𑁭. 𑀢𑀺𑀝𑁆𑀞𑀕𑁆𑀯𑀸𑀤𑀻𑀦𑀺

𑀢𑀺𑀝𑁆𑀞𑀕𑀼𑀆𑀤𑀻𑀦𑀺 𑀅𑀜𑁆𑀜𑀢𑁆𑀣𑁂𑀦 𑀲𑀺𑀤𑁆𑀥𑀸𑀧𑀺 𑀅𑀲𑁆𑀫𑀺𑀁 𑀅𑀲𑀁𑀔𑁆𑀬𑀲𑀫𑀸𑀲𑁂 𑀦𑀺𑀧𑀸𑀢𑀺𑀬𑀦𑁆𑀢𑀺. 𑀢𑀺𑀝𑁆𑀞𑀦𑁆𑀢𑀺 𑀕𑀸𑀯𑁄 𑀬𑀲𑁆𑀫𑀺𑀁 𑀓𑀸𑀮𑁂𑀢𑀺 𑀢𑀺𑀝𑁆𑀞𑀦𑁆𑀢𑀲𑀤𑁆𑀤+𑀕𑁄𑀲𑀤𑁆𑀤𑁂𑀳𑀺 𑀧𑀞𑀫𑀸𑀬𑁄𑀫𑁆𑀳𑀺 𑀓𑀢𑁂 ‘‘𑀯𑀸+𑀦𑁂𑀓𑀜𑁆𑀜𑀢𑁆𑀣𑁂’’𑀢𑀺 𑀲𑀫𑀸𑀲𑁄, 𑀇𑀫𑀺𑀦𑀸 𑀦𑀺𑀧𑀸𑀢𑀦𑀸 𑀮𑁄𑀧𑁂 𑀦𑀧𑀼𑀁𑀲𑀓𑀢𑁆𑀣𑁂 𑀘 𑀓𑀢𑁂 𑀲𑀺𑀫𑁆𑀳𑀺 𑀕𑁄𑀲𑁆𑀲 ‘‘𑀕𑁄𑀲𑁆𑀲𑀼’’𑀢𑀺 𑀉𑀓𑀸𑀭𑁂 ‘‘𑀧𑀼𑀩𑁆𑀩𑀲𑁆𑀫𑀸+𑀫𑀸𑀤𑀺𑀢𑁄’’𑀢𑀺 𑀯𑀺𑀪𑀢𑁆𑀢𑀺𑀮𑁄𑀧𑁄. 𑀏𑀯𑀁 𑀯𑀳𑀦𑁆𑀢𑀻 𑀕𑀸𑀯𑁄 𑀬𑀲𑁆𑀫𑀺𑀁 𑀓𑀸𑀮𑁂𑀢𑀺 𑀯𑀳𑀕𑁆𑀕𑀼 𑀇𑀘𑁆𑀘𑀸𑀤𑀺. 𑀯𑁂𑀮𑀸𑀧𑁆𑀧𑀓𑀸𑀲𑀓𑀧𑀸𑀢𑁄𑀆𑀤𑀻𑀦𑀫𑁆𑀧𑀺 𑀏𑀢𑁆𑀣𑁂𑀯 𑀲𑀗𑁆𑀕𑀳𑁄, 𑀧𑀸𑀢𑁄 𑀦𑀳𑀸𑀦𑀦𑁆𑀢𑀺 𑀲𑀢𑁆𑀢𑀫𑀻𑀅𑀫𑀸𑀤𑀺𑀲𑀫𑀸𑀲𑁂 𑀧𑀸𑀢𑀦𑀳𑀸𑀦𑀁, 𑀏𑀯𑀁 𑀲𑀸𑀬𑀦𑀳𑀸𑀦𑀁, 𑀧𑀸𑀢𑀓𑀸𑀮𑀁, 𑀲𑀸𑀬𑀓𑀸𑀮𑀁, 𑀧𑀸𑀢𑀫𑁂𑀖𑀁, 𑀲𑀸𑀬𑀫𑁂𑀖𑀁, 𑀧𑀸𑀢𑀫𑀕𑁆𑀕𑀁, 𑀲𑀸𑀬𑀫𑀕𑁆𑀕𑀁, 𑀏𑀢𑁆𑀣 ‘‘𑀏𑀑𑀦+𑀫 𑀯𑀡𑁆𑀡𑁂’’𑀢𑀺 𑀅𑀓𑀸𑀭𑁄, 𑀦𑀺𑀕𑁆𑀕𑀳𑀻𑀢𑀲𑁆𑀲 𑀮𑁄𑀧𑁄 𑀘 𑀳𑁄𑀢𑀺.