𑁫,𑁧𑁭. 𑀓𑁆𑀬𑁄 𑀪𑀸𑀯𑀓𑀫𑁆𑀫𑁂𑀲𑁆𑀯+𑀧𑀭𑁄𑀓𑁆𑀔𑁂𑀲𑀼 𑀫𑀸𑀦+𑀦𑁆𑀢+𑀢𑁆𑀬𑀸𑀤𑀻𑀲𑀼

𑀪𑀸𑀯𑀓𑀫𑁆𑀫𑀯𑀺𑀳𑀺𑀢𑁂𑀲𑀼 𑀧𑀭𑁄𑀓𑁆𑀔𑀸𑀯𑀚𑁆𑀚𑀺𑀢𑁂𑀲𑀼 𑀫𑀸𑀦+𑀦𑁆𑀢+𑀢𑁆𑀬𑀸𑀤𑀻𑀲𑀼 𑀧𑀭𑁂𑀲𑀼 𑀓𑁆𑀬𑁄 𑀳𑁄𑀢𑀺 𑀓𑁆𑀭𑀺𑀬𑀢𑁆𑀣𑀸. 𑀓𑀓𑀸𑀭𑁄+𑀦𑀼𑀩𑀦𑁆𑀥𑀓𑀸𑀭𑀺𑀬𑀢𑁆𑀣𑁄. ‘‘𑀦 𑀢𑁂 𑀓𑀸𑀦𑀼𑀩𑀦𑁆𑀥+𑀦𑀸𑀕𑀫𑁂𑀲𑀽’’𑀢𑀺 𑀧𑀝𑀺𑀲𑁂𑀥𑀸 𑀑𑀓𑀸𑀭𑀸𑀪𑀸𑀯𑁄. 𑀅𑀦𑀼𑀪𑀽𑀬𑀢𑀺 𑀲𑀼𑀔𑀁 𑀤𑁂𑀯𑀤𑀢𑁆𑀢𑁂𑀦.

𑀏𑀢𑁆𑀣 𑀘 𑁋

𑀆𑀔𑁆𑀬𑀸𑀢𑁂𑀦 𑀅𑀯𑀼𑀢𑁆𑀢𑀢𑁆𑀢𑀸, 𑀓𑀢𑁆𑀢𑀼𑀢𑁄 𑀢𑀢𑀺𑀬𑀸 𑀦 𑀢𑀼;

𑀤𑀼𑀢𑀺𑀬𑀸 𑀳𑁄𑀢𑀺 𑀓𑀫𑁆𑀫𑀲𑁆𑀲, 𑀯𑀼𑀢𑁆𑀢𑀢𑁆𑀢𑀸 𑀧𑀞𑀫𑀸𑀧𑀺+𑀥.

𑀅𑀦𑀼𑀪𑀽𑀬𑀦𑁆𑀢𑀺 𑀲𑀫𑁆𑀧𑀢𑁆𑀢𑀺𑀬𑁄 𑀢𑀬𑀸. 𑀅𑀦𑀼𑀪𑀽𑀬𑀲𑀺 𑀢𑁆𑀯𑀁 𑀤𑁂𑀯𑀤𑀢𑁆𑀢𑁂𑀦. 𑀅𑀦𑀼𑀪𑀽𑀬𑀣 𑀢𑀼𑀫𑁆𑀳𑁂. 𑀅𑀳𑀁 𑀅𑀦𑀼𑀪𑀽𑀬𑀸𑀫𑀺, 𑀢𑀬𑀸 𑀫𑀬𑀁 𑀅𑀦𑀼𑀪𑀽𑀬𑀸𑀫. 𑀤𑁆𑀯𑀺𑀢𑁆𑀢𑁂 𑀅𑀦𑀼𑀪𑀼𑀬𑁆𑀬𑀢𑀺+𑀘𑁆𑀘𑀸𑀤𑀺. 𑀏𑀯𑀁 𑀧𑀭𑀘𑁆𑀙𑀓𑁆𑀓𑁂.

𑀪𑀸𑀯𑁂 𑀅𑀤𑀩𑁆𑀩𑀯𑀼𑀢𑁆𑀢𑀺𑀦𑁄 𑀪𑀸𑀯𑀲𑁆𑀲 𑀏𑀓𑀢𑁆𑀢𑀸 𑀏𑀓𑀯𑀘𑀦𑀫𑁂𑀯. 𑀢𑀜𑁆𑀘 𑀧𑀞𑀫𑀧𑀼𑀭𑀺𑀲𑁂𑀓𑀯𑀘𑀦𑁂𑀬𑁂𑀯 𑀲𑀫𑁆𑀪𑀯𑀢𑀺, 𑀦𑁂𑀯+𑀜𑁆𑀜𑀁, 𑀩𑀳𑀼𑀮𑀁𑀯𑀺𑀥𑀸𑀦𑀸. 𑀪𑀽𑀬𑀢𑀺 𑀪𑀽𑀬𑀢𑁂 𑀤𑁂𑀯𑀤𑀢𑁆𑀢𑁂𑀦, 𑀲𑀫𑁆𑀧𑀢𑀺 𑀪𑀯𑀦𑀦𑁆𑀢𑁆𑀬𑀢𑁆𑀣𑁄.

𑀧𑀘𑀥𑀸𑀢𑀼𑀢𑁄 𑀓𑀫𑁆𑀫𑁂 𑀓𑁆𑀬𑁄.