢𑀼. 𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀦 𑀲𑀤𑁆𑀤𑀥𑀸𑀢𑀼…𑀧𑁂… 𑀦 𑀕𑀦𑁆𑀥𑀥𑀸𑀢𑀼…𑀧𑁂… 𑀦 𑀭𑀲𑀥𑀸𑀢𑀼…𑀧𑁂… 𑀦 𑀨𑁄𑀝𑁆𑀞𑀩𑁆𑀩𑀥𑀸𑀢𑀼. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀨𑁄𑀝𑁆𑀞𑀩𑁆𑀩𑀥𑀸𑀢𑀼, 𑀅𑀢𑁆𑀣𑀺 𑀦 𑀨𑁄𑀝𑁆𑀞𑀩𑁆𑀩𑀥𑀸𑀢𑀼.

𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀦 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁. 𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀅𑀢𑁆𑀣𑀺 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁, 𑀅𑀢𑁆𑀣𑀺 𑀦 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀦 𑀲𑁄𑀢𑀺𑀦𑁆𑀤𑁆𑀭𑀺𑀬𑀁…𑀧𑁂… 𑀦 𑀖𑀸𑀦𑀺𑀦𑁆𑀤𑁆𑀭𑀺𑀬𑀁…𑀧𑁂… 𑀦 𑀚𑀺𑀯𑁆𑀳𑀺𑀦𑁆𑀤𑁆𑀭𑀺𑀬𑀁…𑀧𑁂… 𑀦 𑀓𑀸𑀬𑀺𑀦𑁆𑀤𑁆𑀭𑀺𑀬𑀁. 𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀅𑀢𑁆𑀣𑀺 𑀓𑀸𑀬𑀺𑀦𑁆𑀤𑁆𑀭𑀺𑀬𑀁, 𑀅𑀢𑁆𑀣𑀺 𑀦 𑀓𑀸𑀬𑀺𑀦𑁆𑀤𑁆𑀭𑀺𑀬𑀁.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀦 𑀇𑀢𑁆𑀣𑀺𑀦𑁆𑀤𑁆𑀭𑀺𑀬𑀁. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀇𑀢𑁆𑀣𑀺𑀦𑁆𑀤𑁆𑀭𑀺𑀬𑀁, 𑀅𑀢𑁆𑀣𑀺 𑀦 𑀇𑀢𑁆𑀣𑀺𑀦𑁆𑀤𑁆𑀭𑀺𑀬𑀁.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀦 𑀧𑀼𑀭𑀺𑀲𑀺𑀦𑁆𑀤𑁆𑀭𑀺𑀬𑀁. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀧𑀼𑀭𑀺𑀲𑀺𑀦𑁆𑀤𑁆𑀭𑀺𑀬𑀁, 𑀅𑀢𑁆𑀣𑀺 𑀦 𑀧𑀼𑀭𑀺𑀲𑀺𑀦𑁆𑀤𑁆𑀭𑀺𑀬𑀁.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀦 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀁. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀁, 𑀅𑀢𑁆𑀣𑀺 𑀦 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀁.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀦 𑀓𑀸𑀬𑀯𑀺𑀜𑁆𑀜𑀢𑁆𑀢𑀺. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀓𑀸𑀬𑀯𑀺𑀜𑁆𑀜𑀢𑁆𑀢𑀺, 𑀅𑀢𑁆𑀣𑀺 𑀦 𑀓𑀸𑀬𑀯𑀺𑀜𑁆𑀜𑀢𑁆𑀢𑀺.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀦 𑀯𑀘𑀻𑀯𑀺𑀜𑁆𑀜𑀢𑁆𑀢𑀺. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀯𑀘𑀻𑀯𑀺𑀜𑁆𑀜𑀢𑁆𑀢𑀺, 𑀅𑀢𑁆𑀣𑀺 𑀦 𑀯𑀘𑀻𑀯𑀺𑀜𑁆𑀜𑀢𑁆𑀢𑀺.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀦 𑀆𑀓𑀸𑀲𑀥𑀸𑀢𑀼. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀆𑀓𑀸𑀲𑀥𑀸𑀢𑀼, 𑀅𑀢𑁆𑀣𑀺 𑀦 𑀆𑀓𑀸𑀲𑀥𑀸𑀢𑀼.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀦 𑀆𑀧𑁄𑀥𑀸𑀢𑀼. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀆𑀧𑁄𑀥𑀸𑀢𑀼, 𑀅𑀢𑁆𑀣𑀺 𑀦 𑀆𑀧𑁄𑀥𑀸𑀢𑀼.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀭𑀽𑀧𑀲𑁆𑀲 𑀦 𑀮𑀳𑀼𑀢𑀸. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀭𑀽𑀧𑀲𑁆𑀲 𑀮𑀳𑀼𑀢𑀸, 𑀅𑀢𑁆𑀣𑀺 𑀭𑀽𑀧𑀲𑁆𑀲 𑀦 𑀮𑀳𑀼𑀢𑀸.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀭𑀽𑀧𑀲𑁆𑀲 𑀦 𑀫𑀼𑀤𑀼𑀢𑀸. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀭𑀽𑀧𑀲𑁆𑀲 𑀫𑀼𑀤𑀼𑀢𑀸, 𑀅𑀢𑁆𑀣𑀺 𑀭𑀽𑀧𑀲𑁆𑀲 𑀦 𑀫𑀼𑀤𑀼𑀢𑀸.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀭𑀽𑀧𑀲𑁆𑀲 𑀦 𑀓𑀫𑁆𑀫𑀜𑁆𑀜𑀢𑀸. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀭𑀽𑀧𑀲𑁆𑀲 𑀓𑀫𑁆𑀫𑀜𑁆𑀜𑀢𑀸, 𑀅𑀢𑁆𑀣𑀺 𑀭𑀽𑀧𑀲𑁆𑀲 𑀦 𑀓𑀫𑁆𑀫𑀜𑁆𑀜𑀢𑀸.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀭𑀽𑀧𑀲𑁆𑀲 𑀦 𑀉𑀧𑀘𑀬𑁄. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀭𑀽𑀧𑀲𑁆𑀲 𑀉𑀧𑀘𑀬𑁄, 𑀅𑀢𑁆𑀣𑀺 𑀭𑀽𑀧𑀲𑁆𑀲 𑀦 𑀉𑀧𑀘𑀬𑁄.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀭𑀽𑀧𑀲𑁆𑀲 𑀦 𑀲𑀦𑁆𑀢𑀢𑀺. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀭𑀽𑀧𑀲𑁆𑀲 𑀲𑀦𑁆𑀢𑀢𑀺, 𑀅𑀢𑁆𑀣𑀺 𑀭𑀽𑀧𑀲𑁆𑀲 𑀦 𑀲𑀦𑁆𑀢𑀢𑀺.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀭𑀽𑀧𑀲𑁆𑀲 𑀦 𑀚𑀭𑀢𑀸. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀭𑀽𑀧𑀲𑁆𑀲 𑀚𑀭𑀢𑀸, 𑀅𑀢𑁆𑀣𑀺 𑀭𑀽𑀧𑀲𑁆𑀲 𑀦 𑀚𑀭𑀢𑀸.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀭𑀽𑀧𑀲𑁆𑀲 𑀦 𑀅𑀦𑀺𑀘𑁆𑀘𑀢𑀸. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀭𑀽𑀧𑀲𑁆𑀲 𑀅𑀦𑀺𑀘𑁆𑀘𑀢𑀸, 𑀅𑀢𑁆𑀣𑀺 𑀭𑀽𑀧𑀲𑁆𑀲 𑀦 𑀅𑀦𑀺𑀘𑁆𑀘𑀢𑀸.

𑀬𑀁 𑀢𑀁 𑀭𑀽𑀧𑀁 𑀅𑀚𑁆𑀛𑀢𑁆𑀢𑀺𑀓𑀁, 𑀢𑀁 𑀦 𑀓𑀩𑀴𑀻𑀓𑀸𑀭𑁄 𑀆𑀳𑀸𑀭𑁄. 𑀬𑀁 𑀢𑀁 𑀭𑀽𑀧𑀁 𑀩𑀸𑀳𑀺𑀭𑀁, 𑀢𑀁 𑀅𑀢𑁆𑀣𑀺 𑀓𑀩𑀴𑀻𑀓𑀸𑀭𑁄 𑀆𑀳𑀸𑀭𑁄, 𑀅𑀢𑁆𑀣𑀺 𑀦 𑀓𑀩𑀴𑀻𑀓𑀸𑀭𑁄 𑀆𑀳𑀸𑀭𑁄.

𑀏𑀯𑀁 𑀢𑀺𑀯𑀺𑀥𑁂𑀦 𑀭𑀽𑀧𑀲𑀗𑁆𑀕𑀳𑁄.

𑀢𑀺𑀓𑀁.

𑀘𑀢𑀼𑀓𑁆𑀓𑀁

𑀘𑀢𑀼𑀩𑁆𑀩𑀺𑀥𑁂𑀦 𑀭𑀽𑀧𑀲𑀗𑁆𑀕𑀳𑁄 𑁋

𑁫𑁮𑁬. 𑀬𑀁 𑀢𑀁 𑀭𑀽𑀧𑀁 𑀉𑀧𑀸𑀤𑀸, 𑀢𑀁 𑀅𑀢𑁆𑀣𑀺 𑀉𑀧𑀸𑀤𑀺𑀡𑁆𑀡𑀁, 𑀅𑀢𑁆𑀣𑀺 𑀅𑀦𑀼𑀧𑀸𑀤𑀺𑀡𑁆𑀡𑀁. 𑀬𑀁 𑀢𑀁 𑀭𑀽𑀧𑀁 𑀦𑁄 𑀉𑀧𑀸𑀤𑀸, 𑀢𑀁 𑀅𑀢𑁆𑀣𑀺 𑀉𑀧𑀸𑀤𑀺𑀡𑁆𑀡𑀁, 𑀅𑀢𑁆𑀣𑀺 𑀅𑀦𑀼𑀧𑀸𑀤𑀺𑀡𑁆𑀡𑀁.

𑀬𑀁 𑀢𑀁 𑀭𑀽𑀧𑀁 𑀉𑀧𑀸𑀤𑀸, 𑀢𑀁 𑀅𑀢𑁆𑀣𑀺 𑀉𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀁, 𑀅𑀢𑁆𑀣𑀺 𑀅𑀦𑀼𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀁. 𑀬𑀁 𑀢𑀁 𑀭𑀽𑀧𑀁 𑀦𑁄 𑀉𑀧𑀸𑀤𑀸, 𑀢𑀁 𑀅𑀢𑁆𑀣𑀺 𑀉𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀁, 𑀅𑀢𑁆𑀣𑀺 𑀅𑀦𑀼𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀁.

𑀬𑀁 𑀢𑀁 𑀭𑀽𑀧𑀁 𑀉𑀧𑀸𑀤𑀸, 𑀢𑀁 𑀅𑀢𑁆𑀣𑀺 𑀲𑀧𑁆𑀧𑀝𑀺𑀖𑀁, 𑀅𑀢𑁆𑀣𑀺 𑀅𑀧𑁆𑀧𑀝𑀺𑀖𑀁. 𑀬𑀁 𑀢𑀁 𑀭𑀽𑀧𑀁 𑀦𑁄 𑀉𑀧𑀸𑀤𑀸, 𑀢𑀁 𑀅𑀢𑁆𑀣𑀺 𑀲𑀧𑁆𑀧𑀝𑀺𑀖𑀁, 𑀅𑀢𑁆𑀣𑀺 𑀅𑀧𑁆𑀧𑀝𑀺𑀖𑀁.

𑀬𑀁 𑀢𑀁 𑀭𑀽𑀧𑀁 𑀉𑀧𑀸𑀤𑀸, 𑀢𑀁 𑀅𑀢𑁆𑀣𑀺 𑀑𑀴𑀸𑀭𑀺𑀓𑀁, 𑀅𑀢𑁆𑀣𑀺 𑀲𑀼𑀔𑀼𑀫𑀁. 𑀬𑀁 𑀢𑀁 𑀭𑀽𑀧𑀁 𑀦𑁄 𑀉𑀧𑀸𑀤𑀸, 𑀢𑀁 𑀅𑀢𑁆𑀣𑀺 𑀑𑀴𑀸𑀭𑀺𑀓𑀁, 𑀅𑀢𑁆𑀣𑀺 𑀲𑀼𑀔𑀼𑀫𑀁.

𑀬𑀁 𑀢𑀁 𑀭𑀽𑀧𑀁 𑀉𑀧𑀸𑀤𑀸, 𑀢𑀁 𑀅𑀢𑁆𑀣𑀺 𑀤𑀽𑀭𑁂, 𑀅𑀢𑁆𑀣𑀺 𑀲𑀦𑁆𑀢𑀺𑀓𑁂. 𑀬𑀁 𑀢𑀁 𑀭𑀽𑀧𑀁 𑀦𑁄 𑀉𑀧𑀸𑀤𑀸, 𑀢𑀁 𑀅𑀢𑁆𑀣𑀺 𑀤𑀽𑀭𑁂, 𑀅𑀢𑁆𑀣𑀺 𑀲𑀦𑁆𑀢𑀺𑀓𑁂.

𑀬𑀁 𑀢𑀁 𑀭𑀽𑀧𑀁 𑀉𑀧𑀸𑀤𑀺𑀡𑁆𑀡𑀁, 𑀢𑀁 𑀅𑀢𑁆𑀣𑀺 𑀲𑀦𑀺𑀤𑀲𑁆𑀲𑀦𑀁, 𑀅𑀢𑁆𑀣𑀺 𑀅𑀦𑀺𑀤𑀲𑁆𑀲𑀦𑀁. 𑀬𑀁 𑀢𑀁 𑀭𑀽𑀧𑀁 𑀅𑀦𑀼𑀧𑀸𑀤𑀺𑀡𑁆𑀡𑀁, 𑀢𑀁 𑀅𑀢𑁆𑀣𑀺 𑀲𑀦𑀺𑀤𑀲𑁆𑀲𑀦𑀁, 𑀅𑀢𑁆𑀣𑀺 𑀅𑀦𑀺𑀤𑀲𑁆𑀲𑀦𑀁.

𑀬𑀁 𑀢𑀁 𑀭𑀽𑀧𑀁 𑀉𑀧𑀸𑀤𑀺𑀡𑁆𑀡𑀁, 𑀢𑀁 𑀅𑀢𑁆𑀣𑀺 𑀲𑀧𑁆𑀧𑀝𑀺𑀖𑀁 𑀅𑀢𑁆𑀣𑀺 𑀅𑀧𑁆𑀧𑀝𑀺𑀖𑀁. 𑀬𑀁 𑀢𑀁 𑀭𑀽𑀧𑀁 𑀅𑀦𑀼𑀧𑀸𑀤𑀺𑀡𑁆𑀡𑀁, 𑀢𑀁 𑀅𑀢𑁆𑀣𑀺 𑀲𑀧𑁆𑀧𑀝𑀺𑀖𑀁, 𑀅𑀢𑁆𑀣𑀺 𑀅𑀧𑁆𑀧𑀝𑀺𑀖𑀁.

𑀬𑀁 𑀢𑀁 𑀭𑀽𑀧𑀁 𑀉𑀧𑀸𑀤𑀺𑀡𑁆𑀡𑀁, 𑀢𑀁 𑀅𑀢𑁆𑀣𑀺 𑀫𑀳𑀸𑀪𑀽𑀢𑀁, 𑀅𑀢𑁆𑀣𑀺 𑀦 𑀫𑀳𑀸𑀪𑀽𑀢𑀁. 𑀬𑀁 𑀢𑀁 𑀭𑀽𑀧𑀁 𑀅𑀦𑀼𑀧𑀸𑀤𑀺𑀡𑁆𑀡𑀁, 𑀢𑀁 𑀅𑀢𑁆𑀣𑀺 𑀫𑀳𑀸𑀪𑀽𑀢𑀁, 𑀅𑀢𑁆𑀣𑀺 𑀦 𑀫𑀳𑀸𑀪𑀽𑀢𑀁.

𑀬𑀁 𑀢𑀁 𑀭𑀽𑀧𑀁 𑀉𑀧𑀸𑀤𑀺𑀡𑁆𑀡𑀁, 𑀢𑀁 𑀅𑀢𑁆𑀣𑀺 𑀑𑀴𑀸𑀭𑀺𑀓𑀁, 𑀅𑀢𑁆𑀣𑀺 𑀲𑀼𑀔𑀼𑀫𑀁. 𑀬𑀁 𑀢𑀁 𑀭𑀽𑀧𑀁 𑀅𑀦𑀼𑀧𑀸𑀤𑀺𑀡𑁆𑀡𑀁, 𑀢𑀁 𑀅𑀢𑁆𑀣𑀺 𑀑𑀴𑀸𑀭𑀺𑀓𑀁, 𑀅𑀢𑁆𑀣𑀺 𑀲𑀼𑀔𑀼𑀫𑀁.

𑀬𑀁 𑀢𑀁 𑀭𑀽𑀧𑀁 𑀉𑀧𑀸𑀤𑀺𑀡𑁆𑀡𑀁, 𑀢𑀁 𑀅𑀢𑁆𑀣𑀺 𑀤𑀽𑀭𑁂, 𑀅𑀢𑁆𑀣𑀺 𑀲𑀦𑁆𑀢𑀺𑀓𑁂. 𑀬𑀁 𑀢𑀁 𑀭𑀽𑀧𑀁 𑀅𑀦𑀼𑀧𑀸𑀤𑀺𑀡𑁆𑀡𑀁, 𑀢𑀁 𑀅𑀢𑁆𑀣𑀺 𑀤𑀽𑀭𑁂, 𑀅𑀢𑁆𑀣𑀺 𑀲𑀦𑁆𑀢𑀺𑀓𑁂.

𑀬𑀁 𑀢𑀁 𑀭𑀽𑀧𑀁 𑀉𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀁, 𑀢𑀁 𑀅𑀢𑁆𑀣𑀺 𑀲𑀦𑀺𑀤𑀲𑁆𑀲𑀦𑀁, 𑀅𑀢𑁆𑀣𑀺 𑀅𑀦𑀺𑀤𑀲𑁆𑀲𑀦𑀁. 𑀬𑀁 𑀢𑀁 𑀭𑀽𑀧𑀁 𑀅𑀦𑀼𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀁, 𑀢𑀁 𑀅𑀢𑁆𑀣𑀺 𑀲𑀦𑀺𑀤𑀲𑁆𑀲𑀦𑀁, 𑀅𑀢𑁆𑀣𑀺 𑀅𑀦𑀺𑀤𑀲𑁆𑀲𑀦𑀁.

𑀬𑀁 𑀢𑀁 𑀭𑀽𑀧𑀁 𑀉𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀁, 𑀢𑀁 𑀅𑀢𑁆𑀣𑀺 𑀲𑀧𑁆𑀧𑀝𑀺𑀖𑀁, 𑀅𑀢𑁆𑀣𑀺 𑀅𑀧𑁆𑀧𑀝𑀺𑀖𑀁. 𑀬𑀁 𑀢𑀁 𑀭𑀽𑀧𑀁 𑀅𑀦𑀼𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀁, 𑀢𑀁 𑀅𑀢𑁆𑀣𑀺 𑀲𑀧𑁆𑀧𑀝𑀺𑀖𑀁, 𑀅𑀢𑁆𑀣𑀺 𑀅𑀧𑁆𑀧𑀝𑀺𑀖𑀁.

𑀬𑀁 𑀢𑀁 𑀭𑀽𑀧𑀁 𑀉𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀁, 𑀢𑀁 𑀅𑀢𑁆𑀣𑀺 𑀫𑀳𑀸𑀪𑀽𑀢𑀁, 𑀅𑀢𑁆𑀣𑀺 𑀦 𑀫𑀳𑀸𑀪𑀽𑀢𑀁. 𑀬𑀁 𑀢𑀁 𑀭𑀽𑀧𑀁 𑀅𑀦𑀼𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀁, 𑀢𑀁 𑀅𑀢𑁆𑀣𑀺 𑀫𑀳𑀸𑀪𑀽𑀢𑀁, 𑀅𑀢𑁆𑀣𑀺 𑀦 𑀫𑀳𑀸𑀪𑀽𑀢𑀁.

𑀬𑀁 𑀢𑀁 𑀭𑀽𑀧𑀁 𑀉𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀁, 𑀢𑀁 𑀅𑀢𑁆𑀣𑀺 𑀑𑀴𑀸𑀭𑀺𑀓𑀁, 𑀅𑀢𑁆𑀣𑀺 𑀲𑀼𑀔𑀼𑀫𑀁. 𑀬𑀁 𑀢𑀁 𑀭𑀽𑀧𑀁 𑀅𑀦𑀼𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀁, 𑀢𑀁 𑀅𑀢𑁆𑀣𑀺 𑀑𑀴𑀸𑀭𑀺𑀓𑀁, 𑀅𑀢𑁆𑀣𑀺 𑀲𑀼𑀔𑀼𑀫𑀁.

𑀬𑀁 𑀢𑀁 𑀭𑀽𑀧𑀁 𑀉𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀁, 𑀢𑀁 𑀅𑀢𑁆𑀣𑀺 𑀤𑀽𑀭𑁂, 𑀅𑀢𑁆𑀣𑀺 𑀲𑀦𑁆𑀢𑀺𑀓𑁂. 𑀬𑀁 𑀢𑀁 𑀭𑀽𑀧𑀁 𑀅𑀦𑀼𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀁, 𑀢𑀁 𑀅𑀢𑁆𑀣𑀺 𑀤𑀽𑀭𑁂, 𑀅𑀢𑁆𑀣𑀺 𑀲𑀦𑁆𑀢𑀺𑀓𑁂.

𑀬𑀁 𑀢𑀁 𑀭𑀽𑀧𑀁 𑀲𑀧𑁆𑀧𑀝𑀺𑀖𑀁, 𑀢𑀁 𑀅𑀢𑁆𑀣𑀺 𑀇𑀦𑁆𑀤𑁆𑀭𑀺𑀬𑀁, 𑀅𑀢𑁆𑀣𑀺 𑀦 𑀇𑀦𑁆𑀤𑁆𑀭𑀺𑀬𑀁. 𑀬𑀁 𑀢𑀁 𑀭𑀽𑀧𑀁 𑀅𑀧𑁆𑀧𑀝𑀺𑀖𑀁, 𑀢𑀁 𑀅𑀢𑁆𑀣𑀺 𑀇𑀦𑁆𑀤𑁆𑀭𑀺𑀬𑀁, 𑀅𑀢𑁆𑀣𑀺 𑀦 𑀇𑀦𑁆𑀤𑁆𑀭𑀺𑀬𑀁.

𑀬𑀁 𑀢𑀁 𑀭𑀽𑀧𑀁 𑀲𑀧𑁆𑀧𑀝𑀺𑀖𑀁, 𑀢𑀁 𑀅𑀢𑁆𑀣𑀺 𑀫𑀳𑀸𑀪𑀽𑀢𑀁, 𑀅𑀢𑁆𑀣𑀺 𑀦 𑀫𑀳𑀸𑀪𑀽𑀢𑀁. 𑀬𑀁 𑀢𑀁 𑀭𑀽𑀧𑀁 𑀅𑀧𑁆𑀧𑀝𑀺𑀖𑀁, 𑀢𑀁 𑀅𑀢𑁆𑀣𑀺 𑀫𑀳𑀸𑀪𑀽𑀢𑀁, 𑀅𑀢𑁆𑀣𑀺 𑀦 𑀫𑀳𑀸𑀪𑀽𑀢𑀁.

𑀬𑀁 𑀢𑀁 𑀭𑀽𑀧𑀁 𑀇𑀦𑁆𑀤𑁆𑀭𑀺𑀬𑀁, 𑀢𑀁 𑀅𑀢𑁆𑀣𑀺 𑀑𑀴𑀸𑀭𑀺𑀓𑀁, 𑀅𑀢𑁆𑀣𑀺 𑀲𑀼𑀔𑀼𑀫𑀁. 𑀬𑀁 𑀢𑀁 𑀭𑀽𑀧𑀁 𑀦 𑀇𑀦𑁆𑀤𑁆𑀭𑀺𑀬𑀁, 𑀢𑀁 𑀅𑀢𑁆𑀣𑀺 𑀑𑀴𑀸𑀭𑀺𑀓𑀁, 𑀅𑀢𑁆𑀣𑀺 𑀲𑀼𑀔𑀼𑀫𑀁.

𑀬𑀁 𑀢𑀁 𑀭𑀽𑀧𑀁 𑀇𑀦𑁆𑀤𑁆𑀭𑀺𑀬𑀁, 𑀢𑀁 𑀅𑀢𑁆𑀣𑀺 𑀤𑀽𑀭𑁂, 𑀅𑀢𑁆𑀣𑀺 𑀲𑀦𑁆𑀢𑀺𑀓𑁂. 𑀬𑀁 𑀢𑀁 𑀭𑀽𑀧𑀁 𑀦 𑀇𑀦𑁆𑀤𑁆𑀭𑀺𑀬𑀁, 𑀢𑀁 𑀅𑀢𑁆𑀣𑀺 𑀤𑀽𑀭𑁂, 𑀅𑀢𑁆𑀣𑀺 𑀲𑀦𑁆𑀢𑀺𑀓𑁂.

𑀬𑀁 𑀢𑀁 𑀭𑀽𑀧𑀁 𑀫𑀳𑀸𑀪𑀽𑀢𑀁, 𑀢𑀁 𑀅𑀢𑁆𑀣𑀺 𑀑𑀴𑀸𑀭𑀺𑀓𑀁, 𑀅𑀢𑁆𑀣𑀺 𑀲𑀼𑀔𑀼𑀫𑀁. 𑀬𑀁 𑀢𑀁 𑀭𑀽𑀧𑀁 𑀦 𑀫𑀳𑀸𑀪𑀽𑀢𑀁, 𑀢𑀁 𑀅𑀢𑁆𑀣𑀺 𑀑𑀴𑀸𑀭𑀺𑀓𑀁, 𑀅𑀢𑁆𑀣𑀺 𑀲𑀼𑀔𑀼𑀫𑀁.

𑀬𑀁 𑀢𑀁 𑀭𑀽𑀧𑀁 𑀫𑀳𑀸𑀪𑀽𑀢𑀁, 𑀢𑀁 𑀅𑀢𑁆𑀣𑀺 𑀤𑀽𑀭𑁂, 𑀅𑀢𑁆𑀣𑀺 𑀲𑀦𑁆𑀢𑀺𑀓𑁂. 𑀬𑀁 𑀢𑀁 𑀭𑀽𑀧𑀁 𑀦 𑀫𑀳𑀸𑀪𑀽𑀢𑀁, 𑀢𑀁 𑀅𑀢𑁆𑀣𑀺 𑀤𑀽𑀭𑁂, 𑀅𑀢𑁆𑀣𑀺 𑀲𑀦𑁆𑀢𑀺𑀓𑁂.

𑀤𑀺𑀝𑁆𑀞𑀁 𑀲𑀼𑀢𑀁 𑀫𑀼𑀢𑀁 𑀯𑀺𑀜𑁆𑀜𑀸𑀢𑀁 𑀭𑀽𑀧𑀁.

𑀏𑀯𑀁 𑀘𑀢𑀼𑀩𑁆𑀩𑀺𑀥𑁂𑀦 𑀭𑀽𑀧𑀲𑀗𑁆𑀕𑀳𑁄.

𑀘𑀢𑀼𑀓𑁆𑀓𑀁.

𑀧𑀜𑁆𑀘𑀓𑀁

𑀧𑀜𑁆𑀘𑀯𑀺𑀥𑁂𑀦 𑀭𑀽𑀧𑀲𑀗𑁆𑀕𑀳𑁄 𑁋

𑁫𑁮𑁭. 𑀧𑀣𑀯𑀻𑀥𑀸𑀢𑀼, 𑀆𑀧𑁄𑀥𑀸𑀢𑀼, 𑀢𑁂𑀚𑁄𑀥𑀸𑀢𑀼, 𑀯𑀸𑀬𑁄𑀥𑀸𑀢𑀼, 𑀬𑀜𑁆𑀘 𑀭𑀽𑀧𑀁 𑀉𑀧𑀸𑀤𑀸.

𑀏𑀯𑀁 𑀧𑀜𑁆𑀘𑀯𑀺𑀥𑁂𑀦 𑀭𑀽𑀧𑀲𑀗𑁆𑀕𑀳𑁄.

𑀧𑀜𑁆𑀘𑀓𑀁.

𑀙𑀓𑁆𑀓𑀁

𑀙𑀩𑁆𑀩𑀺𑀥𑁂𑀦 𑀭𑀽𑀧𑀲𑀗𑁆𑀕𑀳𑁄 𑁋

𑁫𑁮𑁮. 𑀘𑀓𑁆𑀔𑀼𑀯𑀺𑀜𑁆𑀜𑁂𑀬𑁆𑀬𑀁 𑀭𑀽𑀧𑀁, 𑀲𑁄𑀢𑀯𑀺𑀜𑁆𑀜𑁂𑀬𑁆𑀬𑀁 𑀭𑀽𑀧𑀁, 𑀖𑀸𑀦𑀯𑀺𑀜𑁆𑀜𑁂𑀬𑁆𑀬𑀁 𑀭𑀽𑀧𑀁, 𑀚𑀺𑀯𑁆𑀳𑀸𑀯𑀺𑀜𑁆𑀜𑁂𑀬𑁆𑀬𑀁 𑀭𑀽𑀧𑀁, 𑀓𑀸𑀬𑀯𑀺𑀜𑁆𑀜𑁂𑀬𑁆𑀬𑀁 𑀭𑀽𑀧𑀁, 𑀫𑀦𑁄𑀯𑀺𑀜𑁆𑀜𑁂𑀬𑁆𑀬𑀁 𑀭𑀽𑀧𑀁.

𑀏𑀯𑀁 𑀙𑀩𑁆𑀩𑀺𑀥𑁂𑀦 𑀭𑀽𑀧𑀲𑀗𑁆𑀕𑀳𑁄.

𑀙𑀓𑁆𑀓𑀁.

𑀲𑀢𑁆𑀢𑀓𑀁

𑀲𑀢𑁆𑀢𑀯𑀺𑀥𑁂𑀦 𑀭𑀽𑀧𑀲𑀗𑁆𑀕𑀳𑁄 𑁋

𑁫𑁮𑁯. 𑀘𑀓𑁆𑀔𑀼𑀯𑀺𑀜𑁆𑀜𑁂𑀬𑁆𑀬𑀁 𑀭𑀽𑀧𑀁, 𑀲𑁄𑀢𑀯𑀺𑀜𑁆𑀜𑁂𑀬𑁆𑀬𑀁 𑀭𑀽𑀧𑀁, 𑀖𑀸𑀦𑀯𑀺𑀜𑁆𑀜𑁂𑀬𑁆𑀬𑀁 𑀭𑀽𑀧𑀁, 𑀚𑀺𑀯𑁆𑀳𑀸𑀯𑀺𑀜𑁆𑀜𑁂𑀬𑁆𑀬𑀁 𑀭𑀽𑀧𑀁, 𑀓𑀸𑀬𑀯𑀺𑀜𑁆𑀜𑁂𑀬𑁆𑀬𑀁 𑀭𑀽𑀧𑀁, 𑀫𑀦𑁄𑀥𑀸𑀢𑀼𑀯𑀺𑀜𑁆𑀜𑁂𑀬𑁆𑀬𑀁 𑀭𑀽𑀧𑀁, 𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼𑀯𑀺𑀜𑁆𑀜𑁂𑀬𑁆𑀬𑀁 𑀭𑀽𑀧𑀁.

𑀏𑀯𑀁 𑀲𑀢𑁆𑀢𑀯𑀺𑀥𑁂𑀦 𑀭𑀽𑀧𑀲𑀗𑁆𑀕𑀳𑁄.

𑀲𑀢𑁆𑀢𑀓𑀁.

𑀅𑀝𑁆𑀞𑀓𑀁

𑀅𑀝𑁆𑀞𑀯𑀺𑀥𑁂𑀦 𑀭𑀽𑀧𑀲𑀗𑁆𑀕𑀳𑁄 𑁋

𑁫𑁯𑁦. 𑀘𑀓𑁆𑀔𑀼𑀯𑀺𑀜𑁆𑀜𑁂𑀬𑁆𑀬𑀁 𑀭𑀽𑀧𑀁, 𑀲𑁄𑀢𑀯𑀺𑀜𑁆𑀜𑁂𑀬𑁆𑀬𑀁 𑀭𑀽𑀧𑀁, 𑀖𑀸𑀦𑀯𑀺𑀜𑁆𑀜𑁂𑀬𑁆𑀬𑀁 𑀭𑀽𑀧𑀁, 𑀚𑀺𑀯𑁆𑀳𑀸𑀯𑀺𑀜𑁆𑀜𑁂𑀬𑁆𑀬𑀁 𑀭𑀽𑀧𑀁, 𑀓𑀸𑀬𑀯𑀺𑀜𑁆𑀜𑁂𑀬𑁆𑀬𑀁 𑀭𑀽𑀧𑀁, 𑀅𑀢𑁆𑀣𑀺 𑀲𑀼𑀔𑀲𑀫𑁆𑀨𑀲𑁆𑀲𑀁, 𑀅𑀢𑁆𑀣𑀺 𑀤𑀼𑀓𑁆𑀔𑀲𑀫𑁆𑀨𑀲𑁆𑀲𑀁, 𑀫𑀦𑁄𑀥𑀸𑀢𑀼𑀯𑀺𑀜𑁆𑀜𑁂𑀬𑁆𑀬𑀁 𑀭𑀽𑀧𑀁, 𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼𑀯𑀺𑀜𑁆𑀜𑁂𑀬𑁆𑀬𑀁 𑀭𑀽𑀧𑀁.

𑀏𑀯𑀁 𑀅𑀝𑁆𑀞𑀯𑀺𑀥𑁂𑀦 𑀭𑀽𑀧𑀲𑀗𑁆𑀕𑀳𑁄.

𑀅𑀝𑁆𑀞𑀓𑀁.

𑀦𑀯𑀓𑀁

𑀦𑀯𑀯𑀺𑀥𑁂𑀦 𑀭𑀽𑀧𑀲𑀗𑁆𑀕𑀳𑁄 𑁋

𑁫𑁯𑁧. 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁, 𑀲𑁄𑀢𑀺𑀦𑁆𑀤𑁆𑀭𑀺𑀬𑀁, 𑀖𑀸𑀦𑀺𑀦𑁆𑀤𑁆𑀭𑀺𑀬𑀁, 𑀚𑀺𑀯𑁆𑀳𑀺𑀦𑁆𑀤𑁆𑀭𑀺𑀬𑀁 𑀓𑀸𑀬𑀺𑀦𑁆𑀤𑁆𑀭𑀺𑀬𑀁, 𑀇𑀢𑁆𑀣𑀺𑀦𑁆𑀤𑁆𑀭𑀺𑀬𑀁, 𑀧𑀼𑀭𑀺𑀲𑀺𑀦𑁆𑀤𑁆𑀭𑀺𑀬𑀁, 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀁, 𑀬𑀜𑁆𑀘 𑀭𑀽𑀧𑀁 𑀦 𑀇𑀦𑁆𑀤𑁆𑀭𑀺𑀬𑀁.

𑀏𑀯𑀁 𑀦𑀯𑀯𑀺𑀥𑁂𑀦 𑀭𑀽𑀧𑀲𑀗𑁆𑀕𑀳𑁄.

𑀦𑀯𑀓𑀁.

𑀤𑀲𑀓𑀁

𑀤𑀲𑀯𑀺𑀥𑁂𑀦 𑀭𑀽𑀧𑀲𑀗𑁆𑀕𑀳𑁄 𑁋

𑁫𑁯𑁨. 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁, 𑀲𑁄𑀢𑀺𑀦𑁆𑀤𑁆𑀭𑀺𑀬𑀁, 𑀖𑀸𑀦𑀺𑀦𑁆𑀤𑁆𑀭𑀺𑀬𑀁, 𑀚𑀺𑀯𑁆𑀳𑀺𑀦𑁆𑀤𑁆𑀭𑀺𑀬𑀁 𑀓𑀸𑀬𑀺𑀦𑁆𑀤𑁆𑀭𑀺𑀬𑀁, 𑀇𑀢𑁆𑀣𑀺𑀦𑁆𑀤𑁆𑀭𑀺𑀬𑀁, 𑀧𑀼𑀭𑀺𑀲𑀺𑀦𑁆𑀤𑁆𑀭𑀺𑀬𑀁, 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀁, 𑀦 𑀇𑀦𑁆𑀤𑁆𑀭𑀺𑀬𑀁 𑀭𑀽𑀧𑀁 𑀅𑀢𑁆𑀣𑀺 𑀲𑀧𑁆𑀧𑀝𑀺𑀖𑀁, 𑀅𑀢𑁆𑀣𑀺 𑀅𑀧𑁆𑀧𑀝𑀺𑀖𑀁.

𑀏𑀯𑀁 𑀤𑀲𑀯𑀺𑀥𑁂𑀦 𑀭𑀽𑀧𑀲𑀗𑁆𑀕𑀳𑁄.

𑀤𑀲𑀓𑀁.

𑀏𑀓𑀸𑀤𑀲𑀓𑀁

𑀏𑀓𑀸𑀤𑀲𑀯𑀺𑀥𑁂𑀦 𑀭𑀽𑀧𑀲𑀗𑁆𑀕𑀳𑁄 𑁋