𑁪. 𑀢𑀼𑀯𑀝𑁆𑀝𑀯𑀕𑁆𑀕, 𑁧-𑁨. 𑀧𑀞𑀫, 𑀤𑀼𑀢𑀺𑀬 𑀲𑀺𑀓𑁆𑀔𑀸𑀧𑀼𑀘𑁆𑀙𑀸

𑀧𑀼𑀘𑁆𑀙𑀸 𑁋 𑀤𑁆𑀯𑀺𑀦𑁆𑀦𑀁 𑀆𑀯𑀼𑀲𑁄 𑀪𑀺𑀓𑁆𑀔𑀼𑀦𑀻𑀦𑀁 𑀏𑀓𑀫𑀜𑁆𑀘𑁂 𑀯𑀸 𑀏𑀓𑀢𑁆𑀣𑀭𑀡𑀧𑀸𑀯𑀼𑀭𑀡𑁂 𑀯𑀸 𑀢𑀼𑀯𑀝𑁆𑀝𑁂𑀦𑁆𑀢𑀻𑀦𑀁 𑀧𑀸𑀘𑀺𑀢𑁆𑀢𑀺𑀬𑀁 𑀓𑀢𑁆𑀣 𑀧𑀜𑁆𑀜𑀢𑁆𑀢𑀁, 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀧𑀜𑁆𑀜𑀢𑁆𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀸𑀯𑀢𑁆𑀣𑀺𑀬𑀁 𑀪𑀦𑁆𑀢𑁂 𑀲𑀫𑁆𑀩𑀳𑀼𑀮𑀸 𑀪𑀺𑀓𑁆𑀔𑀼𑀦𑀺𑀬𑁄 𑀆𑀭𑀩𑁆𑀪 𑀧𑀜𑁆𑀜𑀢𑁆𑀢𑀁, 𑀲𑀫𑁆𑀩𑀳𑀼𑀮𑀸 𑀪𑀦𑁆𑀢𑁂 𑀪𑀺𑀓𑁆𑀔𑀼𑀦𑀺𑀬𑁄 𑀤𑁆𑀯𑁂 𑀏𑀓𑀫𑀜𑁆𑀘𑁂 𑀢𑀼𑀯𑀝𑁆𑀝𑁂𑀲𑀼𑀁, 𑀏𑀓𑀢𑁆𑀣𑀭𑀡𑀧𑀸𑀯𑀼𑀭𑀡𑁂 𑀢𑀼𑀯𑀝𑁆𑀝𑁂𑀲𑀼𑀁, 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 𑀧𑀜𑁆𑀜𑀢𑁆𑀢𑀁.