𑁨𑁧. 𑀲𑀁𑀔𑁆𑀬𑀸𑀤𑀺

𑀏𑀓𑀢𑁆𑀣𑁂 𑀲𑀫𑀸𑀳𑀸𑀭𑁂 𑀲𑀁𑀔𑁆𑀬𑀸𑀤𑀺 𑀦𑀧𑀼𑀁𑀲𑀓𑀮𑀺𑀗𑁆𑀕𑀁 𑀪𑀯𑀢𑀺. 𑀢𑀬𑁄 𑀮𑁄𑀓𑀸 𑀲𑀫𑀸𑀳𑀝𑀸=𑀘𑀺𑀢𑁆𑀢𑁂𑀦 𑀲𑀫𑁆𑀧𑀺𑀡𑁆𑀟𑀺𑀢𑀸, 𑀢𑀺𑀡𑁆𑀡𑀁 𑀮𑁄𑀓𑀸𑀦𑀁 𑀲𑀫𑀸𑀳𑀸𑀭𑁄𑀢𑀺 𑀯𑀸 𑀯𑀸𑀓𑁆𑀬𑁂 𑀯𑀺𑀲𑁂𑀲𑀦𑀲𑀫𑀸𑀲𑁂 𑀓𑀢𑁂 𑀇𑀫𑀺𑀦𑀸 𑀦𑀧𑀼𑀁𑀲𑀓𑀢𑁆𑀢𑀁 𑀪𑀯𑀢𑀺. 𑀲𑀫𑀸𑀳𑀸𑀭𑀲𑁆𑀲𑁂+𑀓𑀢𑁆𑀢𑀸 𑀏𑀓𑀯𑀘𑀦𑀫𑁂𑀯, 𑀢𑀺𑀮𑁄𑀓𑀁, 𑀪𑁄 𑀢𑀺𑀮𑁄𑀓, 𑀢𑀺𑀮𑁄𑀓𑀁, 𑀢𑀺𑀮𑁄𑀓𑁂𑀦 𑀇𑀘𑁆𑀘𑀸𑀤𑀺. 𑀏𑀯𑀁 𑀢𑀬𑁄 𑀤𑀡𑁆𑀟𑀸 𑀢𑀺𑀤𑀡𑁆𑀟𑀁, 𑀢𑀻𑀡𑀺 𑀫𑀮𑀸𑀦𑀺 𑀲𑀫𑀸𑀳𑀝𑀸𑀦𑀺, 𑀢𑀺𑀡𑁆𑀡𑀁 𑀫𑀮𑀸𑀦𑀁 𑀲𑀫𑀸𑀳𑀸𑀭𑁄𑀢𑀺 𑀯𑀸 𑀢𑀺𑀫𑀮𑀁, 𑀢𑀺𑀮𑀓𑁆𑀔𑀡𑀁, 𑀘𑀢𑀼𑀲𑀘𑁆𑀘𑀁, 𑀧𑀜𑁆𑀘𑀲𑀺𑀓𑁆𑀔𑀸𑀧𑀤𑀁, 𑀙𑀝𑁆𑀞𑀸𑀬𑀢𑀦𑀁, 𑀲𑀢𑁆𑀢𑀸𑀳𑀁, 𑀅𑀝𑁆𑀞𑀲𑀻𑀮𑀁, 𑀦𑀯𑀮𑁄𑀓𑀼𑀢𑁆𑀢𑀭𑀁, 𑀤𑀲𑀲𑀻𑀮𑀁, 𑀲𑀢𑀬𑁄𑀚𑀦𑀁. 𑀤𑁆𑀯𑁂 𑀭𑀢𑁆𑀢𑀺𑀬𑁄 𑀲𑀫𑀸𑀳𑀝𑀸 𑀤𑁆𑀯𑀺𑀭𑀢𑁆𑀢𑀁.