𑁧𑁭𑁧. 𑀭𑀸 𑀦𑀲𑁆𑀲 𑀡𑁄

𑀭𑀦𑁆𑀢𑀢𑁄 𑀓𑁆𑀭𑀺𑀬𑀢𑁆𑀣𑀸 𑀧𑀘𑁆𑀘𑀬𑀦𑀓𑀸𑀭𑀲𑁆𑀲 𑀡 𑀳𑁄𑀢𑀺. 𑀓𑀭𑀡𑀻𑀬𑁄.

𑀪𑀭=𑀪𑀭𑀡𑁂, 𑀪𑀭𑀻𑀬𑀢𑀻𑀢𑀺 𑀪𑀭𑀺𑀢𑀩𑁆𑀩𑁄 𑀪𑀭𑀡𑀻𑀬𑁄. 𑀕𑀳=𑀉𑀧𑀸𑀤𑀸𑀦𑁂 ‘‘𑀫𑀁 𑀯𑀸 𑀭𑀼𑀥𑀸𑀤𑀻𑀦𑀁’’𑀢𑀺 𑀅𑀦𑁆𑀢𑀲𑀭𑀸 𑀧𑀭𑁄𑀫𑀁 𑀯𑀸 𑀳𑁄𑀢𑀺. 𑀫𑀓𑀸𑀭𑁄+𑀦𑀼𑀩𑀦𑁆𑀥𑁄. ‘‘𑀡𑁄 𑀦𑀺𑀕𑁆𑀕𑀳𑀻𑀢𑀲𑁆𑀲𑀸’’𑀢𑀺 𑀦𑀺𑀕𑁆𑀕𑀳𑀻𑀢𑀲𑁆𑀲 𑀡𑁄, 𑀲𑀁𑀕𑀬𑁆𑀳𑀢𑀻𑀢𑀺 𑀲𑀁𑀕𑀡𑁆𑀳𑀺𑀢𑀩𑁆𑀩𑁄 𑀲𑀁𑀕𑀡𑁆𑀳𑀦𑀻𑀬𑁄, ‘‘𑀢𑀣𑀦𑀭𑀸’’𑀤𑀺𑀦𑀸 𑀡𑀓𑀸𑀭𑁂 𑀕𑀳𑀡𑀻𑀬𑁄. 𑀭𑀫=𑀓𑀻𑀴𑀸𑀬𑀁, 𑀭𑀫𑀻𑀬𑀢𑀻𑀢𑀺 𑀭𑀫𑀡𑀻𑀬𑁄 𑀯𑀺𑀳𑀸𑀭𑁄. 𑀆𑀧=𑀧𑀸𑀧𑀼𑀡𑀦𑁂, ‘‘𑀲𑀓𑀸𑀧𑀸𑀦𑀁 𑀓𑀼𑀓𑀓𑀽 𑀡𑁂’’𑀢𑀺 𑀏𑀢𑁆𑀣 ‘𑀲𑀓𑀸𑀧𑀸𑀦𑀁 𑀓𑀼𑀓+𑀓𑀽’𑀢𑀺 𑀬𑁄𑀕𑀯𑀺𑀪𑀸𑀕𑀸 𑀓𑀼, 𑀊𑀆𑀕𑀫𑁂 𑀦𑀸𑀕𑀫𑀲𑁆𑀲 𑀡𑁂 𑀘 𑀓𑀢𑁂 𑀧𑀸𑀧𑀻𑀬𑀢𑀻𑀢𑀺 𑀧𑀸𑀧𑀼𑀡𑀺𑀢𑀩𑁆𑀩𑁄. 𑀧𑀭𑀭𑀽𑀧𑁂 𑀧𑀢𑁆𑀢𑀩𑁆𑀩𑁄, 𑀧𑀸𑀧𑀼𑀡𑀦𑀻𑀬𑁄, 𑀧𑀸𑀧𑀦𑀻𑀬𑁄.