𑁮. 𑀤𑀼𑀓𑀁

𑁧𑁧𑁧. 𑀳𑁂𑀢𑀽 𑀥𑀫𑁆𑀫𑀸… 𑀳𑁂𑀢𑀽 𑀘𑁂𑀯 𑀲𑀳𑁂𑀢𑀼𑀓𑀸 𑀘 𑀥𑀫𑁆𑀫𑀸… 𑀳𑁂𑀢𑀽 𑀘𑁂𑀯 𑀳𑁂𑀢𑀼𑀲𑀫𑁆𑀧𑀬𑀼𑀢𑁆𑀢𑀸 𑀘 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁧𑁨. 𑀦 𑀳𑁂𑀢𑀽 𑀥𑀫𑁆𑀫𑀸… 𑀅𑀳𑁂𑀢𑀼𑀓𑀸 𑀥𑀫𑁆𑀫𑀸… 𑀳𑁂𑀢𑀼𑀯𑀺𑀧𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸… 𑀦 𑀳𑁂𑀢𑀽 𑀅𑀳𑁂𑀢𑀼𑀓𑀸 [𑀦 𑀳𑁂𑀢𑀽 𑀅𑀳𑁂𑀢𑀼𑀓𑀸 (𑀲𑁆𑀬𑀸. 𑀓.) 𑀯𑀺𑀪. 𑀤𑀼𑀓𑀧𑀜𑁆𑀳𑀸𑀧𑀼𑀘𑁆𑀙𑀓𑁂𑀧𑀺] 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁧𑁩. 𑀲𑀳𑁂𑀢𑀼𑀓𑀸 𑀥𑀫𑁆𑀫𑀸… 𑀳𑁂𑀢𑀼𑀲𑀫𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸… 𑀲𑀳𑁂𑀢𑀼𑀓𑀸 𑀘𑁂𑀯 𑀦 𑀘 𑀳𑁂𑀢𑀽 𑀥𑀫𑁆𑀫𑀸… 𑀳𑁂𑀢𑀼𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀦 𑀘 𑀳𑁂𑀢𑀽 𑀥𑀫𑁆𑀫𑀸… 𑀦 𑀳𑁂𑀢𑀽 𑀲𑀳𑁂𑀢𑀼𑀓𑀸 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁧𑁪. 𑀲𑀧𑁆𑀧𑀘𑁆𑀘𑀬𑀸 𑀥𑀫𑁆𑀫𑀸… 𑀲𑀗𑁆𑀔𑀢𑀸 𑀥𑀫𑁆𑀫𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁧𑁫. 𑀅𑀧𑁆𑀧𑀘𑁆𑀘𑀬𑀸 𑀥𑀫𑁆𑀫𑀸… 𑀅𑀲𑀗𑁆𑀔𑀢𑀸 𑀥𑀫𑁆𑀫𑀸 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁧𑁬. 𑀲𑀦𑀺𑀤𑀲𑁆𑀲𑀦𑀸 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁧𑁭. 𑀅𑀦𑀺𑀤𑀲𑁆𑀲𑀦𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺, 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀅𑀲𑀗𑁆𑀕𑀳𑀺𑀢𑀸.

𑁧𑁧𑁮. 𑀲𑀧𑁆𑀧𑀝𑀺𑀖𑀸 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀤𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁧𑁯. 𑀅𑀧𑁆𑀧𑀝𑀺𑀖𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺, 𑀤𑀲𑀳𑀸𑀬𑀢𑀦𑁂𑀳𑀺 𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁨𑁦. 𑀭𑀽𑀧𑀺𑀦𑁄 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁨𑁧. 𑀅𑀭𑀽𑀧𑀺𑀦𑁄 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁨𑁨. 𑀮𑁄𑀓𑀺𑀬𑀸 𑀥𑀫𑁆𑀫𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁨𑁩. 𑀮𑁄𑀓𑀼𑀢𑁆𑀢𑀭𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁨𑁪. 𑀓𑁂𑀦𑀘𑀺 𑀯𑀺𑀜𑁆𑀜𑁂𑀬𑁆𑀬𑀸 𑀥𑀫𑁆𑀫𑀸… 𑀓𑁂𑀦𑀘𑀺 𑀦 𑀯𑀺𑀜𑁆𑀜𑁂𑀬𑁆𑀬𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁨𑁫. 𑀆𑀲𑀯𑀸 𑀥𑀫𑁆𑀫𑀸… 𑀆𑀲𑀯𑀸 𑀘𑁂𑀯 𑀲𑀸𑀲𑀯𑀸 𑀘 𑀥𑀫𑁆𑀫𑀸… 𑀆𑀲𑀯𑀸 𑀘𑁂𑀯 𑀆𑀲𑀯𑀲𑀫𑁆𑀧𑀬𑀼𑀢𑁆𑀢𑀸 𑀘 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁨𑁬. 𑀦𑁄 𑀆𑀲𑀯𑀸 𑀥𑀫𑁆𑀫𑀸… 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁨𑁭. 𑀲𑀸𑀲𑀯𑀸 𑀥𑀫𑁆𑀫𑀸… 𑀲𑀸𑀲𑀯𑀸 𑀘𑁂𑀯 𑀦𑁄 𑀘 𑀆𑀲𑀯𑀸 𑀥𑀫𑁆𑀫𑀸… 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀸 𑀲𑀸𑀲𑀯𑀸 𑀥𑀫𑁆𑀫𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁨𑁮. 𑀅𑀦𑀸𑀲𑀯𑀸 𑀥𑀫𑁆𑀫𑀸… 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀸 𑀅𑀦𑀸𑀲𑀯𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁨𑁯. 𑀆𑀲𑀯𑀲𑀫𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸… 𑀆𑀲𑀯𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀦𑁄 𑀘 𑀆𑀲𑀯𑀸 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁩𑁦. 𑀲𑀁𑀬𑁄𑀚𑀦𑀸 𑀥𑀫𑁆𑀫𑀸… 𑀕𑀦𑁆𑀣𑀸 𑀥𑀫𑁆𑀫𑀸… 𑀑𑀖𑀸 𑀥𑀫𑁆𑀫𑀸… 𑀬𑁄𑀕𑀸 𑀥𑀫𑁆𑀫𑀸… 𑀦𑀻𑀯𑀭𑀡𑀸 𑀥𑀫𑁆𑀫𑀸… 𑀧𑀭𑀸𑀫𑀸𑀲𑀸 𑀥𑀫𑁆𑀫𑀸… 𑀧𑀭𑀸𑀫𑀸𑀲𑀸 𑀘𑁂𑀯 𑀧𑀭𑀸𑀫𑀝𑁆𑀞𑀸 𑀘 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁩𑁧. 𑀦𑁄 𑀧𑀭𑀸𑀫𑀸𑀲𑀸 𑀥𑀫𑁆𑀫𑀸… 𑀧𑀭𑀸𑀫𑀸𑀲𑀯𑀺𑀧𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁩𑁨. 𑀧𑀭𑀸𑀫𑀝𑁆𑀞𑀸 𑀥𑀫𑁆𑀫𑀸… 𑀧𑀭𑀸𑀫𑀝𑁆𑀞𑀸 𑀘𑁂𑀯 𑀦𑁄 𑀘 𑀧𑀭𑀸𑀫𑀸𑀲𑀸 𑀥𑀫𑁆𑀫𑀸… 𑀧𑀭𑀸𑀫𑀸𑀲𑀯𑀺𑀧𑁆𑀧𑀬𑀼𑀢𑁆𑀢𑀸 𑀧𑀭𑀸𑀫𑀝𑁆𑀞𑀸 𑀥𑀫𑁆𑀫𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁩𑁩. 𑀅𑀧𑀭𑀸𑀫𑀝𑁆𑀞𑀸 𑀥𑀫𑁆𑀫𑀸… 𑀧𑀭𑀸𑀫𑀸𑀲𑀯𑀺𑀧𑁆𑀧𑀬𑀼𑀢𑁆𑀢𑀸 𑀅𑀧𑀭𑀸𑀫𑀝𑁆𑀞𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁩𑁪. 𑀧𑀭𑀸𑀫𑀸𑀲𑀲𑀫𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁩𑁫. 𑀲𑀸𑀭𑀫𑁆𑀫𑀡𑀸 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁩𑁬. 𑀅𑀦𑀸𑀭𑀫𑁆𑀫𑀡𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁩𑁭. 𑀘𑀺𑀢𑁆𑀢𑀸 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁩𑁮. 𑀦𑁄 𑀘𑀺𑀢𑁆𑀢𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁩𑁯. 𑀘𑁂𑀢𑀲𑀺𑀓𑀸 𑀥𑀫𑁆𑀫𑀸… 𑀘𑀺𑀢𑁆𑀢𑀲𑀫𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸… 𑀘𑀺𑀢𑁆𑀢𑀲𑀁𑀲𑀝𑁆𑀞𑀸 𑀥𑀫𑁆𑀫𑀸 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁪𑁦. 𑀅𑀘𑁂𑀢𑀲𑀺𑀓𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁪𑁧. 𑀘𑀺𑀢𑁆𑀢𑀯𑀺𑀧𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸… 𑀘𑀺𑀢𑁆𑀢𑀯𑀺𑀲𑀁𑀲𑀝𑁆𑀞𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁪𑁨. 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀙𑀳𑀸𑀬𑀢𑀦𑁂𑀳𑀺 𑀙𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀙𑀳𑀸𑀬𑀢𑀦𑁂𑀳𑀺 𑀤𑁆𑀯𑀸𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁪𑁩. 𑀦𑁄 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸 𑀥𑀫𑁆𑀫𑀸… 𑀦𑁄 𑀘𑀺𑀢𑁆𑀢𑀲𑀳𑀪𑀼𑀦𑁄 𑀥𑀫𑁆𑀫𑀸… 𑀦𑁄 𑀘𑀺𑀢𑁆𑀢𑀸𑀦𑀼𑀧𑀭𑀺𑀯𑀢𑁆𑀢𑀺𑀦𑁄 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁪𑁪. 𑀘𑀺𑀢𑁆𑀢𑀲𑀳𑀪𑀼𑀦𑁄 𑀥𑀫𑁆𑀫𑀸… 𑀘𑀺𑀢𑁆𑀢𑀸𑀦𑀼𑀧𑀭𑀺𑀯𑀢𑁆𑀢𑀺𑀦𑁄 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁪𑁫. 𑀘𑀺𑀢𑁆𑀢𑀲𑀁𑀲𑀝𑁆𑀞𑀲𑀫𑀼𑀝𑁆𑀞𑀸𑀦𑀸 𑀥𑀫𑁆𑀫𑀸… 𑀘𑀺𑀢𑁆𑀢𑀲𑀁𑀲𑀝𑁆𑀞𑀲𑀫𑀼𑀝𑁆𑀞𑀸𑀦𑀲𑀳𑀪𑀼𑀦𑁄 𑀥𑀫𑁆𑀫𑀸… 𑀘𑀺𑀢𑁆𑀢𑀲𑀁𑀲𑀝𑁆𑀞𑀲𑀫𑀼𑀝𑁆𑀞𑀸𑀦𑀸𑀦𑀼𑀧𑀭𑀺𑀯𑀢𑁆𑀢𑀺𑀦𑁄 𑀥𑀫𑁆𑀫𑀸 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁪𑁬. 𑀦𑁄 𑀘𑀺𑀢𑁆𑀢𑀲𑀁𑀲𑀝𑁆𑀞𑀲𑀫𑀼𑀝𑁆𑀞𑀸𑀦𑀸 𑀥𑀫𑁆𑀫𑀸… 𑀦𑁄 𑀘𑀺𑀢𑁆𑀢𑀲𑀁𑀲𑀝𑁆𑀞𑀲𑀫𑀼𑀝𑁆𑀞𑀸𑀦𑀲𑀳𑀪𑀼𑀦𑁄 𑀥𑀫𑁆𑀫𑀸… 𑀦𑁄 𑀘𑀺𑀢𑁆𑀢𑀲𑀁𑀲𑀝𑁆𑀞𑀲𑀫𑀼𑀝𑁆𑀞𑀸𑀦𑀸𑀦𑀼𑀧𑀭𑀺𑀯𑀢𑁆𑀢𑀺𑀦𑁄 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁪𑁭. 𑀅𑀚𑁆𑀛𑀢𑁆𑀢𑀺𑀓𑀸 𑀥𑀫𑁆𑀫𑀸 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀙𑀳𑀸𑀬𑀢𑀦𑁂𑀳𑀺 𑀤𑁆𑀯𑀸𑀤𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀙𑀳𑀸𑀬𑀢𑀦𑁂𑀳𑀺 𑀙𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁪𑁮. 𑀩𑀸𑀳𑀺𑀭𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀙𑀳𑀸𑀬𑀢𑀦𑁂𑀳𑀺 𑀙𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀙𑀳𑀸𑀬𑀢𑀦𑁂𑀳𑀺 𑀤𑁆𑀯𑀸𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁪𑁯. 𑀉𑀧𑀸𑀤𑀸 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀤𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁫𑁦. 𑀦𑁄 𑀉𑀧𑀸𑀤𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀢𑀻𑀳𑀸𑀬𑀢𑀦𑁂𑀳𑀺 𑀦𑀯𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦𑀯𑀳𑀸𑀬𑀢𑀦𑁂𑀳𑀺 𑀦𑀯𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁫𑁧. 𑀉𑀧𑀸𑀤𑀺𑀦𑁆𑀦𑀸 𑀥𑀫𑁆𑀫𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀅𑀲𑀗𑁆𑀕𑀳𑀺𑀢𑀸.

𑁧𑁫𑁨. 𑀅𑀦𑀼𑀧𑀸𑀤𑀺𑀦𑁆𑀦𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀲𑀢𑁆𑀢𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀧𑀜𑁆𑀘𑀳𑀸𑀬𑀢𑀦𑁂𑀳𑀺 𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁫𑁩. 𑀉𑀧𑀸𑀤𑀸𑀦𑀸 𑀥𑀫𑁆𑀫𑀸… 𑀓𑀺𑀮𑁂𑀲𑀸 𑀥𑀫𑁆𑀫𑀸… 𑀓𑀺𑀮𑁂𑀲𑀸 𑀘𑁂𑀯 𑀲𑀁𑀓𑀺𑀮𑁂𑀲𑀺𑀓𑀸 𑀘 𑀥𑀫𑁆𑀫𑀸… 𑀓𑀺𑀮𑁂𑀲𑀸 𑀘𑁂𑀯 𑀲𑀁𑀓𑀺𑀮𑀺𑀝𑁆𑀞𑀸 𑀘 𑀥𑀫𑁆𑀫𑀸… 𑀓𑀺𑀮𑁂𑀲𑀸 𑀘𑁂𑀯 𑀓𑀺𑀮𑁂𑀲𑀲𑀫𑁆𑀧𑀬𑀼𑀢𑁆𑀢𑀸 𑀘 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁫𑁪. 𑀦𑁄 𑀓𑀺𑀮𑁂𑀲𑀸 𑀥𑀫𑁆𑀫𑀸… 𑀅𑀲𑀁𑀓𑀺𑀮𑀺𑀝𑁆𑀞𑀸 𑀥𑀫𑁆𑀫𑀸… 𑀓𑀺𑀮𑁂𑀲𑀯𑀺𑀧𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁫𑁫. 𑀲𑀁𑀓𑀺𑀮𑁂𑀲𑀺𑀓𑀸 𑀥𑀫𑁆𑀫𑀸… 𑀲𑀁𑀓𑀺𑀮𑁂𑀲𑀺𑀓𑀸 𑀘𑁂𑀯 𑀦𑁄 𑀘 𑀓𑀺𑀮𑁂𑀲𑀸 𑀥𑀫𑁆𑀫𑀸… 𑀓𑀺𑀮𑁂𑀲𑀯𑀺𑀧𑁆𑀧𑀬𑀼𑀢𑁆𑀢𑀸 𑀲𑀁𑀓𑀺𑀮𑁂𑀲𑀺𑀓𑀸 𑀥𑀫𑁆𑀫𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁫𑁬. 𑀅𑀲𑀁𑀓𑀺𑀮𑁂𑀲𑀺𑀓𑀸 𑀥𑀫𑁆𑀫𑀸… 𑀓𑀺𑀮𑁂𑀲𑀯𑀺𑀧𑁆𑀧𑀬𑀼𑀢𑁆𑀢𑀸 𑀅𑀲𑀁𑀓𑀺𑀮𑁂𑀲𑀺𑀓𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁫𑁭. 𑀲𑀁𑀓𑀺𑀮𑀺𑀝𑁆𑀞𑀸 𑀥𑀫𑁆𑀫𑀸… 𑀓𑀺𑀮𑁂𑀲𑀲𑀫𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸… 𑀲𑀁𑀓𑀺𑀮𑀺𑀝𑁆𑀞𑀸 𑀘𑁂𑀯 𑀦𑁄 𑀘 𑀓𑀺𑀮𑁂𑀲𑀸 𑀥𑀫𑁆𑀫𑀸… 𑀓𑀺𑀮𑁂𑀲𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀦𑁄 𑀘 𑀓𑀺𑀮𑁂𑀲𑀸 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁫𑁮. 𑀤𑀲𑁆𑀲𑀦𑁂𑀦 𑀧𑀳𑀸𑀢𑀩𑁆𑀩𑀸 𑀥𑀫𑁆𑀫𑀸… 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀸 𑀥𑀫𑁆𑀫𑀸… 𑀤𑀲𑁆𑀲𑀦𑁂𑀦 𑀧𑀳𑀸𑀢𑀩𑁆𑀩𑀳𑁂𑀢𑀼𑀓𑀸 𑀥𑀫𑁆𑀫𑀸… 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀳𑁂𑀢𑀼𑀓𑀸 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁫𑁯. 𑀦 𑀤𑀲𑁆𑀲𑀦𑁂𑀦 𑀧𑀳𑀸𑀢𑀩𑁆𑀩𑀸 𑀥𑀫𑁆𑀫𑀸… 𑀦 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀸 𑀥𑀫𑁆𑀫𑀸 … 𑀦 𑀤𑀲𑁆𑀲𑀦𑁂𑀦 𑀧𑀳𑀸𑀢𑀩𑁆𑀩𑀳𑁂𑀢𑀼𑀓𑀸 𑀥𑀫𑁆𑀫𑀸… 𑀦 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀳𑁂𑀢𑀼𑀓𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁬𑁦. 𑀲𑀯𑀺𑀢𑀓𑁆𑀓𑀸 𑀥𑀫𑁆𑀫𑀸… 𑀲𑀯𑀺𑀘𑀸𑀭𑀸 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀢𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀧𑀦𑁆𑀦𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁬𑁧. 𑀅𑀯𑀺𑀢𑀓𑁆𑀓𑀸 𑀥𑀫𑁆𑀫𑀸… 𑀅𑀯𑀺𑀘𑀸𑀭𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀏𑀓𑀸𑀬 𑀥𑀸𑀢𑀼𑀬𑀸 𑀅𑀲𑀗𑁆𑀕𑀳𑀺𑀢𑀸.

𑁧𑁬𑁨. 𑀲𑀧𑁆𑀧𑀻𑀢𑀺𑀓𑀸 𑀥𑀫𑁆𑀫𑀸… 𑀧𑀻𑀢𑀺𑀲𑀳𑀕𑀢𑀸 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁬𑁩. 𑀅𑀧𑁆𑀧𑀻𑀢𑀺𑀓𑀸 𑀥𑀫𑁆𑀫𑀸… 𑀦 𑀧𑀻𑀢𑀺𑀲𑀳𑀕𑀢𑀸 𑀥𑀫𑁆𑀫𑀸… 𑀦 𑀲𑀼𑀔𑀲𑀳𑀕𑀢𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁬𑁪. 𑀲𑀼𑀔𑀲𑀳𑀕𑀢𑀸 𑀥𑀫𑁆𑀫𑀸 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀢𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀤𑀲𑀳𑀸𑀬𑀢𑀦𑁂𑀳𑀺 𑀧𑀦𑁆𑀦𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁬𑁫. 𑀉𑀧𑁂𑀓𑁆𑀔𑀸𑀲𑀳𑀕𑀢𑀸 𑀥𑀫𑁆𑀫𑀸 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁬𑁬. 𑀦 𑀉𑀧𑁂𑀓𑁆𑀔𑀸𑀲𑀳𑀕𑀢𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀢𑁂𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀧𑀜𑁆𑀘𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁬𑁭. 𑀓𑀸𑀫𑀸𑀯𑀘𑀭𑀸 𑀥𑀫𑁆𑀫𑀸… 𑀧𑀭𑀺𑀬𑀸𑀧𑀦𑁆𑀦𑀸 𑀥𑀫𑁆𑀫𑀸… 𑀲𑀉𑀢𑁆𑀢𑀭𑀸 𑀥𑀫𑁆𑀫𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁬𑁮. 𑀦 𑀓𑀸𑀫𑀸𑀯𑀘𑀭𑀸 𑀥𑀫𑁆𑀫𑀸… 𑀅𑀧𑀭𑀺𑀬𑀸𑀧𑀦𑁆𑀦𑀸 𑀥𑀫𑁆𑀫𑀸… 𑀅𑀦𑀼𑀢𑁆𑀢𑀭𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁬𑁯. 𑀭𑀽𑀧𑀸𑀯𑀘𑀭𑀸 𑀥𑀫𑁆𑀫𑀸… 𑀅𑀭𑀽𑀧𑀸𑀯𑀘𑀭𑀸 𑀥𑀫𑁆𑀫𑀸… 𑀦𑀺𑀬𑁆𑀬𑀸𑀦𑀺𑀓𑀸 𑀥𑀫𑁆𑀫𑀸… 𑀦𑀺𑀬𑀢𑀸 𑀥𑀫𑁆𑀫𑀸… 𑀲𑀭𑀡𑀸 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁭𑁦. 𑀦 𑀭𑀽𑀧𑀸𑀯𑀘𑀭𑀸 𑀥𑀫𑁆𑀫𑀸… 𑀦 𑀅𑀭𑀽𑀧𑀸𑀯𑀘𑀭𑀸 𑀥𑀫𑁆𑀫𑀸… 𑀅𑀦𑀺𑀬𑁆𑀬𑀸𑀦𑀺𑀓𑀸 𑀥𑀫𑁆𑀫𑀸… 𑀅𑀦𑀺𑀬𑀢𑀸 𑀥𑀫𑁆𑀫𑀸… 𑀅𑀭𑀡𑀸 𑀥𑀫𑁆𑀫𑀸 𑀓𑀢𑀺𑀳𑀺 𑀔𑀦𑁆𑀥𑁂𑀳𑀺 𑀓𑀢𑀺𑀳𑀸𑀬𑀢𑀦𑁂𑀳𑀺 𑀓𑀢𑀺𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸? 𑀅𑀭𑀡𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑀲𑀗𑁆𑀕𑀳𑀸𑀲𑀗𑁆𑀕𑀳𑀧𑀤𑀦𑀺𑀤𑁆𑀤𑁂𑀲𑁄 𑀧𑀞𑀫𑁄.