𑁧𑁩𑁪. 𑀆𑀬𑀼𑀲𑁆𑀲𑀸+𑀬𑀲 𑀫𑀦𑁆𑀢𑀼𑀫𑁆𑀳𑀺

𑀫𑀦𑁆𑀢𑀼𑀫𑁆𑀳𑀺 𑀆𑀬𑀼𑀲𑁆𑀲 𑀆𑀬𑀲𑀸𑀤𑁂𑀲𑁄 𑀳𑁄𑀢𑀺. 𑀆𑀬𑀼 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀆𑀬𑀲𑁆𑀫𑀸. 𑀕𑁄 𑀅𑀲𑁆𑀲𑁄𑀢𑀺 𑀚𑀸𑀢𑀺𑀲𑀤𑁆𑀤𑀸𑀦𑀁 𑀤𑀩𑁆𑀩𑀸𑀪𑀺𑀥𑀸𑀦- 𑀲𑀸𑀫𑀢𑁆𑀣𑀺𑀬𑀸 𑀫𑀦𑁆𑀢𑁆𑀯𑀸𑀤𑀬𑁄 𑀦 𑀳𑁄𑀦𑁆𑀢𑀺, 𑀢𑀣𑀸 𑀕𑀼𑀡𑀲𑀤𑁆𑀤𑀸𑀦𑀁 𑀲𑁂𑀢𑁄 𑀧𑀝𑁄𑀢𑀺. 𑀬𑁂𑀲𑀁 𑀢𑀼 𑀕𑀼𑀡𑀲𑀤𑁆𑀤𑀸𑀦𑀁 𑀤𑀩𑁆𑀩𑀸𑀪𑀺𑀥𑀸𑀦𑀲𑀸𑀫𑀢𑁆𑀣𑀺𑀬𑀁 𑀦𑀢𑁆𑀣𑀺, 𑀢𑁂𑀳𑀺 𑀳𑁄𑀦𑁆𑀢𑁂𑀯, 𑀩𑀼𑀤𑁆𑀥𑀺 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀩𑀼𑀤𑁆𑀥𑀺𑀫𑀸. ‘‘𑀯𑀦𑁆𑀢𑁆𑀯+𑀯𑀡𑁆𑀡𑀸’’𑀢𑀺 𑀯𑀦𑁆𑀢𑀼𑀫𑁆𑀳𑀺 𑀭𑀽𑀧𑀯𑀸 𑀭𑀲𑀯𑀸 𑀕𑀦𑁆𑀥𑀯𑀸 𑀲𑀤𑁆𑀤𑀯𑀸. ‘‘𑀤𑀡𑁆𑀟𑀸𑀤𑀺𑀢𑁆𑀯𑀺+𑀓𑀈 𑀯𑀸’’𑀢𑀺 𑀇𑀓+𑀈, 𑀭𑀲𑀻 𑀭𑀲𑀺𑀓𑁄, 𑀭𑀽𑀧𑀻 𑀭𑀽𑀧𑀺𑀓𑁄, 𑀕𑀦𑁆𑀥𑀻 𑀕𑀦𑁆𑀥𑀺𑀓𑁄𑀢𑀺.