𑁧. 𑀧𑀞𑀫𑀦𑀬𑁄

𑁧. 𑀲𑀗𑁆𑀕𑀳𑀸𑀲𑀗𑁆𑀕𑀳𑀧𑀤𑀦𑀺𑀤𑁆𑀤𑁂𑀲𑁄

𑁧. 𑀔𑀦𑁆𑀥𑁄

𑁬. 𑀭𑀽𑀧𑀓𑁆𑀔𑀦𑁆𑀥𑁄 𑀓𑀢𑀺𑀳𑀺 𑀔𑀦𑁆𑀥𑁂𑀳𑀺 𑀓𑀢𑀺𑀳𑀸𑀬𑀢𑀦𑁂𑀳𑀺 𑀓𑀢𑀺𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑁄? 𑀭𑀽𑀧𑀓𑁆𑀔𑀦𑁆𑀥𑁄 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑁄. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑁄? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑁄.

𑁭. 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀓𑀢𑀺𑀳𑀺 𑀔𑀦𑁆𑀥𑁂𑀳𑀺 𑀓𑀢𑀺𑀳𑀸𑀬𑀢𑀦𑁂𑀳𑀺 𑀓𑀢𑀺𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑁄? 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑁄. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑁄? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑁄.

𑁮. 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀓𑀢𑀺𑀳𑀺 𑀔𑀦𑁆𑀥𑁂𑀳𑀺 𑀓𑀢𑀺𑀳𑀸𑀬𑀢𑀦𑁂𑀳𑀺 𑀓𑀢𑀺𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑁄? 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑁄. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑁄? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑁄.

𑁯. 𑀲𑀗𑁆𑀔𑀸𑀭𑀓𑁆𑀔𑀦𑁆𑀥𑁄 𑀓𑀢𑀺𑀳𑀺 𑀔𑀦𑁆𑀥𑁂𑀳𑀺 𑀓𑀢𑀺𑀳𑀸𑀬𑀢𑀦𑁂𑀳𑀺 𑀓𑀢𑀺𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑁄? 𑀲𑀗𑁆𑀔𑀸𑀭𑀓𑁆𑀔𑀦𑁆𑀥𑁄 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑁄. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑁄? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑁄.

𑁧𑁦. 𑀯𑀺𑀜𑁆𑀜𑀸𑀡𑀓𑁆𑀔𑀦𑁆𑀥𑁄 𑀓𑀢𑀺𑀳𑀺 𑀔𑀦𑁆𑀥𑁂𑀳𑀺 𑀓𑀢𑀺𑀳𑀸𑀬𑀢𑀦𑁂𑀳𑀺 𑀓𑀢𑀺𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑁄? 𑀯𑀺𑀜𑁆𑀜𑀸𑀡𑀓𑁆𑀔𑀦𑁆𑀥𑁄 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑁄. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑁄? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑁄.

(𑀏𑀓𑀫𑀽𑀮𑀓𑀁.)

𑁧𑁧. 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀓𑀢𑀺𑀳𑀺 𑀔𑀦𑁆𑀥𑁂𑀳𑀺 𑀓𑀢𑀺𑀳𑀸𑀬𑀢𑀦𑁂𑀳𑀺 𑀓𑀢𑀺𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸? 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁨. 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀘…𑀧𑁂… 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁩. 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀲𑀗𑁆𑀔𑀸𑀭𑀓𑁆𑀔𑀦𑁆𑀥𑁄 𑀘…𑀧𑁂… 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁪. 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀯𑀺𑀜𑁆𑀜𑀸𑀡𑀓𑁆𑀔𑀦𑁆𑀥𑁄 𑀘…𑀧𑁂… 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀢𑀻𑀳𑀺 𑀔𑀦𑁆𑀥𑁂𑀳𑀺, 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

(𑀤𑀼𑀓𑀫𑀽𑀮𑀓𑀁.)

𑁧𑁫. 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀘 𑀓𑀢𑀺𑀳𑀺 𑀔𑀦𑁆𑀥𑁂𑀳𑀺 𑀓𑀢𑀺𑀳𑀸𑀬𑀢𑀦𑁂𑀳𑀺 𑀓𑀢𑀺𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸? 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀘 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁬. 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀲𑀗𑁆𑀔𑀸𑀭𑀓𑁆𑀔𑀦𑁆𑀥𑁄 𑀘…𑀧𑁂… 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁭. 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀯𑀺𑀜𑁆𑀜𑀸𑀡𑀓𑁆𑀔𑀦𑁆𑀥𑁄 𑀘…𑀧𑁂… 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺, 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

(𑀢𑀺𑀓𑀫𑀽𑀮𑀓𑀁.)

𑁧𑁮. 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀘 𑀲𑀗𑁆𑀔𑀸𑀭𑀓𑁆𑀔𑀦𑁆𑀥𑁄 𑀘 𑀓𑀢𑀺𑀳𑀺 𑀔𑀦𑁆𑀥𑁂𑀳𑀺 𑀓𑀢𑀺𑀳𑀸𑀬𑀢𑀦𑁂𑀳𑀺 𑀓𑀢𑀺𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸? 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀘 𑀲𑀗𑁆𑀔𑀸𑀭𑀓𑁆𑀔𑀦𑁆𑀥𑁄 𑀘 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁯. 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀘 𑀯𑀺𑀜𑁆𑀜𑀸𑀡𑀓𑁆𑀔𑀦𑁆𑀥𑁄 𑀘…𑀧𑁂… 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦, 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

(𑀘𑀢𑀼𑀓𑁆𑀓𑀫𑀽𑀮𑀓𑀁.)

𑁨𑁦. 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀘 𑀲𑀗𑁆𑀔𑀸𑀭𑀓𑁆𑀔𑀦𑁆𑀥𑁄 𑀘 𑀯𑀺𑀜𑁆𑀜𑀸𑀡𑀓𑁆𑀔𑀦𑁆𑀥𑁄 𑀘 𑀓𑀢𑀺𑀳𑀺 𑀔𑀦𑁆𑀥𑁂𑀳𑀺 𑀓𑀢𑀺𑀳𑀸𑀬𑀢𑀦𑁂𑀳𑀺 𑀓𑀢𑀺𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸? 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀘 𑀲𑀗𑁆𑀔𑀸𑀭𑀓𑁆𑀔𑀦𑁆𑀥𑁄 𑀘 𑀯𑀺𑀜𑁆𑀜𑀸𑀡𑀓𑁆𑀔𑀦𑁆𑀥𑁄 𑀘 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁨𑁧. 𑀧𑀜𑁆𑀘𑀓𑁆𑀔𑀦𑁆𑀥𑀸 𑀓𑀢𑀺𑀳𑀺 𑀔𑀦𑁆𑀥𑁂𑀳𑀺 𑀓𑀢𑀺𑀳𑀸𑀬𑀢𑀦𑁂𑀳𑀺 𑀓𑀢𑀺𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸? 𑀧𑀜𑁆𑀘𑀓𑁆𑀔𑀦𑁆𑀥𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

(𑀧𑀜𑁆𑀘𑀓𑀁.)

𑁨. 𑀆𑀬𑀢𑀦𑀁

𑁨𑁨. 𑀘𑀓𑁆𑀔𑀸𑀬𑀢𑀦𑀁 𑀓𑀢𑀺𑀳𑀺 𑀔𑀦𑁆𑀥𑁂𑀳𑀺 𑀓𑀢𑀺𑀳𑀸𑀬𑀢𑀦𑁂𑀳𑀺 𑀓𑀢𑀺𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀁? 𑀘𑀓𑁆𑀔𑀸𑀬𑀢𑀦𑀁 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀁. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀁? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀁.

𑁨𑁩. 𑀲𑁄𑀢𑀸𑀬𑀢𑀦𑀁 … 𑀖𑀸𑀦𑀸𑀬𑀢𑀦𑀁… 𑀚𑀺𑀯𑁆𑀳𑀸𑀬𑀢𑀦𑀁… 𑀓𑀸𑀬𑀸𑀬𑀢𑀦𑀁… 𑀭𑀽𑀧𑀸𑀬𑀢𑀦𑀁… 𑀲𑀤𑁆𑀤𑀸𑀬𑀢𑀦𑀁… 𑀕𑀦𑁆𑀥𑀸𑀬𑀢𑀦𑀁… 𑀭𑀲𑀸𑀬𑀢𑀦𑀁… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁…𑀧𑁂… 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀁. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀁? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀁.

𑁨𑁪. 𑀫𑀦𑀸𑀬𑀢𑀦𑀁 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀁. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀁? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀁.

𑁨𑁫. 𑀥𑀫𑁆𑀫𑀸𑀬𑀢𑀦𑀁 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀁. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀁? 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀁.

(𑀏𑀓𑀫𑀽𑀮𑀓𑀁.)

𑁨𑁬. 𑀘𑀓𑁆𑀔𑀸𑀬𑀢𑀦𑀜𑁆𑀘 𑀲𑁄𑀢𑀸𑀬𑀢𑀦𑀜𑁆𑀘 𑀏𑀓𑁂𑀦 𑀔𑀦𑁆𑀥𑁂𑀦 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁨𑁭. 𑀘𑀓𑁆𑀔𑀸𑀬𑀢𑀦𑀜𑁆𑀘 𑀖𑀸𑀦𑀸𑀬𑀢𑀦𑀜𑁆𑀘… 𑀘𑀓𑁆𑀔𑀸𑀬𑀢𑀦𑀜𑁆𑀘 𑀚𑀺𑀯𑁆𑀳𑀸𑀬𑀢𑀦𑀜𑁆𑀘… 𑀘𑀓𑁆𑀔𑀸𑀬𑀢𑀦𑀜𑁆𑀘 𑀓𑀸𑀬𑀸𑀬𑀢𑀦𑀜𑁆𑀘… 𑀘𑀓𑁆𑀔𑀸𑀬𑀢𑀦𑀜𑁆𑀘 𑀭𑀽𑀧𑀸𑀬𑀢𑀦𑀜𑁆𑀘… 𑀘𑀓𑁆𑀔𑀸𑀬𑀢𑀦𑀜𑁆𑀘 𑀲𑀤𑁆𑀤𑀸𑀬𑀢𑀦𑀜𑁆𑀘… 𑀘𑀓𑁆𑀔𑀸𑀬𑀢𑀦𑀜𑁆𑀘 𑀕𑀦𑁆𑀥𑀸𑀬𑀢𑀦𑀜𑁆𑀘… 𑀘𑀓𑁆𑀔𑀸𑀬𑀢𑀦𑀜𑁆𑀘 𑀭𑀲𑀸𑀬𑀢𑀦𑀜𑁆𑀘… 𑀘𑀓𑁆𑀔𑀸𑀬𑀢𑀦𑀜𑁆𑀘 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀜𑁆𑀘 𑀏𑀓𑁂𑀦 𑀔𑀦𑁆𑀥𑁂𑀦 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁨𑁮. 𑀘𑀓𑁆𑀔𑀸𑀬𑀢𑀦𑀜𑁆𑀘 𑀫𑀦𑀸𑀬𑀢𑀦𑀜𑁆𑀘 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀤𑀲𑀳𑀸𑀬𑀢𑀦𑁂𑀳𑀺 𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁨𑁯. 𑀘𑀓𑁆𑀔𑀸𑀬𑀢𑀦𑀜𑁆𑀘 𑀥𑀫𑁆𑀫𑀸𑀬𑀢𑀦𑀜𑁆𑀘 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

(𑀤𑀼𑀓𑀫𑀽𑀮𑀓𑀁.)

𑁩𑁦. 𑀤𑁆𑀯𑀸𑀤𑀲𑀸𑀬𑀢𑀦𑀸𑀦𑀺 𑀓𑀢𑀺𑀳𑀺 𑀔𑀦𑁆𑀥𑁂𑀳𑀺 𑀓𑀢𑀺𑀳𑀸𑀬𑀢𑀦𑁂𑀳𑀺 𑀓𑀢𑀺𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸? 𑀤𑁆𑀯𑀸𑀤𑀲𑀸𑀬𑀢𑀦𑀸𑀦𑀺 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

(𑀤𑁆𑀯𑀸𑀤𑀲𑀓𑀁.)

𑁩. 𑀥𑀸𑀢𑀼

𑁩𑁧. 𑀘𑀓𑁆𑀔𑀼𑀥𑀸𑀢𑀼 𑀓𑀢𑀺𑀳𑀺 𑀔𑀦𑁆𑀥𑁂𑀳𑀺 𑀓𑀢𑀺𑀳𑀸𑀬𑀢𑀦𑁂𑀳𑀺 𑀓𑀢𑀺𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸? 𑀘𑀓𑁆𑀔𑀼𑀥𑀸𑀢𑀼 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁩𑁨. 𑀲𑁄𑀢𑀥𑀸𑀢𑀼… 𑀖𑀸𑀦𑀥𑀸𑀢𑀼… 𑀚𑀺𑀯𑁆𑀳𑀸𑀥𑀸𑀢𑀼… 𑀓𑀸𑀬𑀥𑀸𑀢𑀼… 𑀭𑀽𑀧𑀥𑀸𑀢𑀼… 𑀲𑀤𑁆𑀤𑀥𑀸𑀢𑀼… 𑀕𑀦𑁆𑀥𑀥𑀸𑀢𑀼… 𑀭𑀲𑀥𑀸𑀢𑀼… 𑀨𑁄𑀝𑁆𑀞𑀩𑁆𑀩𑀥𑀸𑀢𑀼… 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀥𑀸𑀢𑀼… 𑀲𑁄𑀢𑀯𑀺𑀜𑁆𑀜𑀸𑀡𑀥𑀸𑀢𑀼… 𑀖𑀸𑀦𑀯𑀺𑀜𑁆𑀜𑀸𑀡𑀥𑀸𑀢𑀼… 𑀚𑀺𑀯𑁆𑀳𑀸𑀯𑀺𑀜𑁆𑀜𑀸𑀡𑀥𑀸𑀢𑀼… 𑀓𑀸𑀬𑀯𑀺𑀜𑁆𑀜𑀸𑀡𑀥𑀸𑀢𑀼… 𑀫𑀦𑁄𑀥𑀸𑀢𑀼… 𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁩𑁩. 𑀥𑀫𑁆𑀫𑀥𑀸𑀢𑀼 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

(𑀏𑀓𑀫𑀽𑀮𑀓𑀁.)

𑁩𑁪. 𑀘𑀓𑁆𑀔𑀼𑀥𑀸𑀢𑀼 𑀘 𑀲𑁄𑀢𑀥𑀸𑀢𑀼 𑀘 𑀏𑀓𑁂𑀦 𑀔𑀦𑁆𑀥𑁂𑀦 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁩𑁫. 𑀘𑀓𑁆𑀔𑀼𑀥𑀸𑀢𑀼 𑀘 𑀖𑀸𑀦𑀥𑀸𑀢𑀼 𑀘… 𑀘𑀓𑁆𑀔𑀼𑀥𑀸𑀢𑀼 𑀘 𑀚𑀺𑀯𑁆𑀳𑀸𑀥𑀸𑀢𑀼 𑀘… 𑀘𑀓𑁆𑀔𑀼𑀥𑀸𑀢𑀼 𑀘 𑀓𑀸𑀬𑀥𑀸𑀢𑀼 𑀘… 𑀘𑀓𑁆𑀔𑀼𑀥𑀸𑀢𑀼 𑀘 𑀭𑀽𑀧𑀥𑀸𑀢𑀼 𑀘… 𑀘𑀓𑁆𑀔𑀼𑀥𑀸𑀢𑀼 𑀘 𑀲𑀤𑁆𑀤𑀥𑀸𑀢𑀼 𑀘… 𑀘𑀓𑁆𑀔𑀼𑀥𑀸𑀢𑀼 𑀘 𑀕𑀦𑁆𑀥𑀥𑀸𑀢𑀼 𑀘… 𑀘𑀓𑁆𑀔𑀼𑀥𑀸𑀢𑀼 𑀘 𑀭𑀲𑀥𑀸𑀢𑀼 𑀘… 𑀘𑀓𑁆𑀔𑀼𑀥𑀸𑀢𑀼 𑀘 𑀨𑁄𑀝𑁆𑀞𑀩𑁆𑀩𑀥𑀸𑀢𑀼 𑀘 𑀏𑀓𑁂𑀦 𑀔𑀦𑁆𑀥𑁂𑀦 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁩𑁬. 𑀘𑀓𑁆𑀔𑀼𑀥𑀸𑀢𑀼 𑀘 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀥𑀸𑀢𑀼 𑀘 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁩𑁭. 𑀘𑀓𑁆𑀔𑀼𑀥𑀸𑀢𑀼 𑀘 𑀲𑁄𑀢𑀯𑀺𑀜𑁆𑀜𑀸𑀡𑀥𑀸𑀢𑀼 𑀘… 𑀘𑀓𑁆𑀔𑀼𑀥𑀸𑀢𑀼 𑀘 𑀖𑀸𑀦𑀯𑀺𑀜𑁆𑀜𑀸𑀡𑀥𑀸𑀢𑀼 𑀘… 𑀘𑀓𑁆𑀔𑀼𑀥𑀸𑀢𑀼 𑀘 𑀚𑀺𑀯𑁆𑀳𑀸𑀯𑀺𑀜𑁆𑀜𑀸𑀡𑀥𑀸𑀢𑀼 𑀘… 𑀘𑀓𑁆𑀔𑀼𑀥𑀸𑀢𑀼 𑀘 𑀓𑀸𑀬𑀯𑀺𑀜𑁆𑀜𑀸𑀡𑀥𑀸𑀢𑀼 𑀘… 𑀘𑀓𑁆𑀔𑀼𑀥𑀸𑀢𑀼 𑀘 𑀫𑀦𑁄𑀥𑀸𑀢𑀼 𑀘… 𑀘𑀓𑁆𑀔𑀼𑀥𑀸𑀢𑀼 𑀘 𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼 𑀘 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁩𑁮. 𑀘𑀓𑁆𑀔𑀼𑀥𑀸𑀢𑀼 𑀘 𑀥𑀫𑁆𑀫𑀥𑀸𑀢𑀼 𑀘 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

(𑀤𑀼𑀓𑀫𑀽𑀮𑀓𑀁.)

𑁩𑁯. 𑀅𑀝𑁆𑀞𑀸𑀭𑀲 𑀥𑀸𑀢𑀼𑀬𑁄 𑀓𑀢𑀺𑀳𑀺 𑀔𑀦𑁆𑀥𑁂𑀳𑀺 𑀓𑀢𑀺𑀳𑀸𑀬𑀢𑀦𑁂𑀳𑀺 𑀓𑀢𑀺𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸? 𑀅𑀝𑁆𑀞𑀸𑀭𑀲 𑀥𑀸𑀢𑀼𑀬𑁄 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

(𑀅𑀝𑁆𑀞𑀸𑀭𑀲𑀓𑀁.)

𑁪. 𑀲𑀘𑁆𑀘𑀁

𑁪𑁦. 𑀤𑀼𑀓𑁆𑀔𑀲𑀘𑁆𑀘𑀁 𑀓𑀢𑀺𑀳𑀺 𑀔𑀦𑁆𑀥𑁂𑀳𑀺 𑀓𑀢𑀺𑀳𑀸𑀬𑀢𑀦𑁂𑀳𑀺 𑀓𑀢𑀺𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀁? 𑀤𑀼𑀓𑁆𑀔𑀲𑀘𑁆𑀘𑀁 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀁. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀁? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀁.

𑁪𑁧. 𑀲𑀫𑀼𑀤𑀬𑀲𑀘𑁆𑀘𑀁 … 𑀫𑀕𑁆𑀕𑀲𑀘𑁆𑀘𑀁 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀁. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀁? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀁.

𑁪𑁨. 𑀦𑀺𑀭𑁄𑀥𑀲𑀘𑁆𑀘𑀁 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀁. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀁? 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀁.

(𑀏𑀓𑀫𑀽𑀮𑀓𑀁.)

𑁪𑁩. 𑀤𑀼𑀓𑁆𑀔𑀲𑀘𑁆𑀘𑀜𑁆𑀘 𑀲𑀫𑀼𑀤𑀬𑀲𑀘𑁆𑀘𑀜𑁆𑀘 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁪𑁪. 𑀤𑀼𑀓𑁆𑀔𑀲𑀘𑁆𑀘𑀜𑁆𑀘 𑀫𑀕𑁆𑀕𑀲𑀘𑁆𑀘𑀜𑁆𑀘 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁪𑁫. 𑀤𑀼𑀓𑁆𑀔𑀲𑀘𑁆𑀘𑀜𑁆𑀘 𑀦𑀺𑀭𑁄𑀥𑀲𑀘𑁆𑀘𑀜𑁆𑀘 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

(𑀤𑀼𑀓𑀫𑀽𑀮𑀓𑀁.)

𑁪𑁬. 𑀤𑀼𑀓𑁆𑀔𑀲𑀘𑁆𑀘𑀜𑁆𑀘 𑀲𑀫𑀼𑀤𑀬𑀲𑀘𑁆𑀘𑀜𑁆𑀘 𑀫𑀕𑁆𑀕𑀲𑀘𑁆𑀘𑀜𑁆𑀘 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁪𑁭. 𑀤𑀼𑀓𑁆𑀔𑀲𑀘𑁆𑀘𑀜𑁆𑀘 𑀲𑀫𑀼𑀤𑀬𑀲𑀘𑁆𑀘𑀜𑁆𑀘 𑀦𑀺𑀭𑁄𑀥𑀲𑀘𑁆𑀘𑀜𑁆𑀘 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

(𑀢𑀺𑀓𑀫𑀽𑀮𑀓𑀁.)

𑁪𑁮. 𑀤𑀼𑀓𑁆𑀔𑀲𑀘𑁆𑀘𑀜𑁆𑀘 𑀲𑀫𑀼𑀤𑀬𑀲𑀘𑁆𑀘𑀜𑁆𑀘 𑀫𑀕𑁆𑀕𑀲𑀘𑁆𑀘𑀜𑁆𑀘 𑀦𑀺𑀭𑁄𑀥𑀲𑀘𑁆𑀘𑀜𑁆𑀘 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁪𑁯. 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀓𑀢𑀺𑀳𑀺 𑀔𑀦𑁆𑀥𑁂𑀳𑀺 𑀓𑀢𑀺𑀳𑀸𑀬𑀢𑀦𑁂𑀳𑀺 𑀓𑀢𑀺𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸𑀦𑀺? 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸𑀦𑀺. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸𑀦𑀺? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸𑀦𑀺.

(𑀘𑀢𑀼𑀓𑁆𑀓𑀁.)

𑁫. 𑀇𑀦𑁆𑀤𑁆𑀭𑀺𑀬𑀁

𑁫𑁦. 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁 𑀓𑀢𑀺𑀳𑀺 𑀔𑀦𑁆𑀥𑁂𑀳𑀺 𑀓𑀢𑀺𑀳𑀸𑀬𑀢𑀦𑁂𑀳𑀺 𑀓𑀢𑀺𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀁? 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀁. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀁? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀁.

𑁫𑁧. 𑀲𑁄𑀢𑀺𑀦𑁆𑀤𑁆𑀭𑀺𑀬𑀁… 𑀖𑀸𑀦𑀺𑀦𑁆𑀤𑁆𑀭𑀺𑀬𑀁… 𑀚𑀺𑀯𑁆𑀳𑀺𑀦𑁆𑀤𑁆𑀭𑀺𑀬𑀁… 𑀓𑀸𑀬𑀺𑀦𑁆𑀤𑁆𑀭𑀺𑀬𑀁… 𑀇𑀢𑁆𑀣𑀺𑀦𑁆𑀤𑁆𑀭𑀺𑀬𑀁 … 𑀧𑀼𑀭𑀺𑀲𑀺𑀦𑁆𑀤𑁆𑀭𑀺𑀬𑀁 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀁. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀁? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀁.

𑁫𑁨. 𑀫𑀦𑀺𑀦𑁆𑀤𑁆𑀭𑀺𑀬𑀁 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀁. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀁? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀁.

𑁫𑁩. 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀁 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀁. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀁? 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀁.

𑁫𑁪. 𑀲𑀼𑀔𑀺𑀦𑁆𑀤𑁆𑀭𑀺𑀬𑀁 … 𑀤𑀼𑀓𑁆𑀔𑀺𑀦𑁆𑀤𑁆𑀭𑀺𑀬𑀁… 𑀲𑁄𑀫𑀦𑀲𑁆𑀲𑀺𑀦𑁆𑀤𑁆𑀭𑀺𑀬𑀁… 𑀤𑁄𑀫𑀦𑀲𑁆𑀲𑀺𑀦𑁆𑀤𑁆𑀭𑀺𑀬𑀁… 𑀉𑀧𑁂𑀓𑁆𑀔𑀺𑀦𑁆𑀤𑁆𑀭𑀺𑀬𑀁… 𑀲𑀤𑁆𑀥𑀺𑀦𑁆𑀤𑁆𑀭𑀺𑀬𑀁… 𑀯𑀻𑀭𑀺𑀬𑀺𑀦𑁆𑀤𑁆𑀭𑀺𑀬𑀁… 𑀲𑀢𑀺𑀦𑁆𑀤𑁆𑀭𑀺𑀬𑀁… 𑀲𑀫𑀸𑀥𑀺𑀦𑁆𑀤𑁆𑀭𑀺𑀬𑀁… 𑀧𑀜𑁆𑀜𑀺𑀦𑁆𑀤𑁆𑀭𑀺𑀬𑀁… 𑀅𑀦𑀜𑁆𑀜𑀸𑀢𑀜𑁆𑀜𑀲𑁆𑀲𑀸𑀫𑀻𑀢𑀺𑀦𑁆𑀤𑁆𑀭𑀺𑀬𑀁… 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀁… 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀁. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀁? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀁.

(𑀏𑀓𑀫𑀽𑀮𑀓𑀁.)

𑁫𑁫. 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀲𑁄𑀢𑀺𑀦𑁆𑀤𑁆𑀭𑀺𑀬𑀜𑁆𑀘 𑀏𑀓𑁂𑀦 𑀔𑀦𑁆𑀥𑁂𑀦 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁫𑁬. 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀖𑀸𑀦𑀺𑀦𑁆𑀤𑁆𑀭𑀺𑀬𑀜𑁆𑀘… 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀚𑀺𑀯𑁆𑀳𑀺𑀦𑁆𑀤𑁆𑀭𑀺𑀬𑀜𑁆𑀘… 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀓𑀸𑀬𑀺𑀦𑁆𑀤𑁆𑀭𑀺𑀬𑀜𑁆𑀘… 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀇𑀢𑁆𑀣𑀺𑀦𑁆𑀤𑁆𑀭𑀺𑀬𑀜𑁆𑀘… 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀧𑀼𑀭𑀺𑀲𑀺𑀦𑁆𑀤𑁆𑀭𑀺𑀬𑀜𑁆𑀘 𑀏𑀓𑁂𑀦 𑀔𑀦𑁆𑀥𑁂𑀦 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁫𑁭. 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀫𑀦𑀺𑀦𑁆𑀤𑁆𑀭𑀺𑀬𑀜𑁆𑀘 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀤𑀲𑀳𑀸𑀬𑀢𑀦𑁂𑀳𑀺 𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁫𑁮. 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀜𑁆𑀘 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁫𑁯. 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀲𑀼𑀔𑀺𑀦𑁆𑀤𑁆𑀭𑀺𑀬𑀜𑁆𑀘… 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀤𑀼𑀓𑁆𑀔𑀺𑀦𑁆𑀤𑁆𑀭𑀺𑀬𑀜𑁆𑀘… 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀲𑁄𑀫𑀦𑀲𑁆𑀲𑀺𑀦𑁆𑀤𑁆𑀭𑀺𑀬𑀜𑁆𑀘… 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀤𑁄𑀫𑀦𑀲𑁆𑀲𑀺𑀦𑁆𑀤𑁆𑀭𑀺𑀬𑀜𑁆𑀘… 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑁂𑀓𑁆𑀔𑀺𑀦𑁆𑀤𑁆𑀭𑀺𑀬𑀜𑁆𑀘… 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀲𑀤𑁆𑀥𑀺𑀦𑁆𑀤𑁆𑀭𑀺𑀬𑀜𑁆𑀘… 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀯𑀻𑀭𑀺𑀬𑀺𑀦𑁆𑀤𑁆𑀭𑀺𑀬𑀜𑁆𑀘… 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀲𑀢𑀺𑀦𑁆𑀤𑁆𑀭𑀺𑀬𑀜𑁆𑀘… 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀲𑀫𑀸𑀥𑀺𑀦𑁆𑀤𑁆𑀭𑀺𑀬𑀜𑁆𑀘… 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀧𑀜𑁆𑀜𑀺𑀦𑁆𑀤𑁆𑀭𑀺𑀬𑀜𑁆𑀘… 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀅𑀦𑀜𑁆𑀜𑀸𑀢𑀜𑁆𑀜𑀲𑁆𑀲𑀸𑀫𑀻𑀢𑀺𑀦𑁆𑀤𑁆𑀭𑀺𑀬𑀜𑁆𑀘… 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀜𑁆𑀘… 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

(𑀤𑀼𑀓𑀫𑀽𑀮𑀓𑀁.)

𑁬𑁦. 𑀩𑀸𑀯𑀻𑀲𑀢𑀺𑀦𑁆𑀤𑁆𑀭𑀺𑀬𑀸𑀦𑀺 𑀓𑀢𑀺𑀳𑀺 𑀔𑀦𑁆𑀥𑁂𑀳𑀺 𑀓𑀢𑀺𑀳𑀸𑀬𑀢𑀦𑁂𑀳𑀺 𑀓𑀢𑀺𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸𑀦𑀺? 𑀩𑀸𑀯𑀻𑀲𑀢𑀺𑀦𑁆𑀤𑁆𑀭𑀺𑀬𑀸𑀦𑀺 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀲𑀢𑁆𑀢𑀳𑀸𑀬𑀢𑀦𑁂𑀳𑀺 𑀢𑁂𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸𑀦𑀺. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸𑀦𑀺? 𑀏𑀓𑁂𑀦 𑀔𑀦𑁆𑀥𑁂𑀦 𑀧𑀜𑁆𑀘𑀳𑀸𑀬𑀢𑀦𑁂𑀳𑀺 𑀧𑀜𑁆𑀘𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸𑀦𑀺.

𑁬. 𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀸𑀤𑀸𑀤𑀺

𑁬𑁧. 𑀅𑀯𑀺𑀚𑁆𑀚𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁬𑁨. 𑀅𑀯𑀺𑀚𑁆𑀚𑀸𑀧𑀘𑁆𑀘𑀬𑀸 𑀲𑀗𑁆𑀔𑀸𑀭𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁬𑁩. 𑀲𑀗𑁆𑀔𑀸𑀭𑀧𑀘𑁆𑀘𑀬𑀸 𑀯𑀺𑀜𑁆𑀜𑀸𑀡𑀁 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀁. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀁? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀁.

𑁬𑁪. 𑀯𑀺𑀜𑁆𑀜𑀸𑀡𑀧𑀘𑁆𑀘𑀬𑀸 𑀦𑀸𑀫𑀭𑀽𑀧𑀁 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀁. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀁? 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀁.

𑁬𑁫. 𑀦𑀸𑀫𑀭𑀽𑀧𑀧𑀘𑁆𑀘𑀬𑀸 𑀲𑀴𑀸𑀬𑀢𑀦𑀁 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀙𑀳𑀸𑀬𑀢𑀦𑁂𑀳𑀺 𑀤𑁆𑀯𑀸𑀤𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀁. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀁? 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀙𑀳𑀸𑀬𑀢𑀦𑁂𑀳𑀺 𑀙𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀁.

𑁬𑁬. 𑀲𑀴𑀸𑀬𑀢𑀦𑀧𑀘𑁆𑀘𑀬𑀸 𑀨𑀲𑁆𑀲𑁄… 𑀨𑀲𑁆𑀲𑀧𑀘𑁆𑀘𑀬𑀸 𑀯𑁂𑀤𑀦𑀸… 𑀯𑁂𑀤𑀦𑀸𑀧𑀘𑁆𑀘𑀬𑀸 𑀢𑀡𑁆𑀳𑀸… 𑀢𑀡𑁆𑀳𑀸𑀧𑀘𑁆𑀘𑀬𑀸 𑀉𑀧𑀸𑀤𑀸𑀦𑀁… 𑀓𑀫𑁆𑀫𑀪𑀯𑁄 [𑀉𑀧𑀸𑀤𑀸𑀦𑀧𑀘𑁆𑀘𑀬𑀸 𑀓𑀫𑁆𑀫𑀪𑀯𑁄 (𑀲𑀻. 𑀲𑁆𑀬𑀸.)] 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑁄. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑁄? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑁄.

𑁬𑁭. 𑀉𑀧𑀧𑀢𑁆𑀢𑀺𑀪𑀯𑁄 … 𑀓𑀸𑀫𑀪𑀯𑁄… 𑀲𑀜𑁆𑀜𑀸𑀪𑀯𑁄… 𑀧𑀜𑁆𑀘𑀯𑁄𑀓𑀸𑀭𑀪𑀯𑁄 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑁄. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑁄? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀅𑀲𑀗𑁆𑀕𑀳𑀺𑀢𑁄.

𑁬𑁮. 𑀭𑀽𑀧𑀪𑀯𑁄 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀧𑀜𑁆𑀘𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑁄. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑁄? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀲𑀢𑁆𑀢𑀳𑀸𑀬𑀢𑀦𑁂𑀳𑀺 𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑁄.

𑁬𑁯. 𑀅𑀭𑀽𑀧𑀪𑀯𑁄… 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀪𑀯𑁄… 𑀘𑀢𑀼𑀯𑁄𑀓𑀸𑀭𑀪𑀯𑁄 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑁄. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑁄? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑁄.

𑁭𑁦. 𑀅𑀲𑀜𑁆𑀜𑀸𑀪𑀯𑁄… 𑀏𑀓𑀯𑁄𑀓𑀸𑀭𑀪𑀯𑁄 𑀏𑀓𑁂𑀦 𑀔𑀦𑁆𑀥𑁂𑀦 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑁄. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑁄? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑁄.

𑁭𑁧. 𑀚𑀸𑀢𑀺 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺… 𑀚𑀭𑀸 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺… 𑀫𑀭𑀡𑀁 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀁. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀁? 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀁.

𑁭𑁨. 𑀲𑁄𑀓𑁄… 𑀧𑀭𑀺𑀤𑁂𑀯𑁄… 𑀤𑀼𑀓𑁆𑀔𑀁… 𑀤𑁄𑀫𑀦𑀲𑁆𑀲𑀁… 𑀉𑀧𑀸𑀬𑀸𑀲𑁄… 𑀲𑀢𑀺𑀧𑀝𑁆𑀞𑀸𑀦𑀁… 𑀲𑀫𑁆𑀫𑀧𑁆𑀧𑀥𑀸𑀦𑀁 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀁. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀁? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀁.

𑁭𑁩. 𑀇𑀤𑁆𑀥𑀺𑀧𑀸𑀤𑁄 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑁄. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑁄? 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑁄.

𑁭𑁪. 𑀛𑀸𑀦𑀁 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀁. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀁? 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀁.

𑁭𑁫. 𑀅𑀧𑁆𑀧𑀫𑀜𑁆𑀜𑀸 … 𑀧𑀜𑁆𑀘𑀺𑀦𑁆𑀤𑁆𑀭𑀺𑀬𑀸𑀦𑀺… 𑀧𑀜𑁆𑀘 𑀩𑀮𑀸𑀦𑀺… 𑀲𑀢𑁆𑀢 𑀩𑁄𑀚𑁆𑀛𑀗𑁆𑀕𑀸… 𑀅𑀭𑀺𑀬𑁄 𑀅𑀝𑁆𑀞𑀗𑁆𑀕𑀺𑀓𑁄 𑀫𑀕𑁆𑀕𑁄… 𑀨𑀲𑁆𑀲𑁄… 𑀯𑁂𑀤𑀦𑀸… 𑀲𑀜𑁆𑀜𑀸… 𑀘𑁂𑀢𑀦𑀸… 𑀅𑀥𑀺𑀫𑁄𑀓𑁆𑀔𑁄… 𑀫𑀦𑀲𑀺𑀓𑀸𑀭𑁄 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑁄. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑁄? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑁄.

𑁭𑁬. 𑀘𑀺𑀢𑁆𑀢𑀁 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀁. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀁? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀁.

𑁭. 𑀢𑀺𑀓𑀁

𑁭𑁭. 𑀓𑀼𑀲𑀮𑀸 𑀥𑀫𑁆𑀫𑀸… 𑀅𑀓𑀼𑀲𑀮𑀸 𑀥𑀫𑁆𑀫𑀸 𑀓𑀢𑀺𑀳𑀺 𑀔𑀦𑁆𑀥𑁂𑀳𑀺 𑀓𑀢𑀺𑀳𑀸𑀬𑀢𑀦𑁂𑀳𑀺 𑀓𑀢𑀺𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸? 𑀓𑀼𑀲𑀮𑀸 𑀥𑀫𑁆𑀫𑀸… 𑀅𑀓𑀼𑀲𑀮𑀸 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁭𑁮. 𑀅𑀩𑁆𑀬𑀸𑀓𑀢𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁭𑁯. 𑀲𑀼𑀔𑀸𑀬 𑀯𑁂𑀤𑀦𑀸𑀬 𑀲𑀫𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸… 𑀤𑀼𑀓𑁆𑀔𑀸𑀬 𑀯𑁂𑀤𑀦𑀸𑀬 𑀲𑀫𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀢𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀤𑀲𑀳𑀸𑀬𑀢𑀦𑁂𑀳𑀺 𑀧𑀦𑁆𑀦𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁮𑁦. 𑀅𑀤𑀼𑀓𑁆𑀔𑀫𑀲𑀼𑀔𑀸𑀬 𑀯𑁂𑀤𑀦𑀸𑀬 𑀲𑀫𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁮𑁧. 𑀯𑀺𑀧𑀸𑀓𑀸 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁮𑁨. 𑀯𑀺𑀧𑀸𑀓𑀥𑀫𑁆𑀫𑀥𑀫𑁆𑀫𑀸… 𑀲𑀁𑀓𑀺𑀮𑀺𑀝𑁆𑀞𑀲𑀁𑀓𑀺𑀮𑁂𑀲𑀺𑀓𑀸 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁮𑁩. 𑀦𑁂𑀯𑀯𑀺𑀧𑀸𑀓𑀦𑀯𑀺𑀧𑀸𑀓𑀥𑀫𑁆𑀫𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀢𑁂𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀧𑀜𑁆𑀘𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁮𑁪. 𑀉𑀧𑀸𑀤𑀺𑀦𑁆𑀦𑀼𑀧𑀸𑀤𑀸𑀦𑀺𑀬𑀸 𑀥𑀫𑁆𑀫𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀅𑀲𑀗𑁆𑀕𑀳𑀺𑀢𑀸.

𑁮𑁫. 𑀅𑀦𑀼𑀧𑀸𑀤𑀺𑀦𑁆𑀦𑀼𑀧𑀸𑀤𑀸𑀦𑀺𑀬𑀸 𑀥𑀫𑁆𑀫𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀲𑀢𑁆𑀢𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀧𑀜𑁆𑀘𑀳𑀸𑀬𑀢𑀦𑁂𑀳𑀺 𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁮𑁬. 𑀅𑀦𑀼𑀧𑀸𑀤𑀺𑀦𑁆𑀦𑀅𑀦𑀼𑀧𑀸𑀤𑀸𑀦𑀺𑀬𑀸 𑀥𑀫𑁆𑀫𑀸… 𑀅𑀲𑀁𑀓𑀺𑀮𑀺𑀝𑁆𑀞𑀅𑀲𑀁𑀓𑀺𑀮𑁂𑀲𑀺𑀓𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁮𑁭. 𑀅𑀲𑀁𑀓𑀺𑀮𑀺𑀝𑁆𑀞𑀲𑀁𑀓𑀺𑀮𑁂𑀲𑀺𑀓𑀸 𑀥𑀫𑁆𑀫𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁮𑁮. 𑀲𑀯𑀺𑀢𑀓𑁆𑀓𑀲𑀯𑀺𑀘𑀸𑀭𑀸 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀢𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀧𑀦𑁆𑀦𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁮𑁯. 𑀅𑀯𑀺𑀢𑀓𑁆𑀓𑀯𑀺𑀘𑀸𑀭𑀫𑀢𑁆𑀢𑀸 𑀥𑀫𑁆𑀫𑀸… 𑀧𑀻𑀢𑀺𑀲𑀳𑀕𑀢𑀸 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁯𑁦. 𑀅𑀯𑀺𑀢𑀓𑁆𑀓𑀅𑀯𑀺𑀘𑀸𑀭𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀏𑀓𑀸𑀬 𑀥𑀸𑀢𑀼𑀬𑀸 𑀅𑀲𑀗𑁆𑀕𑀳𑀺𑀢𑀸.

𑁯𑁧. 𑀲𑀼𑀔𑀲𑀳𑀕𑀢𑀸 𑀥𑀫𑁆𑀫𑀸 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀢𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀤𑀲𑀳𑀸𑀬𑀢𑀦𑁂𑀳𑀺 𑀧𑀦𑁆𑀦𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁯𑁨. 𑀉𑀧𑁂𑀓𑁆𑀔𑀸𑀲𑀳𑀕𑀢𑀸 𑀥𑀫𑁆𑀫𑀸 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀤𑁆𑀯𑀻𑀳𑀺 𑀔𑀦𑁆𑀥𑁂𑀳𑀺 𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁯𑁩. 𑀤𑀲𑁆𑀲𑀦𑁂𑀦 𑀧𑀳𑀸𑀢𑀩𑁆𑀩𑀸 𑀥𑀫𑁆𑀫𑀸… 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀸 𑀥𑀫𑁆𑀫𑀸… 𑀤𑀲𑁆𑀲𑀦𑁂𑀦 𑀧𑀳𑀸𑀢𑀩𑁆𑀩𑀳𑁂𑀢𑀼𑀓𑀸 𑀥𑀫𑁆𑀫𑀸… 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀳𑁂𑀢𑀼𑀓𑀸 𑀥𑀫𑁆𑀫𑀸… 𑀆𑀘𑀬𑀕𑀸𑀫𑀺𑀦𑁄 𑀥𑀫𑁆𑀫𑀸… 𑀅𑀧𑀘𑀬𑀕𑀸𑀫𑀺𑀦𑁄 𑀥𑀫𑁆𑀫𑀸… 𑀲𑁂𑀓𑁆𑀔𑀸 𑀥𑀫𑁆𑀫𑀸… 𑀅𑀲𑁂𑀓𑁆𑀔𑀸 𑀥𑀫𑁆𑀫𑀸… 𑀫𑀳𑀕𑁆𑀕𑀢𑀸 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁯𑁪. 𑀦𑁂𑀯 𑀤𑀲𑁆𑀲𑀦𑁂𑀦 𑀦 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀸 𑀥𑀫𑁆𑀫𑀸… 𑀦𑁂𑀯 𑀤𑀲𑁆𑀲𑀦𑁂𑀦 𑀦 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀳𑁂𑀢𑀼𑀓𑀸 𑀥𑀫𑁆𑀫𑀸… 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀦𑁄 𑀥𑀫𑁆𑀫𑀸… 𑀦𑁂𑀯𑀲𑁂𑀓𑁆𑀔𑀦𑀸𑀲𑁂𑀓𑁆𑀔𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁯𑁫. 𑀧𑀭𑀺𑀢𑁆𑀢𑀸 𑀥𑀫𑁆𑀫𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁯𑁬. 𑀅𑀧𑁆𑀧𑀫𑀸𑀡𑀸 𑀥𑀫𑁆𑀫𑀸… 𑀧𑀡𑀻𑀢𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁯𑁭. 𑀧𑀭𑀺𑀢𑁆𑀢𑀸𑀭𑀫𑁆𑀫𑀡𑀸 [𑀧𑀭𑀺𑀢𑁆𑀢𑀸𑀭𑀫𑀡𑀸 (?)] 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁯𑁮. 𑀫𑀳𑀕𑁆𑀕𑀢𑀸𑀭𑀫𑁆𑀫𑀡𑀸 𑀥𑀫𑁆𑀫𑀸… 𑀅𑀧𑁆𑀧𑀫𑀸𑀡𑀸𑀭𑀫𑁆𑀫𑀡𑀸 𑀥𑀫𑁆𑀫𑀸… 𑀳𑀻𑀦𑀸 𑀥𑀫𑁆𑀫𑀸… 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀸 𑀥𑀫𑁆𑀫𑀸… 𑀲𑀫𑁆𑀫𑀢𑁆𑀢𑀦𑀺𑀬𑀢𑀸 𑀥𑀫𑁆𑀫𑀸… 𑀫𑀕𑁆𑀕𑀸𑀭𑀫𑁆𑀫𑀡𑀸 𑀥𑀫𑁆𑀫𑀸… 𑀫𑀕𑁆𑀕𑀳𑁂𑀢𑀼𑀓𑀸 𑀥𑀫𑁆𑀫𑀸… 𑀫𑀕𑁆𑀕𑀸𑀥𑀺𑀧𑀢𑀺𑀦𑁄 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁯𑁯. 𑀫𑀚𑁆𑀛𑀺𑀫𑀸 𑀥𑀫𑁆𑀫𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁦𑁦. 𑀅𑀦𑀺𑀬𑀢𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁦𑁧. 𑀉𑀧𑁆𑀧𑀦𑁆𑀦𑀸 𑀥𑀫𑁆𑀫𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁦𑁨. 𑀅𑀦𑀼𑀧𑁆𑀧𑀦𑁆𑀦𑀸 𑀥𑀫𑁆𑀫𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀲𑀢𑁆𑀢𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀧𑀜𑁆𑀘𑀳𑀸𑀬𑀢𑀦𑁂𑀳𑀺 𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁦𑁩. 𑀉𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀅𑀲𑀗𑁆𑀕𑀳𑀺𑀢𑀸.

𑁧𑁦𑁪. 𑀅𑀢𑀻𑀢𑀸 𑀥𑀫𑁆𑀫𑀸… 𑀅𑀦𑀸𑀕𑀢𑀸 𑀥𑀫𑁆𑀫𑀸… 𑀧𑀘𑁆𑀘𑀼𑀧𑁆𑀧𑀦𑁆𑀦𑀸 𑀥𑀫𑁆𑀫𑀸… 𑀅𑀚𑁆𑀛𑀢𑁆𑀢𑀸 𑀥𑀫𑁆𑀫𑀸… 𑀅𑀚𑁆𑀛𑀢𑁆𑀢𑀩𑀳𑀺𑀤𑁆𑀥𑀸 𑀥𑀫𑁆𑀫𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁦𑁫. 𑀩𑀳𑀺𑀤𑁆𑀥𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁦𑁬. 𑀅𑀢𑀻𑀢𑀸𑀭𑀫𑁆𑀫𑀡𑀸 𑀥𑀫𑁆𑀫𑀸… 𑀅𑀦𑀸𑀕𑀢𑀸𑀭𑀫𑁆𑀫𑀡𑀸 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁦𑁭. 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀭𑀫𑁆𑀫𑀡𑀸 𑀥𑀫𑁆𑀫𑀸… 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸 𑀥𑀫𑁆𑀫𑀸… 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸 𑀥𑀫𑁆𑀫𑀸… 𑀅𑀚𑁆𑀛𑀢𑁆𑀢𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁦𑁮. 𑀲𑀦𑀺𑀤𑀲𑁆𑀲𑀦𑀲𑀧𑁆𑀧𑀝𑀺𑀖𑀸 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁦𑁯. 𑀅𑀦𑀺𑀤𑀲𑁆𑀲𑀦𑀲𑀧𑁆𑀧𑀝𑀺𑀖𑀸 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀦𑀯𑀳𑀸𑀬𑀢𑀦𑁂𑀳𑀺 𑀦𑀯𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀢𑀻𑀳𑀸𑀬𑀢𑀦𑁂𑀳𑀺 𑀦𑀯𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁧𑁦. 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺, 𑀤𑀲𑀳𑀸𑀬𑀢𑀦𑁂𑀳𑀺 𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁮. 𑀤𑀼𑀓𑀁

𑁧𑁧𑁧. 𑀳𑁂𑀢𑀽 𑀥𑀫𑁆𑀫𑀸… 𑀳𑁂𑀢𑀽 𑀘𑁂𑀯 𑀲𑀳𑁂𑀢𑀼𑀓𑀸 𑀘 𑀥𑀫𑁆𑀫𑀸… 𑀳𑁂𑀢𑀽 𑀘𑁂𑀯 𑀳𑁂𑀢𑀼𑀲𑀫𑁆𑀧𑀬𑀼𑀢𑁆𑀢𑀸 𑀘 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁧𑁨. 𑀦 𑀳𑁂𑀢𑀽 𑀥𑀫𑁆𑀫𑀸… 𑀅𑀳𑁂𑀢𑀼𑀓𑀸 𑀥𑀫𑁆𑀫𑀸… 𑀳𑁂𑀢𑀼𑀯𑀺𑀧𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸… 𑀦 𑀳𑁂𑀢𑀽 𑀅𑀳𑁂𑀢𑀼𑀓𑀸 [𑀦 𑀳𑁂𑀢𑀽 𑀅𑀳𑁂𑀢𑀼𑀓𑀸 (𑀲𑁆𑀬𑀸. 𑀓.) 𑀯𑀺𑀪. 𑀤𑀼𑀓𑀧𑀜𑁆𑀳𑀸𑀧𑀼𑀘𑁆𑀙𑀓𑁂𑀧𑀺] 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁧𑁩. 𑀲𑀳𑁂𑀢𑀼𑀓𑀸 𑀥𑀫𑁆𑀫𑀸… 𑀳𑁂𑀢𑀼𑀲𑀫𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸… 𑀲𑀳𑁂𑀢𑀼𑀓𑀸 𑀘𑁂𑀯 𑀦 𑀘 𑀳𑁂𑀢𑀽 𑀥𑀫𑁆𑀫𑀸… 𑀳𑁂𑀢𑀼𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀦 𑀘 𑀳𑁂𑀢𑀽 𑀥𑀫𑁆𑀫𑀸… 𑀦 𑀳𑁂𑀢𑀽 𑀲𑀳𑁂𑀢𑀼𑀓𑀸 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁧𑁪. 𑀲𑀧𑁆𑀧𑀘𑁆𑀘𑀬𑀸 𑀥𑀫𑁆𑀫𑀸… 𑀲𑀗𑁆𑀔𑀢𑀸 𑀥𑀫𑁆𑀫𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁧𑁫. 𑀅𑀧𑁆𑀧𑀘𑁆𑀘𑀬𑀸 𑀥𑀫𑁆𑀫𑀸… 𑀅𑀲𑀗𑁆𑀔𑀢𑀸 𑀥𑀫𑁆𑀫𑀸 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁧𑁬. 𑀲𑀦𑀺𑀤𑀲𑁆𑀲𑀦𑀸 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁧𑁭. 𑀅𑀦𑀺𑀤𑀲𑁆𑀲𑀦𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺, 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀅𑀲𑀗𑁆𑀕𑀳𑀺𑀢𑀸.

𑁧𑁧𑁮. 𑀲𑀧𑁆𑀧𑀝𑀺𑀖𑀸 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀤𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁧𑁯. 𑀅𑀧𑁆𑀧𑀝𑀺𑀖𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺, 𑀤𑀲𑀳𑀸𑀬𑀢𑀦𑁂𑀳𑀺 𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁨𑁦. 𑀭𑀽𑀧𑀺𑀦𑁄 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁨𑁧. 𑀅𑀭𑀽𑀧𑀺𑀦𑁄 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀤𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁨𑁨. 𑀮𑁄𑀓𑀺𑀬𑀸 𑀥𑀫𑁆𑀫𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁨𑁩. 𑀮𑁄𑀓𑀼𑀢𑁆𑀢𑀭𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁨𑁪. 𑀓𑁂𑀦𑀘𑀺 𑀯𑀺𑀜𑁆𑀜𑁂𑀬𑁆𑀬𑀸 𑀥𑀫𑁆𑀫𑀸… 𑀓𑁂𑀦𑀘𑀺 𑀦 𑀯𑀺𑀜𑁆𑀜𑁂𑀬𑁆𑀬𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁨𑁫. 𑀆𑀲𑀯𑀸 𑀥𑀫𑁆𑀫𑀸… 𑀆𑀲𑀯𑀸 𑀘𑁂𑀯 𑀲𑀸𑀲𑀯𑀸 𑀘 𑀥𑀫𑁆𑀫𑀸… 𑀆𑀲𑀯𑀸 𑀘𑁂𑀯 𑀆𑀲𑀯𑀲𑀫𑁆𑀧𑀬𑀼𑀢𑁆𑀢𑀸 𑀘 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑀸𑀤𑀲𑀳𑀸𑀬𑀢𑀦𑁂𑀳𑀺 𑀲𑀢𑁆𑀢𑀭𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁨𑁬. 𑀦𑁄 𑀆𑀲𑀯𑀸 𑀥𑀫𑁆𑀫𑀸… 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁨𑁭. 𑀲𑀸𑀲𑀯𑀸 𑀥𑀫𑁆𑀫𑀸… 𑀲𑀸𑀲𑀯𑀸 𑀘𑁂𑀯 𑀦𑁄 𑀘 𑀆𑀲𑀯𑀸 𑀥𑀫𑁆𑀫𑀸… 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀸 𑀲𑀸𑀲𑀯𑀸 𑀥𑀫𑁆𑀫𑀸 𑀧𑀜𑁆𑀘𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀸𑀤𑀲𑀳𑀸𑀬𑀢𑀦𑁂𑀳𑀺 𑀅𑀝𑁆𑀞𑀸𑀭𑀲𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀦 𑀓𑀸𑀳𑀺𑀘𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.

𑁧𑁨𑁮. 𑀅𑀦𑀸𑀲𑀯𑀸 𑀥𑀫𑁆𑀫𑀸… 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀸 𑀅𑀦𑀸𑀲𑀯𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀁 𑀔𑀦𑁆𑀥𑀢𑁄 𑀞𑀧𑁂𑀢𑁆𑀯𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀤𑁆𑀯𑀻𑀳𑀸𑀬𑀢𑀦𑁂𑀳𑀺 𑀤𑁆𑀯𑀻𑀳𑀺 𑀥𑀸𑀢𑀽𑀳𑀺 𑀲𑀗𑁆𑀕𑀳𑀺𑀢𑀸. 𑀓𑀢𑀺𑀳𑀺 𑀅𑀲𑀗𑁆𑀕𑀳𑀺𑀢𑀸? 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀅𑀲𑀗𑁆𑀕𑀳𑀺𑀢𑀸.