𑁫𑁪. 𑀣𑀸𑀯𑀭𑀺+𑀢𑁆𑀢𑀭 𑀪𑀗𑁆𑀕𑀼𑀭 𑀪𑀺𑀤𑀼𑀭 𑀪𑀸𑀲𑀼𑀭 𑀪𑀲𑁆𑀲𑀭𑀸

𑀏𑀢𑁂 𑀲𑀤𑁆𑀤𑀸 𑀦𑀺𑀧𑀘𑁆𑀘𑀦𑁆𑀢𑁂 𑀲𑀻𑀮𑁂 𑀕𑀫𑁆𑀬𑀫𑀸𑀦𑁂. 𑀇𑀫𑀺𑀦𑀸 𑀦𑀺𑀧𑀸𑀢𑀦𑀸 𑀯𑀭𑀧𑀘𑁆𑀘𑀬𑁄 𑀘 𑀣𑀸𑀲𑁆𑀲 𑀣𑁄 𑀘, 𑀢𑀺𑀝𑁆𑀞𑀢𑀺 𑀲𑀻𑀮𑁂𑀦𑀸𑀢𑀺 𑀣𑀸𑀯𑀭𑁄. 𑀇=𑀅𑀚𑁆𑀛𑁂𑀦𑀕𑀢𑀻𑀲𑀼, 𑀢𑁆𑀢𑀭𑀧𑀘𑁆𑀘𑀬𑁄, 𑀕𑀘𑁆𑀙𑀢𑀺 𑀲𑀻𑀮𑁂𑀦𑀸𑀢𑀺 𑀇𑀢𑁆𑀢𑀭𑁄. 𑀪𑀜𑁆𑀚=𑀑𑀫𑀤𑁆𑀤𑀦𑁂, 𑀪𑀚𑁆𑀚𑀢𑁂 𑀲𑀬𑀫𑁂𑀯 𑀪𑀚𑁆𑀚𑀢𑀺 𑀯𑀸 𑀅𑀢𑁆𑀢𑀦𑀸 𑀅𑀢𑁆𑀢𑀸𑀦𑀦𑁆𑀢𑀺 𑀪𑀗𑁆𑀕𑀼𑀭𑁄, 𑀓𑀫𑁆𑀫𑁂 𑀓𑀢𑁆𑀢𑀭𑀺 𑀯𑀸 𑀕𑀼𑀭𑀧𑀘𑁆𑀘𑀬𑁄. 𑀪𑀺𑀚𑁆𑀚𑀢𑁂 𑀲𑀬𑀫𑁂𑀯 𑀪𑀺𑀦𑁆𑀤𑀢𑀺 𑀯𑀸 𑀅𑀢𑁆𑀢𑀸𑀦𑀦𑁆𑀢𑀺 𑀪𑀺𑀤𑀽𑀭𑁄, 𑀏𑀢𑁆𑀣 𑀓𑀽𑀭𑀧𑀘𑁆𑀘𑀬𑁄, 𑀓𑀓𑀸𑀭𑁄+𑀦𑀼𑀩𑀦𑁆𑀥𑁄. 𑀧𑀭𑀪𑀜𑁆𑀚𑀦𑀯𑀺𑀲𑀬𑁂𑀲𑀼𑀧𑀺 𑀉𑀤𑀸𑀳𑀭𑀡𑁂𑀲𑀼 𑀦 𑀳𑁄𑀢𑀺. 𑀢𑀢𑁆𑀣𑀸𑀧𑀺 𑀓𑁂𑀘𑀺 ‘‘𑀤𑁄𑀲𑀦𑁆𑀥𑀓𑀸𑀭𑀪𑀺𑀤𑀽𑀭𑁄’’𑀢𑀺 𑀇𑀤𑀁 𑀲𑀦𑁆𑀥𑀸𑀬 𑀇𑀘𑁆𑀙𑀦𑁆𑀢𑀺. 𑀪𑀸𑀲𑀢𑀺 𑀤𑀺𑀧𑁆𑀧𑀢𑀻𑀢𑀺 𑀪𑀸𑀲𑀼𑀭𑁄, 𑀉𑀭𑀧𑀘𑁆𑀘𑀬𑁄. 𑀲𑀭𑀧𑀘𑁆𑀘𑀬𑁂 𑀪𑀲𑁆𑀲𑀭𑁄, ‘‘𑀩𑁆𑀬𑀜𑁆𑀚𑀦𑁂 𑀤𑀻𑀖𑀭𑀲𑁆𑀲𑀸’’𑀢𑀺 𑀭𑀲𑁆𑀲𑁄. (𑀢𑁂𑀓𑀸𑀮𑀺𑀓𑀧𑁆𑀧𑀘𑁆𑀘𑀬𑀸).