𑁭𑁯. 𑀓𑀫𑁆𑀫𑀸𑀤𑀺𑀢𑁄

𑀓𑀫𑁆𑀫𑀸𑀤𑀺𑀢𑁄 𑀲𑁆𑀫𑀺𑀦𑁄 𑀦𑀺 𑀳𑁄𑀢𑀺 𑀯𑀸. 𑀅𑀲𑁆𑀫𑀦𑀺 𑀅𑀲𑁆𑀫𑁂 𑀅𑀲𑁆𑀫𑀫𑁆𑀳𑀺 𑀅𑀲𑁆𑀫𑀲𑁆𑀫𑀺𑀁, 𑀅𑀲𑁆𑀫𑁂𑀲𑀼. 𑀓𑀫𑁆𑀫 𑀘𑀫𑁆𑀫 𑀯𑁂𑀲𑁆𑀫 𑀪𑀲𑁆𑀫 𑀩𑁆𑀭𑀳𑁆𑀫 𑀅𑀢𑁆𑀢 𑀆𑀢𑀼𑀫 𑀖𑀫𑁆𑀫 𑀫𑀼𑀤𑁆𑀥𑀇𑀢𑀺 𑀓𑀫𑁆𑀫𑀸𑀤𑀬𑁄. 𑀫𑀼𑀤𑁆𑀥 𑀕𑀡𑁆𑀟𑀺𑀯𑀥𑀦𑁆𑀯 𑀅𑀡𑀺𑀫 𑀮𑀖𑀺𑀫𑀸𑀤𑀬𑁄 𑀅𑀲𑁆𑀫𑀲𑀫𑀸. 𑀭𑀸𑀚 𑀩𑁆𑀭𑀳𑁆𑀫 𑀲𑀔 𑀅𑀢𑁆𑀢 𑀆𑀢𑀼𑀫 𑀕𑀡𑁆𑀟𑀺𑀯𑀥𑀦𑁆𑀯 𑀅𑀲𑁆𑀫 𑀅𑀡𑀺𑀫 𑀮𑀖𑀺𑀫𑀸𑀤𑀬𑁄 𑀭𑀸𑀚𑀸𑀤𑀬𑁄.

‘‘𑀥𑀫𑁆𑀫𑁄 𑀯𑀸+𑀜𑁆𑀜𑀢𑁆𑀣𑁂’’𑀢𑀺 𑀕𑀡𑀲𑀼𑀢𑁆𑀢𑁂𑀦 𑀭𑀸𑀚𑀸𑀤𑀻𑀲𑀼 𑀧𑀝𑁆𑀞𑀺𑀢𑀢𑁆𑀢𑀸 𑀤𑀴𑀥𑀫𑁆𑀫𑁄 𑀤𑀴𑀥𑀫𑁆𑀫𑀸𑀢𑀺 𑀯𑀸 𑀳𑁄𑀢𑀺. 𑀬𑀼𑀯 𑀲𑀸 𑀲𑀼𑀯𑀸 𑀫𑀖𑀯 𑀧𑀼𑀫 𑀯𑀢𑁆𑀢𑀳𑀸𑀢𑀺 𑀬𑀼𑀯𑀸𑀤𑀬𑁄. 𑀭𑀸𑀚𑀸, 𑀭𑀸𑀚𑀸𑀦𑁄 𑀭𑀸𑀚𑀸. 𑀪𑁄𑀭𑀸𑀚 𑀭𑀸𑀚𑀸, 𑀭𑀸𑀚𑀸𑀦𑁄 𑀭𑀸𑀚𑀸. 𑀭𑀸𑀚𑀸𑀦𑀁 𑀭𑀸𑀚𑀁, 𑀭𑀸𑀚𑀸𑀦𑁄 𑀭𑀸𑀚𑁂.