𑁧𑁧𑁦. 𑀓𑁆𑀯𑀘𑁂+𑀯𑀸.

𑀅𑀓𑀸𑀭𑀦𑁆𑀢𑀢𑁄 𑀦𑀸𑀫𑀲𑁆𑀫𑀸 𑀧𑀭𑀲𑁆𑀲 𑀲𑀺𑀲𑁆𑀲 𑀏 𑀳𑁄𑀢𑀺 𑀯𑀸 𑀓𑁆𑀯𑀘𑀺. 𑀕𑀼𑀫𑁆𑀩𑁂 𑀕𑀼𑀫𑁆𑀩𑁄, 𑀕𑀼𑀫𑁆𑀩𑀸. 𑀪𑁄 𑀕𑀼𑀫𑁆𑀩 𑀕𑀼𑀫𑁆𑀩𑀸, 𑀪𑀯𑀦𑁆𑀢𑁄 𑀕𑀼𑀫𑁆𑀩𑀸 𑀇𑀘𑁆𑀘𑀸𑀤𑀺 𑀲𑀼𑀕𑀢𑀲𑀫𑀁. 𑀏𑀯𑀁 𑀨𑀼𑀲𑁆𑀲𑀺𑀢𑀕𑁆𑀕𑁂 𑀨𑀼𑀲𑁆𑀲𑀺𑀢𑀕𑁆𑀕𑁄, 𑀯𑀢𑁆𑀢𑀩𑁆𑀩𑁂 𑀯𑀢𑁆𑀢𑀩𑁆𑀩𑁄 𑀇𑀘𑁆𑀘𑀸𑀤𑀺. 𑀲𑀺𑀲𑁆𑀲𑁄+𑀓𑀸𑀭𑀲𑁆𑀲 𑀦𑀺𑀘𑁆𑀘𑀢𑁆𑀢𑀸 𑀓𑀢𑁆𑀣𑀘𑀺 𑀧𑀓𑁆𑀔𑁂 𑀏𑀓𑀸𑀭𑀢𑁆𑀢+𑀫𑀺𑀤+𑀫𑀸𑀭𑀤𑁆𑀥𑀦𑁆𑀢𑀺 𑀲𑀺𑀲𑁆𑀲𑁄+𑀓𑀸𑀭𑀧𑀓𑁆𑀔𑁂 𑀏𑀯 𑀪𑀯𑀢𑀻𑀢𑀺 ‘‘𑀅𑀁 𑀦𑀧𑀼𑀁𑀲𑀓𑁂’’𑀢𑀺 𑀅+𑀫𑀸𑀤𑁂𑀲𑁂𑀦 𑀏𑀓𑀸𑀭𑀲𑁆𑀲 𑀦𑀧𑀼𑀁𑀲𑀓𑀯𑀺𑀲𑀬𑁂 𑀩𑀸𑀥𑀺𑀢𑀢𑁆𑀢𑀸 ‘‘𑀩𑀳𑀼𑀮𑀁’’ 𑀯𑀺𑀥𑀸𑀦𑀸 𑀦𑀧𑀼𑀁𑀲𑀓𑁂𑀧𑀺 𑀲𑀼𑀔𑁂 𑀤𑀼𑀓𑁆𑀔𑁂𑀢𑀺 𑀓𑁆𑀯𑀘𑀺 𑀳𑁄𑀢𑁂𑀯.

‘‘𑀬𑁄𑀲𑁆𑀲’’ ‘‘𑀝𑁂’’𑀢𑀺 𑀘 𑀯𑀢𑁆𑀢𑀢𑁂.