𑁮𑁪. 𑀚𑀦𑁆𑀢𑁆𑀯𑀸𑀤𑀺𑀢𑁄 𑀦𑁄 𑀘

𑀚𑀦𑁆𑀢𑁆𑀯𑀸𑀤𑀺𑀢𑁄 𑀬𑁄𑀦𑀁 𑀦𑁄 𑀳𑁄𑀢𑀺 𑀯𑁄 𑀘 𑀧𑀼𑀮𑁆𑀮𑀺𑀗𑁆𑀕𑁂. 𑀚𑀦𑁆𑀢𑀼𑀦𑁄 𑀚𑀦𑁆𑀢𑀯𑁄 𑀚𑀦𑁆𑀢𑀼𑀬𑁄. 𑀪𑁄 𑀚𑀦𑁆𑀢𑀼 𑀚𑀦𑁆𑀢𑀽, 𑀚𑀦𑁆𑀢𑀼𑀦𑁄, ‘‘𑀧𑀼𑀫𑀸𑀮𑀧𑀦𑁂 𑀯𑁂𑀯𑁄’’𑀢𑀺 𑀯𑁂+𑀯𑁄, 𑀚𑀦𑁆𑀢𑀯𑁂 𑀚𑀦𑁆𑀢𑀯𑁄 𑀚𑀦𑁆𑀢𑀼𑀬𑁄. 𑀚𑀦𑁆𑀢𑀼𑀁, 𑀚𑀦𑁆𑀢𑀽 𑀚𑀦𑁆𑀢𑀼𑀦𑁄 𑀚𑀦𑁆𑀢𑀯𑁄 𑀚𑀦𑁆𑀢𑀼𑀬𑁄. 𑀲𑁂𑀲𑀁 𑀪𑀺𑀓𑁆𑀔𑀼𑀲𑀫𑀁.

𑀳𑁂𑀢𑀼, 𑀳𑁂𑀢𑀽 𑀳𑁂𑀢𑀯𑁄. ‘‘𑀬𑁄𑀫𑁆𑀳𑀺 𑀯𑀸 𑀓𑁆𑀯𑀘𑀻’’𑀢𑀺 𑀮𑀲𑀜𑁆𑀜𑀲𑁆𑀲 𑀉𑀲𑁆𑀲 𑀯𑀸 𑀝𑀸𑀤𑁂𑀲𑁄, 𑀳𑁂𑀢𑀬𑁄. 𑀬𑁄𑀫𑁆𑀳𑀺 𑀅𑀦𑁆𑀢𑀭𑀗𑁆𑀕𑀢𑁆𑀢𑀸 𑀧𑀞𑀫𑀁 𑀝𑀸𑀤𑁂𑀲𑁂 𑀓𑀢𑁂 𑀧𑀘𑁆𑀙𑀸 𑀬𑁄𑀮𑁄𑀧𑀸𑀪𑀸𑀯𑁄, 𑀢𑀣𑀸 𑀳𑀺 𑀅𑀦𑁆𑀢𑀭𑀗𑁆𑀕+𑀩𑀸𑀳𑀺𑀭𑀗𑁆𑀕𑀯𑀺𑀥𑀸𑀦𑁂𑀲𑁆𑀯+𑀦𑁆𑀢𑀭𑀗𑁆𑀕𑀯𑀺𑀥𑀺𑀬𑁂𑀯 𑀩𑀮𑀯𑀸. 𑀏𑀢𑁆𑀣 𑀘 𑀧𑀓𑀢𑀺𑀦𑀺𑀲𑁆𑀲𑀺𑀢+𑀫𑀦𑁆𑀢𑀭𑀗𑁆𑀕𑀁, 𑀧𑀘𑁆𑀘𑀬𑀦𑀺𑀲𑁆𑀲𑀺𑀢𑀁 𑀩𑀸𑀳𑀺𑀭𑀗𑁆𑀕𑀁. 𑀳𑁂𑀢𑀼𑀬𑁄. 𑀪𑁄 𑀳𑁂𑀢𑀼, 𑀳𑁂𑀢𑀽 𑀳𑁂𑀢𑀯𑁂 𑀳𑁂𑀢𑀯𑁄 𑀳𑁂𑀢𑀬𑁄 𑀳𑁂𑀢𑀼𑀬𑁄. 𑀲𑁂𑀲𑀁 𑀧𑀼𑀩𑁆𑀩𑀲𑀫𑀁.

𑀩𑀳𑀼𑀢𑁄 𑀦𑀁𑀫𑁆𑀳𑀺 𑁋