𑁪𑁫. 𑀤𑀻𑀖𑀸𑀳𑁄𑀯𑀲𑁆𑀲𑁂𑀓𑀤𑁂𑀲𑁂𑀳𑀺 𑀘 𑀭𑀢𑁆𑀢𑁆𑀬𑀸𑀢𑀺

𑀤𑀻𑀖𑀸𑀤𑀻𑀳𑀺 𑀧𑀭𑀸𑀬 𑀭𑀢𑁆𑀢𑀺𑀬𑀸 𑀅 𑀳𑁄𑀢𑀺. 𑀤𑀻𑀖𑀸 𑀘 𑀲𑀸 𑀭𑀢𑁆𑀢𑀺 𑀘𑀸𑀢𑀺 𑀤𑀻𑀖𑀭𑀢𑁆𑀢𑀁. 𑀅𑀳𑁄 𑀘 𑀭𑀢𑁆𑀢𑀺 𑀘 𑀅𑀳𑁄𑀭𑀢𑁆𑀢𑀁, 𑀆𑀧𑀸𑀤𑀺𑀢𑁆𑀢𑀸 𑀑. 𑀯𑀲𑁆𑀲𑀸𑀲𑀼 𑀭𑀢𑁆𑀢𑀺 𑀯𑀲𑁆𑀲𑀸𑀭𑀢𑁆𑀢𑀁. 𑀧𑀼𑀩𑁆𑀩𑀸 𑀘 𑀲𑀸 𑀭𑀢𑁆𑀢𑀺 𑀘𑀸𑀢𑀺 𑀧𑀼𑀩𑁆𑀩𑀭𑀢𑁆𑀢𑀁. 𑀏𑀯𑀁 𑀅𑀧𑀭𑀭𑀢𑁆𑀢𑀁, 𑀅𑀟𑁆𑀠𑀭𑀢𑁆𑀢𑀁, 𑀅𑀢𑀺𑀓𑁆𑀓𑀦𑁆𑀢𑁄 𑀭𑀢𑁆𑀢𑀺𑀁 𑀅𑀢𑀺𑀭𑀢𑁆𑀢𑁄. 𑀤𑁆𑀯𑁂 𑀭𑀢𑁆𑀢𑀺𑀬𑁄 𑀲𑀫𑀸𑀳𑀝𑀸 𑀤𑁆𑀯𑀺𑀭𑀢𑁆𑀢𑀁. 𑀅𑀦𑀜𑁆𑀜𑀸𑀲𑀁𑀔𑁆𑀬𑀢𑁆𑀣𑁂𑀲𑀼 𑀢𑁆𑀯𑁂𑀯, 𑀤𑀻𑀖𑀸 𑀭𑀢𑁆𑀢𑀺 𑀅𑀲𑁆𑀫𑀺𑀦𑁆𑀢𑀺 𑀤𑀻𑀖𑀭𑀢𑁆𑀢𑀺, 𑀳𑁂𑀫𑀦𑁆𑀢𑁄. 𑀭𑀢𑁆𑀢𑀺𑀬𑀸 𑀲𑀫𑀻𑀧𑀁 𑀉𑀧𑀭𑀢𑁆𑀢𑀺. 𑀩𑀳𑀼𑀮𑀁𑀯𑀺𑀥𑀸𑀦𑀸 𑀓𑁆𑀯𑀘𑀺 𑀳𑁄𑀢𑁂𑀯, 𑀭𑀢𑁆𑀢𑀺𑀧𑀭𑀺𑀫𑀸𑀡𑀸𑀦𑀼𑀭𑀽𑀧𑀁 𑀬𑀣𑀸𑀭𑀢𑁆𑀢𑀁.