𑁪𑁮. 𑀳𑀺𑀲𑁆𑀲+𑀢𑁄 𑀮𑁄𑀧𑁄

𑀅𑀢𑁄 𑀧𑀭𑀲𑁆𑀲 𑀳𑀺𑀲𑁆𑀲 𑀯𑀸 𑀮𑁄𑀧𑁄 𑀳𑁄𑀢𑀺. 𑀢𑁆𑀯𑀁 𑀲𑀼𑀔𑀻 𑀪𑀯 𑀪𑀯𑀸𑀳𑀺, 𑀳𑀺𑀫𑁆𑀳𑀺 𑀤𑀻𑀖𑁄. ‘‘𑀏𑀬𑁆𑀬𑀸𑀣𑀸’’𑀤𑀺𑀦𑀸 𑀯𑁆𑀳𑁄𑀓, 𑀢𑀼𑀫𑁆𑀳𑁂 𑀲𑀼𑀔𑀺𑀢𑀸 𑀪𑀯𑀣𑀯𑁆𑀳𑁄 𑀪𑀯𑀣. 𑀅𑀳𑀁 𑀲𑀼𑀔𑀻 𑀪𑀯𑀸𑀫𑀺, 𑀫𑀬𑀁 𑀲𑀼𑀔𑀺𑀦𑁄 𑀪𑀯𑀸𑀫. 𑀧𑀭𑀘𑁆𑀙𑀓𑁆𑀓𑁂-𑀢𑀣𑀸 𑀪𑀯𑀢𑀁, 𑀪𑀯𑀦𑁆𑀢𑀁. 𑀪𑀯𑀲𑁆𑀲𑀼, 𑀪𑀯𑀯𑁆𑀳𑁄. 𑀪𑀯𑁂 𑀪𑀯𑀸𑀫𑀲𑁂. 𑀓𑀫𑁆𑀫𑁂-𑀢𑀬𑀸 𑀅𑀦𑀼𑀪𑀽𑀬𑀢𑀼, 𑀅𑀦𑀼𑀪𑀽𑀬𑀦𑁆𑀢𑀼 𑀇𑀘𑁆𑀘𑀸𑀤𑀺. 𑀪𑀸𑀯𑁂-𑀪𑀽𑀬𑀢𑀼, 𑀪𑀽𑀬𑀢𑀁.

𑀆𑀡𑀢𑁆𑀢𑀺𑀬𑀁-𑀤𑁂𑀯𑀤𑀢𑁆𑀢𑁄 𑀤𑀸𑀦𑀺 𑀑𑀤𑀦𑀁 𑀧𑀘𑀢𑀼, 𑀧𑀘𑀦𑁆𑀢𑀼 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀢𑁂𑀦 𑀑𑀤𑀦𑁄 𑀧𑀘𑁆𑀘𑀢𑀼 𑀇𑀘𑁆𑀘𑀸𑀤𑀺. 𑀢𑀣𑀸 𑀲𑁄 𑀕𑀸𑀫𑀁 𑀕𑀘𑁆𑀙𑀢𑀼 𑀇𑀘𑁆𑀘𑀸𑀤𑀺. ‘‘𑀊 𑀮𑀲𑁆𑀲𑁂’’𑀢𑀺 𑀮𑀲𑁆𑀲𑁂+𑀓𑀸𑀭𑁂 𑀕𑀫𑁂𑀢𑀼, 𑀕𑀫𑁂𑀦𑁆𑀢𑀼 𑀇𑀘𑁆𑀘𑀸𑀤𑀺. 𑀖𑀫𑁆𑀫𑀸𑀤𑁂𑀲𑁂 𑀖𑀫𑁆𑀫𑀢𑀼, 𑀖𑀫𑁆𑀫𑀦𑁆𑀢𑀼 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀕𑀘𑁆𑀙𑀻𑀬𑀢𑀼 𑀇𑀘𑁆𑀘𑀸𑀤𑀺. 𑀢𑀣𑀸 𑀕𑀫𑀻𑀬𑀢𑀼 𑀇𑀘𑁆𑀘𑀸𑀤𑀺.

𑀯𑀺𑀥𑀺𑀫𑁆𑀳𑀺-𑀮𑀲𑁆𑀲 𑀮𑁄𑀧𑁂 𑀮𑀼𑀢𑁆𑀢𑁂 𑀯𑀼𑀤𑁆𑀥𑀺, 𑀇𑀥 𑀧𑀩𑁆𑀩𑀢𑁄 𑀳𑁄𑀢𑀼.

𑀦𑀺𑀫𑀦𑁆𑀢𑀦𑁂-𑀅𑀥𑀺𑀯𑀸𑀲𑁂𑀣 𑀢𑀼𑀫𑁆𑀳𑁂 𑀪𑀦𑁆𑀢𑁂 𑀪𑀕𑀯𑀸 𑀪𑁄𑀚𑀦𑀁, 𑀯𑀲𑀢𑀺𑀲𑁆𑀲 ‘‘𑀘𑀼𑀭𑀸𑀤𑀺𑀢𑁄 𑀡𑀻’’𑀢𑀺 𑀡𑀺𑀫𑁆𑀳𑀺 ‘‘𑀅𑀲𑁆𑀲𑀸 𑀡𑀸𑀦𑀼𑀩𑀦𑁆𑀥𑁂’’𑀢𑀺 𑀆, ‘‘𑀬𑀼𑀯𑀡𑁆𑀡𑀸𑀦+𑀫𑁂𑀑 𑀧𑀘𑁆𑀘𑀬𑁂’’𑀢𑀺 𑀏 𑀘 𑀳𑁄𑀢𑀺. 𑀇𑀥 𑀦𑀺𑀲𑁆𑀲𑀻𑀤𑀢𑀼 𑀪𑀯𑀁, 𑀲𑀤𑀲𑁆𑀲 ‘‘𑀚𑀭+𑀲𑀤𑀸𑀦+𑀫𑀻𑀫 𑀯𑀸’’𑀢𑀺 𑀈𑀫, 𑀫𑀦𑀼𑀩𑀦𑁆𑀥𑀢𑁆𑀢𑀸 𑀅𑀦𑁆𑀢𑀲𑀭𑀢𑁄 𑀈𑀫.

𑀅𑀚𑁆𑀛𑁂𑀲𑀦𑁂-𑀤𑁂𑀲𑁂𑀢𑀼 𑀪𑀦𑁆𑀢𑁂 𑀪𑀕𑀯𑀸 𑀥𑀫𑁆𑀫𑀁, 𑀏𑀢𑁆𑀣 𑀘𑀼𑀭𑀸𑀤𑀺𑀢𑁆𑀢𑀸 𑀧𑀼𑀭𑀺𑀫𑀲𑀫𑀁.

𑀅𑀦𑀼𑀫𑀢𑀺𑀬𑀁-𑀧𑀼𑀘𑁆𑀙 𑀯𑀸𑀲𑀯 𑀫𑀁 𑀧𑀜𑁆𑀳𑀁, 𑀧𑀯𑀺𑀲𑀢𑀼 𑀪𑀯𑀁. 𑀏𑀢𑁆𑀣 𑀧𑀼𑀘𑁆𑀙𑀢𑁄 𑀳𑀺𑀲𑁆𑀲 𑀮𑁄𑀧𑁄. 𑀏𑀯𑀁 𑀦𑀺𑀲𑀻𑀤.

𑀧𑀢𑁆𑀣𑀦𑀸=𑀬𑀸𑀘𑀦𑀸, 𑀢𑀢𑁆𑀭-𑀤𑀤=𑀤𑀸𑀦𑁂, 𑀤𑀤𑀸𑀳𑀺 𑀫𑁂 𑀕𑀸𑀫𑀯𑀭𑀸𑀦𑀺 𑀧𑀜𑁆𑀘, 𑀤𑀸𑀢𑁄 𑀮𑀲𑁆𑀲 𑀏𑀓𑀸𑀭𑁂 𑀘 𑀏𑀓𑀁 𑀫𑁂 𑀦𑀬𑀦𑀁 𑀤𑁂𑀳𑀺.

𑀧𑀢𑁆𑀢𑀓𑀸𑀮𑁂-𑀲𑀫𑁆𑀧𑀢𑁆𑀢𑁄 𑀢𑁂 𑀓𑀸𑀮𑁄 𑀓𑀝𑀓𑀭𑀡𑁂, 𑀓𑀝𑀁 𑀓𑀭𑁄𑀢𑀼 𑀪𑀯𑀁. 𑀏𑀢𑁆𑀣 ‘‘𑀢𑀦𑀸𑀤𑀺𑀢𑁆𑀯𑁄’’𑀢𑀺 𑀑.

𑀢𑁆𑀯𑀸𑀤𑀻 𑀏𑀬𑁆𑀬𑀸𑀤𑀬𑁄 𑀯𑀢𑁆𑀢-𑀫𑀸𑀦𑀸 𑀲𑀫𑁆𑀧𑀢𑀺,+𑀦𑀸𑀕𑀢𑁂;

𑀪𑀯𑀺𑀲𑁆𑀲𑀢𑀺, 𑀧𑀭𑁄𑀓𑁆𑀔𑀸𑀤𑀺-𑀘𑀢𑁆𑀢𑀸𑀭𑁄+𑀢𑀻𑀢𑀓𑀸𑀮𑀺𑀓𑀸.