𑁭. 𑀧𑀜𑁆𑀘

𑀲𑀚𑀸𑀢𑁆𑀬𑀧𑁂𑀓𑁆𑀔𑀸𑀬 𑀲𑀫𑀼𑀤𑀸𑀬𑀯𑀸𑀘𑀺𑀢𑁆𑀢𑁂𑀧𑀺 𑀓𑀸𑀤𑀬𑁄𑀢𑀻 𑀅𑀦𑀼𑀯𑀢𑁆𑀢𑀦𑀢𑁄 𑀯𑀕𑁆𑀕𑀲𑀤𑁆𑀤𑁂𑀦 𑀓𑀔𑀕𑀖𑀜𑀸𑀤𑀬𑁄𑀯 𑀕𑀬𑁆𑀳𑀦𑁆𑀢𑀺, 𑀧𑀜𑁆𑀘 𑀧𑀭𑀺𑀫𑀸𑀡𑀫𑀲𑁆𑀲 𑀧𑀜𑁆𑀘𑀓𑁄𑀯𑀕𑁆𑀕𑁄, ‘‘𑀢𑀫𑀲𑁆𑀲 𑀧𑀭𑀺𑀫𑀸𑀡𑀁 𑀡𑀺𑀓𑁄 𑀘𑀸’’𑀢𑀺 (𑁪-𑁪𑁧) 𑀓𑁄, 𑀲𑀼𑀢𑁆𑀢𑁂 𑀆𑀤𑀺𑀪𑀽𑀢𑁄 𑀧𑀜𑁆𑀘𑀲𑀤𑁆𑀤𑁄 𑀧𑀜𑁆𑀘𑀲𑀗𑁆𑀔𑁆𑀬𑀸𑀧𑀭𑀺𑀘𑁆𑀙𑁂𑀤𑀁 𑀓𑀼𑀭𑀼𑀫𑀸𑀦𑁄 𑀫𑀸𑀯𑀲𑀸𑀦𑀸𑀦𑀁 𑀯𑀕𑁆𑀕𑀸𑀦𑀁 𑀩𑀳𑀼𑀢𑁆𑀢𑀁 𑀕𑀫𑁂𑀢𑀻𑀢𑀺 ‘𑀧𑀜𑁆𑀘𑀓𑀸’𑀢𑀺 𑀯𑀼𑀢𑁆𑀢𑀁, 𑀯𑀕𑁆𑀕𑀸𑀢𑀺 𑀩𑀳𑀼𑀯𑀘𑀦𑀢𑁄 𑀧𑀘𑁆𑀘𑁂𑀓𑀦𑁆𑀢𑀺 𑀯𑀺𑀜𑁆𑀜𑀸𑀬𑀢𑀺, 𑀯𑀚𑁆𑀚𑁂𑀦𑁆𑀢𑀺 𑀬𑀓𑀸𑀭𑀸𑀤𑀬𑁄𑀪𑀺 𑀯𑀕𑁆𑀕𑀸, 𑀧𑀞𑀫𑀓𑁆𑀔𑀭𑀯𑀲𑁂𑀦 𑀧𑀦 𑀓𑀯𑀕𑁆𑀕𑀸𑀤𑀺𑀯𑁄𑀳𑀸𑀭𑁄.