𑁪. 𑀧𑀼𑀩𑁆𑀩𑁄 𑀭𑀲𑁆𑀲𑁄

𑀢𑁂𑀲𑁆𑀯𑁂𑀯 𑀤𑀲𑀲𑀼 𑀬𑁂 𑀤𑁆𑀯𑁂 𑀤𑁆𑀯𑁂 𑀲𑀯𑀡𑁆𑀡𑀸, 𑀢𑁂𑀲𑀼 𑀬𑁄 𑀬𑁄 𑀧𑀼𑀩𑁆𑀩𑁄, 𑀲𑁄 𑀲𑁄 𑀭𑀲𑁆𑀲𑀲𑀜𑁆𑀜𑁄 𑀳𑁄𑀢𑀺. 𑀬𑀣𑀸 𑀅 𑀇 𑀉 𑀏 𑀑. 𑀢𑁂𑀲𑀼 ‘𑀲𑀁𑀬𑁄𑀕𑀢𑁄 𑀧𑀼𑀩𑁆𑀩𑀸𑀯 𑀤𑀺𑀲𑁆𑀲𑀦𑁆𑀢𑀺 𑀤𑁆𑀯𑁂 𑀧𑀦𑀦𑁆𑀢𑀺𑀫𑀸’𑀢 𑀤𑀲𑁆𑀲𑁂𑀢𑀼𑀁 𑀢𑀢𑁆𑀣 𑀲𑀸𑀥𑀼𑀢𑁆𑀢𑀸 𑀢𑁂𑀲𑀫𑁆𑀧𑀺 𑀇𑀥 𑀲𑀗𑁆𑀕𑀳𑁄, 𑀬𑀣𑀸 𑀏𑀢𑁆𑀣 𑀲𑁂𑀬𑁆𑀬𑁄 𑀑𑀝𑁆𑀞𑁄 𑀲𑁄𑀢𑁆𑀣𑀺. 𑀭𑀲𑁆𑀲𑀓𑀸𑀮𑀬𑁄𑀕𑀸 𑀢𑀩𑁆𑀩𑀦𑁆𑀢𑀢𑀸𑀬 𑀯𑀸 𑀭𑀲𑁆𑀲𑀸. 𑀭𑀲𑁆𑀲𑀓𑀸𑀮𑁄 𑀦𑀸𑀫 𑀅𑀘𑁆𑀙𑀭𑀸𑀲𑀗𑁆𑀖𑀸𑀢𑁄 𑀅𑀓𑁆𑀔𑀺𑀦𑀺𑀫𑁆𑀫𑀺𑀮𑀦𑀲𑀗𑁆𑀔𑀸𑀢𑁄 𑀯𑀸 𑀓𑀸𑀮𑁄, 𑀢𑁂𑀦 𑀏𑀓𑀫𑀢𑁆𑀢𑁄 𑀭𑀲𑁆𑀲𑁄, 𑀤𑁆𑀯𑀺𑀫𑀢𑁆𑀢𑁄 𑀤𑀻𑀖𑁄, 𑀅𑀟𑁆𑀠𑀫𑀢𑁆𑀢𑁄 𑀩𑁆𑀬𑀜𑁆𑀚𑀦𑁄. 𑀙𑀦𑁆𑀤𑀲𑀺 𑀤𑀺𑀬𑀟𑁆𑀠𑀫𑀢𑁆𑀢𑀫𑁆𑀧𑀺 𑀭𑀲𑁆𑀲𑀦𑁆𑀢𑀺 𑀕𑀡𑁆𑀳𑀦𑁆𑀢𑀺 𑀆𑀘𑀭𑀺𑀬𑀸.