𑀲𑀤𑁆𑀤𑀩𑀺𑀦𑁆𑀤𑀼 |𑀑𑁦.𑁦𑁦𑁦𑁧| 𑀧𑀓𑀭𑀡𑀁

𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲

𑁧. 𑀬𑀲𑁆𑀲𑀜𑁂𑀬𑁆𑀬𑁂𑀲𑀼 𑀥𑀫𑁆𑀫𑁂𑀲𑀼, 𑀦𑀸𑀡𑀼𑀫𑀢𑁆𑀢𑀫𑁆𑀧𑀯𑁂𑀤𑀺𑀢𑀁,

𑀦𑀢𑁆𑀯𑀸𑀲𑀤𑁆𑀥𑀫𑁆𑀫𑀲𑀗𑁆𑀖𑀁𑀢𑀁, 𑀲𑀤𑁆𑀤𑀩𑀺𑀦𑁆𑀤𑀼𑀁𑀲𑀫𑀸𑀭𑀪𑁂;

𑁨. |𑀑𑁦.𑁦𑁦𑁦𑁨|

𑀓𑀸𑀤𑀺𑀭𑀺𑀢𑀸 𑀦𑀯𑀲𑀗𑁆𑀔𑁆𑀬𑀸, 𑀓𑀫𑁂𑀦𑀝𑀸 𑀤𑀺 𑀬𑀸𑀤𑀺𑀘,

𑀧𑀸𑀤𑀬𑁄𑀧𑀜𑁆𑀘 𑀲𑀗𑁆𑀔𑁆𑀬𑀸𑀢𑀸, 𑀲𑀼𑀜𑁆𑀜𑀦𑀸𑀫𑀸 𑀲𑀭𑀜𑁆𑀜𑀦𑀸;

𑁩. 𑀲𑀭𑁂𑀳𑁂𑀯𑀲𑀭𑀸𑀧𑀼𑀩𑁆𑀩𑁂 𑀮𑀼𑀢𑁆𑀢𑀸𑀯𑀸𑀯𑀻𑀧𑀭𑁂𑀭𑀫𑀸,

𑀩𑁆𑀬𑀜𑁆𑀚𑀦𑀸𑀘𑀸𑀕𑀫𑀸𑀯𑀸𑀯𑀻 𑀤𑀻𑀖𑀭𑀲𑁆𑀲𑀸𑀤𑀺𑀲𑀫𑁆𑀪𑀯𑀸;

𑁪. |𑀑𑁦.𑁦𑁦𑁦𑁩|

𑀓𑀸𑀓𑀸𑀲𑁂𑀦𑀸𑀕𑀢𑁄𑀲𑀺𑀲 𑀓𑁂𑀦𑀺𑀤𑁆𑀥𑀺𑀫𑀘𑁆𑀘𑀤𑀲𑁆𑀲𑀬𑀺,

𑀅𑀭𑀸𑀚𑀔𑁆𑀯𑀕𑁆𑀕𑀺𑀫𑁂𑀲𑀻𑀦𑀁 𑀲𑁄𑀢𑀼𑀓𑀫𑁆𑀫𑁂𑀖𑀬𑀺𑀢𑁆𑀣𑀺𑀬𑁄;

𑀇𑀢𑀺 𑀲𑀦𑁆𑀥𑀺𑀓𑀧𑁆𑀧𑁄 𑀲𑀫𑀢𑁆𑀢𑁄.

𑁫. |𑀑𑁦.𑁦𑁦𑁦𑁪|

𑀩𑀼𑀤𑁆𑀥𑀧𑀼𑀫𑀬𑀼𑀯𑀲𑀦𑁆𑀢 𑀭𑀸𑀚𑀩𑁆𑀭𑀳𑁆𑀫𑀲𑀔𑀸𑀘𑀲𑀸,

𑀬𑀢𑀸𑀤𑀺𑀤𑁂𑀳𑀻𑀚𑀦𑁆𑀢𑀼𑀘 𑀲𑀢𑁆𑀣𑀼𑀧𑀺𑀢𑀸𑀪𑀺𑀪𑀽𑀯𑀺𑀤𑀽;

𑁬. 𑀓𑀜𑁆𑀜𑀸𑀫𑁆𑀫𑀸𑀭𑀢𑁆𑀢𑀺𑀣𑀺𑀧𑁄, 𑀓𑁆𑀔𑀭𑀡𑀻𑀦𑀤𑀺𑀭𑀼𑀫𑀸𑀢𑀼𑀪𑀽,

𑀦𑀧𑀼𑀁𑀲𑀓𑁂𑀢𑀺𑀬𑀦𑁆𑀢𑀸𑀘, 𑀧𑀤𑀓𑀫𑁆𑀫𑀤𑀥𑀸𑀬𑀼𑀦𑁄;

𑁭. |𑀑𑁦.𑁦𑁦𑁦𑁫|

𑀕𑀳𑀺𑀢𑀸𑀕𑀳𑀡𑁂𑀦𑁂𑀢𑁆𑀣 𑀲𑀼𑀤𑁆𑀥𑁄𑀲𑁆𑀬𑀸𑀤𑁆𑀬𑀦𑁆𑀢𑀓𑀸𑀧𑀼𑀫𑁂,

𑀯𑀺𑀫𑀮𑀸𑀳𑁄𑀦𑁆𑀢𑀺𑀚𑀸𑀦𑁆𑀢𑁂𑀳𑀺 𑀣𑁆𑀬𑀁𑀧𑀜𑁆𑀘𑀦𑁆𑀢𑁂𑀳𑀺𑀤𑀸𑀥𑀺𑀓𑀸;

𑁮. 𑀦𑀧𑀼𑀁𑀲𑀓𑁂𑀧𑀬𑁄𑀕𑀸𑀢𑀼 𑀚𑀦𑀓𑀸𑀳𑁄𑀦𑁆𑀢𑀺𑀢𑁆𑀬𑀦𑁆𑀢𑀢𑁄,

𑀧𑀥𑀸𑀦𑀸𑀦𑀼𑀕𑀢𑀸𑀲𑀩𑁆𑀩 𑀦𑀸𑀫𑀲𑀫𑀸𑀲𑀢𑀤𑁆𑀥𑀺𑀢𑀸;

𑁯. |𑀑𑁦.𑁦𑁦𑁦𑁬|

𑀅𑀢𑁆𑀢𑀺𑀮𑀺𑀗𑁆𑀕𑀸𑀦𑀺𑀧𑀸𑀢𑀸𑀤𑀺 𑀢𑀢𑁄𑀮𑀼𑀢𑁆𑀢𑀸𑀯𑀲𑁆𑀬𑀸𑀤𑀬𑁄,

𑀲𑀼𑀢𑁆𑀢𑀸𑀦𑀼𑀭𑀽𑀧𑀢𑁄𑀲𑀺𑀤𑁆𑀥𑀸 𑀳𑁄𑀦𑁆𑀢𑀺𑀯𑀢𑁆𑀢𑀸𑀫𑀦𑀸𑀤𑀬𑁄;

𑀇𑀢𑀺 𑀦𑀸𑀫𑀓𑀧𑁆𑀧𑁄 𑀲𑀫𑀢𑁆𑀢𑁄.

𑁧𑁦. 𑀙𑀓𑀸𑀭𑀓𑁂𑀲𑀲𑀸𑀫𑀺𑀲𑁆𑀫𑀺𑀁 𑀲𑀫𑀸𑀲𑁄𑀳𑁄𑀢𑀺𑀲𑀫𑁆𑀪𑀯𑀸,

𑀢𑀤𑁆𑀥𑀻𑀢𑀸𑀓𑀢𑁆𑀢𑀼𑀓𑀫𑁆𑀫𑀲, 𑀫𑁆𑀧𑀤𑀸𑀦𑁄𑀓𑀸𑀲𑀲𑀸𑀫𑀺𑀲𑀼;

𑁧𑁧. |𑀑𑁦.𑁦𑁦𑁦𑁭|

𑀲𑀸𑀥𑀢𑁆𑀢𑀬𑀫𑁆𑀳𑀺𑀆𑀔𑁆𑀬𑀸𑀢𑁄 𑀓𑀺𑀢𑀓𑁄𑀲𑀢𑁆𑀢𑀲𑀸𑀥𑀦𑁂,

𑀲𑀩𑁆𑀩𑀢𑁆𑀣𑀧𑀞𑀫𑀸𑀯𑀼𑀢𑁆𑀢𑁂 𑀅𑀯𑀼𑀢𑁆𑀢𑁂𑀤𑀼𑀢𑀺𑀬𑀸𑀤𑀬𑁄;

𑁧𑁨. 𑀫𑀦𑀲𑀸𑀫𑀼𑀦𑀺𑀦𑁄𑀯𑀼𑀢𑁆𑀬𑀸 𑀯𑀦𑁂𑀩𑀼𑀤𑁆𑀥𑁂𑀦𑀯𑀡𑁆𑀡𑀺𑀢𑁂,

𑀯𑀝𑁆𑀝𑀸𑀳𑀺𑀢𑁄𑀯𑀺𑀯𑀝𑁆𑀝𑀢𑁆𑀣𑀁 𑀪𑀺𑀓𑁆𑀔𑀼𑀪𑀸𑀯𑁂𑀢𑀺𑀪𑀸𑀯𑀦𑀁;

𑀇𑀢𑀺 𑀓𑀸𑀭𑀓𑀓𑀧𑁆𑀧𑁄 𑀲𑀫𑀢𑁆𑀢𑁄.

𑁧𑁩. |𑀑𑁦.𑁦𑁦𑁦𑁮|

𑀭𑀸𑀲𑀻𑀤𑁆𑀯𑀺𑀧𑀤𑀺𑀓𑀸𑀤𑁆𑀯𑀦𑁆𑀤𑀸 𑀮𑀺𑀗𑁆𑀕𑁂𑀦𑀯𑀘𑀦𑁂𑀦𑀘,

𑀮𑀼𑀢𑁆𑀢𑀸𑀢𑀼𑀮𑁆𑀬𑀸𑀥𑀺𑀓𑀭𑀡𑀸 𑀩𑀳𑀼𑀩𑁆𑀩𑀻𑀳𑀻𑀢𑀼𑀔𑁂𑀫𑀭𑀽;

𑁧𑁪. 𑀢𑀧𑁆𑀧𑀼𑀭𑀺𑀲𑀸𑀘𑀔𑁂𑀫𑁄𑀭𑀸 𑀤𑀬𑀸𑀘𑀓𑀫𑁆𑀫𑀥𑀸𑀭𑀬𑀸,

𑀤𑀺𑀕𑀯𑁄𑀘𑀸𑀯𑁆𑀬𑀬𑀸𑀳𑀸𑀭𑀸 𑀏𑀢𑁂𑀲𑀩𑁆𑀩𑁂𑀧𑀺𑀳𑀸𑀭𑀺𑀢𑀸;

𑀇𑀢𑀺 𑀲𑀫𑀸𑀲𑀓𑀧𑁆𑀧𑁄 𑀲𑀫𑀢𑁆𑀢𑁄.

𑁧𑁫. 𑀓𑀘𑁆𑀘𑀸𑀤𑀺𑀢𑁄𑀧𑀺𑀏𑀓𑀫𑁆𑀳𑀸 𑀲𑀤𑁆𑀤𑀢𑁄𑀦𑀺𑀬𑀫𑀁𑀯𑀺𑀦𑀸,

𑀦𑁂𑀓𑀢𑁆𑀣𑁂𑀲𑀢𑀺𑀪𑁄𑀦𑁆𑀢𑁂𑀯 𑀲𑀩𑁆𑀩𑁂𑀢𑀤𑁆𑀥𑀺𑀢𑀧𑀘𑁆𑀘𑀬𑀸;

𑀇𑀢𑀺 𑀢𑀤𑁆𑀥𑀺𑀢𑀓𑀧𑁆𑀧𑁄 𑀲𑀫𑀢𑁆𑀢𑁄.

𑁧𑁬. |𑀑𑁦.𑁦𑁦𑁦𑁯|

𑀓𑀢𑁆𑀢𑀭𑀺𑀦𑀸𑀜𑁆𑀜𑀣𑀸𑀓𑀫𑁆𑀫𑁂 𑀢𑀣𑀸𑀪𑀸𑀯𑁂𑀢𑀼𑀫𑁂𑀭𑀬𑀸,

𑀲𑀩𑁆𑀩𑁂𑀢𑁂𑀧𑀘𑀥𑀸𑀢𑀼𑀫𑁆𑀳𑀺 𑀲𑀗𑁆𑀔𑁂𑀧𑁂𑀦𑀫𑀭𑀽𑀫𑀬𑀸;

𑁧𑁭. |𑀑𑁦.𑁦𑁦𑁧𑁦|

𑀕𑀫𑀻𑀫𑁆𑀳𑀸𑀢𑀺𑀕𑀼𑀡𑀸𑀨𑀢𑁆𑀢𑁄 𑀲𑀫𑁆𑀪𑀯𑀸𑀅𑀜𑁆𑀜𑀥𑀸𑀢𑀼𑀲𑀼,

𑀅𑀦𑀦𑁆𑀢𑀸𑀯𑀧𑀬𑁄𑀕𑀸𑀢𑁂 𑀆𑀤𑁂𑀲𑀧𑀘𑁆𑀘𑀬𑀸𑀤𑀺𑀳𑀺;

𑀇𑀢𑀺 𑀆𑀔𑁆𑀬𑀸𑀢𑀓𑀧𑁆𑀧𑁄 𑀲𑀫𑀢𑁆𑀢𑁄.

𑁧𑁮. 𑀓𑀺𑀢𑀸𑀤𑀺𑀧𑀘𑁆𑀘𑀬𑀸𑀲𑀩𑁆𑀩𑁂, 𑀏𑀓𑀫𑁆𑀳𑀸𑀅𑀧𑀺𑀥𑀸𑀢𑀼𑀢𑁄,

𑀲𑀺𑀬𑀼𑀁𑀦𑀼𑀭𑀽𑀧𑀢𑁄𑀲𑀢𑁆𑀢, 𑀲𑀸𑀥𑀦𑁂𑀲𑀢𑀺𑀧𑀸𑀬𑀢𑁄;

𑀇𑀢𑀺 𑀓𑀺𑀢𑀓𑀧𑁆𑀧𑁄 𑀲𑀫𑀢𑁆𑀢𑁄.

𑁧𑁯. |𑀑𑁦.𑁦𑁦𑁧𑁧|

𑀇𑀫𑀺𑀦𑀸𑀓𑀺𑀜𑁆𑀘𑀺𑀮𑁂𑀲𑁂𑀦, 𑀲𑀓𑁆𑀓𑀸𑀜𑀸𑀢𑀼𑀁𑀚𑀺𑀦𑀸𑀕𑀫𑁂,

𑀧𑀬𑁄𑀕𑀸𑀜𑀸𑀡𑀺𑀦𑀸𑀲𑀺𑀦𑁆𑀥𑀼, 𑀭𑀲𑁄𑀯𑁂𑀓𑁂𑀦𑀩𑀺𑀦𑁆𑀤𑀼𑀦𑀸;

𑁨𑁦. 𑀭𑀫𑁆𑀫𑀁𑀲𑀻𑀖𑀧𑁆𑀧𑀯𑁂𑀲𑀸𑀬, 𑀧𑀼𑀭𑀁𑀧𑀺𑀝𑀓𑀲𑀜𑁆𑀜𑀺𑀢𑀁,

𑀫𑀕𑁆𑀕𑁄𑀚𑀼𑀫𑀕𑁆𑀕𑀢𑀁𑀫𑀕𑁆𑀕𑀁, 𑀲𑀤𑁆𑀤𑀸𑀭𑀜𑁆𑀜𑁂𑀯𑀺𑀲𑁄𑀥𑀺𑀢𑁄;

𑁨𑁧. |𑀑𑁦.𑁦𑁦𑁧𑁨|

𑀢𑁂𑀦𑁂𑀯 𑀓𑀺𑀜𑁆𑀘𑀺 𑀚𑀮𑀺𑀢𑁄 𑀚𑀮𑀺𑀢𑁄 𑀧𑀤𑀻𑀧𑁄

𑀓𑀘𑁆𑀘𑀸𑀬𑀦𑀼𑀢𑁆𑀢𑀺𑀭𑀢𑀦𑁄 𑀘𑀺𑀢𑀕𑀩𑁆𑀪𑀓𑁄𑀡𑁂,

𑀥𑀫𑁆𑀫𑀸𑀤𑀺𑀭𑀸𑀚𑀕𑀼𑀭𑀼𑀦𑀸 𑀕𑀭𑀼𑀫𑀸𑀫𑀓𑁂𑀦

𑀥𑀫𑁆𑀫𑁂𑀦 𑀬𑁄𑀩𑁆𑀩𑀺𑀧𑀢𑀺𑀦𑀸 𑀲𑀕𑀭𑀼𑀢𑁆𑀢𑀦𑀻𑀢𑁄;

𑀇𑀢𑀺 𑀲𑀤𑁆𑀤𑀩𑀺𑀦𑁆𑀤𑀼 𑀧𑀓𑀭𑀡𑀁 𑀧𑀭𑀺𑀲𑀫𑀢𑁆𑀢𑀁.

𑀬𑁄𑀲𑀜𑁆𑀜𑀫𑁄 𑀕𑀼𑀡𑀥𑀦𑁄 𑀦𑀬𑀦𑀁 𑀦𑀺𑀚𑀁𑀯

𑀲𑀺𑀓𑁆𑀔𑀸𑀧𑀬𑀻 𑀫𑀫 𑀫𑀯𑀁 𑀲𑀼𑀕𑀢𑀸𑀕𑀫𑀸𑀤𑁄,

𑀲𑀮𑁆𑀮𑁄𑀓 𑀧𑀼𑀜𑁆𑀚 𑀲𑀼𑀳𑀤𑁄 𑀧𑀤𑀼𑀫𑀸𑀤𑀺 𑀭𑀸𑀫

𑀦𑀸𑀫𑁄 𑀫𑀳𑀸 𑀬𑀢𑀺𑀯𑀭𑀸 𑀘𑀭𑀺𑀬𑁄 𑀲𑀫𑀬𑁆𑀳𑀁;

𑀲𑀤𑁆𑀥𑀸𑀥𑀦𑁂𑀦 𑀯𑀲𑀢𑀸 𑀯𑀺𑀤𑀺𑀢𑀫𑁆𑀳𑀺 𑀧𑀼𑀧𑁆𑀨𑀸

𑀭𑀸𑀫𑁂𑀥𑀼𑀦𑀸 𑀅𑀭𑀺𑀬𑀯𑀁𑀲 𑀥𑀚𑀯𑁆𑀳𑀬𑁂𑀦,

𑀲𑀦𑁆𑀢𑁂𑀦 𑀜𑀸𑀡𑀢𑀺𑀮𑀓𑁄 𑀢𑁆𑀬𑀧𑀭𑀸𑀔𑁆𑀬𑀓𑁂𑀦

𑀩𑀸𑀮𑀸𑀦𑀫𑁂𑀢𑀫𑀯𑀺𑀥𑀻𑀬𑀺 𑀫𑀬𑀸𑀳𑀺𑀢𑀸𑀬;