𑀧𑀤𑀲𑀸𑀥𑀦𑀁 |𑀑𑁦.𑁦𑁦𑁦𑁧|

𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲

𑀩𑀼𑀤𑁆𑀥𑀫𑁆𑀩𑀼𑀚𑀁 𑀦𑀫𑀲𑁆𑀲𑀺𑀢𑁆𑀯𑀸 𑀲𑀤𑁆𑀥𑀫𑁆𑀫𑀫𑀥𑀼 𑀪𑀸𑀚𑀦𑀁,

𑀕𑀼𑀡𑀫𑁄𑀧𑀤𑀧𑀤𑀁 𑀲𑀗𑁆𑀖𑀫𑀥𑀼𑀩𑁆𑀩𑀢𑀦𑀺𑀲𑁂𑀯𑀺𑀢𑀁;

𑀫𑁄𑀕𑁆𑀕𑀮𑁆𑀮𑀸𑀬𑀦𑀸𑀘𑀭𑀺𑀬 𑀘𑀭𑀜𑁆𑀘 𑀬𑁂𑀦 𑀥𑀻𑀫𑀢𑀸,

𑀓𑀢𑀁 𑀮𑀖𑀼𑀫𑀬𑀦𑁆𑀤𑀺𑀤𑁆𑀥𑀫𑀦𑀼𑀦𑀁 𑀲𑀤𑁆𑀤𑀮𑀓𑁆𑀔𑀡𑀁;

𑀆𑀭𑀪𑀺𑀲𑁆𑀲𑀁 𑀲𑀫𑀸𑀲𑁂𑀦 𑀩𑀸𑀮𑀢𑁆𑀣𑀁 𑀧𑀤𑀲𑀸𑀥𑀦𑀁,

𑀫𑁄𑀕𑁆𑀕𑀮𑁆𑀮𑀸𑀬𑀦𑀲𑀤𑁆𑀤𑀢𑁆𑀣𑀭𑀢𑀦𑀸𑀓𑀭𑀧𑀤𑁆𑀥𑀢𑀺𑀁;

𑀲𑀜𑁆𑀜𑀸𑀧𑀭𑀺𑀕𑁆𑀕𑀳𑁂𑀦𑁂𑀯 𑀮𑀓𑁆𑀔𑀡𑁂𑀲𑀼 𑀲𑀭𑀸𑀤𑀬𑁄,

𑀜𑀸𑀬𑀦𑁆𑀢𑀺𑀢𑀺 𑀢𑀫𑁂𑀯𑀸𑀤𑁄 𑀤𑀲𑁆𑀲𑀬𑀺𑀲𑁆𑀲𑀁 𑀯𑀺𑀪𑀸𑀕𑀢𑁄;

𑀅𑀆𑀤𑀬𑁄 𑀢𑀺𑀢𑀸𑀴𑀻𑀲 𑀯𑀡𑀡𑀸.

𑀚𑀺𑀦𑀯𑀘𑀦𑀸𑀦𑀼𑀭𑀽𑀧𑀸 𑀅𑀓𑀸𑀭𑀤𑁂𑀬𑁄 𑀦𑀺𑀕𑁆𑀕𑀳𑀺𑀢𑀦𑁆𑀢𑀸 𑀢𑁂𑀘𑀢𑁆𑀢𑀸𑀴𑀻 𑀲𑀓𑁆𑀔𑀭𑀸 𑀧𑀘𑁆𑀘𑁂𑀓𑀁 𑀯𑀡𑁆𑀡𑀸 𑀦𑀸𑀫 𑀳𑁄𑀦𑁆𑀢𑀺 𑀬𑀣𑀸 - 𑀅 𑀆 𑀇 𑀈 𑀉 𑀊 𑀏 𑀑 𑀓 𑀔 𑀕 𑀖 𑀗 𑀘 𑀙 𑀚 𑀛 𑀜 𑀝 𑀞 𑀡 𑀢 𑀣 𑀤 𑀥 𑀦 𑀧 𑀨 𑀩 𑀪 𑀫 𑀬 𑀭 𑀮 𑀯 𑀲 𑀳 𑀴 𑀅𑀁 𑀇𑀢𑀺-𑀓𑀓𑀸𑀭𑀸𑀤𑀺𑀲𑁆𑀯𑀓𑀸𑀭𑁄 𑀉𑀘𑁆𑀘𑀸𑀭𑀡𑀢𑁆𑀣𑁄 = 𑀯𑀡𑀡𑀻𑀬𑀢𑀺 𑀅𑀢𑁆𑀣𑁄 𑀏𑀢𑁂𑀳𑀻𑀢𑀺 𑀯𑀡𑁆𑀡𑀸-𑀅𑀆𑀤𑀺 𑀫𑀭𑀺𑀬𑀸𑀤𑀸 𑀪𑀽𑀢𑁄 𑀬𑁂𑀲𑀦𑁆𑀢𑁄 𑀅𑀆𑀤𑀬𑁄.

𑀅𑀆𑀤𑀬𑁄𑀢𑀺 𑀯𑀢𑁆𑀢𑀢𑁂 𑀬𑀸𑀯 ‘‘𑀩𑀺𑀦𑁆𑀤𑀼𑀦𑀺𑀕𑁆𑀕𑀳𑀻𑀢’’𑀦𑁆𑀢𑀺-𑀢𑀜𑁆𑀘𑀔𑁄𑀅𑀢𑁆𑀣 𑀯𑀲𑀸 𑀯𑀺𑀪𑀢𑁆𑀢𑀺𑀘𑀻𑀧𑀭𑀺𑀦𑀸𑀫𑁄𑀢𑀺 𑀲𑀢𑁆𑀢𑀫𑁆𑀬𑀦𑁆𑀢𑀫𑀪𑀺𑀲𑀫𑁆𑀩𑀦𑁆𑀥𑀻𑀬𑀢𑁂.

𑀤𑀲𑀸𑀤𑁄 𑀲𑀭𑀸

𑀅𑀆𑀤𑀺𑀲𑁆𑀯𑀸𑀤𑀺𑀫𑁆𑀳𑀺 𑀦𑀺𑀤𑁆𑀤𑀺𑀝𑁆𑀞𑀸 𑀑𑀤𑀦𑁆𑀢𑀸 𑀤𑀲𑀯𑀡𑁆𑀡𑀸 𑀲𑀭𑀸 𑀦𑀸𑀫 𑀳𑁄𑀦𑁆𑀢𑀺-𑀬𑀣𑀸-𑀅 𑀆 𑀇 𑀈 𑀉 𑀊 𑀏 𑀑 = 𑀲𑀭𑀦𑁆𑀢𑀺 𑀧𑀯𑀢𑁆𑀢𑀦𑁆𑀢𑀻𑀢𑀺 𑀲𑀭𑀸-𑀤𑀲𑀸 𑀤𑁄𑀢𑀺 𑀯𑀢𑁆𑀢𑀢𑁂 𑀢𑀻𑀲𑀼 𑀘𑀓𑁆𑀓𑀫𑀸𑀦𑁂𑀲𑀼.

𑀤𑁆𑀯𑁂 𑀤𑁆𑀯𑁂 𑀲𑀯𑀡𑁆𑀡𑀸.

𑀅𑀆𑀲𑁆𑀯𑀸𑀤𑀺𑀫𑁂𑀲𑀼 𑀤𑀲𑁆𑀲𑀼 𑀤𑁆𑀯𑁂 𑀤𑁆𑀯𑁂 𑀲𑀯𑀡𑁆𑀡𑀸 𑀦𑀸𑀫 𑀳𑁄𑀦𑁆𑀢𑀺. 𑀬𑀣𑀸𑀓𑁆𑀓𑀫𑀁-𑀬𑀣𑀸-𑀅𑀆 𑀇𑀢𑀺, 𑀉𑀊 𑀇𑀢𑀺, 𑀏 𑀇𑀢𑀺, 𑀑 𑀇𑀢𑀺 = 𑀲𑀫𑀸𑀦𑀸 𑀲𑀸𑀤𑀺𑀲𑀸 𑀯𑀡𑁆𑀡𑀸 𑀲𑀯𑀡𑁆𑀡𑀸-𑀲𑀫𑀸𑀦𑀢𑁆𑀢𑀜𑁆𑀘 𑀞𑀸𑀦𑀢𑁄.

𑀙 𑀯𑀡𑁆𑀡𑀸𑀦𑀁𑀳𑀺 𑀉𑀧𑁆𑀧𑀢𑁆𑀢𑀺𑀝𑁆𑀞𑀸𑀦𑀸𑀦𑀺 𑀓𑀡𑁆𑀞𑀸𑀢𑀸𑀮𑀼𑀫𑀼𑀤𑁆𑀥𑀤𑀦𑁆𑀢𑀑𑀝𑁆𑀞𑀸𑀦𑀸 𑀲𑀺𑀓𑀸𑀯𑀲𑁂𑀦-𑀢𑁂𑀲𑀼 𑀅𑀯𑀡𑁆𑀡𑀓𑀯𑀕𑁆𑀕𑀳𑀸𑀦𑀁 𑀓𑀡𑁆𑀞𑁄𑀞𑀸𑀦𑀁-𑀇𑀯𑀡𑁆𑀡 𑀘𑀯𑀕𑁆𑀕𑀬𑀸𑀦𑀁 𑀢𑀸𑀮𑀼-𑀝𑀯𑀕𑁆𑀕𑀭𑀴𑀸𑀦𑀁 𑀫𑀼𑀤𑁆𑀥𑀸-𑀢𑀯𑀕𑁆𑀕𑀮𑀲𑀸𑀦𑀁 𑀤𑀦𑁆𑀢𑀸-𑀉 𑀯𑀡𑁆𑀡𑀧𑀯𑀕𑁆𑀕𑀸𑀦𑀁 𑀑𑀝𑁆𑀞𑀸-𑀏𑀯𑀡𑁆𑀡𑀲𑁆𑀲 𑀓𑀡𑁆𑀞𑀢𑀸𑀮𑀼-𑀑𑀯𑀡𑁆𑀡𑀲𑁆𑀲 𑀓𑀡𑁆𑀞𑁄𑀝𑁆𑀞𑀁-𑀯𑀓𑀸𑀭𑀲𑁆𑀲 |𑀑𑁦.𑁦𑁦𑁦𑁨| 𑀤𑀦𑁆𑀢𑁄𑀝𑁆𑀞𑀁-𑀦𑀺𑀕𑁆𑀕𑀳𑀺𑀢𑀲𑁆𑀲 𑀦𑀸𑀲𑀺𑀓𑀸-𑀗𑀜𑀡𑀦𑀫𑀸𑀦𑀁 𑀲𑀓𑀝𑁆𑀞𑀸𑀦𑀁 𑀦𑀸𑀲𑀺𑀓𑀸 𑀘-𑀤𑁆𑀯𑁂𑀤𑁆𑀯𑁂𑀢𑀺 𑀯𑀢𑁆𑀢𑀢𑁂.

𑀧𑀼𑀩𑁆𑀩𑁄 𑀭𑀲𑁆𑀲𑁄

𑀢𑁂𑀲𑁆𑀘𑁂𑀯 𑀤𑀲𑀲𑀼 𑀬𑁂 𑀤𑁆𑀯𑁂 𑀤𑁆𑀯𑁂 𑀲𑀯𑀡𑁆𑀡𑀸 𑀢𑁂𑀲𑀼 𑀬𑁄 𑀬𑁄 𑀧𑀼𑀩𑁆𑀩𑁄 𑀲𑁄 𑀲𑁄 𑀭𑀲𑁆𑀲𑀲𑀜𑁆𑀜𑁄 𑀳𑁄𑀢𑀺-𑀬𑀣𑀸-𑀅 𑀇 𑀉 𑀏 𑀑-𑀢𑁂𑀲𑀼 𑀲𑀁𑀬𑁄𑀕 𑀧𑀼𑀩𑁆𑀩𑀸𑀘 𑀤𑀺𑀲𑁆𑀲𑀦𑁆𑀢𑀺 𑀤𑁆𑀯𑁂 𑀧𑀦𑀦𑁆𑀢𑀺𑀫𑀸 𑀤𑀻𑀧𑁂𑀢𑀼𑀁 𑀢𑀢𑁆𑀣 𑀲𑀸𑀥𑀼𑀢𑁆𑀢𑀁 𑀢𑁂𑀲𑀫𑁆𑀧𑀺 𑀇𑀥 𑀲𑀗𑁆𑀕𑀳𑁄 = 𑀭𑀲𑁆𑀲𑀓𑀸𑀮𑀬𑁄𑀕𑀸 𑀢𑀩𑁆𑀩𑀦𑁆𑀢𑀢𑀸𑀬 𑀯𑀸 𑀭𑀲𑁆𑀲𑀸-𑀢𑀣𑀸 𑀤𑀻𑀖𑀸-𑀇𑀥𑀸𑀧𑀺𑀤𑁆𑀯𑁂𑀤𑁆𑀯𑁂𑀢𑀺 𑀯𑀢𑁆𑀢𑀢𑁂.

𑀧𑀭𑁄 𑀤𑀻𑀖𑁄.

𑀅𑀆𑀤𑀺𑀲𑁆𑀯𑀸𑀤𑀺𑀪𑀼𑀢𑁂𑀲𑀼 𑀤𑀲𑀲𑀼 𑀬𑁂 𑀤𑁆𑀯𑁂 𑀤𑁆𑀯𑁂 𑀲𑀯𑀡𑁆𑀡𑀸 𑀢𑁂𑀲𑀼 𑀬𑁄 𑀬𑁄 𑀧𑀭𑁄 𑀲𑁄 𑀲𑁄 𑀤𑀻𑀖𑀲𑀜𑁆𑀜𑁄 𑀳𑁄𑀢𑀺-𑀬𑀣𑀸-𑀆 𑀈 𑀊.

𑀓𑀸𑀤𑀬𑁄 𑀩𑁆𑀬𑀜𑁆𑀚𑀦𑀸.

𑀅𑀆𑀤𑀺𑀲𑀼 𑀓𑀸𑀤𑀬𑁄 𑀦𑀺𑀕𑁆𑀕𑀳𑀻𑀢𑀧𑀭𑀺𑀬𑀦𑁆𑀢𑀸 𑀢𑁂𑀢𑁆𑀢𑀺𑀁𑀲 𑀩𑁆𑀬𑀜𑁆𑀚𑀦𑀸𑀦𑀸𑀫 𑀳𑁄𑀦𑁆𑀢𑀺-𑀬𑀣𑀸-𑀓 𑀔 𑀕 𑀖 𑀗 𑀘 𑀙 𑀚 𑀛 𑀜 𑀝 𑀞 𑀟 𑀡 𑀢 𑀣 𑀤 𑀥 𑀦 𑀧 𑀨 𑀩 𑀪 𑀫 𑀬 𑀭 𑀮𑀯 𑀲 𑀳 𑀴 𑀅𑀁 = 𑀩𑁆𑀬𑀜𑁆𑀚𑀻𑀬𑀢𑀺 𑀅𑀢𑁆𑀣𑁄 𑀏𑀢𑁂𑀳𑀻𑀢𑀺 𑀩𑁆𑀬𑀜𑁆𑀚𑀦𑀸-𑀓𑀸𑀤𑀬𑁄𑀢𑀺 𑀯𑀢𑁆𑀢𑀢𑁂.

𑀧𑀜𑁆𑀘 𑀧𑀜𑁆𑀘𑀓𑀸 𑀯𑀕𑁆𑀕𑀸.

𑀅𑀆𑀤𑀲𑀼 𑀓𑀓𑀸𑀭𑀸𑀤𑀬𑁄 𑀫𑀓𑀸𑀭𑀦𑁆𑀢𑀸 𑀧𑀜𑁆𑀘 𑀧𑀜𑁆𑀘𑀓𑀸 𑀯𑀕𑁆𑀕𑀸 𑀦𑀸𑀫 𑀳𑁄𑀦𑁆𑀢𑀺-𑀬𑀣𑀸-𑀓𑀔𑀕𑀖𑀗, 𑀘𑀙𑀚𑀛𑀜, 𑀝𑀞𑀟𑀠𑀡, 𑀢𑀣𑀤𑀥𑀦, 𑀧𑀨𑀩𑀪𑀫. = 𑀯𑀚𑁆𑀚𑁂𑀦𑁆𑀢𑀺 𑀬𑀓𑀸𑀭𑀸𑀤𑀬𑁄𑀢𑀺 𑀯𑀕𑁆𑀕𑀸.

𑀩𑀺𑀦𑁆𑀤𑀼 𑀦𑀺𑀕𑁆𑀕𑀳𑀺𑀢𑀁

𑀅𑀓𑀸𑀭𑀸𑀤𑀻𑀲𑀼𑀬𑀯𑀸𑀬𑀁 𑀯𑀡𑁆𑀡𑁄 𑀩𑀺𑀦𑁆𑀤𑀼𑀫𑀢𑁆𑀢𑁄 𑀲𑁄 𑀦𑀺𑀕𑁆𑀕𑀳𑀺𑀢𑀲𑀜𑁆𑀜𑁄𑀳𑁄𑀢𑀺 = 𑀭𑀲𑁆𑀲𑀲𑀭𑀁 𑀦𑀺𑀲𑁆𑀲𑀸𑀬 𑀕𑀳𑀺𑀢𑀫𑀼𑀘𑁆𑀘𑀸𑀭𑀺𑀢𑀁 𑀦𑀺𑀕𑁆𑀕𑀳𑀻𑀢𑀁.

𑀲𑀜𑁆𑀜𑀸 𑀯𑀺𑀥𑀸𑀦𑀁.

𑀲𑀦𑁆𑀥𑀺 𑀯𑀼𑀘𑁆𑀘𑀢𑁂-𑀧𑀼𑀭𑀺𑀲 𑀉𑀢𑁆𑀢𑀫𑁄, 𑀧𑀜𑁆𑀜𑀸 𑀇𑀦𑁆𑀤𑁆𑀭𑀺𑀬𑀁. 𑀲𑀢𑀺𑀆𑀭𑀓𑁆𑀔𑁄,𑀪𑁄𑀕𑀺 𑀇𑀦𑁆𑀤𑁄, 𑀘𑀓𑁆𑀔𑀼 𑀆𑀬𑀢𑀦𑀁, 𑀅𑀪𑀺𑀪𑀼 𑀆𑀬𑀢𑀦𑀁, 𑀥𑀦𑀫𑁆𑀫𑁂 𑀅𑀢𑁆𑀣𑀺, 𑀓𑀼𑀢𑁄 𑀏𑀢𑁆𑀣𑀸’ 𑀢𑀺𑀥-𑀲𑀭𑁄 𑀮𑁄𑀧𑁄 𑀲𑀭𑁂.

𑀲𑀭𑁄 𑀲𑀭𑁄 𑀮𑁄𑀧𑀦𑀻𑀬𑁄 𑀳𑁄𑀢𑀺-𑀲𑀭𑁂𑀢𑁄𑀧𑀲𑀺𑀮𑁂𑀲𑀺𑀓𑀸𑀥𑀸𑀭𑀲𑀢𑁆𑀢𑀫𑀻 𑀢𑀢𑁄 𑀯𑀡𑁆𑀡𑀓𑀸𑀮𑀯𑁆𑀬𑀯𑀥𑀸𑀦𑁂 𑀓𑀸𑀭𑀺𑀬𑀁 𑀦 𑀳𑁄𑀢𑀺-𑀢𑁆𑀯𑀫𑀲𑀺, 𑀓𑀢𑀫𑀸 𑀘𑀸𑀦𑀦𑁆𑀤 𑀅𑀦𑀺𑀘𑁆𑀘𑀲𑀜𑁆𑀜𑀸’𑀢𑀺-𑀅𑀜𑁆𑀜𑀢𑁆𑀣𑀸𑀧𑀺 𑀲𑀁𑀳𑀢𑀸𑀬𑀫𑁄𑀧𑀲𑀺𑀮𑁂𑀲𑀓𑀸𑀥𑀸 𑀭𑁂𑀬𑁂𑀯 𑀲𑀢𑁆𑀢𑀫𑀻-𑀯𑀺𑀥𑀻𑀢𑀺 𑀯𑀢𑁆𑀢𑀫𑀸𑀦𑁂.

𑀲𑀢𑁆𑀢𑀫𑀺𑀬𑀁 𑀧𑀼𑀩𑁆𑀩𑀲𑁆𑀲.

𑀲𑀢𑁆𑀢𑀫𑀻𑀦𑀺𑀤𑁆𑀤𑁂𑀲𑁂 𑀧𑀼𑀩𑁆𑀩𑀲𑁆𑀲𑁂𑀯 𑀯𑀺𑀥𑀺𑀢𑀺 𑀧𑀼𑀩𑁆𑀩𑀲𑀭𑀮𑁄𑀧𑁄-𑀧𑀼𑀭𑀺𑀲𑀼𑀢𑁆𑀢𑀫𑁄,𑀧𑀜𑁆𑀜𑀺𑀦𑁆𑀤𑁆𑀭𑀺𑀬𑀁, 𑀲𑀢𑀸𑀭𑀓𑁆𑀔𑁄, 𑀪𑁄𑀕𑀺𑀦𑁆𑀤𑁄, 𑀘𑀓𑁆𑀔𑀸𑀬𑀢𑀦𑀁. 𑀅𑀪𑀺𑀪𑀸𑀬𑀢𑀦𑀁, 𑀥𑀦𑀫𑁆𑀫𑀢𑁆𑀣𑀺, 𑀓𑀼𑀢𑁂𑀢𑁆𑀣. 𑀧𑀼𑀩𑁆𑀩𑀲𑁆𑀲 |𑀑𑁦.𑁦𑁦𑁦𑁩| 𑀓𑀸𑀭𑀺𑀬𑀯𑀺𑀥𑀸𑀦𑀸 𑀲𑀢𑁆𑀢𑀫𑀻𑀦𑀺𑀤𑁆𑀤𑀺𑀝𑁆𑀞𑀲𑁆𑀲 𑀧𑀭𑀢𑀸𑀯 𑀕𑀫𑁆𑀬𑀢𑁂𑀢𑀺 𑀧𑀭𑁂𑀢𑀼𑀧𑀭𑀺𑀯𑀘𑀦𑀫𑁆𑀧𑀺 𑀖𑀝𑀢𑁂-𑀲𑁄 𑀅𑀳𑀁, 𑀘𑀢𑁆𑀢𑀸𑀭𑁄 𑀇𑀫𑁂, 𑀬𑀢𑁄 𑀉𑀤𑀓𑀁, 𑀧𑀸𑀢𑁄 𑀏𑀯𑀁’𑀢𑀻𑀥-‘‘𑀲𑀭𑁄 𑀮𑁄𑀧𑁄 𑀲𑀭𑁂’’𑀢𑀺 𑀯𑀢𑁆𑀢𑀢𑁂.

𑀧𑀭𑁄 𑀓𑁆𑀯𑀘𑀺.

𑀲𑀭𑀫𑁆𑀳𑀸 𑀧𑀭𑁄 𑀲𑀭𑁄 𑀓𑁆𑀯𑀘𑀺 𑀮𑁄𑀧𑀦𑀻𑀬𑁄 𑀳𑁄𑀢𑀺-𑀲𑁄𑀳𑀁, 𑀘𑀢𑁆𑀢𑀸𑀭𑁄𑀫𑁂, 𑀬𑀢𑁄𑀤𑀓𑀁. 𑀧𑀸𑀢𑁄𑀘-𑀓𑁆𑀯𑀘𑀺𑀢𑀺𑀓𑀺𑀁?-𑀧𑀜𑁆𑀜𑀺𑀦𑁆𑀤𑁆𑀭𑀺𑀬𑀁-𑀅𑀲𑁆𑀲𑀸𑀥𑀺𑀓𑀸𑀭𑁄 𑀲𑀩𑁆𑀩𑀲𑀦𑁆𑀥𑀺𑀲𑀼-𑀢𑀲𑁆𑀲 𑀇𑀤𑀁, 𑀢𑀲𑁆𑀲 𑀇𑀤𑀁, 𑀯𑀸𑀢 𑀈𑀭𑀺𑀢𑀁, 𑀯𑀸𑀢 𑀈𑀭𑀺𑀢𑀁, 𑀲𑀻𑀢 𑀉𑀤𑀓𑀁, 𑀲𑀻𑀢 𑀉𑀤𑀓𑀁, 𑀯𑀸𑀫 𑀊𑀭𑀼,𑀯𑀸𑀫 𑀊𑀭𑀼, 𑀇𑀢𑀺𑀥-𑀧𑀼𑀩𑁆𑀩𑀲𑀭 𑀮𑁄𑀧𑁂-𑀲𑀭𑁂 𑀯𑁂𑀢𑀺 𑀘 𑀯𑀢𑁆𑀢𑀢𑁂.

𑀬𑀼𑀯𑀡𑀡𑀸𑀦𑀫𑁆𑀜𑁄 𑀮𑀼𑀢𑁆𑀢𑀸.

𑀮𑀼𑀢𑁆𑀢𑀸 𑀲𑀭𑀸𑀧𑀭𑁂𑀲𑀁 𑀇𑀯𑀡𑁆𑀡𑀯𑀡𑁆𑀡𑀸𑀦𑀁 𑀜𑁄 𑀳𑁄𑀦𑁆𑀢𑀺 𑀯𑀸𑀬𑀣𑀸𑀓𑁆𑀓𑀫𑀁.

𑀯𑀡𑁆𑀡𑀧𑀭𑁂𑀦 𑀲𑀯𑀡𑁆𑀡𑁂𑀧𑀺.

𑀯𑀡𑁆𑀡𑀲𑀤𑁆𑀤𑁄 𑀧𑀭𑁄 𑀬𑀲𑁆𑀫𑀸 𑀢𑁂𑀦 𑀲𑀯𑀡𑁆𑀡𑁄𑀧𑀺 𑀕𑀬𑁆𑀳𑀢𑀺 𑀲𑀬𑀁 𑀘𑁂𑀢𑀺 𑀈 𑀊 𑀦𑀫𑁆𑀧𑀺 𑀏 𑀑-𑀢𑀲𑁆𑀲𑁂𑀤𑀁, 𑀢𑀲𑁆𑀲𑀺𑀤𑀁-𑀯𑀸𑀢𑁂𑀭𑀺𑀢𑀁. 𑀯𑀸𑀢𑀺𑀭𑀺𑀢𑀁-𑀲𑀻𑀢𑁄𑀤𑀓𑀁, ‘‘𑀩𑁆𑀬𑀜𑁆𑀚𑀦𑁂 𑀤𑀻𑀕𑀭𑀲𑁆𑀲𑀸’’𑀢𑀺 𑀤𑀻𑀖𑁂-𑀲𑀻𑀢𑀼𑀤𑀓𑀁-𑀯𑀸𑀫𑁄𑀭𑀼,𑀯𑀸𑀫𑀽𑀭𑀼-𑀮𑀼𑀢𑁆𑀢𑁂𑀢𑀺𑀓𑀺𑀁-𑀤𑀲 𑀇𑀫𑁂.

𑀅𑀢𑀺𑀧𑁆𑀧𑀲𑀗𑁆𑀕𑀩𑀸𑀥𑀓𑀲𑁆𑀲 𑀓𑁆𑀯𑀘𑀺𑀲𑀤𑁆𑀤𑀲𑁆𑀲𑀸𑀦𑀼𑀯𑀢𑁆𑀢𑀦𑀢𑁄 𑀦 𑀯𑀺𑀓𑀧𑁆𑀧𑀯𑀺𑀥𑀻 𑀦𑀺𑀬𑀢𑀸-𑀢𑁂𑀦 𑀉𑀧𑁂𑀢𑁄’𑀢𑀺 𑀏𑀯𑀫𑀸𑀤𑀻𑀲𑀼 𑀯𑀺𑀓𑀓𑁂𑀧𑁆𑀧𑀸 𑀦𑀸𑀭𑀓𑀺𑀢𑀸𑀤𑀺𑀲𑀼 𑀯𑀺𑀥𑀺 𑀘 𑀦 𑀳𑁄𑀢𑀺-𑀘𑀺 𑀅𑀓𑀸𑀲𑀺, 𑀘𑀺 𑀅𑀓𑀸𑀲𑀺. 𑀲𑀼 𑀆𑀕𑀢𑀁, 𑀲𑀼 𑀆𑀕𑀢𑀁’𑀢𑀺𑀥𑀬𑀼𑀯𑀡𑁆𑀡𑀸𑀦𑀁 𑀯𑁂’𑀢𑀺 𑀘 𑀯𑀢𑁆𑀢𑀢𑁂.

𑀬𑀯𑀸 𑀲𑀭𑁂.

𑀲𑀭𑁂 𑀧𑀭𑁂 𑀇𑀯 𑀡𑁆𑀡𑀼𑀯𑀡𑁆𑀡𑀸𑀦𑀁 𑀬𑀓𑀸𑀭𑀯𑀓𑀸𑀭𑀸 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀓𑁆𑀓𑀫𑀁-𑀅𑀓𑀸𑀭𑀲𑁆𑀲 𑀤𑀻𑀖𑁂-𑀯𑁆𑀬𑀸𑀓𑀸𑀲𑀺, ‘‘𑀯𑀦𑀢𑀭𑀕𑀸𑀯𑀸 𑀕𑀸𑀫𑀸’’𑀢𑀺 𑀬𑀸𑀕𑀫𑁂-𑀯𑀺𑀬𑀸𑀓𑀸𑀲𑀺-𑀲𑁆𑀯𑀸𑀕𑀢𑀁. 𑀲𑀸𑀕𑀢𑀁-𑀓𑁆𑀯𑀘𑀺𑀢𑁆𑀯𑁂𑀯-𑀬𑀸𑀦𑀻𑀥.

𑀢𑁂 𑀅𑀚𑁆𑀚, 𑀢𑁂 𑀅𑀚𑁆𑀚, 𑀲𑁄 𑀅𑀬𑀁, 𑀲𑁄 𑀅𑀬𑀁, 𑀇𑀢𑀻𑀥-‘‘𑀬𑀯𑀸𑀲𑀭𑁂’’ ‘𑀯𑁂’𑀢𑀺 𑀘 𑀯𑀢𑁆𑀢𑀢𑁂.

𑀜𑁄𑀦𑀁

𑀜𑁄𑀦𑀁 𑀬𑀓𑀸𑀭𑀯𑀓𑀸𑀭𑀸 𑀳𑁄𑀦𑁆𑀢𑀺 𑀯𑀸 𑀲𑀭𑁂 𑀧𑀭𑁂 𑀬𑀣𑀸𑀓𑁆𑀓𑀫𑀁.

𑀢𑁆𑀬𑀚𑁆𑀚, 𑀢𑁂𑀚𑁆𑀚-‘‘𑀩𑁆𑀬𑀜𑁆𑀚𑀦𑁂 𑀤𑀻𑀖𑀭𑀲𑁆𑀲𑀸’’𑀢𑀺𑀤𑀻𑀖𑁂-𑀲𑁆𑀯𑀸𑀬𑀁, 𑀲𑁄𑀬𑀁.

𑀓𑁆𑀯𑀘𑀻𑀢𑁆𑀯𑁂𑀯-𑀥𑀦𑀫𑁆𑀫𑀢𑁆𑀣𑀻-𑀕𑁄 𑀏𑀴𑀓𑀫𑀺𑀢𑀺𑀥-𑀲𑀭𑁂’𑀢𑀺 𑀯𑀢𑁆𑀢𑀢𑁂.

𑀕𑁄𑀲𑁆𑀲𑀸𑀯𑀗.

𑀲𑀭𑁂 𑀧𑀭𑁂 𑀕𑁄𑀲𑁆𑀲 𑀅𑀯𑀗 𑀆𑀤𑁂𑀲𑁄 𑀳𑁄𑀢𑀺-𑀲𑀘‘‘𑀝𑀦𑀼𑀩𑀦𑁆𑀥𑀸𑀦𑁂𑀓 𑀯𑀡𑁆𑀡𑀸𑀲𑀩𑁆𑀩𑀲𑁆𑀲𑀸’’𑀢𑀺 𑀲𑀩𑁆𑀩𑀲𑁆𑀲𑀧𑁆𑀧𑀲𑀗𑁆𑀕𑁂-𑀅𑀦𑁆𑀢𑀲𑁆𑀲𑁂’𑀢𑀺 𑀯𑀢𑁆𑀢𑀫𑀸𑀦𑁂.

𑀗𑀦𑀼 𑀩𑀦𑁆𑀥𑁄.

𑀗𑀓𑀸𑀭𑁄𑀦𑀼𑀩𑀦𑁆𑀥𑁄 𑀬𑀲𑁆𑀲 𑀲𑁄 𑀦𑁂𑀓𑀯𑀡𑁆𑀡𑁄𑀧𑀺 𑀅𑀦𑁆𑀢𑀲𑁆𑀲 𑀳𑁄𑀢𑀺𑀢𑀺 औ𑀓𑀸𑀭𑀲𑁆𑀲𑁂𑀯 𑀳𑁄𑀢𑀺,-‘‘𑀲𑀗𑁆𑀓𑁂𑀢𑁄𑀦𑀯𑀬𑀯𑁄𑀦𑀼 𑀩𑀦𑁆𑀥𑁄’’𑀢𑀺𑀯𑀘𑀦𑀸 𑀗𑀓𑀸𑀭𑀲𑁆𑀲𑀸𑀧𑁆𑀧𑀬𑁄𑀕𑁄-𑀧𑀬𑁄𑀚𑀦𑀁‘‘𑀗𑀦𑀼𑀩𑀦𑁆𑀥𑁄’’𑀢𑀺 𑀲𑀗𑁆𑀓𑁂𑀢𑁄-𑀕𑀯𑁂𑀴𑀓𑀁.

𑀇𑀢𑀺 |𑀑𑁦.𑁦𑁦𑁦𑁪| 𑀏𑀯, 𑀇𑀢𑀺 𑀏𑀯𑀸 ‘‘𑀢𑀻𑀥-

𑀯𑀺𑀢𑀺𑀲𑁆𑀲𑁂𑀯𑁂 𑀯𑀸

𑀏𑀯𑀲𑀤𑁆𑀤𑁂 𑀧𑀭𑁂 𑀇𑀢𑀺𑀲𑁆𑀲 𑀯𑁄 𑀳𑁄𑀢𑀺 𑀯𑀸-𑀲𑀘.

𑀙𑀝𑁆𑀞𑀺𑀬𑀦𑁆𑀢𑀲𑁆𑀲.

𑀙𑀝𑁆𑀞𑀺𑀦𑀤𑁆𑀤𑀺𑀝𑁆𑀞𑀲𑁆𑀲 𑀬𑀁 𑀓𑀸𑀭𑀺𑀬𑀁 𑀢𑀤𑀦𑁆𑀢𑀲𑁆𑀲 𑀯𑀺𑀜𑁆𑀜𑁂𑀬𑁆𑀬𑀦𑁆𑀢𑀺 𑀇𑀓𑀸𑀭𑀲𑁆𑀲𑀸𑀤𑁂𑀲𑁄 𑀳𑁄𑀢𑀺 = 𑀞𑀸𑀦𑀻𑀦𑀫𑀸𑀫𑀤𑁆𑀤𑀺𑀬𑀤𑀺𑀲𑁆𑀲𑀢𑀺 𑀉𑀘𑁆𑀘𑀸𑀭𑀺𑀬𑀢𑀺’𑀢𑀺 𑀆𑀤𑁂𑀲𑁄-𑀇𑀢𑁆𑀯𑁂𑀯, 𑀅𑀜𑁆𑀜𑀢𑁆𑀭 𑀬𑀸𑀤𑁂𑀲𑁂-‘‘𑀢𑀯𑀕𑁆𑀕𑀯𑀭𑀡𑀦𑀁 𑀬𑁂 𑀘𑀯𑀕𑁆𑀕𑀩𑀬𑀜𑀸’’𑀢𑀺 𑀢𑀓𑀸𑀭𑀲𑁆𑀲 𑀯𑁄-‘‘𑀯𑀕𑁆𑀕𑀮𑀬𑁂𑀳𑀺 𑀢𑁂’’𑀢𑀺 𑀬𑀲𑁆𑀲 𑀘 𑀘𑀓𑀸𑀭𑁄, 𑀇𑀘𑁆𑀘𑁂𑀯-𑀤𑀼 𑀅𑀗𑁆𑀕𑀺𑀓𑀁, 𑀘𑀺 𑀇𑀢𑁆𑀯𑀸, 𑀅𑀚𑁆𑀚 𑀅𑀕𑁆𑀕𑁂, 𑀧𑀸𑀢𑀼 𑀅𑀳𑁂𑀲𑀼𑀁, 𑀧𑀸 𑀏𑀯, 𑀇𑀥 𑀇𑀚𑁆𑀛𑀢𑀺, 𑀧𑀭𑀺 𑀅𑀦𑁆𑀢𑀁, 𑀅𑀢𑁆𑀢 𑀅𑀢𑁆𑀣𑀫𑀺𑀢𑀺𑀥-‘‘𑀫𑀬𑀤𑀸𑀲𑀭𑁂’’𑀢𑀺 𑀯𑀢𑁆𑀢𑀢𑁂.

𑀯𑀢𑀢𑀭𑀕𑀸 𑀘𑀸𑀕𑀫𑀸.

𑀏𑀢𑁂 𑀫𑀬𑀤𑀸 𑀯𑀸𑀕𑀫𑀸 𑀳𑁄𑀦𑁆𑀢𑀺 𑀯𑀸 𑀲𑀭𑁂 𑀓𑁆𑀯𑀘𑀺,-𑀆𑀕𑀫𑀺𑀦𑁄 𑀅𑀦𑀺𑀬𑀫𑁂𑀧𑀺 𑀲𑀭𑁄𑀬𑁂𑀯𑀸𑀕𑀫𑀻 𑀳𑁄𑀢𑀺 𑀯𑀦𑀸𑀤𑀺𑀦𑀦𑁆𑀢𑀼 𑀜𑀸𑀧𑀓𑀸-𑀅𑀜𑁆𑀜𑀣𑀸𑀳𑀺 𑀧𑀤𑀸𑀤𑀻𑀦𑀁 𑀬𑀼𑀓𑁆𑀯𑀻𑀥𑀸𑀦 𑀫𑀦𑀢𑁆𑀣𑀓𑀁-𑀤𑀼𑀯𑀗𑁆𑀕𑀺𑀓𑀁, 𑀘𑀺𑀦𑀺𑀢𑁆𑀯𑀸, 𑀅𑀚𑁆𑀚𑀢𑀕𑁆𑀕𑁂, 𑀧𑀸𑀢𑀼𑀭𑀳𑁂𑀲𑀼𑀁, -‘‘𑀩𑁆𑀬𑀜𑁆𑀚𑀦𑁂𑀤𑀻𑀖𑀭𑀲𑁆𑀲𑀸’’𑀢𑀺 𑀭𑀲𑁆𑀲𑁂-𑀧𑀕𑁂𑀯, 𑀇𑀥𑀫𑀺𑀚𑁆𑀛𑀢𑀺, 𑀧𑀭𑀺𑀬𑀦𑁆𑀢𑀁, 𑀅𑀢𑁆𑀢𑀤𑀢𑁆𑀣𑀁-𑀯𑀸𑀢𑁆𑀯𑁂𑀯-𑀅𑀢𑁆𑀢𑀢𑁆𑀣𑀁.

𑀙 𑀅𑀪𑀺𑀜𑁆𑀜𑀸, 𑀙 𑀅𑀪𑀺𑀜𑁆𑀜𑀸,’𑀢𑀻𑀥-𑀯𑀸 𑀲𑀭𑁂 𑀆𑀕𑀫𑁄’𑀢𑀺 𑀘 𑀯𑀢𑁆𑀢𑀢𑁂.

𑀙𑀸 𑀴𑁄.

𑀙 𑀲𑀤𑁆𑀤𑀸 𑀧𑀭𑀲𑁆𑀲 𑀲𑀭𑀲𑁆𑀲 𑀴𑀓𑀸𑀭𑁄 𑀆𑀕𑀫𑁄 𑀳𑁄𑀢𑀺 𑀯𑀸-𑀙𑀴𑀪𑀺𑀜𑁆𑀜𑀸, 𑀙𑀅𑀪𑀺𑀜𑁆𑀜𑀸.

𑀲𑀭𑀲𑀦𑁆𑀥𑀺.

𑀓𑀜𑁆𑀜𑀸 𑀇𑀯-𑀓𑀜𑁆𑀜𑀸 𑀇𑀯𑀸 𑀢𑀻𑀥-𑀧𑀼𑀩𑁆𑀩𑀧𑀭𑀲𑀭𑀸𑀦𑀁 𑀮𑁄𑀧𑁂 𑀲𑀫𑁆𑀧𑀢𑁆𑀢𑁂-𑀲𑀭𑁄 𑀧𑀭𑁄𑀢𑀺 𑀘 𑀯𑀢𑁆𑀢𑀢𑁂.

𑀦𑀤𑁆𑀯𑁂𑀯𑀸.

𑀧𑀼𑀩𑁆𑀩𑀧𑀭𑀲𑀭𑀸 𑀤𑁆𑀯𑁂𑀧𑀺 𑀯𑀸 𑀓𑁆𑀯𑀘𑀺 𑀦 𑀮𑀼𑀧𑁆𑀬𑀦𑁆𑀢𑁂-𑀓𑀜𑁆𑀜𑀸𑀇𑀯, 𑀓𑀜𑁆𑀜𑁂𑀯, 𑀓𑀜𑁆𑀜𑀸𑀯.

𑀲𑀭𑀲𑀦𑁆𑀥𑀺 𑀦𑀺𑀲𑁂𑀥𑁄.

𑀢𑀢𑁆𑀭 𑀅𑀪𑀺𑀭𑀢𑀺, 𑀔𑀦𑁆𑀢𑀺 𑀧𑀭𑀫𑀁, 𑀲𑀫𑁆𑀫𑀸 𑀅𑀓𑁆𑀔𑀸𑀢𑁄’𑀢𑀻𑀥-

𑀩𑁆𑀬𑀜𑁆𑀙𑀦𑁂 𑀤𑀻𑀖𑀭𑀲𑁆𑀲𑀸.

𑀭𑀲𑁆𑀲𑀤𑀻𑀖𑀸𑀦𑀁 𑀓𑁆𑀯𑀘𑀺 𑀤𑀻𑀖𑀭𑀲𑁆𑀲𑀸 𑀳𑁄𑀦𑁆𑀢𑀺 𑀩𑁆𑀬𑀜𑁆𑀚𑀦𑁂-𑀢𑀢𑁆𑀭𑀸𑀪𑀺𑀭𑀢𑀺, 𑀔𑀦𑁆𑀢𑀻𑀧𑀭𑀫𑀁,’ 𑀲𑀫𑁆𑀫𑀤𑀓𑁆𑀔𑀸𑀢𑁄’ 𑀢𑀺𑀤𑀸𑀕𑀫𑁂 𑀭𑀲𑁆𑀲𑁄-𑀓𑁆𑀯𑀘𑀻𑀢𑁆𑀯𑁂𑀘-𑀢𑁆𑀬𑀚𑁆𑀚-𑀓𑀣𑀁 𑀬𑀸𑀦𑀺𑀯 𑀅𑀦𑁆𑀢𑀮𑀺𑀓𑁆𑀔𑁂’𑀢𑀺 -𑀤𑀻𑀖𑀭𑀲𑁆𑀲𑀸𑀢𑀺 𑀬𑁄𑀕𑀯𑀺𑀪𑀸𑀕𑀸.

𑀘𑀺 𑀕𑀳𑁄, 𑀢𑀢𑀺𑀬 𑀛𑀸𑀦𑀁. 𑀯𑀺 𑀔𑁄𑀧𑁄, 𑀇𑀢𑀺𑀥-𑀩𑁆𑀬𑀜𑁆𑀚𑀦𑁂’𑀢𑀺 𑀯𑀢𑁆𑀢𑀢𑁂.

𑀲𑀭𑀫𑁆𑀳𑀸 𑀤𑁆𑀯𑁂.

𑀲𑀭𑀫𑁆𑀳𑀸 𑀧𑀭𑀲𑁆𑀲 𑀩𑁆𑀬𑀜𑁆𑀚𑀦𑀲𑁆𑀲 𑀓𑁆𑀯𑀘𑀺 𑀤𑁆𑀯𑁂𑀭𑀽𑀧𑀸𑀦𑀺 𑀳𑁄𑀦𑁆𑀢𑀺-𑀯𑀺𑀕𑁆𑀕𑀳𑁄.

𑀘𑀢𑀼𑀢𑁆𑀣 |𑀑𑁦.𑁦𑁦𑁦𑁫| 𑀤𑀼𑀢𑀺𑀬𑁂𑀲𑁆𑀯𑁂𑀲𑀁 𑀢𑀢𑀺𑀬 𑀧𑀞𑀫𑀸.

𑀘𑀢𑀼𑀢𑁆𑀣𑀤𑀼𑀢𑀺𑀬𑁂𑀲𑀼 𑀧𑀭𑁂𑀲𑁆𑀯𑁂𑀲𑀁 𑀘𑀢𑀼𑀢𑁆𑀣𑀤𑀼𑀢𑀺𑀬𑀸𑀦𑀁 𑀢𑀩𑁆𑀩𑀕𑁆𑀕𑁂 𑀢𑀢𑀺𑀬 𑀧𑀞𑀫𑀸 𑀳𑁄𑀦𑁆𑀢𑀺 𑀧𑀘𑁆𑀘𑀸𑀲𑀢𑁆𑀬𑀸𑀢𑀺 𑀧𑀼𑀩𑁆𑀩𑀛𑀓𑀸𑀭𑀔𑀓𑀸𑀭𑀸𑀦𑀁 𑀚𑀓𑀸𑀭𑀓𑀓𑀭𑀸-𑀢𑀢𑀺𑀬𑀚𑁆𑀛𑀸𑀦𑀁, 𑀯𑀺𑀓𑁆𑀔𑁂𑀧𑁄-𑀲𑀭𑀫𑁆𑀳𑀸’𑀢𑀺𑀓𑀺𑀁?-𑀢𑀁 𑀯𑀦𑀁. 𑀅𑀓𑀭𑀫𑁆𑀪𑀲𑁂𑀢𑁂, 𑀅𑀓𑀭𑀫𑁆𑀪𑀲𑁂𑀢𑁂, 𑀏𑀲𑁄 𑀅𑀢𑁆𑀣𑁄, 𑀏𑀲𑁄 𑀅𑀢𑁆𑀣𑁄, 𑀇𑀢𑀺𑀥-𑀘𑁂’𑀢𑀺𑀯𑀢𑁆𑀢𑀢𑁂.

𑀏 𑀑 𑀦 𑀫 𑀯𑀡𑁆𑀡𑁂.

𑀏 𑀑 𑀦𑀁 𑀯𑀡𑁆𑀡𑁂 𑀓𑁆𑀯𑀘𑀺 𑀅 𑀳𑁄𑀢𑀺 𑀯𑀸-𑀅𑀓𑀭𑀫𑁆𑀪𑀲𑀦𑁂, 𑀅𑀓𑀭𑀫𑁆𑀳 𑀲𑁂𑀢𑁂-𑀏𑀲𑀅𑀢𑁆𑀣𑁄, 𑀏𑀲𑁄𑀅𑀢𑁆𑀣𑁄-𑀯𑀡𑁆𑀡𑁂𑀢𑀺𑀓𑀺𑀁?-𑀲𑁄.

𑀲𑀭𑀩𑁆𑀬𑀜𑁆𑀚𑀦𑀲𑀦𑁆𑀥𑀺.

𑀅𑀢 𑀬𑀦𑁆𑀢𑀁. 𑀢𑀣 𑀬𑀁. 𑀫𑀤 𑀬𑀁, 𑀩𑀼𑀥𑀺 𑀬𑀢𑀺, 𑀥𑀦 𑀬𑀁. 𑀲𑁂𑀯 𑀬𑁄, 𑀧𑀬𑁂𑀲𑀦𑀸, 𑀧𑁄𑀓𑁆𑀔𑀭𑀡 𑀬𑁄, 𑀇𑀢𑀺𑀥-

𑀢𑀯𑀕𑁆𑀕𑀯𑀭𑀡𑀦𑀁𑀬𑁂 𑀘𑀯𑀕𑁆𑀕𑀔𑀬𑀜𑀸.

𑀢𑀯𑀕𑁆𑀕𑀯𑀭𑀡𑀦𑀁 𑀘𑀯𑀕𑁆𑀕𑀩𑀬𑀜𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁 𑀬𑀓𑀸𑀭𑁂, ‘‘𑀯𑀕𑁆𑀕𑀮𑀲𑁂𑀳𑀺 𑀢𑁂’’𑀢𑀺 𑀯𑀕𑁆𑀕𑀸 𑀧𑀭𑀲𑁆𑀲 𑀬𑀲𑁆𑀲 𑀧𑀼𑀩𑁆𑀩𑀭𑀽𑀧𑀁-𑀅𑀘𑁆𑀘𑀦𑁆𑀢𑀁. 𑀢𑀘𑁆𑀙𑀁, 𑀫𑀚𑁆𑀚𑀁, 𑀩𑀼𑀚𑁆𑀛𑀢𑀺, 𑀥𑀜𑁆𑀜𑀁, 𑀲𑁂𑀩𑁆𑀩𑁄, 𑀧𑀬𑁆𑀬𑁂𑀲𑀦𑀸, 𑀧𑁄𑀓𑁆𑀔𑀭𑀜𑁆𑀜𑁄-𑀓𑁆𑀯𑀘𑀻𑀢𑁆𑀯𑁂𑀘, 𑀫𑀢𑁆𑀬𑀸-𑀬𑁂𑀢𑀺 𑀯𑀢𑁆𑀢𑀢𑁂 𑀯𑀓𑁆𑀔𑀫𑀸𑀦𑁂𑀲𑀼 𑀢𑀻𑀲𑀼. 𑀲𑀓 𑀬𑀢𑁂, 𑀭𑀼𑀘 𑀬𑀢𑁂, 𑀧𑀝𑁆𑀬𑀢𑁂, 𑀮𑀼𑀧𑁆𑀬𑀢𑁂, 𑀲𑀮𑁆𑀬𑀢𑁂, 𑀤𑀺𑀲𑁆𑀬𑀢𑁂’𑀢𑀻𑀥.

𑀯𑀕𑁆𑀕𑀮𑀲𑁂𑀳𑀺 𑀢𑁂

𑀯𑀕𑁆𑀕𑀮𑀲𑁂𑀳𑀺 𑀧𑀭𑀲𑁆𑀲 𑀬𑀓𑀸𑀭𑀲𑁆𑀲 𑀓𑁆𑀯𑀘𑀺 𑀢𑁂 𑀯𑀕𑁆𑀕𑀮𑀲𑀸 𑀳𑁄𑀦𑁆𑀢𑀺.

𑀲𑀓𑁆𑀓𑀢𑁂, 𑀭𑀼𑀘𑁆𑀘𑀢𑁂,𑀧𑀝𑁆𑀝𑀢𑁂, 𑀮𑀼𑀧𑁆𑀧𑀢𑁂, 𑀲𑀮𑁆𑀮𑀢𑁂, 𑀤𑀺𑀲𑁆𑀲𑀢𑁂. 𑀓𑁆𑀯𑀘𑀺𑀢𑁆𑀯𑁂𑀯-𑀓𑁆𑀬𑀸𑀳𑀁-𑀫𑀼𑀳 = 𑀬𑀢𑀻’𑀢𑀻𑀥-

𑀳𑀲𑁆𑀲 𑀯𑀺𑀧𑀮𑁆𑀮𑀸𑀲𑁄

𑀳𑀲𑁆𑀲 𑀯𑀺𑀧𑀮𑁆𑀮𑀸𑀲𑁄 𑀳𑁄𑀢𑀺 𑀬𑀓𑀸𑀭𑁄-𑀫𑀼𑀬𑁆𑀳𑀢𑀺,

𑀩𑀳𑀼𑀆𑀩𑀸𑀥𑁄, 𑀩𑀳𑀼 𑀆𑀩𑀸𑀥𑁄’𑀢𑀻𑀥-𑀉𑀲𑁆𑀲𑀯𑀓𑀸𑀭𑁂 ‘‘𑀳𑀲𑁆𑀲 𑀯𑀺𑀧𑀮𑁆𑀮𑀸𑀲𑁄’’𑀢𑀺 𑀯𑀢𑁆𑀢𑀢𑁂.

𑀯𑁂𑀯𑀸.

𑀳𑀲𑁆𑀲 𑀯𑀺𑀧𑀮𑁆𑀮𑀸𑀲𑁄 𑀳𑁄𑀢𑀺𑀯𑀸 𑀯𑀓𑀸𑀭𑁂-𑀩𑀯𑁆𑀳𑀸𑀩𑀸𑀥𑁄, 𑀩𑀳𑁆𑀯𑀸𑀩𑀸𑀥𑁄.

𑀩𑁆𑀬𑀜𑁆𑀚𑀦 𑀲𑀦𑁆𑀥𑀺.

𑀅𑀓𑁆𑀔𑀺𑀭𑀼𑀚𑀢𑀺. 𑀅𑀓𑁆𑀔𑀺𑀭𑀼𑀚𑀢𑀻’𑀢𑀻𑀥-𑀯𑁂𑀢𑀺 𑀯𑀢𑁆𑀢𑀢𑁂 𑀬𑀸𑀯‘‘𑀫𑀬𑀤𑀸𑀲𑀭𑁂’’𑀢𑀺.

𑀦𑀺𑀕𑁆𑀕𑀳𑀺𑀢𑀁.

𑀦𑀺𑀕𑁆𑀕𑀳𑀻𑀢𑀫𑀸𑀕𑀫𑁄 𑀳𑁄𑀢𑀺𑀯𑀸 𑀓𑁆𑀯𑀘𑀺 = 𑀞𑀸𑀦𑀻𑀦𑀫𑀸𑀮𑀺𑀗𑁆𑀕𑀺𑀬 𑀕𑀘𑁆𑀙𑀢𑀺 𑀧𑀯𑀢𑁆𑀢𑀢𑀻’𑀢𑀺 𑀆𑀕𑀫𑁄-𑀅𑀓𑁆𑀔𑀺𑀁 𑀭𑀼𑀚𑀢𑀺,𑀅𑀓𑁆𑀔𑀺 𑀭𑀼𑀚𑀢𑀺-‘‘𑀬𑀸𑀯𑀤𑁆𑀯𑀺𑀥𑀸’’𑀢𑀺 𑀆𑀤𑁄 𑀦𑀺𑀘𑁆𑀘𑀁 𑀯𑀯𑀢𑁆𑀣𑀺𑀢 𑀯𑀺𑀪𑀸𑀲𑀢𑁆𑀢𑀸 𑀯𑀸𑀥𑀺𑀓𑀸𑀭𑀲𑁆𑀲-𑀯𑀸𑀲𑀤𑁆𑀤𑁄 𑀳𑀺 𑀅𑀢𑁆𑀣𑀯𑀬𑁂 𑀯𑀢𑁆𑀢𑀢𑁂 𑀓𑀢𑁆𑀣𑀘𑀺 𑀯𑀺𑀓𑀧𑁆𑀧𑁂 𑀓𑀢𑁆𑀣𑀘𑀺 𑀬𑀣𑀸𑀯𑀯𑀢𑁆𑀣𑀺𑀢𑀭𑀽𑀧 𑀧𑀭𑀺𑀕𑁆𑀕𑀳𑁂𑀢𑀺-𑀬𑀤𑀸 𑀧𑀘𑁆𑀙𑀺𑀫𑁂 𑀢𑀤𑀸 𑀦𑀘𑁆𑀘𑀫𑀦𑀺𑀘𑁆𑀘𑀫𑀲𑀦𑁆𑀢𑀜𑁆𑀘 𑀯𑀺𑀥𑀺𑀁 𑀤𑀻𑀧𑁂𑀢𑀺-𑀏𑀢𑁆𑀣 𑀧𑀦 𑀓𑁆𑀯 𑀘𑀺𑀲𑀤𑁆𑀤𑀲𑁆𑀲𑀸𑀦𑀼 |𑀑𑁦.𑁦𑁦𑁦𑁬| 𑀯𑀢𑁆𑀢𑀦𑀢𑁄 𑀢𑁂𑀦𑁂𑀯𑀸𑀲𑀦𑁆𑀢𑀯𑀺𑀥𑀺 𑀲𑀺𑀤𑁆𑀥𑁄’𑀢𑀺 𑀯𑀸𑀲𑀤𑁆𑀤𑁂 𑀦𑀺𑀢𑀭𑀤𑁆𑀯𑀬𑀁-𑀲𑀁 𑀭𑀫𑁆𑀳𑁄, 𑀲𑀁𑀭𑀫𑁆𑀳𑁄, 𑀧𑀼𑀁 𑀮𑀺𑀗𑁆𑀕𑀁,𑀧𑀼𑀁 𑀮𑀺𑀗𑁆𑀕𑀫𑀺𑀢𑀻𑀥-𑀦𑀺𑀕𑁆𑀕𑀳𑀻𑀢𑀸𑀥𑀺𑀓𑀸𑀭𑁄 𑀆 ‘‘𑀫𑀬𑀤𑀸 𑀲𑀭𑁂𑀢𑀺’’.

𑀮𑁄𑀧𑁄.

𑀦𑀺𑀕𑁆𑀕𑀳𑀻𑀢𑀲𑁆𑀲 𑀮𑁄𑀧𑁄 𑀳𑁄𑀢𑀺 𑀯𑀸 𑀓𑁆𑀯𑀘𑀺-𑀤𑀻𑀖𑀤𑀺𑀢𑁆𑀢𑀸𑀦𑀺, 𑀲𑀸𑀭𑀫𑁆𑀳𑁄, 𑀲𑀸𑀭𑀫𑁆𑀳𑁄-𑀧𑀼𑀮𑁆𑀮𑀺𑀗𑁆𑀕𑀁, 𑀧𑀼𑀁𑀮𑀺𑀗𑁆𑀕𑀁-𑀧𑀝𑀺𑀲𑀮𑁆𑀮𑀸𑀡𑁂 𑀧𑀸𑀢𑀼𑀓𑀸𑀫𑁄’𑀢𑀺𑀆𑀤𑀺𑀲𑀼 𑀦𑀺𑀘𑁆𑀘𑀁-𑀧𑀼𑀧𑁆𑀨𑀁 𑀅𑀲𑁆𑀲𑀸, 𑀧𑀼𑀧𑁆𑀨𑀁 𑀅𑀲𑁆𑀲𑀸, 𑀓𑀺𑀁 𑀇𑀢𑀺, 𑀓𑀺𑀁 𑀇𑀢𑀻’𑀢𑀻𑀥-

𑀧𑀭𑀲𑀭𑀲𑁆𑀲.

𑀦𑀺𑀕𑁆𑀕𑀳𑀻𑀢𑀫𑁆𑀳𑀸 𑀧𑀭𑀲𑁆𑀲 𑀲𑀭𑀲𑁆𑀲 𑀮𑁄𑀧𑁄 𑀳𑁄𑀢𑀺 𑀯𑀸 𑀓𑁆𑀯𑀘𑀺.

𑀲𑀁𑀬𑁄𑀕𑀸𑀤𑀺 𑀮𑁄𑀧𑁄.

𑀅𑀦𑀦𑁆𑀢𑀭𑀸 𑀩𑁆𑀬𑀜𑁆𑀚𑀦𑀸 𑀲𑀁𑀬𑁄𑀕𑁄-𑀅𑀢𑁆𑀭 𑀬𑁄 𑀆𑀤𑀪𑀼𑀢𑀸𑀯𑀬𑀯𑁄 𑀢𑀲𑁆𑀲 𑀯𑀸 𑀓𑁆𑀯𑀘𑀺 𑀮𑁄𑀧𑁄 𑀳𑁄𑀢𑀻’𑀢𑀺 𑀲𑀲𑁆𑀲𑀸𑀤𑀺𑀲𑁆𑀲 𑀮𑁄𑀧𑁄-𑀧𑀼𑀧𑁆𑀨𑀁𑀲𑀸, ‘‘𑀫𑀬𑀤𑀸 𑀲𑀭𑁂’’𑀢𑀺 𑀦𑀺𑀕𑁆𑀕𑀳𑀻𑀢𑀲𑁆𑀲 𑀫𑀓𑀸𑀭𑁄-𑀧𑀼𑀧𑁆𑀨𑀫𑀲𑁆𑀲𑀸, ‘‘𑀯𑀕𑁆𑀕𑁂 𑀯𑀕𑁆𑀕’𑀦𑁆𑀢𑁄’’𑀢𑀺 𑀦𑁄 𑀦𑀕𑁆𑀕𑀳𑀻𑀢𑀲𑁆𑀲-𑀓𑀺𑀦𑁆𑀢𑀺, 𑀓𑀺𑀫𑀺𑀢𑀺.

𑀢𑀁 𑀔 𑀡𑀁, 𑀢𑀁 𑀔𑀡𑀁, 𑀥𑀫𑁆𑀫𑀁 𑀘𑀭𑁂, 𑀥𑀫𑁆𑀫𑀁 𑀘𑀭𑁂, 𑀢𑀁 𑀟𑀳𑀢𑀺, 𑀢𑀁 𑀟𑀳𑀢𑀺, 𑀢𑀁 𑀤𑀸𑀦𑀁, 𑀢𑀁 𑀤𑀸𑀦𑀁, 𑀢𑀁 𑀨𑀮𑀁, 𑀢𑀁 𑀏𑀮𑀫𑀺𑀢𑀻𑀥-

𑀯𑀕𑁆𑀕𑁂 𑀯𑀕𑁆𑀕𑀦𑁆𑀢𑁄.

𑀦𑀕𑁆𑀕𑀳𑀻𑀢𑀲𑁆𑀲 𑀔𑁄 𑀯𑀕𑁆𑀕𑁂 𑀯𑀕𑁆𑀕𑀦𑁆𑀢𑁄 𑀯𑀸 𑀳𑁄𑀢𑀺 𑀧𑀘𑁆𑀘𑀸𑀲𑀢𑁆𑀬𑀸-𑀢𑀗𑁆𑀓𑀡𑀁,𑀢𑀁𑀔𑀡𑀁-𑀥𑀫𑁆𑀫𑀜𑁆𑀘𑀭𑁂, 𑀥𑀫𑁆𑀫𑀁𑀘𑀭𑁂-𑀢𑀡𑁆𑀟𑀳𑀢𑀺, 𑀢𑀁𑀟𑀳𑀢𑀺-𑀢𑀦𑁆𑀤𑀸𑀦𑀁, 𑀢𑀁𑀤𑀸𑀦𑀁-𑀢𑀫𑁆𑀨𑀮𑀁, 𑀢𑀁𑀨𑀮𑀁-𑀕𑀦𑁆𑀢𑁆𑀯𑀸 𑀲𑀫𑁆𑀫𑀢𑁄𑀢𑀺’𑀆𑀤𑀺𑀲𑀼 𑀦𑀺𑀘𑁆𑀘𑀁-𑀆𑀦𑀦𑁆𑀢𑀭𑀺𑀓𑀁 𑀬𑀫𑀸𑀳𑀼, 𑀆𑀦𑀦𑁆𑀢𑀭𑀺𑀓𑀁 𑀬𑀫𑀸𑀳𑀼, 𑀧𑀘𑁆𑀘𑀢𑁆𑀢𑀁 𑀏𑀯, 𑀧𑀘𑁆𑀘𑀢𑁆𑀢𑀁 𑀏𑀯, 𑀢𑀜𑁆𑀳𑀺. 𑀢𑀜𑁆𑀳𑀺, 𑀇𑀢𑀺𑀥-

𑀬𑁂𑀯𑀳𑀺𑀲𑀼𑀜𑁆𑀜𑁄.

𑀬𑀏𑀯𑀳𑀺𑀲𑀤𑁆𑀤𑁂𑀲𑀼 𑀦𑀺𑀕𑁆𑀕𑀳𑀻𑀢𑀲𑁆𑀲𑀜𑁄 𑀯𑀸 𑀳𑁄𑀢𑀺-‘‘𑀯𑀕𑁆𑀕𑀮𑀲𑁂𑀳𑀺 𑀢𑁂’𑀢𑀺 𑀬𑀲𑁆𑀲 𑀜𑀓𑀸𑀭𑁂-𑀆𑀦𑀦𑁆𑀢𑀭𑀺𑀓𑀜𑁆𑀜 𑀫𑀸𑀳𑀼. 𑀆𑀦𑀦𑁆𑀢𑀭𑀺𑀓𑀁 𑀬𑀫𑀸𑀳𑀼, 𑀜𑀲𑁆𑀲 𑀤𑁆𑀯𑀺𑀢𑁆𑀢𑁂-𑀧𑀘𑁆𑀘𑀢𑁆𑀢𑀜𑁆𑀜𑁂𑀯, 𑀧𑀘𑁆𑀘𑀢𑁆𑀢𑀁𑀏𑀯-𑀢𑀜𑁆𑀳𑀺, 𑀢𑀁𑀳𑀻-𑀏𑀯 𑀲𑀤𑁆𑀤𑀲𑀳𑀘𑀭𑀺𑀬𑀸𑀬𑁂𑀢𑀺 𑀬𑀲𑀤𑁆𑀤𑀲𑁆𑀲𑁂𑀯 𑀕𑀳𑀡𑀁-𑀲𑀁𑀬𑀢𑁄, 𑀲𑀁𑀬𑀢𑁄’𑀢𑀻𑀥

𑀬𑁂 𑀲𑀁𑀲𑁆𑀲

𑀲𑀁𑀲𑀤𑁆𑀤𑀲𑁆𑀲 𑀬𑀁 𑀦𑀺𑀕𑁆𑀕𑀳𑀻𑀢𑀁 𑀢𑀲𑁆𑀲 𑀯𑀸 𑀜𑁄 𑀳𑁄𑀢𑀺 𑀬𑀓𑀸𑀭𑁂-

𑀲𑀜𑁆𑀜𑀢𑁄, 𑀲𑀁𑀬𑀢𑁄-𑀇𑀥𑀬𑀓𑀸𑀭𑀫𑀢𑁆𑀢𑁄𑀯 𑀕𑀬𑁆𑀳𑀢𑁂 𑀧𑀼𑀦𑀩𑁆𑀩𑀘𑀦𑀸.

𑀢𑀁 𑀏𑀯, 𑀢𑀁 𑀏𑀯, 𑀢𑀁 𑀇𑀤𑀁, 𑀢𑀁 𑀇𑀤𑀁, 𑀢𑀁 𑀇𑀫𑀺𑀦𑀸, 𑀢𑀁 𑀇𑀫𑀺𑀦𑀸𑀢𑀻𑀥-

𑀫𑀬𑀤𑀸𑀲𑀭𑁂.

𑀦𑀺𑀕𑁆𑀕𑀳𑀻𑀢𑀲𑁆𑀲 𑀫𑀬𑀤𑀸 𑀳𑁄𑀦𑁆𑀢𑀺 𑀯𑀸 𑀲𑀭𑁂 𑀓𑁆𑀯𑀘𑀺-𑀢𑀫𑁂𑀯, 𑀢𑀁𑀏𑀯-𑀢𑀬𑀺𑀤𑀁’ 𑀢𑀁𑀇𑀤𑀁-𑀢𑀤𑀫𑀺𑀦𑀸, 𑀢𑀁 𑀇𑀫𑀺𑀦𑀸 𑀏𑀢𑁆𑀣-‘‘𑀢𑀤𑀫𑀺𑀦𑀸𑀤𑀻𑀦𑀻’’𑀢𑀺𑀦𑀺𑀧𑀸𑀢𑀦𑀸 𑀇𑀓𑀸𑀭𑀲𑁆𑀲 𑀅𑀓𑀸𑀭𑁄-𑀮𑀓𑁆𑀔𑀡𑀦𑁆𑀢𑀭𑁂𑀦𑀸𑀯𑀺𑀳𑀺𑀢𑀸𑀤𑁂𑀲𑀮𑁄𑀧𑀸𑀕𑀫𑀯𑀺𑀧𑀮𑁆𑀮𑀸𑀲𑀸 𑀲𑀩𑁆𑀩𑀢𑁆𑀣 𑀇𑀫𑀺𑀦𑀸𑀯 𑀤𑀝𑁆𑀞𑀩𑁆𑀩𑀸-𑀢𑁂𑀦 𑀦𑀺𑀚𑀓𑁄. 𑀦𑀺𑀬𑀓𑁄,’𑀢𑀺𑀆𑀤𑀺 𑀲𑀺𑀤𑁆𑀥𑀁-𑀩𑀼𑀤𑁆𑀥𑀫 𑀲𑀭𑀡𑀫𑀺𑀘𑁆𑀘𑀸𑀤𑀺𑀲𑀼 𑀬𑁄𑀕𑀯𑀺𑀪𑀸𑀕𑀸.

𑀦𑀺𑀕𑁆𑀕𑀳𑀺𑀢 𑀲𑀦𑁆𑀥𑀺.

𑀅𑀣 |𑀑𑁦.𑁦𑁦𑁦𑁭| 𑀦𑀸𑀫𑀸𑀦𑀺 𑀯𑀼𑀘𑁆𑀘𑀦𑁆𑀢𑁂.

𑀢𑀸𑀦𑀺 𑀯𑀺𑀯𑀺𑀥𑀸𑀦𑀺 𑀲𑀮𑀺𑀕𑀸𑀮𑀺𑀕𑀯𑀲𑁂𑀦-𑀢𑀢𑁆𑀣 𑀲𑀮𑀺𑀕𑁂𑀬𑀼 𑀢𑀸𑀯 𑀅𑀓𑀸𑀭𑀦𑁆𑀢𑀢𑁄 𑀧𑀼𑀮𑁆𑀮𑀺𑀗𑁆𑀕𑀸 𑀩𑀼𑀤𑁆𑀥𑀲𑀤𑁆𑀤𑀸 𑀲𑀢𑁆𑀢𑀯𑀺𑀪𑀢𑁆𑀢𑀺𑀬𑁄 𑀧𑀭𑀸 𑀬𑁄𑀚𑀻𑀬𑀦𑁆𑀢𑁄-𑀩𑀼𑀤𑁆𑀥 𑀇𑀢𑀺 𑀞𑀺𑀢𑁂.

𑀤𑁆𑀯𑁂 𑀤𑁆𑀯𑁂 𑀓𑀸𑀦𑁂𑀓𑁂𑀲𑀼 𑀦𑀸𑀫𑀲𑁆𑀫𑀸 𑀲𑀺𑀬𑁄 𑀅𑀁𑀬𑁄 𑀦𑀸𑀳𑀺 𑀬𑀦𑀁 𑀲𑁆𑀫𑀸𑀲𑀦𑀁 𑀲𑁆𑀫𑀺𑀁𑀲𑀼

𑀏𑀢𑁂𑀲𑀁 𑀤𑁆𑀯𑁂𑀤𑁆𑀯𑁂 𑀳𑁄𑀦𑁆𑀢𑀺 𑀏𑀓𑀸𑀦𑁂𑀓𑀢𑁆𑀣𑁂𑀲𑀼 𑀯𑀢𑁆𑀢𑀫𑀸𑀦𑀢𑁄 𑀦𑀸𑀫 𑀲𑁆𑀫𑀸𑀢𑀺 𑀬𑀣𑀸𑀓𑁆𑀓𑀫𑀁 𑀏𑀓𑀫𑁆𑀳𑀺 𑀘𑀢𑁆𑀢𑀩𑁆𑀩𑁄 𑀏𑀓𑀯𑀘𑀦𑀸𑀦𑀁 𑀩𑀳𑀼𑀫𑁆𑀳𑀺 𑀯𑀢𑁆𑀢𑀩𑁆𑀩𑁂 𑀩𑀳𑀼𑀯𑀘𑀦𑀸𑀦𑀁 𑀘𑀸𑀢𑀺𑀬𑀫𑁂𑀦𑀧𑁆𑀧𑀬𑀗𑁆𑀕𑁂-𑀦𑀸𑀫𑀲𑁆𑀫𑀸’𑀢𑀺𑀅𑀥𑀺𑀓𑀸𑀭𑁄.

𑀧𑀞𑀫𑀸𑀢𑁆𑀣𑀫𑀢𑁆𑀢𑁂

𑀲𑀓𑀢𑁆𑀣𑀤𑀩𑁆𑀩𑀮𑀺𑀗𑁆𑀕𑀸𑀦𑀺 𑀲𑀗𑁆𑀔𑁆𑀬𑀸𑀓𑀫𑁆𑀫𑀸𑀤𑀺𑀧𑀜𑁆𑀘𑀓𑀁

𑀦𑀸𑀫𑀢𑁆𑀣𑁄 𑀢𑀲𑁆𑀲 𑀲𑀸𑀫𑀜𑁆𑀜𑀫𑀢𑁆𑀢𑀫𑀢𑁆𑀢𑀁 𑀧𑀯𑀼𑀘𑁆𑀘𑀢𑁂.

𑀦𑀸𑀫𑀲𑁆𑀲𑀸𑀪𑀺𑀥𑁂𑀬𑁆𑀬 𑀫𑀢𑁆𑀢𑁂 𑀧𑀞𑀫𑀸𑀯𑀺𑀪𑀢𑁆𑀢𑀺 𑀳𑁄𑀢𑀺’𑀢𑀺 𑀯𑀢𑁆𑀢𑀺𑀘𑁆𑀙𑀸𑀯𑀲𑀸 𑀧𑀞𑀫𑀸𑀬𑁂𑀓𑀯𑀘𑀦𑀩𑀳𑀼𑀯𑀘𑀦𑀸𑀦𑀺.

𑀲𑀺𑀬𑁄𑀇𑀢𑀺 𑀧𑀞𑀫𑀸, 𑀲𑀺𑀲𑁆𑀲𑀺𑀓𑀸𑀭𑀲𑁆𑀲𑀸𑀦𑀼𑀩𑀦𑁆𑀥𑀢𑁆𑀢𑀧𑁆𑀧𑁂𑀬𑁄𑀕𑁄-𑀧𑀬𑁄𑀚𑀦𑀁‘‘𑀓𑀺 𑀫𑀁 𑀲𑀻𑀲𑀽’’𑀢𑀺 𑀲𑀗𑁆𑀓𑁂𑀢𑁄-𑀢𑀣𑀸 𑀅𑀁 𑀯𑀘𑀦𑀲𑁆𑀲𑀓𑀸𑀭𑀲𑁆𑀲-𑀲𑀺-𑀅𑀢𑁄’𑀢𑀺 𑀯𑀢𑁆𑀢𑀢𑁂-𑀢𑀲𑁆𑀲 𑀦𑀸𑀫𑀯𑀺𑀲𑁂𑀲𑀦𑀢𑁆𑀢𑀸 ‘‘𑀯𑀺𑀥𑀺𑀩𑁆𑀩𑀺𑀲𑁂𑀲𑀦𑀦𑁆𑀢𑀲𑁆𑀲𑀸’’𑀢𑀺 𑀢𑀤𑀦𑁆𑀢𑀢𑁄 𑀯𑀺𑀥𑀺.

𑀲𑀺𑀲𑁆𑀲𑁄.

𑀅𑀓𑀸𑀭𑀦𑁆𑀢𑀢𑁄 𑀦𑀸𑀫𑀲𑁆𑀫𑀸 𑀧𑀭𑀲𑁆𑀲 𑀲𑀺𑀲𑁆𑀲 𑀑𑀳𑁄𑀢𑀺-𑀧𑀼𑀩𑁆𑀩𑀲𑀭𑀮𑁄𑀧𑁄 𑀩𑀼𑀤𑁆𑀥𑁄 𑀢𑀺𑀝𑁆𑀞𑀢𑀺-𑀬𑁄.

𑀅𑀢𑁄 𑀬𑁄𑀦𑀁 𑀝𑀸𑀝𑁂.

𑀅𑀓𑀸𑀭𑀦𑁆𑀢𑀢𑁄 𑀦𑀸𑀫𑀲𑁆𑀫𑀸 𑀧𑀭𑁂𑀲𑀁 𑀧𑀞𑀫𑀸𑀤𑀼𑀢𑀺𑀬𑀸𑀬𑁄𑀦𑀁 𑀝𑀸𑀝𑁂 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁-𑀝𑀓𑀸𑀭𑀸𑀦𑀼𑀩𑀦𑁆𑀥𑀢𑁆𑀢𑀸‘‘𑀝𑀦𑀼𑀩𑀦𑁆𑀥𑀸𑀦𑁂𑀓𑀯𑀡𑁆𑀡𑀸 𑀲𑀩𑁆𑀩𑀲𑁆𑀲𑀸’’𑀢𑀺 𑀲𑀩𑁆𑀩𑀸𑀤𑁂𑀲𑁄-𑀩𑀼𑀤𑁆𑀥𑀸 𑀢𑀺𑀝𑁆𑀞𑀦𑁆𑀢𑀺. ‘𑀧𑀞𑀫𑀸𑀢𑁆𑀣𑀫𑀢𑁆𑀢𑁂’’𑀢𑀺𑀯𑀢𑁆𑀢𑀢𑁂.

𑀆𑀫𑀦𑁆𑀢𑀡𑁂.

𑀲𑀤𑁆𑀤𑁂𑀦𑀸𑀪𑀺𑀫𑀼𑀔𑀻 𑀓𑀸𑀭𑁄 𑀯𑀺𑀚𑁆𑀚𑀫𑀸𑀦𑀲𑁆𑀲 𑀯𑀢𑁆𑀣𑀼𑀦𑁄

𑀆𑀫𑀦𑁆𑀢𑀡𑀁 𑀯𑀺𑀥𑀸𑀢𑀩𑁆𑀩𑁂 𑀦𑀢𑁆𑀣𑀺 𑀭𑀸𑀚𑀸 𑀪𑀯𑁂𑀢𑀺 𑀢𑀁;

𑀆𑀫𑀦𑁆𑀢𑀡𑀥𑀺𑀓𑁂 𑀅𑀢𑁆𑀣𑀫𑀢𑁆𑀢𑁂 𑀧𑀞𑀫𑀸 𑀯𑀺𑀪𑀢𑁆𑀢𑀺 𑀳𑁄𑀢𑀻’𑀢𑀺 𑀏𑀓𑀲𑁆𑀫𑀺𑀁 𑀏𑀓𑀯𑀘𑀦𑀁 𑀲𑀺.

𑀕𑁄𑀲𑁆𑀬𑀸𑀮𑀧𑀡𑁂.

𑀆𑀮𑀧𑀡𑁂 𑀲𑀺 𑀕𑀲𑀜𑁆𑀜𑁄 𑀳𑁄𑀢𑀺-𑀮𑁄𑀧𑁄’𑀢𑀺 𑀯𑀢𑁆𑀢𑀢𑁂

𑀕𑀲𑀻𑀦𑀁.

𑀦𑀸𑀫𑀲𑁆𑀫𑀸𑀕𑀲𑀻𑀦𑀁𑀮𑁄𑀧𑁄𑀳𑁄𑀢𑀺-𑀪𑁄𑀩𑀼𑀤𑁆𑀥𑀫𑀁𑀧𑀸𑀮𑀬-𑀕𑁂’𑀢𑀺𑀯𑀢𑁆𑀢𑀢𑁂.

𑀅𑀬𑀼𑀦𑀁 𑀯𑀸 𑀤𑀻𑀖𑁄.

ऐ𑀉 𑀇𑀘𑁆𑀘𑁂𑀲𑀁 𑀯𑀸 𑀤𑀻𑀖𑁄 𑀳𑁄𑀢𑀺 𑀕𑁂𑀧𑀭𑁂 𑀢𑀺𑀮𑀺𑀗𑁆𑀕𑁂’𑀢𑀺𑀤𑀻𑀖𑁄-𑀩𑀼𑀤𑁆𑀥𑀸, 𑀓𑁂𑀘𑀺 𑀤𑀻𑀖𑀁 𑀤𑀽𑀭𑀸𑀮𑀧𑀡𑁂 𑀬𑁂𑀯𑀺𑀘𑁆𑀙𑀦𑁆𑀢𑀺 𑀲𑀫𑀻𑀧𑀸𑀮𑀧𑀡𑁂𑀧𑀺 𑀤𑀲𑁆𑀲𑀢𑁄 𑀢𑀁 𑀦 𑀕𑀳𑁂𑀢𑀩𑁆𑀩𑀁-𑀬𑁄𑀫𑁆𑀳𑀺,-𑀩𑀼𑀤𑁆𑀥𑀸 𑀫𑀁 𑀧𑀸𑀮𑁂𑀣.

𑀓𑀫𑁆𑀫𑁂 |𑀑𑁦.𑁦𑁦𑁦𑁮| 𑀤𑀼𑀢𑀺𑀬𑀸

𑀓𑀢𑁆𑀢𑀼𑀓𑁆𑀭𑀺𑀬𑀸𑀪𑀺𑀲𑀫𑁆𑀩𑀦𑁆𑀥𑀁 𑀓𑀸𑀭𑀓𑀁 𑀓𑀫𑁆𑀫𑀫𑀼𑀘𑁆𑀘𑀢𑁂;

𑀦𑀺𑀩𑁆𑀩𑀢𑁆𑀢𑀺 𑀯𑀺𑀓𑀢𑀺𑀧𑁆𑀧𑀢𑁆𑀢𑀺 𑀪𑁂𑀤𑀸 𑀢𑀁 𑀢𑀺𑀯𑀺𑀥𑀁 𑀪𑀯𑁂.

𑀅𑀲𑁆𑀫𑀺𑀁 𑀤𑀼𑀢𑀺𑀬𑀸 𑀯𑀺𑀪𑀢𑁆𑀢𑀺𑀳𑁄𑀢𑀺-𑀅𑀁𑀬𑁄 𑀇𑀢𑀺 𑀤𑀼𑀢𑀺𑀬𑀸-𑀅𑀁-𑀩𑀼𑀤𑁆𑀥𑀁𑀧𑀡𑀫𑀸𑀫𑀺, 𑀬𑁄𑀲𑁆𑀲𑀝𑁂-𑀩𑀼𑀤𑁆𑀥𑁂.

𑀓𑀢𑁆𑀢𑀼𑀓𑀭𑀡𑁂𑀲𑀼 𑀢𑀢𑀺𑀬𑀸.

𑀓𑁆𑀭𑀺𑀬𑀁 𑀬𑁄 𑀓𑀼𑀭𑀼𑀢𑁂 𑀫𑀼𑀔𑁆𑀬𑁄 𑀲 𑀓𑀢𑁆𑀢𑀸 𑀬𑁄𑀚𑀺𑀢𑁄 𑀦 𑀯𑀸 𑀓𑀭𑀡𑀁 𑀢𑀁 𑀯𑀺𑀲𑁂𑀲𑁂𑀦 𑀬𑀁 𑀓𑁆𑀭𑀺𑀬𑀸𑀲𑀺𑀤𑁆𑀥𑀺𑀳𑁂𑀢𑀼𑀓𑀁.

𑀢𑁂𑀲𑀼 𑀓𑀸𑀭𑀓𑁂𑀲𑀼 𑀢𑀢𑀺𑀬𑀸 𑀯𑀺𑀪𑀢𑁆𑀢𑀺 𑀳𑁄𑀢𑀺-𑀦𑀸𑀪𑀺 𑀇𑀢𑀺 𑀢𑀢𑀺𑀬𑀸-𑀦𑀸-𑀦𑀸𑀲𑁆𑀲𑀸’𑀢𑀺 𑀯𑀢𑁆𑀢𑀢𑁂.

𑀅𑀢𑁂𑀦

𑀅𑀓𑀸𑀭𑀦𑁆𑀢𑀢𑁄 𑀦𑀸𑀫𑀲𑁆𑀫𑀸 𑀧𑀭𑀲𑁆𑀲 𑀦𑀸𑀯𑀘𑀦𑀲𑁆𑀲 𑀏𑀦𑀸𑀤𑁂𑀲𑁄 𑀳𑁄𑀢𑀺-𑀩𑀼𑀤𑁆𑀥𑁂𑀦 𑀤𑁂𑀲𑀺𑀢𑁄 𑀥𑀫𑁆𑀫𑁄-𑀳𑀺-

𑀲𑀼𑀳𑀺𑀲𑁆𑀯𑀲𑁂𑀲.

𑀅𑀓𑀸𑀭𑀦𑁆𑀢𑀲𑁆𑀲 𑀲𑀼𑀳𑀻𑀲𑁆𑀯𑁂𑀳𑁄𑀢𑀺-𑀩𑀼𑀤𑁆𑀥𑁂𑀳𑀺-𑀯𑁂’𑀢𑀺 𑀯𑀢𑁆𑀢𑀢𑁂.

𑀲𑁆𑀫𑀸𑀳𑀺𑀲𑁆𑀫𑀺𑀦𑁆𑀦𑀁 𑀫𑁆𑀳𑀸𑀪𑀻𑀫𑁆𑀳𑀺.

𑀦𑀸𑀫𑀲𑁆𑀫𑀸 𑀧𑀭𑁂𑀲𑀁 𑀲𑁆𑀫𑀸𑀳𑀺𑀲𑁆𑀫𑀺𑀦𑁆𑀦𑀁 𑀫𑁆𑀳𑀸𑀪𑀻𑀫𑁆𑀳𑀺 𑀯𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁-𑀳𑀺𑀲𑁆𑀲 𑀪𑀺𑀬𑀸𑀤𑁂𑀲𑁄-𑀩𑀼𑀤𑁆𑀥𑁂𑀪𑀻, 𑀓𑀭𑀡𑁂-𑀩𑀼𑀤𑁆𑀥𑁂𑀦 𑀮𑁄𑀓𑁄 𑀲𑀼𑀘𑀭𑀢𑀺, 𑀩𑀼𑀤𑁆𑀥𑁂𑀳𑀺, 𑀩𑀼𑀤𑁆𑀥𑁂𑀳𑀺, 𑀯𑀸.

𑀘𑀢𑀼𑀢𑁆𑀣𑀻 𑀲𑀫𑁆𑀧𑀤𑀸𑀦𑁂.

𑀅𑀦𑀼𑀫𑀦𑁆𑀢𑁆𑀯𑀦𑀺𑀭𑀸𑀓𑀢𑁆𑀢𑀼𑀚𑁆𑀛𑁂𑀲𑀓𑀸𑀦𑀁 𑀯𑀲𑀸 𑀢𑀥𑀸;

𑀤𑀤𑀸𑀢𑀺 𑀓𑀫𑁆𑀫𑀦𑀸 𑀬𑀼𑀢𑁆𑀢𑀁 𑀲𑀫𑁆𑀧𑀤𑀸𑀦𑀫𑀼𑀤𑀺𑀭𑀺𑀢𑀁.

𑀢𑀲𑁆𑀫𑀺𑀁 𑀲𑀫𑁆𑀧𑀤𑀸𑀦𑀓𑀸𑀭𑀓𑁂 𑀘𑀢𑀼𑀢𑁆𑀣𑀺 𑀲𑀺𑀬𑀸-𑀲𑀦𑀁 𑀇𑀢𑀺 𑀘𑀢𑀼𑀢𑁆𑀣𑀻-𑀲.