𑁬. 𑀓𑀸𑀤𑀬𑁄

𑀓𑁂𑀯𑀮 𑀩𑁆𑀬𑀜𑁆𑀚𑀦𑀸𑀦𑀫𑀢𑁆𑀣𑀧𑁆𑀧𑀓𑀸𑀲𑀢𑁆𑀢𑀸𑀪𑀸𑀯𑀸 𑀲𑀭𑀸𑀦𑀫𑀢𑁆𑀣𑀧𑁆𑀧𑀓𑀸𑀲𑀦𑁂 𑀅𑀘𑁆𑀘𑀦𑁆𑀢𑁄𑀧𑀓𑀸𑀭𑀸 𑀩𑁆𑀬𑀜𑁆𑀚𑀦𑀸𑀢𑀺 ‘𑀏𑀢𑁂𑀳𑀻’𑀢𑀺 𑀓𑀭𑀡𑀢𑁆𑀢𑁂𑀦 𑀯𑀼𑀢𑁆𑀢𑀁, 𑀢𑁂𑀦𑀸𑀳 ‘𑀲𑀭𑀸𑀦’𑀫𑀺𑀘𑁆𑀘𑀸𑀤𑀺. 𑀯𑀺𑀧𑀼𑀩𑁆𑀩𑀸 ‘𑀅𑀜𑁆𑀚-𑀩𑁆𑀬𑀢𑁆𑀢𑀺𑀬𑀁’𑀢𑀻𑀫𑀲𑁆𑀫𑀸 𑀓𑀭𑀡𑁂 𑀅𑀦𑀧𑁆𑀧𑀘𑁆𑀘𑀬𑁂 𑀭𑀽𑀧𑀁, 𑀦𑀧𑀼𑀁𑀲𑀓𑀢𑁆𑀢𑀫𑁆𑀧𑀺𑀲𑁆𑀲𑀸𑀯𑀕𑀫𑀬𑀺𑀢𑀼𑀁 ‘𑀉𑀧𑀓𑀸𑀭𑀓𑀸𑀦𑀻’𑀢𑀺 𑀯𑀼𑀢𑁆𑀢𑀁, 𑀩𑁆𑀬𑀜𑁆𑀚𑀦𑀢𑁆𑀢𑀁 𑀤𑀺𑀝𑁆𑀞𑀦𑁆𑀢𑁂𑀦 𑀨𑀼𑀝𑀬𑀢𑀺 ‘𑀬𑀣𑀸’𑀇𑀘𑁆𑀘𑀸𑀤𑀺𑀦𑀸, 𑀬𑀣𑀸 𑀑𑀤𑀦𑀲𑁆𑀲𑀼𑀧𑀓𑀸𑀭𑀓𑀸𑀦𑀺 𑀲𑀽𑀧𑀸𑀤𑀻𑀦𑀺 𑀩𑁆𑀬𑀜𑁆𑀚𑀦𑀸𑀦𑀺, 𑀢𑀣𑀸 𑀲𑀭𑀸𑀦𑀫𑀼𑀧𑀓𑀸𑀭𑀓𑀸𑀦𑀻𑀢𑀺 𑀅𑀥𑀺𑀧𑁆𑀧𑀸𑀬𑁄, 𑀩𑁆𑀬𑀜𑁆𑀚𑀦𑀫𑁆𑀧𑀦 𑀅𑀤𑁆𑀥𑀫𑀢𑁆𑀢𑀺𑀓𑀁, 𑀯𑀼𑀢𑁆𑀢𑀁 𑀳𑀺𑁋

𑀏𑀓𑀫𑀢𑁆𑀢𑁄 𑀪𑀯𑁂 𑀭𑀲𑁆𑀲𑁄, 𑀤𑀻𑀖𑁄 𑀫𑀢𑁆𑀢𑀤𑁆𑀯𑀬𑀸𑀬𑀼𑀢𑁄;

𑀧𑁆𑀮𑀼𑀢𑁄 𑀢𑀺𑀫𑀢𑁆𑀢𑁄 𑀯𑀺𑀜𑁆𑀜𑁂𑀬𑁆𑀬𑁄, 𑀩𑁆𑀬𑀜𑁆𑀚𑀦𑀁 𑀢𑁆𑀯𑀤𑁆𑀥𑀫𑀢𑁆𑀢𑀺𑀓𑀁𑀢𑀺.

𑀅𑀦𑁆𑀯𑀢𑁆𑀣𑀸𑀢𑀺 𑀅𑀦𑁆𑀯𑀢𑁆𑀣𑀢𑁄, ‘𑀅𑀦𑁆𑀯𑀢𑁆𑀣𑀸 𑀩𑁆𑀬𑀜𑁆𑀚𑀦𑀸’𑀢𑀺 𑀲𑀫𑁆𑀩𑀦𑁆𑀥𑁄.