𑀧𑀤𑀫𑀜𑁆𑀚𑀭𑀻 |𑀑𑁦.𑁦𑁦𑁦𑁧|

𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲

𑀦𑀺𑀭𑀼𑀢𑁆𑀢𑀺𑀓𑀸𑀬𑁄𑀤𑀥𑀺𑀧𑀸𑀭𑀕𑀁 𑀚𑀺𑀦𑀁,

𑀯𑀺𑀲𑀼𑀤𑁆𑀥𑀥𑀫𑁆𑀫𑀜𑁆𑀘 𑀕𑀡𑀁 𑀅𑀦𑀼𑀢𑁆𑀢𑀭𑀁;

𑀢𑀺𑀥𑀸 𑀦𑀫𑀺𑀢𑁆𑀯𑀸 𑀧𑀤𑀫𑀜𑁆𑀚𑀭𑀻 𑀫𑀬𑀸,

𑀓𑀭𑀻𑀬𑀢𑁄 𑀩𑀸𑀮𑀓𑀩𑀼𑀤𑁆𑀥𑀺𑀯𑀼𑀤𑁆𑀥𑀺𑀬𑀸𑀢𑀺.

𑀅𑀣 𑀅𑀓𑀸𑀭𑀦𑁆𑀢𑀧𑀼𑀮𑁆𑀮𑀺𑀗𑁆𑀕𑁄 𑀩𑀼𑀤𑁆𑀥𑀲𑀤𑁆𑀤𑁄 𑀯𑀼𑀘𑁆𑀘𑀢𑁂.

𑀩𑀼𑀤𑁆𑀥𑁄 𑀤𑁂𑀯𑀫𑀦𑀼𑀲𑁆𑀲𑀸𑀦𑀁 𑀥𑀫𑁆𑀫𑀁 𑀤𑁂𑀲𑁂𑀲𑀺

𑀩𑀼𑀤𑁆𑀥𑀸 𑀤𑁂𑀯𑀫𑀦𑀼𑀲𑁆𑀲𑀸𑀦𑀁 𑀥𑀫𑁆𑀫𑀁 𑀅𑀤𑁂𑀲𑀺𑀁𑀲𑀼

𑀪𑁄 𑀩𑀼𑀤𑁆𑀥 𑀢𑁆𑀯𑀫𑁆𑀧𑀺𑀔𑁄 𑀫𑀁 𑀧𑀸𑀮𑀬

𑀪𑁄 𑀩𑀼𑀤𑁆𑀥𑀸 𑀢𑀼𑀫𑁆𑀳𑁂𑀧𑀺 𑀔𑁄 𑀫𑀁 𑀧𑀸𑀮𑁂𑀣.

𑀩𑀼𑀤𑁆𑀥𑀁 𑀪𑀕𑀯𑀦𑁆𑀢𑀁 𑀲𑀓𑁆𑀓𑀘𑁆𑀘𑀁 𑀯𑀦𑁆𑀤𑀸𑀫𑀳𑀁

𑀩𑀼𑀤𑁆𑀥𑁂 𑀪𑀕𑀯𑀦𑁆𑀢𑁂 𑀲𑀓𑁆𑀓𑀘𑁆𑀘𑀁 𑀯𑀦𑁆𑀤𑀸𑀫 𑀫𑀬𑀁

𑀩𑀼𑀤𑁆𑀥𑁂𑀦 𑀪𑀕𑀯𑀢𑀸 𑀥𑀫𑁆𑀫𑁄 𑀤𑁂𑀲𑀻𑀬𑀢𑁂

𑀩𑀼𑀤𑁆𑀥𑁂𑀳𑀺 𑀪𑀕𑀯𑀦𑁆𑀢𑁂𑀳𑀺 𑀥𑀫𑁆𑀫𑁄 𑀤𑁂𑀲𑀺𑀢𑁄

𑀩𑀼𑀤𑁆𑀥𑁂𑀦 𑀪𑀕𑀯𑀢𑀸 𑀫𑀳𑀸𑀚𑀦𑁄 𑀲𑀼𑀘𑀭𑀢𑀺

𑀩𑀼𑀤𑁆𑀥𑁂𑀳𑀺 𑀪𑀕𑀯𑀦𑁆𑀢𑁂𑀳𑀺 𑀲𑀺𑀯𑀧𑀤𑀁 𑀬𑀦𑁆𑀢𑀺

𑀩𑀼𑀤𑁆𑀥𑀲𑁆𑀲 𑀪𑀕𑀯𑀢𑁄 𑀧𑀼𑀧𑁆𑀨𑀁 𑀬𑀚𑀢𑀺

𑀩𑀼𑀤𑁆𑀥𑀸𑀦𑀁 𑀪𑀕𑀯𑀢𑀁 𑀧𑀼𑀧𑁆𑀨𑀸𑀦𑀺 𑀬𑀚𑀢𑀺

𑀩𑀼𑀤𑁆𑀥𑀸 𑀪𑀕𑀯𑀢𑀸 𑀲𑀺𑀯𑀧𑀤𑀁 𑀮𑀪𑁂𑀬𑁆𑀬

𑀩𑀼𑀤𑁆𑀥𑁂𑀳𑀺 𑀪𑀕𑀯𑀦𑁆𑀢𑁂𑀳𑀺 𑀧𑀪𑀸 𑀦𑀺𑀘𑁆𑀙𑀭𑀢𑀺

𑀩𑀼𑀤𑁆𑀥𑀲𑁆𑀲 𑀪𑀕𑀯𑀢𑁄 𑀇𑀤𑁆𑀥𑀺 𑀓𑀺𑀁 𑀦 𑀓𑀭𑁂

𑀩𑀼𑀤𑁆𑀥𑀸𑀦𑀁 𑀪𑀕𑀯𑀦𑁆𑀢𑀸𑀦𑀁 𑀇𑀤𑁆𑀥𑀺𑀧𑀸𑀝𑀺𑀳𑀸𑀭𑀺𑀬𑀸𑀦𑀺

𑀩𑀼𑀤𑁆𑀥𑁂 𑀪𑀕𑀯𑀦𑁆𑀢𑁂 𑀫𑀳𑀸𑀚𑀦𑁄 𑀧𑀲𑀻𑀤𑀢𑀺.

𑀩𑀼𑀤𑁆𑀥𑁂𑀲𑀼 𑀪𑀕𑀯𑀦𑁆𑀢𑁂𑀲𑀼 𑀫𑀦𑀁 𑀧𑀢𑀺𑀝𑁆𑀞𑀺𑀢𑀁.

𑀇𑀢𑀺 𑀧𑀞𑀫𑁄 𑀧𑀸𑀞𑁄.

𑀅𑀓𑀸𑀭𑀦𑁆𑀢𑀧𑀼𑀮𑁆𑀮𑀺𑀗𑁆𑀕𑁄 𑀅𑀢𑁆𑀢𑀲𑀤𑁆𑀤𑁄 𑀯𑀼𑀘𑁆𑀘𑀢𑁂.

𑀅𑀢𑁆𑀢𑀸 𑀲𑀁𑀲𑀸𑀭𑀤𑀼𑀓𑁆𑀔𑀁 𑀧𑀸𑀧𑀼𑀡𑀸𑀢𑀺

𑀅𑀢𑁆𑀢𑀸𑀦𑁄 𑀲𑀼𑀔𑀤𑀼𑀓𑁆𑀔𑀁 𑀧𑀸𑀧𑀼𑀡𑀦𑁆𑀢𑀺

𑀪𑁄 𑀅𑀢𑁆𑀢 𑀲𑀼𑀔𑀤𑀼𑀓𑁆𑀔𑀁 𑀅𑀦𑀼𑀪𑁄𑀲𑀺

𑀪𑁄 𑀅𑀢𑁆𑀢𑀦𑁄 𑀲𑀼𑀔𑀤𑀼𑀓𑁆𑀔𑀁 𑀅𑀦𑀼𑀪𑁄𑀣

𑀅𑀢𑁆𑀢𑀸𑀦𑀁 𑀧𑀲𑁆𑀲𑀢𑀺 𑀩𑀼𑀤𑁆𑀥𑁄 𑀪𑀕𑀯𑀸

𑀅𑀢𑁆𑀢𑀸𑀦𑁄 |𑀑𑁦.𑁦𑁦𑁦𑁨| 𑀧𑀲𑁆𑀲𑀢𑀺 𑀲𑀫𑁆𑀫𑀸 𑀲𑀫𑁆𑀩𑀼𑀤𑁆𑀥𑁄

𑀅𑀢𑁆𑀢𑀦𑀸 𑀲𑀼𑀔𑀤𑀼𑀓𑁆𑀔𑀁 𑀅𑀦𑀼𑀪𑀼𑀢𑁆𑀢𑀁

𑀅𑀢𑁆𑀢𑀦𑁂𑀳𑀺 𑀓𑀫𑁆𑀫𑀨𑀮𑀁 𑀅𑀦𑀼𑀪𑀼𑀢𑁆𑀢𑀁

𑀅𑀢𑁆𑀢𑀦𑀸 𑀲𑀁𑀲𑀸𑀭𑀲𑀼𑀔𑀁 𑀦𑀸𑀫 𑀦𑀢𑁆𑀣𑀺

𑀅𑀢𑁆𑀢𑀦𑁂𑀳𑀺 𑀪𑀯𑀲𑀼𑀔𑀁 𑀦𑀸𑀫 𑀦𑀢𑁆𑀣𑀺

𑀅𑀢𑁆𑀢𑀦𑁄 𑀅𑀢𑁆𑀢𑀸𑀯 𑀧𑀢𑀺𑀝𑁆𑀞𑀸 𑀲𑀺𑀬𑀸

𑀅𑀢𑁆𑀢𑀸𑀦𑀁 𑀓𑀫𑁆𑀫𑀫𑁂𑀯 𑀧𑀢𑀺𑀝𑁆𑀞𑀸 𑀲𑀺𑀬𑀸

𑀅𑀢𑁆𑀢𑀦𑀸𑀧𑀺 𑀫𑀳𑀩𑁆𑀪𑀬𑀁 𑀉𑀧𑁆𑀧𑀚𑁆𑀚𑀢𑀺

𑀅𑀢𑁆𑀢𑀦𑁂𑀳𑀺 𑀫𑀳𑀩𑁆𑀪𑀬𑀸𑀦𑀺 𑀚𑀸𑀬𑀦𑁆𑀢𑀺

𑀅𑀢𑁆𑀢𑀦𑁄 𑀫𑀸𑀢𑀸𑀧𑀺𑀢𑀭𑁄 𑀳𑁄𑀦𑁆𑀢𑀺

𑀅𑀢𑁆𑀢𑀸𑀦𑀁 𑀧𑀜𑁆𑀘𑀕𑀢𑀺𑀬𑁄 𑀳𑁄𑀦𑁆𑀢𑀺

𑀅𑀢𑁆𑀢𑀦𑀺 𑀲𑀩𑁆𑀩𑀁 𑀩𑀮𑀁 𑀳𑀭𑀢𑀺 𑀭𑁄𑀕𑁄

𑀅𑀢𑁆𑀢𑀦𑁂𑀲𑀼 𑀲𑀩𑁆𑀩𑀁 𑀩𑀮𑀁 𑀳𑀭𑀦𑁆𑀢𑀺 𑀭𑁄𑀕𑀸.

𑀇𑀢𑀺 𑀤𑀼𑀢𑀺𑀬𑁄 𑀧𑀸𑀞𑁄.

𑀅𑀓𑀸𑀭𑀦𑁆𑀢 𑀧𑀼𑀮𑁆𑀮𑀺𑀗𑁆𑀕𑁄 𑀭𑀸𑀚𑀲𑀤𑁆𑀤𑁄 𑀯𑀼𑀘𑁆𑀘𑀢𑁂.

𑀭𑀸𑀚𑀸𑀧𑀺 𑀫𑀳𑀸𑀚𑀦𑀁 𑀢𑁄𑀲𑁂𑀢𑀺

𑀭𑀸𑀚𑀸𑀦𑁄 𑀫𑀳𑀸𑀚𑀦𑀁 𑀢𑁄𑀲𑁂𑀦𑁆𑀢𑀺

𑀪𑁄 𑀭𑀸𑀚𑀸 𑀫𑀳𑀸𑀚𑀦𑀁 𑀧𑀸𑀮𑀬

𑀪𑁄 𑀭𑀸𑀚𑀸𑀦𑁄 𑀫𑀳𑀸𑀚𑀦𑀁 𑀧𑀸𑀮𑁂𑀣

𑀭𑀸𑀚𑀸𑀦𑀁 𑀧𑀲𑁆𑀲𑀢𑀺 𑀫𑀳𑀸𑀚𑀦𑁄

𑀭𑀸𑀚𑀸𑀦𑁄 𑀧𑀲𑁆𑀲𑀦𑁆𑀢𑀺 𑀫𑀳𑀸𑀚𑀦𑀸

𑀭𑀜𑁆𑀜𑀸 𑀓𑀸𑀭𑀻𑀬𑀢𑁂 𑀫𑀳𑀸𑀧𑀸𑀲𑀸𑀤𑁄

𑀭𑀸𑀚𑀽𑀳𑀺 𑀓𑀸𑀭𑀸𑀧𑀺𑀢𑀸 𑀫𑀳𑀸𑀯𑀺𑀳𑀸𑀭𑀸

𑀭𑀜𑁆𑀜𑀸 𑀫𑀳𑀸𑀚𑀦𑁄 𑀲𑀼𑀔𑀁 𑀘𑀭𑀢𑀺

𑀭𑀸𑀚𑀽𑀳𑀻 𑀫𑀳𑀸𑀚𑀦𑀸 𑀲𑀼𑀔𑀁 𑀘𑀭𑀦𑁆𑀢𑀺

𑀭𑀜𑁆𑀜𑁄 𑀧𑀡𑁆𑀡𑀸𑀓𑀸𑀭𑀁 𑀤𑁂𑀢𑀺 𑀫𑀳𑀸𑀚𑀦𑁄

𑀭𑀸𑀚𑀽𑀦𑀁 𑀧𑀡𑁆𑀡𑀸𑀓𑀸𑀭𑀁 𑀤𑁂𑀦𑁆𑀢𑀺 𑀫𑀳𑀸𑀚𑀦𑀸

𑀭𑀜𑁆𑀜𑀸 𑀫𑀳𑀩𑁆𑀪𑀬𑀁 𑀉𑀧𑁆𑀧𑀚𑁆𑀚𑀢𑀺

𑀭𑀸𑀚𑀽𑀳𑀺 𑀫𑀳𑀩𑁆𑀪𑀬𑀸𑀦𑀺 𑀉𑀧𑁆𑀧𑀚𑁆𑀚𑀦𑁆𑀢𑀺

𑀭𑀜𑁆𑀜𑁄 𑀯𑀧𑁆𑀧𑀫𑀗𑁆𑀕𑀮𑀁 𑀳𑁄𑀢𑀺

𑀭𑀸𑀚𑀽𑀦𑀁 𑀲𑀩𑁆𑀩𑀸𑀪𑀭𑀡𑀸𑀦𑀺 𑀳𑁄𑀦𑁆𑀢𑀺

𑀭𑀜𑁆𑀜𑁂 𑀫𑀳𑀸𑀚𑀦𑁄 𑀧𑀦 𑀧𑀲𑀻𑀤𑀢𑀺

𑀭𑀸𑀚𑀼𑀲𑀼 𑀫𑀳𑀸𑀚𑀦𑀸 𑀧𑀦 𑀧𑀲𑀻𑀤𑀦𑁆𑀢𑀺.

𑀇𑀢𑀺 𑀢𑀢𑀺𑀬𑁄 𑀧𑀸𑀞𑁄.

𑀅𑀓𑀸𑀭𑀦𑁆𑀢𑀧𑀼𑀮𑁆𑀮𑀺𑀗𑁆𑀕𑁄 𑀕𑀼𑀡𑀯𑀢𑁆𑀢𑀼𑀲𑀤𑁆𑀤𑁄 𑀯𑀼𑀘𑁆𑀘𑀢𑁂.

𑀕𑀼𑀡𑀯𑀸 𑀧𑀼𑀭𑀺𑀲𑁄 𑀲𑀼𑀦𑁆𑀤𑀭𑀁 𑀦𑀺𑀩𑁆𑀩𑀸𑀡𑀁 𑀕𑀢𑁄

𑀕𑀼𑀡𑀯𑀦𑁆𑀢𑁄 |𑀑𑁦.𑁦𑁦𑁦𑁩| 𑀧𑀼𑀭𑀺𑀲𑀸 𑀲𑀼𑀦𑁆𑀤𑀭𑀁 𑀦𑀺𑀩𑁆𑀩𑀸𑀡𑀁 𑀕𑀢𑀸

𑀪𑁄 𑀕𑀼𑀡𑀯𑀁 𑀧𑀼𑀭𑀺𑀲 𑀢𑁆𑀯𑀫𑁆𑀧𑀺 𑀤𑀸𑀦𑀁 𑀤𑁂𑀳𑀺

𑀪𑁄 𑀕𑀼𑀡𑀯𑀦𑁆𑀢𑁄 𑀧𑀼𑀭𑀺𑀲𑀸 𑀢𑀼𑀫𑁆𑀳𑁂 𑀤𑀸𑀦𑀁 𑀤𑁂𑀣

𑀕𑀼𑀡𑀯𑀦𑁆𑀢𑀁 𑀧𑀼𑀭𑀺𑀲𑀁 𑀥𑀫𑁆𑀫𑀁 𑀩𑁄𑀥𑁂𑀢𑀺 𑀆𑀘𑀭𑀺𑀬𑁄

𑀕𑀼𑀡𑀯𑀦𑁆𑀢𑁂 𑀧𑀼𑀭𑀺𑀲𑁂 𑀥𑀫𑁆𑀫𑀁 𑀧𑀸𑀞𑀬𑀢𑀺 𑀆𑀘𑀭𑀺𑀬𑁄

𑀕𑀼𑀡𑀯𑀦𑁆𑀢𑁂𑀦 𑀧𑀼𑀭𑀺𑀲𑁂𑀦 𑀓𑀸𑀭𑀺𑀢𑁄 𑀯𑀺𑀳𑀸𑀭𑁄

𑀕𑀼𑀡𑀯𑀦𑁆𑀢𑁂𑀳𑀺 𑀧𑀼𑀭𑀺𑀲𑁂𑀳𑀺 𑀓𑀸𑀭𑀺𑀢𑀸 𑀯𑀺𑀳𑀸𑀭𑀸

𑀕𑀼𑀡𑀯𑀦𑁆𑀢𑁂𑀦 𑀧𑀼𑀭𑀺𑀲𑁂𑀦 𑀮𑁄𑀓𑁄 𑀲𑀼𑀘𑀭𑀢𑀺

𑀕𑀼𑀡𑀯𑀦𑁆𑀢𑁂𑀳𑀺 𑀧𑀼𑀭𑀺𑀲𑁂𑀳𑀺 𑀮𑁄𑀓𑀸 𑀲𑀼𑀘𑀭𑀦𑁆𑀢𑀺

𑀕𑀼𑀡𑀯𑀢𑁄 𑀧𑀼𑀭𑀺𑀲𑀲𑁆𑀲 𑀲𑀓𑁆𑀓𑀸𑀭𑀁 𑀓𑀭𑁄𑀢𑀺

𑀕𑀼𑀡𑀯𑀢𑀁 𑀧𑀼𑀭𑀺𑀲𑀸𑀦𑀁 𑀲𑀓𑁆𑀓𑀸𑀭𑀁 𑀓𑀭𑁄𑀦𑁆𑀢𑀺

𑀕𑀼𑀡𑀯𑀢𑀸 𑀧𑀼𑀭𑀺𑀲𑀲𑁆𑀫𑀸 𑀪𑀬𑀁 𑀦𑀽𑀧𑁆𑀧𑀚𑁆𑀚𑀢𑀺

𑀕𑀼𑀡𑀯𑀦𑁆𑀢𑁂𑀳𑀺 𑀧𑀼𑀭𑀺𑀲𑁂𑀳𑀺 𑀪𑀬𑀸𑀦𑀺 𑀦𑀽𑀧𑁆𑀧𑀚𑁆𑀚𑀦𑁆𑀢𑀺

𑀕𑀼𑀡𑀯𑀢𑁄 𑀧𑀼𑀭𑀺𑀲𑀲𑁆𑀲 𑀓𑀺𑀢𑁆𑀢𑀺𑀲𑀤𑁆𑀤𑁄 𑀅𑀗𑁆𑀕𑀼𑀕𑁆𑀕𑀘𑁆𑀙𑀢𑀺

𑀕𑀼𑀡𑀯𑀢𑀁 𑀧𑀼𑀭𑀺𑀲𑀸𑀦𑀁 𑀕𑀼𑀡𑀖𑁄𑀲𑁄 𑀳𑁄𑀢𑀺

𑀕𑀼𑀡𑀯𑀦𑁆𑀢𑁂 𑀧𑀼𑀭𑀺𑀲𑁂 𑀫𑁂 𑀭𑀫𑀢𑀺 𑀫𑀢𑁄

𑀕𑀼𑀡𑀯𑀦𑁆𑀢𑁂𑀲𑀼 𑀧𑀼𑀭𑀺𑀲𑁂𑀲𑀼 𑀲𑀧𑁆𑀧𑀼𑀭𑀺𑀲𑁄 𑀧𑀲𑀻𑀤𑀢𑀺.

𑀇𑀢𑀺 𑀘𑀢𑀼𑀢𑁆𑀣𑁄 𑀧𑀸𑀞𑁄.

𑀅𑀓𑀸𑀭𑀦𑁆𑀢𑀧𑀼𑀮𑁆𑀮𑀺𑀗𑁆𑀕𑁄 𑀕𑀘𑁆𑀙𑀦𑁆𑀢𑀲𑀤𑁆𑀤𑁄 𑀯𑀼𑀘𑁆𑀘𑀢𑁂.

𑀕𑀘𑁆𑀙𑀁 𑀬𑀜𑁆𑀜𑀤𑀢𑁆𑀢𑁄 𑀧𑀼𑀭𑀺𑀲𑀁 𑀪𑀸𑀭𑀁 𑀳𑀸𑀭𑀬𑀢𑀺

𑀕𑀘𑁆𑀙𑀦𑁆𑀢𑀸 𑀬𑀜𑁆𑀜𑀤𑀢𑁆𑀢𑀸 𑀧𑀼𑀭𑀺𑀲𑀁 𑀓𑀫𑁆𑀫𑀁 𑀓𑀸𑀭𑀬𑀦𑁆𑀢𑀺

𑀪𑁄 𑀕𑀘𑁆𑀙𑀁 𑀬𑀜𑁆𑀜𑀤𑀢𑁆𑀢 𑀢𑁆𑀯𑀁 𑀫𑀁 𑀧𑀸𑀮𑀬

𑀪𑁄 𑀕𑀘𑁆𑀙𑀦𑁆𑀢𑀸 𑀬𑀜𑁆𑀜𑀤𑀢𑁆𑀢𑀸 𑀫𑀁 𑀧𑀸𑀮𑁂𑀣

𑀕𑀘𑁆𑀙𑀦𑁆𑀢𑀁 𑀬𑀜𑁆𑀜𑀤𑀢𑁆𑀢𑀁 𑀓𑀫𑁆𑀩𑀮𑀁𑀬𑀸𑀘𑀬𑀢𑀺 𑀤𑁆𑀯𑀺𑀚𑁄

𑀕𑀘𑁆𑀙𑀦𑁆𑀢𑁂 𑀬𑀜𑁆𑀜𑀤𑀢𑁆𑀢𑁂 𑀓𑀫𑁆𑀩𑀮𑀁 𑀬𑀸𑀘𑀬𑀢𑀺 𑀤𑁆𑀯𑀺𑀚𑁄

𑀕𑀘𑁆𑀙𑀢𑀸 𑀬𑀜𑁆𑀜𑀤𑀢𑁆𑀢𑁂𑀦 𑀭𑀼𑀓𑁆𑀔𑁄 𑀧𑀼𑀧𑁆𑀨𑀸𑀦𑀺 𑀅𑀯𑀘𑀻𑀬𑀢𑁂

𑀕𑀘𑁆𑀙𑀦𑁆𑀢𑁂𑀳𑀺 𑀬𑀜𑁆𑀜𑀤𑀢𑁆𑀢𑁂𑀳𑀺 𑀭𑀼𑀓𑁆𑀔𑁄 𑀧𑀼𑀧𑁆𑀨𑀸𑀦𑀺 𑀅𑀯𑀘𑀺𑀢𑁄

𑀕𑀘𑁆𑀙𑀢𑀸 𑀬𑀜𑁆𑀜𑀤𑀢𑁆𑀢𑁂𑀦 𑀓𑁄𑀘𑀺 𑀫𑀕𑁆𑀕𑀁 𑀚𑀸𑀦𑀸𑀢𑀺

𑀕𑀘𑁆𑀙𑀦𑁆𑀢𑁂𑀳𑀺 𑀬𑀜𑁆𑀜𑀤𑀢𑁆𑀢𑁂𑀳𑀺 𑀓𑁂𑀘𑀺𑀫𑀕𑁆𑀕𑀁 𑀚𑀸𑀦𑀦𑁆𑀢𑀺

𑀕𑀘𑁆𑀙𑀢𑁄 𑀬𑀜𑁆𑀜𑀤𑀢𑁆𑀢𑀲𑁆𑀲 𑀙𑀢𑁆𑀢𑀁 𑀥𑀸𑀭𑀬𑀢𑁂

𑀕𑀘𑁆𑀙𑀢𑀁 𑀬𑀜𑁆𑀜𑀤𑀢𑁆𑀢𑀸𑀦𑀁 𑀙𑀢𑁆𑀢𑀸𑀦𑀺 𑀥𑀸𑀭𑀬𑀦𑁆𑀢𑁂

𑀕𑀘𑁆𑀙𑀢𑀸 𑀬𑀜𑁆𑀜𑀤𑀢𑁆𑀢𑀲𑁆𑀫𑀸 𑀪𑀬𑀁 𑀦𑀽𑀧𑁆𑀧𑀚𑁆𑀚𑀢𑀺

𑀕𑀘𑁆𑀙𑀦𑁆𑀢𑁂𑀳𑀺 𑀬𑀜𑁆𑀜𑀤𑀢𑁆𑀢𑁂𑀳𑀺 𑀪𑀬𑀸𑀦𑀺 𑀦𑀽𑀧𑁆𑀧𑀚𑁆𑀚𑀦𑁆𑀢𑀺

𑀕𑀘𑁆𑀙𑀢𑁄 𑀬𑀜𑁆𑀜𑀤𑀢𑁆𑀢𑀲𑁆𑀲 𑀙𑀢𑁆𑀢𑁄 𑀳𑁄𑀢𑀺

𑀕𑀘𑁆𑀙𑀢𑀁 𑀬𑀜𑁆𑀜𑀤𑀢𑁆𑀢𑀸𑀦𑀁 𑀆𑀪𑀭𑀡𑀸𑀦𑀺 𑀳𑁄𑀦𑁆𑀢𑀺

𑀕𑀘𑁆𑀙𑀦𑁆𑀢𑁂 𑀬𑀜𑁆𑀜𑀤𑀢𑁆𑀢𑁂 𑀓𑁄𑀘𑀺 𑀧𑀲𑀻𑀤𑀢𑀺

𑀕𑀘𑁆𑀙𑀦𑁆𑀢𑁂𑀲𑀼 𑀬𑀜𑁆𑀜𑀤𑀢𑁆𑀢𑁂𑀲𑀼 𑀓𑁂𑀘𑀺 𑀧𑀲𑀻𑀤𑀦𑁆𑀢𑀺.

𑀇𑀢𑀺 |𑀑𑁦.𑁦𑁦𑁦𑁪| 𑀧𑀜𑁆𑀘𑀫𑁄 𑀧𑀸𑀞𑁄.

𑀇𑀓𑀸𑀭𑀦𑁆𑀢𑀧𑀼𑀮𑁆𑀮𑀺𑀗𑁆𑀕𑁄 𑀅𑀕𑁆𑀕𑀺𑀲𑀤𑁆𑀤𑁄 𑀯𑀼𑀘𑁆𑀘𑀢𑁂.

𑀅𑀕𑁆𑀕𑀺 𑀧𑀦 𑀓𑀝𑁆𑀞𑀫𑀗𑁆𑀕𑀸𑀭𑀁 𑀓𑀭𑁄𑀢𑀺

𑀅𑀕𑁆𑀕𑀬𑁄 𑀓𑀝𑁆𑀞𑀫𑀗𑁆𑀕𑀸𑀭𑀁 𑀓𑀭𑁄𑀦𑁆𑀢𑀺

𑀪𑁄 𑀅𑀕𑁆𑀕𑀺 𑀢𑁆𑀯𑀁 𑀲𑀻𑀢𑀁 𑀯𑀺𑀦𑁄𑀤𑁂𑀳𑀺

𑀪𑁄 𑀅𑀕𑁆𑀕𑀻 𑀢𑀼𑀫𑁆𑀳𑁂 𑀲𑀻𑀢𑀁 𑀯𑀺𑀦𑁄𑀤𑁂𑀣

𑀅𑀕𑁆𑀕𑀺𑀁 𑀦𑀺𑀩𑁆𑀩𑀸𑀧𑁂𑀢𑀺 𑀬𑁄 𑀓𑁄𑀘𑀺

𑀅𑀕𑁆𑀕𑀬𑁄 𑀦𑀺𑀩𑁆𑀩𑀸𑀧𑁂𑀦𑁆𑀢𑀺 𑀬𑁂 𑀓𑁂𑀘𑀺

𑀅𑀕𑁆𑀕𑀺𑀦𑀸 𑀓𑁄𑀘𑀺 𑀅𑀓𑀸𑀭𑁄 𑀤𑀟𑁆𑀠𑁄

𑀅𑀕𑁆𑀕𑀻𑀳𑀺 𑀓𑁂𑀘𑀺 𑀅𑀕𑀸𑀭𑀸 𑀤𑀟𑁆𑀠𑀸

𑀅𑀕𑁆𑀕𑀺𑀦𑀸 𑀓𑀺𑀜𑁆𑀘𑀺 𑀆𑀕𑀸𑀭𑀁 𑀛𑀸𑀧𑁂𑀢𑀺

𑀅𑀕𑁆𑀕𑀻𑀳𑀺 𑀓𑁂𑀘𑀺 𑀅𑀕𑀸𑀭𑁂 𑀛𑀸𑀧𑁂𑀢𑀺

𑀅𑀕𑁆𑀕𑀺𑀦𑁄 𑀉𑀧𑀸𑀤𑀸𑀦𑀁 𑀤𑀤𑀸𑀢𑀺 𑀩𑁆𑀭𑀸𑀳𑁆𑀫𑀡𑁄

𑀅𑀕𑁆𑀕𑀻𑀦𑀁 𑀉𑀧𑀸𑀤𑀸𑀦𑀁 𑀤𑀤𑀦𑁆𑀢𑀺 𑀩𑁆𑀭𑀸𑀳𑁆𑀫𑀡𑀸

𑀅𑀕𑁆𑀕𑀺𑀦𑀸 𑀥𑀽𑀫𑁄 𑀅𑀧𑁂𑀢𑀺 𑀦𑀺𑀘𑁆𑀘𑀁

𑀅𑀕𑁆𑀕𑀻𑀳𑀺’𑀥𑀽𑀫𑀸𑀧𑀺 𑀅𑀧𑁂𑀦𑁆𑀢𑀺 𑀦𑀺𑀘𑁆𑀘𑀁

𑀅𑀕𑁆𑀕𑀺𑀦𑁄 𑀆𑀮𑁄𑀓𑁄 𑀘 𑀳𑁄𑀢𑀺

𑀅𑀕𑁆𑀕𑀻𑀦𑀁 𑀆𑀮𑁄𑀓𑀸𑀧𑀺 𑀳𑁄𑀦𑁆𑀢𑀺

𑀅𑀕𑁆𑀕𑀺𑀫𑁆𑀳𑀺 𑀬𑁄 𑀓𑁄𑀘𑀺 𑀧𑀲𑀻𑀤𑀢𑀺

𑀅𑀕𑁆𑀕𑀻𑀲𑀼 𑀬𑁂 𑀓𑁂𑀘𑀺 𑀧𑀲𑀻𑀤𑀦𑁆𑀢𑀺.

𑀇𑀢𑀺 𑀙𑀝𑁆𑀞𑁄 𑀧𑀸𑀞𑁄.

𑀇𑀓𑀸𑀭𑀦𑁆𑀢𑀧𑀼𑀮𑁆𑀮𑀺𑀗𑁆𑀕𑁄 𑀆𑀤𑀺𑀲𑀤𑁆𑀤𑁄 𑀯𑀼𑀘𑁆𑀘𑀢𑁂.

𑀆𑀤𑀺 𑀩𑀦𑁆𑀥𑀻𑀬𑀢𑁂 𑀲𑀫𑀕𑁆𑀕𑁂𑀦 𑀲𑀗𑁆𑀖𑁂𑀦

𑀆𑀤𑀬𑁄 𑀩𑀦𑁆𑀥𑀻𑀬𑀦𑁆𑀢𑁂 𑀲𑀫𑀕𑁆𑀕𑁂𑀳𑀺 𑀪𑀺𑀓𑁆𑀔𑀼𑀳𑀺

𑀪𑁄 𑀆𑀤𑀺 𑀢𑁆𑀯𑀁 𑀤𑀻𑀖𑀓𑀸𑀮𑀁 𑀧𑀯𑀢𑁆𑀢𑁂𑀳𑀺

𑀪𑁄 𑀆𑀤𑀻 𑀢𑀼𑀫𑁆𑀳𑁂 𑀤𑀻𑀖𑀓𑀸𑀮𑀁 𑀧𑀯𑀢𑁆𑀢𑁂𑀣

𑀆𑀤𑀺𑀁 𑀧𑀲𑁆𑀲𑀢𑀺 𑀲𑀫𑀕𑁆𑀕𑁄 𑀲𑀗𑁆𑀖𑁄 𑀘

𑀆𑀤𑀬𑁄 𑀧𑀲𑁆𑀲𑀢𑀺 𑀪𑀺𑀓𑁆𑀔𑀼 𑀲𑀗𑁆𑀖𑁄 𑀘

𑀆𑀤𑀺𑀦𑀸 𑀧𑀭𑀺𑀲𑀼𑀤𑁆𑀥𑁂𑀦 𑀧𑀦 𑀪𑀽𑀬𑀢𑁂

𑀆𑀤𑀻𑀳𑀺 𑀧𑀭𑀺𑀲𑀼𑀤𑁆𑀥𑁂𑀳𑀺 𑀧𑀦 𑀪𑀽𑀬𑀢𑁂

𑀆𑀤𑀺𑀦𑀸 𑀲𑀫𑀕𑁆𑀕𑁄 𑀲𑀗𑁆𑀖𑁄 𑀲𑀼𑀘𑀭𑀢𑀺

𑀆𑀤𑀻𑀳𑀺 𑀪𑀺𑀓𑁆𑀔𑀼 𑀲𑀗𑁆𑀖𑁄 𑀲𑀼𑀘𑀭𑀢𑀺

𑀆𑀤𑀺𑀦𑁄 𑀓𑁄𑀘𑀺 𑀉𑀧𑀓𑀭𑀡𑀁 𑀤𑁂𑀢𑀺

𑀆𑀤𑀻𑀦𑀁 𑀓𑁂𑀘𑀺 𑀉𑀧𑀓𑀭𑀡𑀁 𑀤𑁂𑀦𑁆𑀢𑀺

𑀆𑀤𑀺𑀦𑀸 𑀲𑀫𑀕𑁆𑀕𑁄 𑀲𑀗𑁆𑀖𑁄 𑀅𑀧𑁂𑀢𑀺

𑀆𑀤𑀻𑀳𑀺 𑀪𑀺𑀓𑁆𑀔𑀼’𑀲𑀗𑁆𑀖𑁄 𑀅𑀧𑁂𑀢𑀺

𑀆𑀤𑀺𑀲𑁆𑀲 |𑀑𑁦.𑁦𑁦𑁦𑁫| 𑀉𑀧𑀓𑀸𑀭𑀺𑀓𑀸 𑀔𑁄 𑀧𑀦 𑀳𑁄𑀢𑀺

𑀆𑀤𑀻𑀦𑀁 𑀉𑀧𑀓𑀸𑀭𑀺𑀓𑀸𑀬𑁄𑀧𑀺 𑀳𑁄𑀦𑁆𑀢𑀺

𑀆𑀤𑀺𑀫𑁆𑀳𑀺 𑀲𑀫𑀕𑁆𑀕𑁄 𑀲𑀗𑁆𑀖𑁄 𑀦𑀺𑀲𑀻𑀤𑀢𑀺

𑀆𑀤𑀻𑀲𑀽 𑀪𑀺𑀓𑁆𑀔𑀼 𑀲𑀗𑁆𑀖𑁄𑀧𑀺 𑀦𑀺𑀲𑀻𑀤𑀢𑀺.

𑀇𑀢𑀺 𑀲𑀢𑁆𑀢𑀫𑁄 𑀧𑀸𑀞𑁄.

𑀈𑀓𑀸𑀭𑀦𑁆𑀢𑀧𑀼𑀮𑁆𑀮𑀺𑀗𑁆𑀕𑁄 𑀤𑀡𑁆𑀟𑀻𑀲𑀤𑁆𑀤𑁄 𑀯𑀼𑀘𑁆𑀘𑀢𑁂.

𑀤𑀡𑁆𑀟𑀻 𑀧𑀼𑀭𑀺𑀲𑁄𑀧𑀺 𑀤𑀡𑁆𑀟𑀁 𑀙𑀟𑁆𑀟𑁂𑀢𑀼

𑀤𑀡𑁆𑀟𑀺𑀦𑁄 𑀧𑀼𑀭𑀺𑀲𑀸 𑀤𑀡𑁆𑀟𑀁 𑀙𑀟𑁆𑀟𑁂𑀦𑁆𑀢𑀼

𑀪𑁄 𑀤𑀡𑁆𑀟𑀻 𑀧𑀼𑀭𑀺𑀲 𑀤𑀡𑁆𑀟𑀁 𑀙𑀟𑁆𑀟𑁂𑀳𑀺