𑁧𑁬𑁭. 𑀦𑀚𑁆𑀚𑀸 𑀥𑀬𑀸𑀲𑁆𑀯𑀸𑀫

𑀬𑁄𑀲𑀼 𑀦𑀤𑀻𑀲𑀤𑁆𑀤𑀲𑁆𑀲 𑀆𑀫 𑀯𑀸 𑀳𑁄𑀢𑀺. 𑀲𑀼𑀜+𑀦𑀓+𑀆𑀫 𑀇𑀢𑁆𑀬𑀸𑀤𑀺 𑀜𑁆𑀜𑀓𑀸𑀭+𑀓𑀓𑀸𑀭+𑀫𑀓𑀸𑀭𑀸 𑀆𑀕𑀫𑀮𑀺𑀗𑁆𑀕𑀸. 𑀲 𑀘 ‘‘𑀫𑀸𑀦𑀼𑀩𑀦𑁆𑀥𑁄 𑀲𑀭𑀸𑀦+𑀫𑀦𑁆𑀢𑀸 𑀧𑀭𑁄’’𑀢𑀺 𑀫𑀸𑀦𑀼𑀩𑀦𑁆𑀥𑀢𑁆𑀢𑀸 𑀲𑀭𑀸𑀦+𑀫𑀦𑁆𑀢𑀸 𑀧𑀭𑁄 𑀳𑁄𑀢𑀻𑀢𑀺 𑀈𑀓𑀸𑀭𑀸 𑀧𑀭𑁄. ‘‘𑀬𑀯𑀸 𑀲𑀭𑁂’’𑀢𑀺 𑀬𑁂 𑀤𑀲𑁆𑀲 𑀚𑁄, 𑀬𑀲𑁆𑀲 𑀘 𑀧𑀼𑀩𑁆𑀩𑀭𑀽𑀧𑀁, 𑀦𑀚𑁆𑀚𑀸𑀬𑁄. 𑀯𑀸 𑀧-𑀮𑁄𑀧+𑀬𑁄𑀮𑁄𑀧𑁂𑀲𑀼 𑀦𑀚𑁆𑀚𑁄 𑀦𑀤𑀻 𑀦𑀤𑀺𑀬𑁄 𑀇𑀘𑁆𑀘𑀸𑀤𑀺.

𑀈𑀓𑀸𑀭𑀦𑁆𑀢𑀁.

𑀬𑀸𑀕𑀼, 𑀬𑀸𑀕𑀽 𑀬𑀸𑀕𑀼𑀬𑁄. 𑀪𑁄 𑀬𑀸𑀕𑀼, 𑀬𑀸𑀕𑀽 𑀬𑀸𑀕𑀼𑀬𑁄. 𑀬𑀸𑀕𑀼𑀁, 𑀬𑀸𑀕𑀽 𑀬𑀸𑀕𑀼𑀬𑁄. 𑀬𑀸𑀕𑀼𑀬𑀸, 𑀬𑀸𑀕𑀽𑀳𑀺 𑀬𑀸𑀕𑀽𑀪𑀺. 𑀬𑀸𑀕𑀼𑀬𑀸, 𑀬𑀸𑀕𑀽𑀦𑀁. 𑀬𑀸𑀕𑀼𑀬𑀁 𑀬𑀸𑀕𑀼𑀬𑀸, 𑀬𑀸𑀕𑀽𑀲𑀼. 𑀏𑀯𑀁 𑀥𑀸𑀢𑀼+𑀥𑁂𑀦𑀼+𑀓𑀸𑀲𑀼+𑀤𑀤𑁆𑀤𑀼+𑀓𑀡𑁆𑀟𑀼+𑀓𑀘𑁆𑀙𑀼+𑀭𑀚𑁆𑀚𑀼+𑀓𑀭𑁂𑀡𑀼+𑀲𑀲𑁆𑀲𑀼+𑀧𑀺𑀬𑀗𑁆𑀕𑀼 𑀆𑀤𑀬𑁄.

𑀏𑀢𑁆𑀣 𑀥𑀸𑀢𑀼𑀲𑀤𑁆𑀤𑁄 ‘‘𑀫𑀦𑁄𑀥𑀸𑀢𑀼𑀦𑀸’’𑀢𑀺 𑀅𑀪𑀺𑀥𑀫𑁆𑀫𑀸𑀯𑀢𑀸𑀭𑁂 𑀯𑀼𑀢𑁆𑀢𑀢𑁆𑀢𑀸 𑀧𑀼𑀮𑁆𑀮𑀺𑀗𑁆𑀕𑁂𑀧𑀺 𑀤𑀺𑀲𑁆𑀲𑀢𑀺, 𑀢𑀁 𑀲𑀓𑁆𑀓𑀝𑀫𑀢𑁂𑀦 𑀯𑀼𑀢𑁆𑀢𑀦𑁆𑀢𑀺 𑀓𑁂𑀘𑀺.

𑀫𑀸𑀢𑀸, 𑀫𑀸𑀢𑀭𑁄. 𑀪𑁄 𑀫𑀸𑀢 𑀫𑀸𑀢𑀸, 𑀫𑀸𑀢𑀭𑁄. 𑀫𑀸𑀢𑀭𑀁, 𑀫𑀸𑀢𑀭𑁂 𑀫𑀸𑀢𑀭𑁄. 𑀫𑀸𑀢𑀭𑀸, 𑀦𑀸𑀲𑁆𑀲 𑀬𑀸𑀤𑁂𑀲𑁂 ‘‘𑀬𑁂 𑀧𑀲𑁆𑀲𑀸’’𑀢𑀺 𑀬𑁄𑀕𑀯𑀺𑀪𑀸𑀕𑀸 𑀧𑀮𑁄𑀧𑁄, 𑀅𑀦𑀼𑀜𑁆𑀜𑀸𑀢𑁄 𑀅𑀳𑀁 𑀫𑀢𑁆𑀬𑀸, 𑀅𑀜𑁆𑀜𑀢𑁆𑀭 𑀫𑀸𑀢𑀼𑀬𑀸, 𑀫𑀸𑀢𑀭𑁂𑀳𑀺 𑀫𑀸𑀢𑀭𑁂𑀪𑀺 𑀫𑀸𑀢𑀽𑀳𑀺 𑀫𑀸𑀢𑀽𑀪𑀺. 𑀲𑀮𑁄𑀧𑁂 𑀫𑀸𑀢𑀼, 𑀧𑀲𑀜𑁆𑀜𑀢𑁆𑀢𑀸 ‘𑀦𑁄’ 𑀦 𑀳𑁄𑀢𑀺, 𑀫𑀢𑁆𑀬𑀸 𑀫𑀸𑀢𑀼𑀬𑀸, 𑀫𑀸𑀢𑀭𑀸𑀦𑀁 𑀫𑀸𑀢𑀸𑀦𑀁 𑀫𑀸𑀢𑀽𑀦𑀁. 𑀙𑀝𑁆𑀞𑀺𑀯𑀺𑀲𑀬𑁂 ‘‘𑀫𑀸𑀢𑀼𑀲𑁆𑀲 𑀲𑀭𑀢𑀻’’𑀢𑀺𑀧𑀺 𑀤𑀺𑀲𑁆𑀲𑀢𑀺. 𑀫𑀸𑀢𑀭𑀺, 𑀫𑀸𑀢𑀭𑁂𑀲𑀼 𑀫𑀸𑀢𑀽𑀲𑀼. 𑀯𑀺𑀲𑁂𑀲𑀸+𑀜𑁆𑀜𑀢𑁆𑀭 𑀧𑀺𑀢𑀼𑀲𑀫𑀁. 𑀏𑀯𑀁 𑀥𑀻𑀢𑀼+𑀤𑀼𑀳𑀺𑀢𑀼𑀲𑀤𑁆𑀤𑀸.

𑀉𑀓𑀸𑀭𑀦𑁆𑀢𑀁.

𑀭𑀲𑁆𑀲𑀦𑀺𑀲𑁂𑀥𑁂 𑀲𑀺𑀮𑁄𑀧𑁂 𑀘 𑀓𑀢𑁂 𑀚𑀫𑁆𑀩𑀽. ‘‘𑀚𑀦𑁆𑀢𑁆𑀯𑀸’’𑀤𑀺𑀦𑀸 𑀬𑁄𑀮𑁄𑀧𑁂, 𑀚𑀫𑁆𑀩𑀽 𑀚𑀫𑁆𑀩𑀼𑀬𑁄. ‘‘𑀕𑁂 𑀯𑀸’’𑀢𑀺 𑀭𑀲𑁆𑀲𑁂 𑀪𑁄 𑀚𑀫𑁆𑀩𑀼, 𑀚𑀫𑁆𑀩𑀽 𑀚𑀫𑁆𑀩𑀼𑀬𑁄. 𑀚𑀫𑁆𑀩𑀼𑀁, 𑀚𑀫𑁆𑀩𑀽 𑀚𑀫𑁆𑀩𑀼𑀬𑁄. 𑀚𑀫𑁆𑀩𑀼𑀬𑀸, 𑀚𑀫𑁆𑀩𑀽𑀳𑀺 𑀚𑀫𑁆𑀩𑀽𑀪𑀺. 𑀚𑀫𑁆𑀩𑀼𑀬𑀸, 𑀚𑀫𑁆𑀩𑀽𑀦𑀁. 𑀚𑀫𑁆𑀩𑀼𑀬𑀁 𑀚𑀫𑁆𑀩𑀼𑀬𑀸, 𑀚𑀫𑁆𑀩𑀽𑀲𑀼.

𑀏𑀯𑀁 𑀯𑀥𑀽 𑀘 𑀲𑀭𑀪𑀽, 𑀲𑀭𑀩𑀽 𑀲𑀼𑀢𑀦𑀽 𑀘𑀫𑀽;

𑀯𑀸𑀫𑀽𑀭𑀽 𑀦𑀸𑀕𑀦𑀸𑀲𑀼𑀭𑀽, 𑀲𑀫𑀸𑀦𑀸 𑀔𑀮𑀼 𑀚𑀫𑁆𑀩𑀼𑀬𑀸.

𑀊𑀓𑀸𑀭𑀦𑁆𑀢𑀁.

𑀕𑁄, 𑀕𑀸𑀯𑁄 𑀕𑀯𑁄 𑀇𑀘𑁆𑀘𑀸𑀤𑀺 𑀧𑀼𑀮𑁆𑀮𑀺𑀗𑁆𑀕𑀲𑀫𑀁.

𑀇𑀢𑁆𑀣𑀺𑀮𑀺𑀗𑁆𑀕𑀁.

𑀦𑀧𑀼𑀁𑀲𑀓, 𑀲𑀺 𑁋