𑁧𑁩. 𑀲𑀸+𑀲𑁆𑀲 𑀤𑁂𑀯𑀢𑀸 𑀧𑀼𑀡𑁆𑀡𑀫𑀸𑀲𑀻

𑀲𑁂𑀢𑀺 𑀧𑀞𑀫𑀦𑁆𑀢𑀸 𑀅𑀲𑁆𑀲𑁂𑀢𑀺 𑀙𑀝𑁆𑀞𑀺𑀬𑀢𑁆𑀣𑁂 𑀡𑁄 𑀳𑁄𑀢𑀺, 𑀬𑀁 𑀧𑀞𑀫𑀦𑁆𑀢𑀁, 𑀲𑀸 𑀘𑁂 𑀤𑁂𑀯𑀢𑀸 𑀧𑀼𑀡𑁆𑀡𑀫𑀸𑀲𑀻 𑀯𑀸. 𑀲𑀼𑀕𑀢𑁄 𑀤𑁂𑀯𑀢𑀸 𑀅𑀲𑁆𑀲 𑀲𑁄𑀕𑀢𑁄, 𑀫𑀸𑀳𑀺𑀦𑁆𑀤𑁄, 𑀬𑀸𑀫𑁄, 𑀯𑀸𑀭𑀼𑀡𑁄. 𑀩𑀼𑀤𑁆𑀥𑁄 𑀅𑀲𑁆𑀲 𑀤𑁂𑀯𑀢𑀸𑀢𑀺 𑀩𑀼𑀤𑁆𑀥𑁄. 𑀨𑀼𑀲𑁆𑀲𑀻 𑀧𑀼𑀡𑁆𑀡𑀫𑀸𑀲𑀻 𑀅𑀲𑁆𑀲 𑀲𑀫𑁆𑀩𑀦𑁆𑀥𑀺𑀦𑀻𑀢𑀺 𑀨𑀼𑀲𑁆𑀲𑁄 𑀫𑀸𑀲𑁄. 𑀏𑀯𑀁 𑀫𑀸𑀖𑁄, 𑀨𑀕𑁆𑀕𑀼𑀦𑁄, 𑀘𑀺𑀢𑁆𑀢𑁄, 𑀯𑁂𑀲𑀸𑀔𑁄, 𑀚𑁂𑀝𑁆𑀞𑀫𑀽𑀮𑁄, 𑀆𑀲𑀸𑀴𑁆𑀳𑁄, 𑀲𑀸𑀯𑀡𑁄, 𑀧𑁄𑀝𑁆𑀞𑀧𑀸𑀤𑁄, 𑀅𑀲𑁆𑀲𑀬𑀼𑀚𑁄, 𑀓𑀢𑁆𑀢𑀺𑀓𑁄, 𑀫𑀸𑀕𑀲𑀺𑀭𑁄. 𑀧𑀼𑀡𑁆𑀡𑀫𑀸𑀲𑀻 𑀘 𑀪𑀢𑀓𑀫𑀸𑀲𑀲𑀫𑁆𑀩𑀦𑁆𑀥𑀺𑀦𑀻 𑀦 𑀳𑁄𑀢𑀺, 𑀧𑀼𑀡𑁆𑀡𑁄 𑀫𑀸 𑀅𑀲𑁆𑀲𑀦𑁆𑀢𑀺 𑀦𑀺𑀩𑁆𑀩𑀘𑀦𑀸, 𑀅𑀢𑁄 𑀏𑀯 𑀦𑀺𑀧𑀸𑀢𑀦𑀸 𑀡𑁄, 𑀲𑀸𑀕𑀫𑁄 𑀘.