𑁪𑁯. 𑀓𑁆𑀬𑀲𑁆𑀲 𑀲𑁆𑀲𑁂

𑀓𑁆𑀬𑀲𑁆𑀲 𑀯𑀸 𑀮𑁄𑀧𑁄 𑀳𑁄𑀢𑀺 𑀲𑁆𑀲𑁂. 𑀲𑀼𑀔𑀁 𑀢𑀬𑀸 𑀅𑀦𑀼𑀪𑀯𑀺𑀲𑁆𑀲𑀢𑀺, 𑀅𑀦𑀼𑀪𑀯𑀺𑀲𑁆𑀲𑀦𑁆𑀢𑀺. 𑀅𑀦𑀼𑀪𑀯𑀺𑀲𑁆𑀲𑀲𑀺, 𑀅𑀦𑀼𑀪𑀯𑀺𑀲𑁆𑀲𑀣. 𑀅𑀦𑀼𑀪𑀯𑀺𑀲𑁆𑀲𑀸𑀫𑀺, 𑀅𑀦𑀼𑀪𑀯𑀺𑀲𑁆𑀲𑀸𑀫. 𑀅𑀜𑁆𑀜𑀢𑁆𑀭 𑀅𑀦𑀼𑀪𑀽𑀬𑀺𑀲𑁆𑀲𑀢𑀺, 𑀅𑀦𑀼𑀪𑀽𑀬𑀺𑀲𑁆𑀲𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀏𑀯𑀁 𑀧𑀭𑀘𑁆𑀙𑀓𑁆𑀓𑁂. 𑀪𑀸𑀯𑁂-𑀪𑀽𑀬𑀺𑀲𑁆𑀲𑀢𑀺 𑀪𑀽𑀬𑀺𑀲𑁆𑀲𑀢𑁂.

𑀓𑀢𑁆𑀢𑀭𑀺-𑀧𑀘𑀺𑀲𑁆𑀲𑀢𑀺, 𑀧𑀘𑀺𑀲𑁆𑀲𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀧𑀘𑀺𑀲𑁆𑀲𑀢𑀺 𑀑𑀤𑀦𑁄 𑀤𑁂𑀯𑀤𑀢𑁆𑀢𑁂𑀦, 𑀧𑀘𑀻𑀬𑀺𑀲𑁆𑀲𑀢𑀺, 𑀧𑀘𑁆𑀘𑀺𑀲𑁆𑀲𑀢𑀺. 𑀧𑀘𑁆𑀘𑀺𑀲𑁆𑀲𑀦𑁆𑀢𑀺 𑀑𑀤𑀦𑀸 𑀧𑀘𑀻𑀬𑀺𑀲𑁆𑀲𑀦𑁆𑀢𑀺, 𑀧𑀘𑀻𑀬𑀺𑀲𑁆𑀲𑀭𑁂, 𑀧𑀘𑁆𑀘𑀺𑀲𑁆𑀲𑀭𑁂, 𑀧𑀘𑁆𑀘𑀺𑀲𑁆𑀲𑀦𑁆𑀢𑀺.

𑀕𑀫𑀺𑀢𑁄 𑀓𑀢𑁆𑀢𑀭𑀺-𑀲𑁄 𑀕𑀘𑁆𑀙𑀺𑀲𑁆𑀲𑀢𑀺, 𑀢𑁂 𑀕𑀘𑁆𑀙𑀺𑀲𑁆𑀲𑀦𑁆𑀢𑀺. 𑀢𑁆𑀯𑀁 𑀕𑀘𑁆𑀙𑀺𑀲𑁆𑀲𑀲𑀺, 𑀢𑀼𑀫𑁆𑀳𑁂 𑀕𑀘𑁆𑀙𑀺𑀲𑁆𑀲𑀣. 𑀅𑀳𑀁 𑀕𑀘𑁆𑀙𑀺𑀲𑁆𑀲𑀸𑀫𑀺, 𑀫𑀬𑀁 𑀕𑀘𑁆𑀙𑀺𑀲𑁆𑀲𑀸𑀫. 𑀕𑀘𑁆𑀙𑀺𑀲𑁆𑀲𑀢𑁂, 𑀕𑀘𑁆𑀙𑀺𑀲𑁆𑀲𑀦𑁆𑀢𑁂. 𑀕𑀘𑁆𑀙𑀺𑀲𑁆𑀲𑀲𑁂, 𑀕𑀘𑁆𑀙𑀺𑀲𑁆𑀲𑀯𑁆𑀳𑁂. 𑀕𑀘𑁆𑀙𑀺𑀲𑁆𑀲𑀁, 𑀕𑀘𑁆𑀙𑀺𑀲𑁆𑀲𑀸𑀫𑁆𑀳𑁂. 𑀲𑀕𑁆𑀕𑀁 𑀕𑀫𑀺𑀲𑁆𑀲𑀢𑀺, 𑀕𑀫𑀺𑀲𑁆𑀲𑀦𑁆𑀢𑀺. 𑀕𑀫𑀺𑀲𑁆𑀲𑀲𑀺, 𑀕𑀫𑀺𑀲𑁆𑀲𑀣. 𑀕𑀫𑀺𑀲𑁆𑀲𑀸𑀫𑀺, 𑀕𑀫𑀺𑀲𑁆𑀲𑀸𑀫 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀕𑀘𑁆𑀙𑀺𑀬𑀺𑀲𑁆𑀲𑀢𑀺, 𑀕𑀘𑁆𑀙𑀺𑀬𑀺𑀲𑁆𑀲𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀓𑁆𑀬𑀮𑁄𑀧𑁂 𑀕𑀫𑀺𑀲𑁆𑀲𑀢𑀺, 𑀕𑀫𑀺𑀲𑁆𑀲𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀢𑀣𑀸 𑀖𑀫𑁆𑀫𑀺𑀲𑁆𑀲𑀢𑀺 𑀖𑀫𑁆𑀫𑀻𑀬𑀺𑀲𑁆𑀲𑀢𑀺, 𑀖𑀫𑁆𑀫𑀺𑀲𑁆𑀲𑀦𑁆𑀢𑀺, 𑀖𑀫𑁆𑀫𑀻𑀬𑀺𑀲𑁆𑀲𑀦𑁆𑀢𑀺 𑀇𑀘𑁆𑀘𑀸𑀤𑀺.