𑁨. 𑀅𑀲𑀗𑁆𑀔𑁆𑀬𑀁 𑀯𑀺𑀪𑀢𑁆𑀢𑀺+𑀲𑀫𑁆𑀧𑀢𑁆𑀢𑀺+𑀲𑀫𑀻𑀧+𑀲𑀸𑀓𑀮𑁆𑀬𑀸+𑀪𑀸𑀯+𑀬𑀣𑀸+ 𑀧𑀘𑁆𑀙𑀸+𑀬𑀼𑀕𑀧𑀤𑀢𑁆𑀣𑁂

𑀧𑀼𑀩𑁆𑀩𑀲𑁆𑀲+𑀢𑁆𑀣𑀧𑀭𑀁 𑀬𑀲𑁆𑀲, 𑀅𑀜𑁆𑀜𑀢𑁆𑀣𑀧𑀭𑀫𑀜𑁆𑀘 𑀬𑀁;

𑀦𑀧𑀼𑀁𑀲𑀓𑀁 𑀪𑀯𑁂 𑀬𑀜𑁆𑀘, 𑀢+𑀤𑀸𑀲𑀁𑀔𑁆𑀬+𑀫𑀺𑀳𑁂+𑀲𑁆𑀲𑀢𑁂.

𑀲𑀢𑁆𑀣𑀦𑁆𑀢𑀭𑁂 𑀧𑀲𑀺𑀤𑁆𑀥𑀁 𑀬𑀁, 𑀅𑀩𑁆𑀬𑀬𑀻𑀪𑀸𑀯𑀦𑀸𑀫𑀢𑁄;

𑀉𑀧𑀓𑀼𑀫𑁆𑀪𑀁 𑀢𑀺𑀝𑁆𑀞𑀕𑀼 𑀘, 𑀧𑀸𑀢𑀫𑁂𑀖𑀁𑀢𑀺 𑀢𑀁 𑀬𑀣𑀸.

𑀅𑀲𑀗𑁆𑀔𑁆𑀬𑀁 𑀲𑁆𑀬𑀸𑀤𑁆𑀬𑀦𑁆𑀢𑀁 𑀯𑀺𑀪𑀢𑁆𑀬𑀸𑀤𑀻𑀦+𑀫𑀢𑁆𑀣𑁂 𑀯𑀢𑁆𑀢𑀫𑀸𑀦𑀁 𑀲𑁆𑀬𑀸𑀤𑁆𑀬𑀦𑁆𑀢𑁂𑀦 𑀲𑀳𑁂+𑀓𑀢𑁆𑀣𑀁 𑀪𑀯𑀢𑀺. ‘‘𑀅𑀯𑀺𑀕𑁆𑀕𑀳𑁄 𑀦𑀺𑀘𑁆𑀘𑀲𑀫𑀸𑀲𑁄, 𑀧𑀤𑀦𑁆𑀢𑀭𑀯𑀺𑀕𑁆𑀕𑀳𑁄 𑀘𑁂’’𑀢𑀺 𑀧𑀤𑀦𑁆𑀢𑀭𑀯𑀺𑀕𑁆𑀕𑀳𑁄. 𑀇𑀢𑁆𑀣𑀻𑀲𑀼 𑀢𑀣𑀸 𑀧𑀯𑀢𑁆𑀢𑀸𑀢𑀺 𑀯𑀺𑀕𑁆𑀕𑀬𑁆𑀳 𑀯𑀺𑀪𑀢𑁆𑀬𑀢𑁆𑀣𑁂 𑀲𑀫𑀸𑀲𑁂 𑀓𑀢𑁂 𑁋