𑁨𑁧. 𑀈𑀆𑀤𑁄 𑀯𑀘𑀲𑁆𑀲𑁄𑀫

𑀈𑀆𑀤𑀻𑀲𑀼 𑀯𑀘𑀲𑁆𑀲 𑀑𑀫 𑀳𑁄𑀢𑀺. 𑀫𑀓𑀸𑀭𑀸𑀦𑀼𑀩𑀦𑁆𑀥𑀢𑁆𑀢𑀸 ‘‘𑀫𑀸𑀦𑀼𑀩𑀦𑁆𑀥𑁄 𑀲𑀭𑀸𑀦+𑀫𑀦𑁆𑀢𑀸 𑀧𑀭𑁄’’𑀢𑀺 𑀧𑀭𑀺𑀪𑀸𑀲𑀢𑁄 𑀲𑀭𑀸 𑀧𑀭𑁄. 𑀅𑀯𑁄𑀘𑀺, 𑀅𑀯𑁄𑀘𑀼𑀁, 𑀅𑀯𑁄𑀘𑁄 𑀇𑀘𑁆𑀘𑀸𑀤𑀺. 𑀅𑀦𑀚𑁆𑀚𑀢𑀦𑁂-𑀅𑀯𑀘 𑀅𑀯𑀘𑀸 𑀯𑀘𑀸 𑀇𑀘𑁆𑀘𑀸𑀤𑀺. 𑀓𑁆𑀭𑀺𑀬𑀸𑀢𑀺𑀧𑀢𑁆𑀢𑀺𑀬𑀁-𑀅𑀯𑀓𑁆𑀔𑀸 𑀅𑀯𑀘𑀺𑀲𑁆𑀲𑀸, 𑀅𑀯𑀓𑁆𑀔𑀺𑀁𑀲𑀼 𑀅𑀯𑀘𑀺𑀲𑁆𑀲𑀺𑀁𑀲𑀼 𑀇𑀘𑁆𑀘𑀸𑀤𑀺. 𑀯𑀘𑁂𑀬𑁆𑀬 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀯𑀼𑀘𑁆𑀘𑁂𑀬𑁆𑀬 𑀇𑀘𑁆𑀘𑀸𑀤𑀺. 𑀢𑀣𑀸 𑀯𑀘𑀢𑀼, 𑀯𑀼𑀘𑁆𑀘𑀢𑀼 𑀇𑀘𑁆𑀘𑀸𑀤𑀺.

𑀪𑀼𑀚=𑀧𑀸𑀮𑀦𑀚𑁆𑀛𑁄𑀳𑀸𑀭𑁂𑀲𑀼, ‘‘𑀪𑀼𑀚𑀸’’ 𑀤𑀺𑀦𑀸 𑀓𑁆𑀔𑀯𑀸𑀤𑁂𑀲𑁂 𑀪𑁄𑀓𑁆𑀔𑀢𑀺 𑀪𑀼𑀜𑁆𑀚𑀺𑀲𑁆𑀲𑀢𑀺.

𑀓𑀼𑀲=𑀅𑀓𑁆𑀓𑁄𑀲𑁂, 𑀆𑀧𑀼𑀩𑁆𑀩𑁄, 𑀢𑀲𑁆𑀲 𑀭𑀲𑁆𑀲𑁄 𑀘, 𑀅𑀓𑁆𑀓𑁄𑀲𑀢𑀺 𑀇𑀘𑁆𑀘𑀸𑀤𑀺 𑀜𑁂𑀬𑁆𑀬𑀁, 𑀮𑀯𑀺𑀓𑀭𑀡𑀮𑁄𑀧𑀯𑀼𑀤𑁆𑀥𑀺𑀬𑁄.