𑁩. 𑀓𑀸𑀮𑀤𑁆𑀥𑀸𑀦+𑀫𑀘𑁆𑀘𑀦𑁆𑀢𑀲𑀁𑀬𑁄𑀕𑁂

𑀓𑀸𑀮𑀤𑁆𑀥𑀸𑀦𑀁 𑀤𑀩𑁆𑀩+𑀕𑀼𑀡+𑀓𑁆𑀭𑀺𑀬𑀸𑀳𑀺 𑀅𑀘𑁆𑀘𑀦𑁆𑀢𑀲𑀁𑀬𑁄𑀕𑁂 𑀢𑁂𑀳𑀺 𑀓𑀸𑀮𑀤𑁆𑀥𑀸𑀦𑀯𑀸𑀘𑀻𑀳𑀺 𑀤𑀼𑀢𑀺𑀬𑀸 𑀳𑁄𑀢𑀺. 𑀓𑀸𑀮𑁂-𑀲𑀢𑁆𑀢𑀸𑀳𑀁 𑀕𑀯𑀧𑀸𑀦𑀁, 𑀫𑀸𑀲𑀁 𑀫𑀁𑀲𑁄𑀤𑀦𑀁, 𑀲𑀭𑀤𑀁 𑀭𑀫𑀡𑀻𑀬𑀸 𑀦𑀤𑀻, 𑀲𑀩𑁆𑀩𑀓𑀸𑀮𑀁 𑀭𑀫𑀡𑀻𑀬𑀁 𑀦𑀦𑁆𑀤𑀦𑀁, 𑀢𑀬𑁄 𑀫𑀸𑀲𑁂 𑀅𑀪𑀺𑀥𑀫𑁆𑀫𑀁 𑀤𑁂𑀲𑁂𑀢𑀺. 𑀅𑀤𑁆𑀥𑀦𑀺-𑀬𑁄𑀚𑀦𑀁 𑀯𑀦𑀭𑀸𑀚𑀺, 𑀬𑁄𑀚𑀦𑀁 𑀤𑀻𑀖𑁄 𑀧𑀩𑁆𑀩𑀢𑁄, 𑀓𑁄𑀲𑀁 𑀲𑀚𑁆𑀛𑀸𑀬𑀢𑀺.

𑀧𑀼𑀩𑁆𑀩𑀦𑁆𑀳𑀲𑀫𑀬𑀁 𑀦𑀺𑀯𑀸𑀲𑁂𑀢𑁆𑀯𑀸, 𑀏𑀓𑀁 𑀲𑀫𑀬𑀁 𑀪𑀕𑀯𑀸, 𑀇𑀫𑀁 𑀭𑀢𑁆𑀢𑀺𑀁 𑀘𑀢𑁆𑀢𑀸𑀭𑁄 𑀫𑀳𑀸𑀭𑀸𑀚𑀸𑀦𑁄𑀢𑀺 𑀏𑀯𑀫𑀸𑀤𑀻𑀲𑀼 𑀓𑀸𑀮𑀯𑀸𑀘𑀻𑀳𑀺 𑀅𑀘𑁆𑀘𑀦𑁆𑀢𑀲𑀁𑀬𑁄𑀕𑁂 𑀤𑀼𑀢𑀺𑀬𑀸, 𑀩𑀳𑀼𑀮𑀁𑀯𑀺𑀥𑀸𑀦𑀸 𑀯𑀺𑀪𑀢𑁆𑀢𑀺𑀯𑀺𑀧𑀮𑁆𑀮𑀸𑀲𑁄 𑀯𑀸. 𑀫𑀸𑀲𑁂𑀦𑀸+𑀦𑀼𑀯𑀸𑀓𑁄+𑀥𑀻𑀢𑁄, 𑀓𑁄𑀲𑁂𑀦𑀸+𑀦𑀼𑀯𑀸𑀓𑁄+𑀥𑀻𑀢𑁄𑀢𑀺 𑀓𑀭𑀡𑀢𑁆𑀣𑁂 𑀢𑀢𑀺𑀬𑀸.