𑁬. 𑀙𑀝𑁆𑀞𑁄 𑀓𑀡𑁆𑀟𑁄 (𑀢𑁆𑀬𑀸𑀤𑀺)

𑁧. 𑀯𑀢𑁆𑀢𑀫𑀸𑀦𑁂 𑀢𑀺 𑀅𑀦𑁆𑀢𑀺 𑀲𑀺 𑀣 𑀫𑀺 𑀫 𑀢𑁂 𑀅𑀦𑁆𑀢𑁂 𑀲𑁂 𑀯𑁆𑀳𑁂 𑀏 𑀫𑁆𑀳𑁂.

𑀯𑀢𑁆𑀢𑀫𑀸𑀦𑁂 𑀆𑀭𑀤𑁆𑀥𑀸𑀧𑀭𑀺𑀲𑀫𑀢𑁆𑀢𑁂 𑀅𑀢𑁆𑀣𑁂 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀢𑁆𑀬𑀸𑀤𑀬𑁄 𑀳𑁄𑀦𑁆𑀢𑀺. 𑀕𑀘𑁆𑀙𑀢𑀺, 𑀕𑀘𑁆𑀙𑀦𑁆𑀢𑀺, 𑀕𑀘𑁆𑀙𑀲𑀺 𑀕𑀘𑁆𑀙𑀣, 𑀕𑀘𑁆𑀙𑀸𑀫𑀺 𑀕𑀘𑁆𑀙𑀸𑀫, 𑀕𑀘𑁆𑀙𑀢𑁂 𑀕𑀘𑁆𑀙𑀦𑁆𑀢𑁂, 𑀕𑀘𑁆𑀙𑀲𑁂 𑀕𑀘𑁆𑀙𑀯𑁆𑀳𑁂, 𑀕𑀘𑁆𑀙𑁂 𑀕𑀘𑁆𑀙𑀸𑀫𑁆𑀳𑁂. 𑀓𑀣𑀁 ‘𑀧𑀼𑀭𑁂 𑀅𑀥𑀫𑁆𑀫𑁄 𑀤𑀺𑀧𑁆𑀧𑀢𑀺, 𑀧𑀼𑀭𑀸 𑀫𑀭𑀸𑀫𑀻’𑀢𑀺? 𑀯𑀢𑁆𑀢𑀫𑀸𑀦𑀲𑁆𑀲𑁂𑀯𑀯𑀢𑁆𑀢𑀼𑀫𑀺𑀝𑁆𑀞𑀢𑁆𑀢𑀸 𑀢𑀁𑀲𑀫𑀻𑀧𑀲𑁆𑀲 𑀢𑀕𑁆𑀕𑀳𑀡𑁂𑀦 𑀕𑀳𑀡𑀸, 𑀧𑀼𑀭𑁂𑀧𑀼𑀭𑀸𑀲𑀤𑁆𑀤𑁂𑀳𑀺 𑀯𑀸 𑀅𑀦𑀸𑀕𑀢𑀢𑁆𑀢𑀸𑀯𑀕𑀫𑁂 𑀢𑀤𑀸 𑀢𑀲𑁆𑀲 𑀯𑀢𑁆𑀢𑀫𑀸𑀦𑀢𑁆𑀢𑀸, 𑀓𑀸𑀮𑀩𑁆𑀬𑀢𑁆𑀢𑀬𑁄 𑀯𑀸 𑀏𑀲𑁄, 𑀪𑀯𑀦𑁆𑀢𑁂𑀯 𑀳𑀺 𑀓𑀸𑀮𑀦𑁆𑀢𑀭𑁂𑀧𑀺 𑀢𑁆𑀬𑀸𑀤𑀬𑁄 𑀩𑀸𑀳𑀼𑀮𑀓𑀸 ‘𑀲𑀦𑁆𑀢𑁂𑀲𑀼 𑀧𑀭𑀺𑀕𑀽𑀳𑀸𑀫𑀺, 𑀫𑀸 𑀘 𑀓𑀺𑀜𑁆𑀘 𑀇𑀢𑁄 𑀅𑀤𑀁’ ‘𑀓𑀸𑀬𑀲𑁆𑀲 𑀪𑁂𑀤𑀸 𑀅𑀪𑀺𑀲𑀫𑁆𑀧𑀭𑀸𑀬𑀁, 𑀲𑀳𑀩𑁆𑀬𑀢𑀁 𑀕𑀘𑁆𑀙𑀢𑀺 𑀯𑀸𑀲𑀯𑀲𑁆𑀲, ‘𑀅𑀦𑁂𑀓𑀚𑀸𑀢𑀺𑀲𑀁𑀲𑀸𑀭𑀁 𑀲𑀦𑁆𑀥𑀸𑀯𑀺𑀲𑁆𑀲𑀁’ 𑀅𑀢𑀺𑀯𑁂𑀮𑀁 𑀦 𑀫𑀲𑁆𑀲𑀺𑀲𑁆𑀲’𑀦𑁆𑀢𑀺.

𑁨. 𑀪𑀯𑀺𑀲𑁆𑀲𑀢𑀺 𑀲𑁆𑀲𑀢𑀺 𑀲𑁆𑀲𑀦𑁆𑀢𑀺 𑀲𑁆𑀲𑀲𑀺 𑀲𑁆𑀲𑀣 𑀲𑁆𑀲𑀸𑀫𑀺 𑀲𑁆𑀲𑀸𑀫 𑀲𑁆𑀲𑀢𑁂 𑀲𑁆𑀲𑀦𑁆𑀢𑁂 𑀲𑁆𑀲𑀲𑁂 𑀲𑁆𑀲𑀯𑁆𑀳𑁂 𑀲𑁆𑀲𑀁 𑀲𑁆𑀲𑀸𑀫𑁆𑀳𑁂.

𑀪𑀯𑀺𑀲𑁆𑀲𑀢𑀺 𑀅𑀦𑀸𑀭𑀤𑁆𑀥𑁂 𑀅𑀢𑁆𑀣𑁂 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀲𑁆𑀲𑀢𑁆𑀬𑀸𑀤𑀬𑁄 𑀳𑁄𑀦𑁆𑀢𑀺. 𑀕𑀫𑀺𑀲𑁆𑀲𑀢𑀺 𑀕𑀫𑀺𑀲𑁆𑀲𑀦𑁆𑀢𑀺, 𑀕𑀫𑀺𑀲𑁆𑀲𑀲𑀺 𑀕𑀫𑀺𑀲𑁆𑀲𑀣, 𑀕𑀫𑀺𑀲𑁆𑀲𑀸𑀫𑀺 𑀕𑀫𑀺𑀲𑁆𑀲𑀸𑀫, 𑀕𑀫𑀺𑀲𑁆𑀲𑀢𑁂 𑀕𑀫𑀺𑀲𑁆𑀲𑀦𑁆𑀢𑁂, 𑀕𑀫𑀺𑀲𑁆𑀲𑀲𑁂 𑀕𑀫𑀺𑀲𑁆𑀲𑀯𑁆𑀳𑁂, 𑀕𑀫𑀺𑀲𑁆𑀲𑀁 𑀕𑀫𑀺𑀲𑁆𑀲𑀸𑀫𑁆𑀳𑁂.

𑁩. 𑀦𑀸𑀫𑁂 𑀕𑀭𑀳𑀸𑀯𑀺𑀫𑁆𑀳𑀬𑁂𑀲𑀼.

𑀦𑀸𑀫𑀲𑀤𑁆𑀤𑁂 𑀦𑀺𑀧𑀸𑀢𑁂 𑀲𑀢𑀺 𑀕𑀭𑀳𑀸𑀬𑀁 𑀯𑀺𑀫𑁆𑀳𑀬𑁂 𑀘 𑀕𑀫𑁆𑀬𑀫𑀸𑀦𑁂 𑀲𑁆𑀲𑀢𑁆𑀬𑀸𑀤𑀬𑁄 𑀳𑁄𑀦𑁆𑀢𑀺. 𑀇𑀫𑁂 𑀳𑀺 𑀦𑀸𑀫 𑀓𑀮𑁆𑀬𑀸𑀡𑀥𑀫𑁆𑀫𑀸 𑀧𑀝𑀺𑀚𑀸𑀦𑀺𑀲𑁆𑀲𑀦𑁆𑀢𑀺, 𑀦 𑀳𑀺 𑀦𑀸𑀫 𑀪𑀺𑀓𑁆𑀔𑀯𑁂 𑀢𑀲𑁆𑀲 𑀫𑁄𑀖𑀧𑀼𑀭𑀺𑀲𑀲𑁆𑀲 𑀧𑀸𑀡𑁂𑀲𑀼 𑀅𑀦𑀼𑀤𑁆𑀤𑀬𑀸 𑀪𑀯𑀺𑀲𑁆𑀲𑀢𑀺, 𑀓𑀣𑀁 𑀳𑀺 𑀦𑀸𑀫 𑀲𑁄 𑀪𑀺𑀓𑁆𑀔𑀯𑁂 𑀫𑁄𑀖𑀧𑀼𑀭𑀺𑀲𑁄 𑀲𑀩𑁆𑀩𑀫𑀢𑁆𑀢𑀺𑀓𑀸𑀫𑀬𑀁 𑀓𑀼𑀝𑀺𑀓𑀁 𑀓𑀭𑀺𑀲𑁆𑀲𑀢𑀺? 𑀢𑀢𑁆𑀣 𑀦𑀸𑀫 𑀢𑁆𑀯𑀁 𑀫𑁄𑀖𑀧𑀼𑀭𑀺𑀲 𑀫𑀬𑀸 𑀯𑀺𑀭𑀸𑀕𑀸𑀬 𑀥𑀫𑁆𑀫𑁂 𑀤𑁂𑀲𑀺𑀢𑁂 𑀲𑀭𑀸𑀕𑀸𑀬 𑀘𑁂𑀢𑁂𑀲𑁆𑀲𑀲𑀺? 𑀅𑀢𑁆𑀣𑀺 𑀦𑀸𑀫 𑀢𑀸𑀢 𑀲𑀼𑀤𑀺𑀦𑁆𑀦 𑀆𑀪𑀺𑀤𑁄𑀲𑀺𑀓𑀁 𑀓𑀼𑀫𑁆𑀫𑀸𑀲𑀁 𑀧𑀭𑀺𑀪𑀼𑀜𑁆𑀚𑀺𑀲𑁆𑀲𑀲𑀺, 𑀅𑀢𑁆𑀣𑀺𑀬𑁂𑀯𑀺𑀳𑀸𑀧𑀺 𑀦𑀺𑀦𑁆𑀤𑀸𑀯𑀕𑀫𑁄. 𑀯𑀺𑀫𑀼𑀬𑁂-𑀅𑀘𑁆𑀙𑀭𑀺𑀬𑀁 𑀯𑀢 𑀪𑁄 𑀅𑀩𑁆𑀪𑀼𑀢𑀁 𑀯𑀢 𑀪𑁄 𑀲𑀦𑁆𑀢𑁂𑀦 𑀯𑀢 𑀪𑁄 𑀧𑀩𑁆𑀩𑀚𑀺𑀢𑀸 𑀯𑀺𑀳𑀸𑀭𑁂𑀦 𑀯𑀺𑀳𑀭𑀦𑁆𑀢𑀺, 𑀬𑀢𑁆𑀭 𑀳𑀺 𑀦𑀸𑀫 𑀲𑀜𑁆𑀜𑀻 𑀲𑀫𑀸𑀦𑁄 𑀚𑀸𑀕𑀭𑁄 𑀧𑀜𑁆𑀘𑀫𑀢𑁆𑀢𑀸𑀦𑀺 𑀲𑀓𑀝𑀲𑀢𑀸𑀦𑀺 𑀦𑀺𑀲𑁆𑀲𑀸𑀬 𑀦𑀺𑀲𑁆𑀲𑀸𑀬 𑀅𑀪𑀺𑀓𑁆𑀓𑀦𑁆𑀢𑀸𑀦𑀺 𑀦𑁂𑀯 𑀤𑀓𑁆𑀔𑀢𑀺 𑀦 𑀧𑀦 𑀲𑀤𑁆𑀤𑀁 𑀲𑁄𑀲𑁆𑀲𑀢𑀺, 𑀅𑀘𑁆𑀙𑀭𑀺𑀬𑀁 𑀅𑀦𑁆𑀥𑁄 𑀦𑀸𑀫 𑀧𑀩𑁆𑀩𑀢𑀫𑀸𑀭𑁄𑀳𑀺𑀲𑁆𑀲𑀢𑀺, 𑀩𑀥𑀺𑀭𑁄 𑀦𑀸𑀫 𑀲𑀤𑁆𑀤𑀁 𑀲𑁄𑀲𑁆𑀲𑀢𑀺.

𑁪. 𑀪𑀽𑀢𑁂 𑀈𑀉𑀁 𑀑𑀢𑁆𑀣 𑀇𑀁 𑀫𑁆𑀳𑀸 𑀆 𑀊 𑀲𑁂 𑀯𑁆𑀳𑀁 𑀅 𑀫𑁆𑀳𑁂.

𑀪𑀽𑀢𑁂 𑀧𑀭𑀺𑀲𑀫𑀢𑁆𑀢𑁂 𑀅𑀢𑁆𑀣𑁂 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀈 𑀆𑀤𑀬𑁄 𑀳𑁄𑀦𑁆𑀢𑀺. 𑀅𑀕𑀫𑀻 𑀅𑀕𑀫𑀼𑀁, 𑀅𑀕𑀫𑁄 𑀅𑀕𑀫𑀺𑀢𑁆𑀣, 𑀅𑀕𑀫𑀺𑀁 𑀅𑀕𑀫𑀺𑀫𑁆𑀳𑀸, 𑀅𑀕𑀫𑀸 𑀅𑀕𑀫𑀽, 𑀅𑀕𑀫𑀺𑀲𑁂 𑀅𑀕𑀫𑀺𑀯𑁆𑀳𑀁, 𑀅𑀕𑀫 𑀅𑀕𑀫𑀺𑀫𑁆𑀳𑁂. 𑀪𑀽𑀢𑀲𑀸𑀫𑀜𑁆𑀜𑀯𑀘𑀦𑀺𑀘𑁆𑀙𑀸𑀬𑀫𑀦𑀚𑁆𑀚𑀢𑀦𑁂𑀧𑀺 ‘𑀲𑀼𑀯𑁄 𑀅𑀳𑁄𑀲𑀺 𑀆𑀦𑀦𑁆𑀤𑁄’.

𑁫. 𑀅𑀦𑀚𑁆𑀚𑀢𑀦𑁂 𑀆 𑀊 𑀑 𑀢𑁆𑀣 𑀅 𑀫𑁆𑀳𑀸 𑀢𑁆𑀣 𑀢𑁆𑀣𑀼𑀁 𑀲𑁂 𑀯𑁆𑀳𑀁 𑀇𑀁 𑀫𑁆𑀳𑀲𑁂.

𑀅𑀯𑀺𑀚𑁆𑀚𑀫𑀸𑀦𑀚𑁆𑀚𑀢𑀦𑁂 𑀪𑀽𑀢𑁂-𑀢𑁆𑀣𑁂 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀆𑀆𑀤𑀬𑁄 𑀳𑁄𑀦𑁆𑀢𑀺.

𑀆𑀜𑀸𑀬𑁆𑀬𑀸 𑀘 𑀉𑀝𑁆𑀞𑀸𑀦𑀸, 𑀆𑀜𑀸𑀬𑁆𑀬𑀸 𑀘 𑀲𑀁𑀯𑁂𑀲𑀦𑀸;

𑀏𑀲𑀚𑁆𑀚𑀢𑀦𑁄 𑀓𑀸𑀮𑁄, 𑀅𑀳𑀭𑀼𑀪𑀢𑀟𑁆𑀠𑀭𑀢𑁆𑀢𑀁 𑀯𑀸.

𑀅𑀕𑀫𑀸 𑀅𑀕𑀫𑀽, 𑀅𑀕𑀫𑁄, 𑀅𑀕𑀫𑀢𑁆𑀣, 𑀅𑀕𑀫 𑀅𑀕𑀫𑀫𑁆𑀳𑀸, 𑀅𑀕𑀫𑀢𑁆𑀣 𑀅𑀕𑀫𑀢𑁆𑀣𑀼𑀁, 𑀅𑀕𑀫𑀲𑁂 𑀅𑀕𑀫𑀯𑁆𑀳𑀁, 𑀅𑀕𑀫𑀺𑀁 𑀅𑀕𑀫𑀫𑁆𑀳𑀲𑁂. 𑀅𑀜𑁆𑀜𑀧𑀤𑀢𑁆𑀣𑁄 𑀓𑀺𑀁? 𑀅𑀚𑁆𑀚 𑀳𑀺𑀬𑁆𑀬𑁄 𑀯𑀸 𑀅𑀕𑀫𑀸𑀲𑀺.

𑁬. 𑀧𑀭𑁄𑀓𑁆𑀔𑁂 𑀅 𑀉 𑀏 𑀢𑁆𑀣 𑀅 𑀫𑁆𑀳 𑀢𑁆𑀣 𑀭𑁂 𑀢𑁆𑀣𑁄 𑀯𑁆𑀳𑁄 𑀇 𑀫𑁆𑀳𑁂.

𑀅𑀧𑀘𑁆𑀘𑀓𑁆𑀔𑁂 𑀪𑀽𑀢𑀸𑀦𑀚𑁆𑀚𑀢𑀦𑁂-𑀢𑁆𑀣𑁂 𑀯𑀼𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀸𑀢𑁆𑀣𑀸 𑀅 𑀆𑀤𑀬𑁄 𑀳𑁄𑀦𑁆𑀢𑀺. 𑀚𑀕𑀸𑀫 𑀚𑀕𑀫𑀼, 𑀚𑀕𑀫𑁂 𑀚𑀕𑀧𑀺𑀢𑁆𑀣, 𑀚𑀕𑀫 𑀚𑀕𑀫𑀺𑀫𑁆𑀳, 𑀚𑀕𑀫𑀺𑀢𑁆𑀣 𑀚𑀕𑀫𑀺𑀭𑁂, 𑀚𑀕𑀫𑀺𑀢𑁆𑀣𑁄 𑀚𑀕𑀫𑀺𑀯𑁆𑀳𑁄, 𑀚𑀕𑀫𑀺 𑀚𑀕𑀫𑀺𑀫𑁆𑀳𑁂. 𑀫𑀽𑀴𑁆𑀳𑀯𑀺𑀓𑁆𑀔𑀺𑀢𑁆𑀢𑀩𑁆𑀬𑀸𑀲𑀢𑁆𑀢𑀘𑀺𑀢𑁆𑀢𑁂𑀦 𑀅𑀢𑁆𑀢𑀦𑀸𑀧𑀺 𑀓𑁆𑀭𑀺𑀬𑀸𑀓𑀢𑀸𑀪𑀺𑀦𑀺𑀩𑁆𑀩𑀢𑁆𑀢𑀺𑀢𑀓𑀸𑀮𑁂-𑀦𑀼𑀧𑀮𑀤𑁆𑀥𑀸 𑀲𑀫𑀸𑀦𑀸 𑀨𑀮𑁂𑀦𑀸-𑀦𑀼𑀫𑀻𑀬𑀫𑀸𑀦𑀸 𑀧𑀭𑁄𑀓𑁆𑀔𑀸𑀯 𑀯𑀢𑁆𑀣𑀼𑀢𑁄, 𑀢𑁂𑀦𑀼𑀢𑁆𑀢𑀫𑀯𑀺𑀲𑀬𑁂𑀧𑀺 𑀧𑀬𑁄𑀕𑀲𑀫𑀯𑁄.

𑁭. 𑀏𑀬𑁆𑀬𑀸𑀤𑁄 𑀯𑀸𑀢𑀺𑀧𑀢𑁆𑀢𑀺𑀬𑀁 𑀲𑁆𑀲𑀸 𑀲𑁆𑀲𑀁 𑀲𑀼 𑀲𑁆𑀲𑁂 𑀲𑁆𑀲𑀣 𑀲𑁆𑀲𑀁 𑀲𑁆𑀲𑀸𑀫𑁆𑀳𑀸 𑀲𑁆𑀲𑀣 𑀲𑁆𑀲𑀺𑀁𑀲𑀼 𑀲𑀲𑁆𑀲𑁂 𑀲𑁆𑀲𑀯𑁆𑀳𑁂 𑀲𑁆𑀲𑀺𑀁 𑀲𑁆𑀲𑀸𑀫𑁆𑀳𑀲𑁂.

𑀏𑀬𑁆𑀬𑀸𑀤𑁄 𑀯𑀺𑀲𑀬𑁂 𑀓𑁆𑀭𑀺𑀬𑀸𑀢𑀺𑀧𑀢𑁆𑀢𑀺𑀬𑀁 𑀲𑁆𑀲𑀸𑀤𑀬𑁄 𑀳𑁄𑀦𑁆𑀢𑀺 𑀯𑀺𑀪𑀸𑀲𑀸. 𑀯𑀺𑀥𑀼𑀭𑀧𑁆𑀧𑀘𑁆𑀘𑀬𑁄𑀧𑀦𑀺𑀧𑀸𑀢𑀢𑁄 𑀓𑀸𑀭𑀡𑀯𑁂𑀓𑀮𑁆𑀮𑀢𑁄 𑀯𑀸 𑀓𑁆𑀭𑀺𑀬𑀸𑀬𑀸𑀢𑀺𑀧𑀢𑀦𑀫𑀦𑀺𑀧𑁆𑀨𑀢𑁆𑀢𑀺 𑀓𑁆𑀭𑀺𑀬𑀸𑀢𑀺𑀧𑀢𑁆𑀢𑀺, 𑀏𑀢𑁂 𑀘 𑀲𑁆𑀲𑀸𑀤𑀬𑁄 𑀲𑀸𑀫𑀢𑁆𑀣𑀺𑀬𑀸𑀢𑀻𑀢𑀸𑀦𑀸𑀕𑀢𑁂𑀲𑁆𑀯𑁂𑀯 𑀳𑁄𑀦𑁆𑀢𑀺 𑀦 𑀯𑀢𑁆𑀢𑀫𑀸𑀦𑁂 𑀢𑀢𑁆𑀭… 𑀓𑁆𑀭𑀺𑀬𑀸𑀢𑀺𑀧𑀢𑁆𑀬𑀲𑀫𑁆𑀪𑀯𑀸, 𑀲𑀘𑁂 𑀧𑀞𑀫𑀯𑀬𑁂 𑀧𑀩𑁆𑀩𑀚𑁆𑀚𑀁 𑀅𑀮𑀪𑀺𑀲𑁆𑀲𑀸 𑀅𑀭𑀳𑀸 𑀅𑀪𑀯𑀺𑀲𑁆𑀲𑀸, 𑀤𑀓𑁆𑀔𑀺𑀡𑁂𑀦 𑀘𑁂 𑀅𑀕𑀫𑀺𑀲𑁆𑀲𑀸 𑀦 𑀲𑀓𑀝𑀁 𑀧𑀭𑀺𑀬𑀸 𑀪𑀯𑀺𑀲𑁆𑀲𑀸, 𑀤𑀓𑁆𑀔𑀺𑀡𑁂𑀦 𑀘𑁂 𑀅𑀕𑀫𑀺𑀲𑁆𑀲𑀁𑀲𑀼, 𑀅𑀕𑀫𑀺𑀲𑁆𑀲𑁂 𑀅𑀕𑀫𑀺𑀲𑁆𑀲𑀣, 𑀅𑀕𑀫𑀺𑀲𑁆𑀲𑀁 𑀅𑀕𑀫𑀺𑀲𑁆𑀲𑀸𑀫𑁆𑀳𑀸, 𑀅𑀕𑀫𑀺𑀲𑁆𑀲𑀣 𑀅𑀕𑀫𑀺𑀲𑁆𑀲𑀺𑀁𑀲𑀼, 𑀅𑀕𑀫𑀺𑀲𑁆𑀲𑀲𑁂 𑀅𑀕𑀫𑀺𑀲𑁆𑀲𑀯𑁆𑀳𑁂, 𑀅𑀕𑀫𑀺𑀲𑁆𑀲𑀺𑀁 𑀅𑀕𑀫𑀺𑀲𑁆𑀲𑀸𑀫𑁆𑀳𑀲𑁂, 𑀦 𑀲𑀓𑀝𑀁 𑀧𑀭𑀺𑀬𑀸𑀪𑀯𑀺𑀲𑁆𑀲𑀸, 𑀯𑀸𑀢𑀺𑀓𑀺𑀁? 𑀤𑀓𑁆𑀔𑀺𑀡𑁂 𑀦 𑀘𑁂 𑀕𑀫𑀺𑀲𑁆𑀲𑀢𑀺 𑀦 𑀲𑀓𑀝𑀁 𑀧𑀭𑀺𑀬𑀸 𑀪𑀯𑀺𑀲𑁆𑀲𑀢𑀺.

𑁮. 𑀳𑁂𑀢𑀼𑀨𑀮𑁂𑀲𑁆𑀯𑁂𑀬𑁆𑀬 𑀏𑀬𑁆𑀬𑀼𑀁 𑀏𑀬𑁆𑀬𑀸𑀲𑀺 𑀏𑀬𑁆𑀬𑀸𑀣 𑀏𑀬𑁆𑀬𑀸𑀫𑀺 𑀏𑀬𑁆𑀬𑀸𑀫 𑀏𑀣 𑀏𑀭𑀁 𑀏𑀣𑁄 𑀏𑀬𑁆𑀬𑀯𑁆𑀳𑁄 𑀏𑀬𑁆𑀬𑀁 𑀏𑀬𑁆𑀬𑀸𑀫𑁆𑀳𑁂.

𑀳𑁂𑀢𑀼𑀪𑀽𑀢𑀸𑀬𑀁 𑀏𑀮𑀪𑀽𑀢𑀸𑀬𑀜𑁆𑀘 𑀓𑁆𑀭𑀺𑀬𑀸𑀬𑀁 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀏𑀬𑁆𑀬𑀸𑀤𑀬𑁄 𑀯𑀸 𑀳𑁄𑀦𑁆𑀢𑀺, 𑀲𑀘𑁂 𑀲𑀗𑁆𑀔𑀸𑀭𑀸 𑀦𑀺𑀘𑁆𑀘𑀸 𑀪𑀯𑁂𑀬𑁆𑀬𑀼𑀁 𑀦 𑀦𑀺𑀭𑀼𑀚𑁆𑀛𑁂𑀬𑁆𑀬𑀼𑀁, 𑀤𑀓𑁆𑀔𑀺𑀡𑁂𑀦 𑀘𑁂 𑀕𑀘𑁆𑀙𑁂𑀬𑁆𑀬 𑀦 𑀲𑀓𑀝𑀁 𑀧𑀭𑀺𑀬𑀸𑀪𑀯𑁂𑀬𑁆𑀬, 𑀤𑀓𑁆𑀔𑀺𑀡𑁂𑀦 𑀘𑁂 𑀕𑀘𑁆𑀙𑁂𑀬𑁆𑀬𑀼𑀁, 𑀕𑀘𑁆𑀙𑁂𑀬𑁆𑀬𑀸𑀲𑀺 𑀕𑀘𑁆𑀙𑁂𑀬𑁆𑀬𑀸𑀣, 𑀕𑀘𑁆𑀙𑁂𑀬𑁆𑀬𑀸𑀫𑀺 𑀕𑀘𑁆𑀙𑁂𑀬𑁆𑀬𑀸𑀫, 𑀕𑀘𑁆𑀙𑁂𑀣 𑀕𑀘𑁆𑀙𑁂𑀭𑀁, 𑀕𑀘𑁆𑀙𑁂𑀣𑁄 𑀕𑀘𑁆𑀙𑁂𑀬𑁆𑀬𑀯𑁆𑀳𑁄, 𑀕𑀘𑁆𑀙𑁂𑀬𑁆𑀬𑀁 𑀕𑀘𑁆𑀙𑁂𑀬𑁆𑀬𑀸𑀫𑁆𑀳𑁂, 𑀦 𑀲𑀓𑀝𑀁 𑀧𑀭𑀺𑀬𑁆𑀬𑀸𑀪𑀯𑁂𑀬𑁆𑀬, 𑀪𑀯𑀦𑀁 𑀕𑀫𑀦𑀁 𑀘 𑀳𑁂𑀢𑀼, 𑀅𑀦𑀺𑀭𑀼𑀚𑁆𑀛𑀦𑀁 𑀅𑀧𑀭𑀺𑀬𑀸𑀪𑀯𑀦𑀁 𑀘 𑀨𑀮𑀁, 𑀇𑀳 𑀓𑀲𑁆𑀫𑀸 𑀦 𑀳𑁄𑀢𑀺 ‘𑀳𑀦𑁆𑀢𑀻𑀳𑀺 𑀧𑀮𑀸𑀬𑀢𑀺, 𑀯𑀲𑁆𑀲𑀢𑀻𑀢𑀺 𑀥𑀸𑀯𑀢𑀺, 𑀳𑀦𑀺𑀲𑁆𑀲𑀢𑀻𑀢𑀺 𑀧𑀮𑀸𑀬𑀺𑀲𑁆𑀲𑀢𑀻’𑀢𑀺? 𑀇𑀢𑀺 𑀲𑀤𑁆𑀤𑁂𑀦𑁂𑀯 𑀳𑁂𑀢𑀼𑀳𑁂𑀢𑀼𑀫𑀦𑁆𑀢𑀢𑀸𑀬 𑀚𑁄𑀢𑀺𑀢𑀢𑁆𑀢𑀸, 𑀯𑀸𑀢𑀺 𑀓𑀺𑀁? 𑀤𑀓𑁆𑀔𑀺𑀡𑁂𑀦 𑀘𑁂 𑀕𑀫𑀺𑀲𑁆𑀲𑀢𑀺 𑀦 𑀲𑀓𑀝𑀁 𑀧𑀭𑀺𑀬𑀸𑀪𑀯𑀺𑀲𑁆𑀲𑀢𑀺.

𑁯. 𑀧𑀜𑁆𑀳𑀧𑀢𑁆𑀣𑀦𑀸𑀯𑀺𑀥𑀻𑀲𑀼.

𑀧𑀜𑁆𑀳𑁄=𑀲𑀫𑁆𑀧𑀼𑀘𑁆𑀙𑀦𑀁 𑀲𑀫𑁆𑀧𑀥𑀸𑀭𑀡𑀁 𑀦𑀺𑀭𑀽𑀧𑀡𑀁 𑀓𑀸𑀭𑀺𑀬𑀸𑀦𑀺𑀘𑁆𑀙𑀬𑀦𑀁 𑀧𑀢𑁆𑀣𑀦𑀸=𑀬𑀸𑀘𑀦𑀁 𑀇𑀝𑁆𑀞𑀸𑀲𑀺𑀁 𑀪𑀦𑀜𑁆𑀘, 𑀯𑀺𑀥𑀺=𑀯𑀺𑀥𑀸𑀦𑀁 𑀦𑀺𑀬𑁄𑀚𑀦𑀁 𑀓𑁆𑀭𑀺𑀬𑀸𑀲𑀼 𑀩𑁆𑀬𑀸𑀧𑀸𑀭𑀡𑀸, 𑀲𑀸 𑀘 𑀤𑀼𑀯𑀺𑀥𑀸𑀯 𑀲𑀸𑀤𑀭𑀸𑀦𑀸𑀤𑀭𑀯𑀲𑁂𑀦… 𑀯𑀺𑀲𑀬𑀪𑁂𑀤𑁂𑀦 𑀪𑀺𑀦𑁆𑀦𑀸𑀬𑀧𑀺 𑀢𑀤𑀼𑀪𑀬𑀸𑀦𑀢𑀺𑀯𑀢𑁆𑀢𑀦𑀢𑁄, 𑀏𑀢𑁂𑀲𑀼 𑀧𑀜𑁆𑀳𑀸𑀤𑀻𑀲𑀼 𑀓𑁆𑀭𑀺𑀬𑀢𑁆𑀣𑀢𑁄 𑀏𑀬𑁆𑀬𑁄𑀤𑀬𑁄 𑀳𑁄𑀦𑁆𑀢𑀺, 𑀧𑀜𑁆𑀳𑁂 - 𑀓𑀺𑀫𑀸𑀬𑀲𑁆𑀫𑀸 𑀯𑀺𑀦𑀬𑀁 𑀧𑀭𑀺𑀬𑀸𑀧𑀼𑀡𑁂𑀬𑁆𑀬? 𑀉𑀤𑀸𑀳𑀼 𑀥𑀫𑁆𑀫𑀁, 𑀕𑀘𑁆𑀙𑁂𑀬𑁆𑀬𑀁 𑀯𑀸𑀳𑀁 𑀉𑀧𑁄𑀲𑀣𑀁 𑀦 𑀯𑀸 𑀕𑀘𑁆𑀙𑁂𑀬𑁆𑀬𑀁, 𑀧𑀢𑁆𑀣𑀦𑀸𑀬𑀁-𑀮𑀪𑁂𑀬𑁆𑀬𑀸-𑀳𑀁 𑀪𑀦𑁆𑀢𑁂 𑀪𑀕𑀯𑀢𑁄 𑀲𑀦𑁆𑀢𑀺𑀓𑁂 𑀧𑀩𑁆𑀩𑀚𑁆𑀚𑀁 𑀮𑀪𑁂𑀬𑁆𑀬𑀁 𑀉𑀧𑀲𑀫𑁆𑀧𑀤𑀁, 𑀧𑀲𑁆𑀲𑁂𑀬𑁆𑀬𑀁 𑀢𑀁 𑀯𑀲𑁆𑀲𑀲𑀢𑀁 𑀅𑀭𑁄𑀕𑀁, 𑀯𑀺𑀥𑀺𑀫𑁆𑀳𑀺-𑀪𑀯𑀁 𑀧𑀢𑁆𑀢𑀁 𑀧𑀘𑁂𑀬𑁆𑀬, 𑀪𑀯𑀁 𑀧𑀼𑀜𑁆𑀜𑀁 𑀓𑀭𑁂𑀬𑁆𑀬, 𑀇𑀳 𑀪𑀯𑀁 𑀪𑀼𑀜𑁆𑀚𑁂𑀬𑁆𑀬, 𑀇𑀳 𑀪𑀯𑀁 𑀦𑀺𑀲𑀻𑀤𑁂𑀬𑁆𑀬, 𑀫𑀸𑀡𑀯𑀓𑀁 𑀪𑀯𑀁 𑀅𑀚𑁆𑀛𑀸𑀧𑁂𑀬𑁆𑀬, 𑀅𑀦𑀼𑀜𑁆𑀜𑀸𑀧𑀢𑁆𑀢𑀓𑀸𑀮𑁂𑀲𑀼𑀧𑀺 𑀲𑀺𑀤𑁆𑀥𑀸𑀯… 𑀢𑀢𑁆𑀣𑀸𑀧𑀺 𑀯𑀺𑀥𑀺𑀧𑁆𑀧𑀢𑀻𑀢𑀺𑀢𑁄, 𑀅𑀦𑀼𑀜𑁆𑀜𑀸𑀬𑀁-𑀏𑀯𑀁 𑀓𑀭𑁂𑀬𑁆𑀬𑀸𑀲𑀺, 𑀧𑀢𑁆𑀢𑀓𑀸𑀮𑁂-𑀓𑀝𑀁 𑀓𑀭𑁂𑀬𑁆𑀬𑀸𑀲𑀺, 𑀧𑀢𑁆𑀢𑁄 𑀢𑁂 𑀓𑀸𑀮𑁄 𑀓𑀝𑀓𑀭𑀡𑁂, 𑀬𑀤𑀺 𑀲𑀗𑁆𑀖𑀲𑁆𑀲 𑀧𑀢𑁆𑀢𑀓𑀮𑁆𑀮𑀁 𑀲𑀗𑁆𑀖𑁄 𑀉𑀧𑁄𑀲𑀣𑀁 𑀓𑀭𑁂𑀬𑁆𑀬, 𑀏𑀢𑀲𑁆𑀲 𑀪𑀕𑀯𑀸 𑀓𑀸𑀮𑁄 𑀏𑀢𑀲𑁆𑀲 𑀲𑀼𑀕𑀢 𑀓𑀸𑀮𑁄 𑀬𑀁 𑀪𑀕𑀯𑀸 𑀲𑀸𑀯𑀓𑀸𑀦𑀁 𑀲𑀺𑀓𑁆𑀔𑀸𑀧𑀤𑀁 𑀧𑀜𑁆𑀜𑀧𑁂𑀬𑁆𑀬, 𑀧𑁂𑀲𑀦𑁂𑀧𑀺𑀘𑁆𑀙𑀦𑁆𑀢𑀺 ‘𑀕𑀸𑀫𑀁 𑀢𑁆𑀯𑀁 𑀪𑀡𑁂 𑀕𑀘𑁆𑀙𑁂𑀬𑁆𑀬𑀸𑀲𑀺’.

𑁧𑁦. 𑀢𑀼 𑀅𑀦𑁆𑀢𑀼 𑀳𑀺 𑀣 𑀫𑀺 𑀫 𑀢𑀁 𑀅𑀦𑁆𑀢𑀁 𑀲𑁆𑀲𑀼 𑀯𑁆𑀳𑁄 𑀏 𑀆𑀫𑀲𑁂.

𑀧𑀜𑁆𑀳𑀸𑀤𑀻𑀲𑁆𑀯𑁂𑀢𑁂 𑀳𑁄𑀦𑁆𑀢𑀺 𑀓𑁆𑀭𑀺𑀬𑀢𑁆𑀣𑀢𑁄. 𑀕𑀘𑁆𑀙𑀢𑀼 𑀕𑀘𑁆𑀙𑀦𑁆𑀢𑀼, 𑀕𑀘𑁆𑀙𑀸𑀳𑀺 𑀕𑀘𑁆𑀙𑀣, 𑀕𑀘𑁆𑀙𑀸𑀫𑀺 𑀕𑀘𑁆𑀙𑀸𑀫, 𑀕𑀘𑁆𑀙𑀢𑀁 𑀕𑀘𑁆𑀙𑀦𑁆𑀢𑀁, 𑀕𑀘𑁆𑀙𑀲𑁆𑀲𑀼 𑀕𑀘𑁆𑀙𑀯𑁆𑀳𑁄, 𑀕𑀘𑁆𑀙𑁂, 𑀕𑀘𑁆𑀙𑀸𑀫𑀲𑁂, 𑀧𑀜𑁆𑀳𑁂-𑀓𑀺𑀦𑁆𑀦𑀼 𑀔𑀮𑀼 𑀪𑁄 𑀩𑁆𑀬𑀸𑀓𑀭𑀡𑀫𑀥𑀻𑀬𑀲𑁆𑀲𑀼, 𑀧𑀢𑁆𑀣𑀦𑀸𑀬𑀁-𑀤𑀤𑀸𑀳𑀺 𑀫𑁂, 𑀚𑀻𑀯𑀢𑀼 𑀪𑀯𑀁, 𑀯𑀺𑀥𑀺𑀫𑁆𑀳𑀺-𑀓𑀝𑀁 𑀓𑀭𑁄𑀢𑀼 𑀪𑀯𑀁, 𑀧𑀼𑀜𑁆𑀜𑀁 𑀓𑀭𑁄𑀢𑀼 𑀪𑀯𑀁, 𑀇𑀳 𑀪𑀯𑀁 𑀪𑀼𑀜𑁆𑀚𑀢𑀼, 𑀇𑀳 𑀪𑀯𑀁 𑀦𑀺𑀲𑀻𑀤𑀢𑀼, 𑀉𑀤𑁆𑀤𑀺𑀲𑀢𑀼 𑀪𑀦𑁆𑀢𑁂 𑀪𑀕𑀯𑀸 𑀪𑀺𑀓𑁆𑀔𑀽𑀦𑀁 𑀧𑀸𑀢𑀺𑀫𑁄𑀓𑁆𑀔𑀁, 𑀧𑁂𑀲𑀦𑁂-𑀕𑀘𑁆𑀙 𑀪𑀡𑁂 𑀕𑀸𑀫𑀁, 𑀅𑀦𑀼𑀫𑀢𑀺𑀬𑀁 - 𑀏𑀯𑀁 𑀓𑀭𑁄𑀳𑀺, 𑀧𑀢𑁆𑀢𑀓𑀸𑀮𑁂-𑀓𑀸𑀮𑁄-𑀬𑀁 𑀢𑁂 𑀫𑀳𑀸𑀯𑀻𑀭 𑀉𑀧𑁆𑀧𑀚𑁆𑀚 𑀫𑀸𑀢𑀼𑀓𑀼𑀘𑁆𑀙𑀺𑀬𑀁.

𑁧𑁧. 𑀲𑀢𑁆𑀬𑀭𑀳𑁂𑀲𑁆𑀯𑁂𑀬𑁆𑀬𑀸𑀤𑀻.

𑀲𑀢𑁆𑀢𑀺𑀬𑀁 𑀅𑀭 𑀳𑀢𑁆𑀣𑁂 𑀘 𑀓𑁆𑀭𑀺𑀬𑀢𑁆𑀣𑀸 𑀏𑀬𑁆𑀬𑀸𑀤𑀬𑁄 𑀳𑁄𑀦𑁆𑀢𑀺. 𑀪𑀯𑀁 𑀔𑀮𑀼 𑀭𑀚𑁆𑀚𑀁 𑀓𑀭𑁂𑀬𑁆𑀬, 𑀪𑀯𑀁 𑀲𑀢𑁆𑀢𑁄 𑀅𑀭𑀳𑁄.

𑁧𑁨. 𑀲𑀫𑁆𑀪𑀸𑀯𑀦𑁂 𑀯𑀸.

𑀲𑀫𑁆𑀪𑀸𑀯𑀦𑁂 𑀕𑀫𑁆𑀬𑀫𑀸𑀦𑁂 𑀥𑀸𑀢𑀼𑀦𑀸 𑀯𑀼𑀘𑁆𑀘𑀫𑀸𑀦𑁂 𑀘 𑀏𑀬𑁆𑀬𑀸𑀤𑀬𑁄 𑀳𑁄𑀦𑁆𑀢𑀺 𑀯𑀺𑀪𑀸𑀲𑀸. 𑀅𑀧𑀺 𑀧𑀩𑁆𑀩𑀢𑀁 𑀲𑀺𑀭𑀲𑀸 𑀪𑀺𑀦𑁆𑀤𑁂𑀬𑁆𑀬, 𑀓𑁆𑀭𑀺𑀬𑀸𑀢𑀺𑀧𑀢𑁆𑀢𑀺𑀬𑀦𑁆𑀢𑀼 𑀲𑁆𑀲𑀸𑀤𑀻-𑀅𑀲𑀦𑀺𑀬𑀸𑀧𑀺 𑀳𑀢𑁄 𑀦𑀸𑀧𑀢𑀺𑀲𑁆𑀲𑀸, 𑀲𑀫𑁆𑀪𑀸𑀯𑁂𑀫𑀺 𑀲𑀤𑁆𑀤𑀳𑀸𑀫𑀺 𑀅𑀯𑀓𑀧𑁆𑀧𑁂𑀫𑀺 𑀪𑀼𑀜𑁆𑀚𑁂𑀬𑁆𑀬 𑀪𑀯𑀁 𑀪𑀼𑀜𑁆𑀚𑀺𑀲𑁆𑀲𑀢𑀺 𑀪𑀯𑀁 𑀅𑀪𑀼𑀜𑁆𑀚𑀺 𑀪𑀯𑀁, 𑀓𑁆𑀭𑀺𑀬𑀸𑀢𑀺𑀧𑀢𑁆𑀢𑀺𑀬𑀦𑁆𑀢𑀼 𑀲𑁆𑀲𑀸𑀤𑀻-𑀲𑀫𑁆𑀪𑀸𑀯𑁂𑀫𑀺 𑀦𑀸𑀪𑀼𑀜𑁆𑀚𑀺𑀲𑁆𑀲𑀸 𑀪𑀯𑀁.

𑁧𑁩. 𑀫𑀸𑀬𑁄𑀕𑁂 𑀈𑀆𑀆𑀤𑀻.

𑀫𑀸 𑀬𑁄𑀕𑁂 𑀲𑀢𑀺 𑀈𑀆𑀤𑀬𑁄 𑀆𑀆𑀤𑀬𑁄 𑀘 𑀯𑀸 𑀳𑁄𑀦𑁆𑀢𑀺. 𑀫𑀸 𑀲𑀼 𑀧𑀼𑀦𑀧𑀺 𑀏𑀯𑀭𑀽𑀧𑀫𑀓𑀸𑀲𑀺, 𑀫𑀸 𑀪𑀯𑀁 𑀅𑀕𑀫𑀸 𑀯𑀦𑀁, 𑀯𑀸𑀢𑁆𑀯𑁂𑀯? 𑀫𑀸 𑀢𑁂 𑀓𑀸𑀫𑀕𑀼𑀡𑁂 𑀪𑀫𑀲𑁆𑀲𑀼 𑀘𑀺𑀢𑁆𑀢𑀁, 𑀫𑀸 𑀢𑁆𑀯𑀁 𑀓𑀭𑀺𑀲𑁆𑀲𑀲𑀺, 𑀫𑀸 𑀢𑁆𑀯𑀁 𑀓𑀭𑁂𑀬𑁆𑀬𑀸𑀲𑀺, 𑀅𑀲𑀓𑀓𑀸𑀮𑀢𑁆𑀣𑁄𑀬𑀫𑀸𑀭𑀫𑁆𑀪𑁄, 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀢𑀻𑀢𑀺 𑀧𑀤𑀦𑁆𑀢𑀭𑀲𑀫𑁆𑀩𑀦𑁆𑀥𑁂𑀦𑀸𑀦𑀸𑀕𑀢𑀓𑀸𑀮𑀢𑀸 𑀧𑀢𑀻𑀬𑀢𑁂, 𑀏𑀯𑀁 𑀓𑀢𑁄 𑀓𑀝𑁄 𑀲𑁆𑀯𑁂 𑀪𑀯𑀺𑀲𑁆𑀲𑀢𑀺, 𑀪𑀸𑀯𑀺 𑀓𑀺𑀘𑁆𑀘𑀫𑀸𑀲𑀻𑀢𑀺.

𑀮𑀼𑀦𑀸𑀳𑀺 𑀮𑀼𑀦𑀸𑀳𑀺𑀢𑁆𑀯𑁂𑀯𑀸𑀬𑀁 𑀮𑀼𑀦𑀸𑀢𑀺, 𑀮𑀼𑀦𑀲𑁆𑀲𑀼 𑀮𑀼𑀦𑀲𑁆𑀲𑀼𑀢𑁆𑀯𑁂𑀯𑀸𑀬𑀁 𑀮𑀼𑀦𑀸-𑀢𑀻𑀢𑀺 𑀢𑁆𑀯𑀸𑀤𑀻𑀦𑀫𑁂𑀯𑁂𑀢𑀁 𑀫𑀚𑁆𑀛𑀺𑀫𑀧𑀼𑀭𑀺𑀲𑁂𑀓𑀯𑀘𑀦𑀸𑀦𑀫𑀸𑀪𑀺𑀓𑁆𑀔𑀜𑁆𑀜𑁂 𑀤𑁆𑀯𑀺𑀩𑁆𑀩𑀯𑀘𑀦𑀁, 𑀇𑀤𑀁 𑀯𑀼𑀢𑁆𑀢𑀁 𑀳𑁄𑀢𑀺 ‘𑀏𑀯 𑀫𑁂𑀲 𑀢𑀼𑀭𑀺𑀢𑁄 𑀅𑀜𑁆𑀜𑁂𑀧𑀺 𑀦𑀺𑀬𑁄𑀚𑁂𑀦𑁆𑀢𑁄𑀯𑀺𑀬 𑀓𑀺𑀭𑀺𑀬𑀁 𑀓𑀭𑁄𑀢𑀻’𑀢𑀺, 𑀏𑀯𑀁 𑀮𑀼𑀦𑀸𑀣 𑀮𑀼𑀦𑀸𑀣𑀢𑁆𑀯𑁂𑀯𑀸𑀬𑀁 𑀮𑀼𑀦𑀸𑀢𑀺, 𑀮𑀼𑀦𑀯𑁆𑀳𑁄 𑀮𑀼𑀦𑀯𑁆𑀳𑁄𑀢𑁆𑀯𑁂𑀯𑀸𑀬𑀁 𑀮𑀼𑀦𑀸𑀢𑀺, 𑀢𑀣𑀸 𑀓𑀸𑀮𑀦𑁆𑀢𑀭𑁂𑀲𑀼𑀧𑀺 𑀮𑀼𑀦𑀸𑀳𑀺 𑀮𑀼𑀦𑀸𑀳𑀺𑀢𑁆𑀯𑁂𑀯𑀸𑀬𑀁 𑀅𑀮𑀼𑀦𑀺, 𑀅𑀮𑀼𑀦𑀸, 𑀮𑀼𑀮𑀸𑀯, 𑀮𑀼𑀦𑀺𑀲𑁆𑀲𑀢𑀻𑀢𑀺, 𑀏𑀯𑀁 𑀲𑁆𑀲𑀼𑀫𑁆𑀳𑀺 𑀘 𑀬𑁄𑀚𑀦𑀻𑀬𑀁, 𑀢𑀣𑀸 𑀲𑀫𑀼𑀘𑁆𑀘𑀬𑁂𑀧𑀺 𑀫𑀞𑀫𑀝, 𑀯𑀺𑀳𑀸𑀭𑀫𑀝𑁂𑀢𑁆𑀯𑁂𑀯𑀸𑀬𑀫𑀝𑀢𑀺, 𑀫𑀞𑀫𑀝𑀲𑁆𑀲𑀼, 𑀯𑀺𑀳𑀸𑀭𑀫𑀝𑀲𑁆𑀲𑀼𑀢𑁆𑀯𑁂𑀯𑀸𑀬𑀫𑀝𑀢𑀺, 𑀩𑁆𑀬𑀸𑀧𑀸𑀭𑀪𑁂𑀤𑁂 𑀢𑀼𑀲𑀸𑀫𑀜𑁆𑀜𑀯𑀘𑀦𑀲𑁆𑀲𑁂𑀯 𑀩𑁆𑀬𑀸𑀧𑀓𑀢𑁆𑀢𑀸 𑀅𑀦𑀼𑀧𑁆𑀧𑀬𑁄𑀕𑁄 𑀪𑀯𑀢𑀺, 𑀑𑀤𑀦𑀁 𑀪𑀼𑀜𑁆𑀚, 𑀬𑀸𑀕𑀼𑀁 𑀧𑀺𑀯, 𑀥𑀸𑀦𑀸 𑀔𑀸𑀤𑁂𑀢𑁆𑀯𑁂𑀯𑀸𑀬-𑀫𑀚𑁆𑀛𑁄𑀳𑀭𑀢𑀺.

𑁧𑁪. 𑀧𑀼𑀩𑁆𑀩𑀧𑀭𑀘𑁆𑀙𑀓𑁆𑀓𑀸𑀦𑀫𑁂𑀓𑀸𑀦𑁂𑀓𑁂𑀲𑀼 𑀢𑀼𑀫𑁆𑀳𑀸𑀫𑁆𑀳𑀲𑁂𑀲𑁂𑀲𑀼 𑀤𑁆𑀯𑁂 𑀤𑁆𑀯𑁂 𑀫𑀚𑁆𑀛𑀺𑀫𑀼𑀢𑁆𑀢𑀫𑀧𑀞𑀫𑀸.

𑀏𑀓𑀸𑀦𑁂𑀓𑁂𑀲𑀼 𑀢𑀼𑀫𑁆𑀳𑀸𑀫𑁆𑀳𑀲𑀤𑁆𑀤𑀯𑀘𑀦𑀻𑀬𑁂𑀲𑀼 𑀢𑀤𑀜𑁆𑀜𑀲𑀤𑁆𑀤𑀯𑀘𑀦𑀻𑀬𑁂𑀲𑀼 𑀘 𑀓𑀸𑀭𑀓𑁂𑀲𑀼 𑀧𑀼𑀩𑁆𑀩𑀘𑁆𑀙𑀓𑁆𑀓𑀸𑀦𑀁 𑀧𑀭𑀘𑁆𑀙𑀓𑁆𑀓𑀸𑀦𑀁 𑀫𑀚𑁆𑀛𑀺𑀫𑀼𑀢𑁆𑀢𑀫𑀧𑀞𑀫𑀸 𑀤𑁆𑀯𑁂 𑀤𑁆𑀯𑁂 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁 𑀓𑁆𑀭𑀺𑀬𑀢𑁆𑀣𑀸, 𑀉𑀢𑁆𑀢𑀫𑀲𑀤𑁆𑀤𑁄-𑀬𑀁 𑀲𑀪𑀸𑀯𑀢𑁄 𑀢𑀢𑀺𑀬𑀤𑀼𑀓𑁂 𑀭𑀼𑀴𑁆𑀳𑁄, 𑀢𑁆𑀯𑀁 𑀕𑀘𑁆𑀙𑀲𑀺, 𑀢𑀼𑀫𑁆𑀳𑁂 𑀕𑀘𑁆𑀙𑀣, 𑀢𑁆𑀯𑀁 𑀕𑀘𑁆𑀙𑀲𑁂, 𑀢𑀼𑀫𑁆𑀳𑁂 𑀕𑀘𑁆𑀙𑀯𑁆𑀳𑁂, 𑀅𑀳𑀁 𑀕𑀘𑁆𑀙𑀸𑀫𑀺, 𑀫𑀬𑀁 𑀕𑀘𑁆𑀙𑀸𑀫, 𑀅𑀳𑀁 𑀕𑀘𑁆𑀙𑁂, 𑀫𑀬𑀁 𑀕𑀘𑁆𑀙𑀸𑀫𑁆𑀳𑁂, 𑀲𑁄 𑀕𑀘𑁆𑀙𑀢𑀺, 𑀢𑁂 𑀕𑀘𑁆𑀙𑀦𑁆𑀢𑀺, 𑀲𑁄 𑀕𑀘𑁆𑀙𑀢𑁂, 𑀢𑁂 𑀕𑀘𑁆𑀙𑀦𑁆𑀢𑁂, 𑀲𑀸𑀫𑀢𑁆𑀣𑀺𑀬𑀸 𑀮𑀤𑁆𑀥𑀢𑁆𑀢𑀸 𑀅𑀧𑁆𑀧𑀬𑀼𑀚𑁆𑀚𑀫𑀸𑀦𑁂𑀲𑀼𑀧𑀺 𑀢𑀼𑀫𑁆𑀳𑀸𑀫𑁆𑀳𑀲𑁂𑀲𑁂𑀲𑀼 𑀪𑀯𑀦𑁆𑀢𑀺. 𑀕𑀘𑁆𑀙𑀲𑀺, 𑀕𑀘𑁆𑀙𑀣, 𑀕𑀘𑁆𑀙𑀲𑁂, 𑀕𑀘𑁆𑀙𑀯𑁆𑀳𑁂, 𑀕𑀘𑁆𑀙𑀸𑀫𑀺, 𑀕𑀘𑁆𑀙𑀸𑀫, 𑀕𑀘𑁆𑀙𑁂, 𑀕𑀘𑁆𑀙𑀸𑀫𑁆𑀳𑁂, 𑀕𑀘𑁆𑀙𑀢𑀺, 𑀕𑀘𑁆𑀙𑀦𑁆𑀢𑀺, 𑀕𑀘𑁆𑀙𑀢𑁂, 𑀕𑀘𑁆𑀙𑀦𑁆𑀢𑁂.

𑁧𑁫. 𑀆𑀈𑀲𑁆𑀲𑀸𑀤𑀻𑀲𑁆𑀯𑀜 𑀯𑀸.

𑀆𑀆𑀤𑁄 𑀈𑀆𑀤𑁄 𑀲𑁆𑀲𑀸 𑀆𑀤𑁄 𑀘 𑀓𑁆𑀭𑀺𑀬𑀢𑁆𑀣𑀲𑁆𑀲 𑀯𑀸 𑀅𑀜 𑀳𑁄𑀢𑀺. 𑀜𑀓𑀸𑀭𑁄-𑀦𑀼𑀩𑀦𑁆𑀥𑁄, 𑀅𑀕𑀫𑀸, 𑀕𑀫𑀸, 𑀅𑀕𑀫𑀻, 𑀕𑀫𑀻, 𑀅𑀕𑀫𑀺𑀲𑁆𑀲𑀸, 𑀕𑀫𑀺𑀲𑁆𑀲𑀸.

𑁧𑁬. 𑀅𑀆𑀤𑀻𑀲𑁆𑀯𑀸𑀳𑁄 𑀩𑁆𑀭𑀽𑀲𑁆𑀲.

𑀩𑁆𑀭𑀽𑀲𑁆𑀲 𑀆𑀳𑁄 𑀳𑁄𑀢𑀺 𑀅𑀆𑀤𑀻𑀲𑀼. 𑀆𑀳, 𑀆𑀳𑀼.

𑁧𑁭. 𑀪𑀽𑀲𑁆𑀲 𑀯𑀼𑀓.

𑀅𑀆𑀤𑀻𑀲𑀼 𑀪𑀽𑀲𑁆𑀲 𑀯𑀼𑀓 𑀳𑁄𑀢𑀺. 𑀓𑀓𑀸𑀭𑁄-𑀦𑀼𑀩𑀦𑁆𑀥𑁄, 𑀉𑀓𑀸𑀭𑁄 𑀉𑀘𑁆𑀘𑀸𑀭𑀡𑀢𑁆𑀣𑁄, 𑀩𑀪𑀽𑀯.

𑁧𑁮. 𑀧𑀼𑀩𑁆𑀩𑀲𑁆𑀲 𑀅.

𑀅𑀆𑀤𑀻𑀲𑀼 𑀤𑁆𑀯𑀺𑀢𑁆𑀢𑁂 𑀧𑀼𑀩𑁆𑀩𑀲𑁆𑀲 𑀪𑀽𑀲𑁆𑀲 𑀅 𑀳𑁄𑀢𑀺, 𑀩𑀪𑀽𑀯.

𑁧𑁯. 𑀉𑀲𑁆𑀲𑀁𑀲𑁆𑀯𑀸𑀳𑀸 𑀯𑀸.

𑀆𑀳𑀸𑀤𑁂𑀲𑀸 𑀧𑀭𑀲𑁆𑀲 𑀉𑀲𑁆𑀲 𑀅𑀁𑀲𑀼𑀯𑀸 𑀳𑁄𑀢𑀺. 𑀅𑀳𑀁𑀲𑀼, 𑀆𑀳𑀼.

𑁨𑁦. 𑀢𑁆𑀬𑀦𑁆𑀢𑀻𑀦𑀁 𑀝𑀝𑀽.

𑀆𑀳𑀸 𑀧𑀭𑁂𑀲𑀁 𑀢𑀺𑀅𑀦𑁆𑀢𑀻𑀦𑀁 𑀝𑀝𑀽 𑀳𑁄𑀦𑁆𑀢𑀺. 𑀝𑀓𑀸𑀭𑀸 𑀲𑀩𑁆𑀩𑀸𑀤𑁂𑀲𑀢𑁆𑀣𑀸, 𑀆𑀳, 𑀆𑀳𑀼, 𑀅𑀢𑁄𑀬𑁂𑀯 𑀘 𑀜𑀸𑀧𑀓𑀸 𑀢𑀺𑀅𑀦𑁆𑀢𑀻𑀲𑀼 𑀘 𑀩𑁆𑀭𑀽𑀲𑁆𑀲𑀸-𑀳𑁄.

𑁨𑁧. 𑀈𑀆𑀤𑁄 𑀯𑀘𑀲𑁆𑀲𑁄𑀫.

𑀈𑀆𑀤𑀻𑀲𑀼 𑀯𑀘𑀲𑁆𑀲 𑀑𑀫 𑀳𑁄𑀢𑀺. 𑀫𑀓𑀸𑀭𑁄-𑀦𑀼𑀩𑀦𑁆𑀥𑁄, 𑀅𑀯𑁄𑀘, 𑀈𑀆𑀤𑁄𑀢𑀺 𑀓𑀺𑀁? 𑀅𑀯𑀘𑀸.

𑁨𑁨. 𑀤𑀸𑀲𑁆𑀲 𑀤𑀁 𑀯𑀸 𑀫𑀺𑀫𑁂𑀲𑁆𑀯𑀤𑁆𑀯𑀺𑀢𑁆𑀢𑁂.

𑀅𑀤𑁆𑀯𑀺𑀢𑁂 𑀯𑀢𑁆𑀢𑀫𑀸𑀦𑀲𑁆𑀲 𑀤𑀸𑀲𑁆𑀲 𑀤𑀁 𑀯𑀸 𑀳𑁄𑀢𑀺 𑀫𑀺𑀫𑁂𑀲𑀼. 𑀤𑀫𑁆𑀫𑀺 𑀤𑁂𑀫𑀺, 𑀤𑀫𑁆𑀫 𑀤𑁂𑀫, 𑀅𑀤𑁆𑀯𑀺𑀢𑁆𑀢𑁂𑀢𑀺 𑀓𑀺𑀁? 𑀤𑀤𑀸𑀥𑀺 𑀤𑀤𑀸𑀫.

𑁨𑁩. 𑀓𑀭𑀲𑁆𑀲 𑀲𑁄𑀲𑁆𑀲 𑀓𑀼𑀁.

𑀓𑀭𑀲𑁆𑀲 𑀲𑀑𑀓𑀸𑀭𑀲𑁆𑀲 𑀓𑀼𑀁 𑀯𑀸 𑀳𑁄𑀢𑀺 𑀫𑀺𑀫𑁂𑀲𑀼. 𑀓𑀼𑀫𑁆𑀫𑀺 𑀓𑀼𑀫𑁆𑀫, 𑀓𑀭𑁄𑀫𑀺 𑀓𑀭𑁄𑀫.

𑁨𑁪. 𑀓𑀸 𑀈𑀆𑀤𑀻𑀲𑀼.

𑀓𑀭𑀲𑁆𑀲 𑀲𑀑𑀓𑀸𑀭𑀲𑁆𑀲 𑀓𑀸 𑀳𑁄𑀢𑀺 𑀯𑀸 𑀈𑀆𑀤𑀻𑀲𑀼. 𑀅𑀓𑀸𑀲𑀺 𑀅𑀓𑀭𑀺, 𑀅𑀓𑀁𑀲𑀼 𑀅𑀓𑀭𑀺𑀁𑀲𑀼, 𑀅𑀓𑀸 𑀅𑀓𑀭𑀸.

𑁨𑁫. 𑀳𑀸𑀲𑁆𑀲, 𑀘𑀸𑀳𑀗 𑀲𑁆𑀲𑁂𑀦.

𑀓𑀭𑀲𑁆𑀲 𑀲𑁄𑀲𑁆𑀲 𑀳𑀸𑀲𑁆𑀲 𑀘 𑀆𑀳𑀗 𑀯𑀸 𑀳𑁄𑀢𑀺 𑀲𑁆𑀲𑁂𑀦 𑀲𑀳. 𑀓𑀸𑀳𑀢𑀺 𑀓𑀭𑀺𑀲𑁆𑀲𑀢𑀺, 𑀅𑀓𑀸𑀳𑀸 𑀅𑀓𑀭𑀺𑀲𑁆𑀲𑀸, 𑀳𑀸𑀳𑀢𑀺 𑀳𑀸𑀬𑀺𑀲𑁆𑀲𑀢𑀺, 𑀅𑀳𑀸𑀳𑀸 𑀅𑀳𑀸𑀬𑀺𑀲𑁆𑀲𑀸.

𑁨𑁬. 𑀮𑀪𑀯𑀲𑀘𑁆𑀙𑀺𑀤𑀪𑀺𑀤𑀭𑀼𑀤𑀸𑀦𑀁 𑀘𑁆𑀙𑀗.

𑀮𑀪𑀸𑀤𑀻𑀦𑀁 𑀘𑁆𑀙𑀗 𑀯𑀸 𑀳𑁄𑀢𑀺 𑀲𑁆𑀲𑁂𑀦𑀲𑀳. 𑀅𑀮𑀘𑁆𑀙𑀸 𑀅𑀮𑀪𑀺𑀲𑁆𑀲𑀸, 𑀮𑀘𑁆𑀙𑀢𑀺 𑀮𑀪𑀺𑀲𑁆𑀲𑀸𑀢𑀺, 𑀅𑀯𑀘𑁆𑀙𑀸 𑀅𑀯𑀲𑀺𑀲𑁆𑀲𑀸, 𑀯𑀘𑁆𑀙𑀢𑀺 𑀯𑀲𑀺𑀲𑁆𑀲𑀢𑀺, 𑀅𑀘𑁆𑀙𑁂𑀘𑁆𑀙𑀸 𑀅𑀘𑁆𑀙𑀺𑀦𑁆𑀤𑀺𑀲𑁆𑀲𑀸, 𑀙𑁂𑀘𑁆𑀙𑀢𑀺 𑀙𑀺𑀦𑁆𑀤𑀺𑀲𑁆𑀲𑀢𑀺, 𑀅𑀪𑁂𑀘𑁆𑀙𑀸 𑀅𑀪𑀺𑀦𑁆𑀤𑀺𑀲𑁆𑀲𑀸, 𑀪𑁂𑀘𑁆𑀙𑀢𑀺 𑀪𑀺𑀦𑁆𑀤𑀺𑀲𑁆𑀲𑀢𑀺, 𑀅𑀭𑀼𑀘𑁆𑀙𑀸 𑀅𑀭𑁄𑀤𑀺𑀲𑁆𑀲𑀸, 𑀭𑀼𑀘𑁆𑀙𑀢𑀺 𑀭𑁄𑀤𑀺𑀲𑁆𑀲𑀢𑀻, 𑀅𑀜𑁆𑀜𑀲𑁆𑀫𑀺𑀫𑁆𑀧𑀺 𑀙𑀺𑀤𑀲𑁆𑀲 𑀯𑀸 𑀘𑁆𑀙𑀗 𑀬𑁄𑀕𑀯𑀺𑀪𑀸𑀕𑀸, 𑀅𑀘𑁆𑀙𑁂𑀘𑁆𑀙𑀼𑀁 𑀅𑀘𑁆𑀙𑀦𑁆𑀢𑀺𑀁𑀲𑀼, 𑀅𑀜𑁆𑀜𑁂𑀲𑀜𑁆𑀘 𑀕𑀘𑁆𑀙𑀁 𑀕𑀘𑁆𑀙𑀺𑀲𑁆𑀲𑀁.

𑁨𑁭. 𑀪𑀼𑀚 𑀫𑀼𑀘 𑀯𑀘 𑀯𑀺𑀲𑀸𑀦𑀁 𑀓𑁆𑀔𑀗.

𑀪𑀼𑀚𑀸𑀤𑀻𑀦𑀁 𑀓𑁆𑀔𑀗 𑀯𑀸 𑀳𑁄𑀢𑀺 𑀲𑁆𑀲𑁂𑀦 𑀲𑀳. 𑀅𑀪𑁄𑀓𑁆𑀔𑀸 𑀅𑀪𑀼𑀜𑁆𑀚𑀺𑀲𑁆𑀲𑀸, 𑀪𑁄𑀓𑁆𑀔𑀢𑀺 𑀪𑀼𑀜𑁆𑀚𑀺𑀲𑁆𑀲𑀢𑀺, 𑀅𑀫𑁄𑀓𑁆𑀔𑀸 𑀅𑀫𑀼𑀜𑁆𑀘𑀺𑀲𑁆𑀲𑀸, 𑀫𑁄𑀓𑁆𑀔𑀢𑀺𑀫𑀼𑀜𑁆𑀘𑀺𑀲𑁆𑀲𑀢𑀺, 𑀅𑀯𑀓𑁆𑀔𑀸 𑀅𑀯𑀘𑀺𑀲𑁆𑀲𑀸, 𑀯𑀓𑁆𑀔𑀢𑀺 𑀯𑀘𑁆𑀘𑀺𑀲𑁆𑀲𑀢𑀺, 𑀧𑀸𑀯𑁂𑀓𑁆𑀔𑀸 𑀧𑀸𑀯𑀺𑀲𑀺𑀲𑁆𑀲𑀸, 𑀧𑀯𑁂𑀓𑁆𑀔𑀢𑀺 𑀧𑀯𑀺𑀲𑀺𑀲𑁆𑀲𑀢𑀺, 𑀯𑀺𑀲𑀲𑁆𑀲𑀸-𑀜𑁆𑀜𑀲𑁆𑀫𑀺𑀫𑁆𑀧𑀺 𑀯𑀸 𑀓𑁆𑀔𑀗 𑀬𑁄𑀕𑀯𑀺𑀪𑀸𑀕𑀸 𑀧𑀸𑀯𑁂𑀓𑁆𑀔𑀺, 𑀧𑀸𑀯𑀺𑀲𑀺.

𑁨𑁮. 𑀆𑀈𑀆𑀤𑀻𑀲𑀼 𑀳𑀭𑀲𑁆𑀲𑀸.

𑀆𑀆𑀤𑁄 𑀈𑀆𑀤𑁄 𑀅 𑀳𑀭𑀲𑁆𑀲 𑀆 𑀳𑁄𑀢𑀺 𑀯𑀸. 𑀅𑀳𑀸 𑀅𑀳𑀭𑀸, 𑀅𑀳𑀸𑀲𑀺 𑀅𑀳𑀭𑀺.

𑁨𑁯. 𑀕𑀫𑀺𑀲𑁆𑀲.

𑀆𑀆𑀤𑁄 𑀈𑀆𑀤𑁄 𑀅 𑀕𑀫𑀺𑀲𑁆𑀲 𑀆 𑀳𑁄𑀢𑀺 𑀯𑀸. 𑀅𑀕𑀸 𑀅𑀕𑀫𑀸, 𑀅𑀕𑀸 𑀅𑀕𑀫𑀻.

𑁩𑁦. 𑀟𑀁𑀲𑀲𑁆𑀲 𑀘 𑀙𑀗.

𑀟𑀁𑀲𑀲𑁆𑀲 𑀕𑀫𑀺𑀲𑁆𑀲 𑀘 𑀙𑀗 𑀯𑀸 𑀳𑁄𑀢𑀺 𑀆𑀈𑀆𑀤𑀻𑀲𑀼. 𑀅𑀟𑀜𑁆𑀙𑀸 𑀅𑀟𑀁𑀲𑀸, 𑀅𑀟𑀜𑁆𑀙𑀺 𑀅𑀟𑀁𑀲𑀻, 𑀅𑀕𑀜𑁆𑀙𑀸 𑀅𑀕𑀘𑁆𑀙𑀸, 𑀅𑀕𑀜𑁆𑀙𑀺 𑀅𑀕𑀘𑁆𑀙𑀻.

𑁩𑁧. 𑀳𑀽𑀲𑁆𑀲 𑀳𑁂𑀳𑁂𑀳𑀺𑀳𑁄𑀳𑀺 𑀲𑁆𑀲𑀢𑁆𑀬𑀸𑀤𑁄.

𑀳𑀽𑀲𑁆𑀲 𑀳𑁂𑀆𑀤𑀬𑁄 𑀳𑁄𑀦𑁆𑀢𑀺 𑀲𑁆𑀲𑀢𑁆𑀬𑀸𑀤𑁄. 𑀳𑁂𑀲𑁆𑀲𑀢𑀺, 𑀳𑁂𑀳𑀺𑀲𑁆𑀲𑀢𑀺, 𑀳𑁄𑀳𑀺𑀲𑁆𑀲𑀢𑀺.

𑁩𑁨. 𑀡𑀸𑀦𑀸𑀲𑀼 𑀭𑀲𑁆𑀲𑁄.

𑀓𑁆𑀡𑀸𑀓𑁆𑀦𑀸𑀲𑀼 𑀓𑁆𑀭𑀺𑀬𑀢𑁆𑀣𑀲𑁆𑀲 𑀭𑀲𑁆𑀲𑁄 𑀳𑁄𑀢𑀺. 𑀓𑀺𑀡𑀸𑀢𑀺, 𑀥𑀼𑀦𑀸𑀢𑀺.

𑁩𑁩. 𑀆 𑀈 𑀜𑀼 𑀫𑁆𑀳𑀸 𑀲𑁆𑀲𑀸 𑀲𑁆𑀲𑀫𑁆𑀳𑀸𑀦𑀁 𑀯𑀸.

𑀏𑀲𑀁 𑀯𑀸 𑀭𑀲𑁆𑀲𑁄 𑀳𑁄𑀢𑀺. 𑀕𑀫 𑀕𑀫𑀸, 𑀕𑀫𑀺 𑀕𑀫𑀻, 𑀕𑀫𑀼 𑀕𑀫𑀽, 𑀕𑀫𑀺𑀫𑁆𑀳 𑀕𑀫𑀺𑀫𑁆𑀳𑀸, 𑀕𑀫𑀺𑀲𑁆𑀲 𑀕𑀫𑀺𑀲𑁆𑀲𑀸, 𑀕𑀫𑀺𑀲𑁆𑀲𑀫𑁆𑀳 𑀕𑀫𑀺𑀲𑁆𑀲𑀫𑁆𑀳𑀸.

𑁩𑁪. 𑀓𑀼𑀲𑀭𑀼𑀳𑁂𑀳𑀻𑀲𑁆𑀲 𑀙𑀺.

𑀓𑀼𑀲𑀸 𑀭𑀼𑀳𑀸 𑀘 𑀧𑀭𑀲𑁆𑀲 𑀈𑀲𑁆𑀲 𑀙𑀺 𑀯𑀸 𑀳𑁄𑀢𑀺. 𑀅𑀓𑁆𑀓𑁄𑀘𑁆𑀙𑀺 𑀅𑀓𑁆𑀓𑁄𑀲𑀺, 𑀅𑀪𑀺𑀭𑀼𑀘𑁆𑀙𑀺 𑀅𑀪𑀺𑀭𑀼𑀳𑀺.

𑁩𑁫. 𑀅 𑀈 𑀲𑁆𑀲𑀸𑀆𑀤𑀻𑀦𑀁 𑀩𑁆𑀬𑀜𑁆𑀚𑀦𑀲𑁆𑀲𑀺𑀜.

𑀓𑁆𑀭𑀺𑀬𑀢𑁆𑀣𑀸 𑀧𑀭𑁂𑀲𑀁 𑀅𑀆𑀤𑀻𑀦𑀁 𑀈𑀆𑀤𑀻𑀦𑀁 𑀲𑁆𑀲𑀆𑀤𑀻𑀦𑀜𑁆𑀘-𑀩𑁆𑀬𑀜𑁆𑀚𑀦𑀲𑁆𑀲 𑀇𑀜 𑀳𑁄𑀢𑀺 𑀯𑀺𑀪𑀸𑀲𑀸. 𑀩𑀪𑀼𑀯𑀺𑀢𑁆𑀣, 𑀅𑀪𑀯𑀺𑀢𑁆𑀣𑀸, 𑀅𑀦𑀼𑀪𑀯𑀺𑀲𑁆𑀲𑀸, 𑀅𑀦𑀼𑀪𑀯𑀺𑀲𑁆𑀲𑀢𑀺 𑀅𑀦𑀼𑀪𑁄𑀲𑁆𑀲𑀢𑀺 𑀳𑀭𑀺𑀲𑀢𑀺 𑀳𑀲𑁆𑀲𑀢𑀺, 𑀏𑀢𑁂𑀲𑀦𑁆𑀢𑀺 𑀓𑀺𑀁? 𑀪𑀯𑀢𑀺, 𑀩𑁆𑀬𑀜𑁆𑀚𑀦𑀲𑁆𑀲𑀸𑀢𑀺 𑀓𑀺𑀁? 𑀩𑀪𑀽𑀯.

𑁩𑁬. 𑀩𑁆𑀭𑀽𑀢𑁄 𑀢𑀺𑀲𑁆𑀲𑀻𑀜.

𑀩𑁆𑀭𑀽𑀢𑁄 𑀧𑀭𑀲𑁆𑀲 𑀢𑀺𑀲𑁆𑀲 𑀈𑀜 𑀯𑀸 𑀳𑁄𑀢𑀺. 𑀩𑁆𑀭𑀯𑀻𑀢𑀺, 𑀩𑁆𑀭𑀽𑀢𑀺.

𑁩𑁭. 𑀓𑁆𑀬𑀲𑁆𑀲.

𑀓𑁆𑀭𑀺𑀬𑀢𑁆𑀣𑀸 𑀧𑀭𑀲𑁆𑀲 𑀓𑁆𑀬𑀲𑁆𑀲 𑀈𑀜 𑀯𑀸 𑀳𑁄𑀢𑀺. 𑀧𑀘𑀻𑀬𑀢𑀺, 𑀧𑀘𑁆𑀘𑀢𑀺.

𑁩𑁮. 𑀏𑀬𑁆𑀬𑀸𑀣 𑀲𑁆𑀲𑁂 𑀅 𑀆 𑀈𑀣𑀸𑀦𑀁 𑀑, 𑀅, 𑀅𑀁, 𑀢𑁆𑀣, 𑀢𑁆𑀣𑁄, 𑀯𑁆𑀳𑁄𑀓.

𑀏𑀬𑁆𑀬𑀸𑀣𑀸𑀤𑀻𑀦𑀁 𑀑𑀆𑀤𑀬𑁄 𑀯𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀢𑀼𑀫𑁆𑀳𑁂 𑀪𑀯𑁂𑀬𑁆𑀬𑀸𑀣𑁄 𑀪𑀯𑁂𑀬𑁆𑀬𑀸𑀣, 𑀢𑁆𑀯𑀁 𑀅𑀪𑀯𑀺𑀲𑁆𑀲 𑀅𑀪𑀯𑀺𑀲𑁆𑀲𑁂, 𑀅𑀳𑀁 𑀅𑀪𑀯𑀁 𑀅𑀪𑀯, 𑀲𑁄 𑀅𑀪𑀯𑀺𑀢𑁆𑀣 𑀅𑀪𑀯𑀸, 𑀲𑁄 𑀅𑀪𑀯𑀺𑀢𑁆𑀣𑁄, 𑀅𑀪𑀯𑀻, 𑀢𑀼𑀫𑁆𑀳𑁂 𑀪𑀯𑀣𑀯𑁆𑀳𑁄 𑀪𑀯𑀣, 𑀆𑀲𑀳𑀘𑀭𑀺𑀢𑁄𑀯 𑀅𑀓𑀸𑀭𑁄 𑀕𑀬𑁆𑀳𑀢𑁂, 𑀣𑁄 𑀧𑀦-𑀦𑁆𑀢𑁂 𑀦𑀺𑀤𑁆𑀤𑁂𑀲𑀸 𑀢𑁆𑀯𑀸𑀤𑀺𑀲𑀫𑁆𑀩𑀦𑁆𑀥𑀻𑀬𑁂𑀯, 𑀢𑀲𑁆𑀲𑁂𑀯 𑀯𑀸 𑀦𑀺𑀲𑁆𑀲𑀺𑀢𑀢𑁆𑀢𑀸, 𑀦𑀺𑀲𑁆𑀲𑀬𑀓𑀭𑀡𑀫𑁆𑀧𑀺 𑀳𑀺 𑀲𑀼𑀢𑁆𑀢𑀓𑀸𑀭𑀸𑀘𑀺𑀡𑁆𑀡𑀁.

𑁩𑁯. 𑀉𑀁𑀲𑁆𑀲𑀺𑀁 𑀲𑁆𑀯𑀁𑀲𑀼.

𑀉𑀫𑀻𑀘𑁆𑀘𑀲𑁆𑀲 𑀇𑀁𑀲𑀼 𑀅𑀁𑀲𑀼 𑀯𑀸 𑀳𑁄𑀦𑁆𑀢𑀺. 𑀅𑀕𑀫𑀺𑀁𑀲𑀼, 𑀅𑀕𑀫𑀁𑀲𑀼, 𑀅𑀕𑀫𑀼𑀁.

𑁪𑁦. 𑀏𑀑𑀢𑁆𑀢𑀸 𑀲𑀼𑀁.

𑀏𑀆𑀤𑁂𑀲𑀢𑁄 𑀑𑀆𑀤𑁂𑀲𑀢𑁄 𑀘 𑀧𑀭𑀲𑁆𑀲 𑀉𑀫𑀺𑀘𑁆𑀘𑀲𑁆𑀲 𑀲𑀼𑀁 𑀯𑀸 𑀳𑁄𑀢𑀺. 𑀦𑁂𑀲𑀼𑀁, 𑀦𑀬𑀺𑀁𑀲𑀼, 𑀅𑀲𑁆𑀲𑁄𑀲𑀼𑀁, 𑀅𑀲𑁆𑀲𑀼𑀁, 𑀆𑀤𑁂𑀲𑀢𑁆𑀢𑀸𑀔𑁆𑀬𑀸𑀧𑀦𑀢𑁆𑀣𑀁𑀢𑁆𑀢𑀕𑁆𑀕𑀳𑀡𑀁.

𑁪𑁧. 𑀳𑀽𑀢𑁄 𑀭𑁂𑀲𑀼𑀁.

𑀳𑀽𑀢𑁄 𑀧𑀭𑀲𑁆𑀲 𑀉𑀫𑀺𑀘𑁆𑀘𑀲𑁆𑀲 𑀭𑁂𑀲𑀼𑀁 𑀯𑀸 𑀳𑁄𑀢𑀺. 𑀅𑀳𑁂𑀲𑀼𑀁, 𑀅𑀳𑀯𑀼𑀁.

𑁪𑁨. 𑀑𑀲𑁆𑀲 𑀅 𑀇 𑀢𑁆𑀣 𑀢𑁆𑀣𑁄.

𑀑𑀲𑁆𑀲 𑀅𑀆𑀤𑀬𑁄 𑀯𑀸 𑀳𑁄𑀦𑁆𑀢𑀺. 𑀢𑁆𑀯𑀁 𑀅𑀪𑀯, 𑀅𑀪𑀯𑀺, 𑀅𑀪𑀯𑀺𑀢𑁆𑀣, 𑀅𑀪𑀯𑀺𑀢𑁆𑀣𑁄 𑀅𑀪𑀯𑁄.

𑁪𑁩. 𑀲𑀺.

𑀑𑀲𑁆𑀲 𑀲𑀺 𑀯𑀸 𑀳𑁄𑀢𑀺. 𑀅𑀳𑁄𑀲𑀺 𑀢𑁆𑀯𑀁 𑀅𑀳𑀼𑀯𑁄.

𑁪𑁪. 𑀤𑀻𑀖𑀸 𑀈𑀲𑁆𑀲.

𑀤𑀻𑀖𑀢𑁄 𑀧𑀭𑀲𑁆𑀲 𑀈𑀲𑁆𑀲 𑀲𑀺 𑀯𑀸 𑀳𑁄𑀢𑀺. 𑀅𑀓𑀸𑀲𑀺 𑀅𑀓𑀸, 𑀅𑀤𑀸𑀲𑀺 𑀅𑀤𑀸.

𑁪𑁫. 𑀫𑁆𑀳𑀸𑀢𑁆𑀣𑀸𑀦𑀫𑀼𑀜.

𑀫𑁆𑀳𑀸𑀢𑁆𑀣𑀸𑀦𑀫𑁆𑀳𑀜 𑀯𑀸 𑀳𑁄𑀢𑀺. 𑀅𑀕𑀫𑁆𑀳𑀫𑁆𑀳𑀸 𑀅𑀕𑀫𑀺𑀫𑁆𑀳𑀸, 𑀅𑀕𑀫𑀼𑀢𑁆𑀣 𑀅𑀕𑀫𑀺𑀢𑁆𑀣.

𑁪𑁬. 𑀇𑀁𑀲𑁆𑀲 𑀘 𑀲𑀺𑀜.

𑀇𑀫𑀺𑀘𑁆𑀘𑀲𑁆𑀲 𑀲𑀺𑀜 𑀯𑀸 𑀢𑁄𑀢𑀺 𑀫𑁆𑀳𑀸𑀢𑁆𑀣𑀸𑀦𑀜𑁆𑀘 𑀩𑀳𑀼𑀮𑀁. 𑀅𑀓𑀸𑀲𑀺𑀁 𑀅𑀓𑀭𑀺𑀁, 𑀅𑀓𑀸𑀲𑀺𑀫𑁆𑀳𑀸 𑀅𑀓𑀭𑀺𑀫𑁆𑀳𑀸 𑀅𑀓𑀸𑀲𑀺𑀢𑁆𑀣 𑀅𑀓𑀭𑀺𑀢𑁆𑀣.

𑁪𑁭. 𑀏𑀬𑁆𑀬𑀼𑀁𑀲𑁆𑀲𑀼𑀁.

𑀏𑀬𑁆𑀬𑀼𑀫𑀺𑀘𑁆𑀘𑀲𑁆𑀲 𑀜𑀁 𑀯𑀸 𑀳𑁄𑀢𑀺. 𑀕𑀘𑁆𑀙𑀼𑀁 𑀕𑀘𑁆𑀙𑁂𑀬𑁆𑀬𑀼𑀁.

𑁪𑁮. 𑀳𑀺𑀲𑁆𑀲-𑀢𑁄 𑀮𑁄𑀧𑁄.

𑀅𑀢𑁄 𑀧𑀭𑀲𑁆𑀲 𑀳𑀺𑀲𑁆𑀲 𑀮𑁄𑀧𑁄 𑀯𑀸 𑀳𑁄𑀢𑀺. 𑀕𑀘𑁆𑀙 𑀕𑀘𑁆𑀙𑀸𑀳𑀺, 𑀅𑀢𑁄𑀢𑀺 𑀓𑀺𑀁? 𑀓𑀭𑁄𑀳𑀺.

𑁪𑁯. 𑀓𑁆𑀬𑀲𑁆𑀲 𑀲𑁆𑀲𑁂.

𑀓𑁆𑀬𑀲𑁆𑀲 𑀯𑀸 𑀮𑁄𑀧𑁄 𑀳𑁄𑀢𑀺 𑀲𑁆𑀲𑁂. 𑀅𑀦𑁆𑀯𑀪𑀯𑀺𑀲𑁆𑀲𑀸 𑀅𑀦𑁆𑀯𑀪𑀽𑀬𑀺𑀲𑁆𑀲𑀸, 𑀅𑀦𑀼𑀪𑀯𑀺𑀲𑁆𑀲𑀢𑀺 𑀅𑀦𑀼𑀙𑀽𑀬𑀺𑀲𑁆𑀲𑀢𑀺.

𑁫𑁦. 𑀅𑀢𑁆𑀣𑀺𑀢𑁂𑀬𑁆𑀬𑀸𑀤𑀺𑀘𑁆𑀙𑀦𑁆𑀦𑀁 𑀲 𑀲𑀼 𑀲 𑀲𑀣 𑀲𑀁 𑀲𑀸𑀫.

𑀅𑀲=𑀪𑀼𑀯𑀺𑀘𑁆𑀘𑀲𑁆𑀫𑀸 𑀧𑀭𑁂𑀲𑀁 𑀏𑀬𑁆𑀬𑀸𑀤𑀺𑀘𑁆𑀙𑀦𑁆𑀦𑀁 𑀲𑀸𑀤𑀬𑁄 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀅𑀲𑁆𑀲, 𑀅𑀲𑁆𑀲𑀼, 𑀅𑀲𑁆𑀲, 𑀅𑀲𑁆𑀲𑀣, 𑀅𑀲𑁆𑀲𑀁, 𑀅𑀲𑁆𑀲𑀸𑀫.

𑁫𑁧. 𑀆𑀤𑀺𑀤𑁆𑀯𑀺𑀦𑁆𑀦𑀫𑀺𑀬𑀸𑀇𑀬𑀼𑀁.

𑀅𑀢𑁆𑀣𑀺𑀢𑁂𑀬𑁆𑀬𑀸𑀤𑀺𑀘𑁆𑀙𑀦𑁆𑀦𑀁 𑀆𑀤𑀺𑀪𑀽𑀢𑀸𑀦𑀁 𑀤𑁆𑀯𑀺𑀦𑁆𑀦𑀁 𑀇𑀬𑀸 𑀇𑀬𑀼𑀁 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀲𑀺𑀬𑀸, 𑀲𑀺𑀬𑀼𑀁.

𑁫𑁨. 𑀢𑀲𑁆𑀲 𑀣𑁄.

𑀅𑀢𑁆𑀣𑀺𑀢𑁄 𑀧𑀭𑀲𑁆𑀲 𑀢𑀓𑀸𑀭𑀲𑁆𑀲 𑀣𑁄 𑀳𑁄𑀢𑀺. 𑀅𑀢𑁆𑀣𑀺, 𑀅𑀢𑁆𑀣𑀼.

𑁫𑁩. 𑀲𑀺𑀳𑀺𑀲𑁆𑀯𑀝.

𑀅𑀢𑁆𑀣𑀺𑀲𑁆𑀲 𑀅𑀝 𑀳𑁄𑀢𑀺 𑀲𑀺𑀳𑀺𑀲𑀼, 𑀝𑁄 𑀲𑀩𑁆𑀩𑀸𑀤𑁂𑀲𑀢𑁆𑀣𑁄. 𑀅𑀲𑀺 𑀅𑀳𑀺.

𑁫𑁪. 𑀫𑀺𑀫𑀸𑀦𑀁 𑀯𑀸 𑀫𑁆𑀳𑀺𑀫𑁆𑀳𑀸 𑀘.

𑀅𑀢𑁆𑀣𑀺𑀲𑁆𑀫𑀸 𑀧𑀭𑁂𑀲𑀁 𑀫𑀺𑀫𑀸𑀦𑀁 𑀫𑁆𑀳𑀺𑀫𑁆𑀳𑀸 𑀯𑀸 𑀳𑁄𑀦𑁆𑀢𑀺, 𑀢𑀁𑀲𑀦𑁆𑀦𑀺𑀬𑁄𑀕𑁂𑀦𑀅𑀢𑁆𑀣𑀺𑀲𑁆𑀲 𑀅𑀝 𑀘. 𑀅𑀫𑁆𑀳𑀺 𑀅𑀲𑁆𑀫𑀺, 𑀅𑀫𑁆𑀳 𑀅𑀲𑁆𑀫.

𑁫𑁫. 𑀏𑀲𑀼 𑀲𑀺.

𑀏𑀲𑀼 𑀫𑀺𑀫𑁂𑀲𑀼 𑀅𑀢𑁆𑀣𑀺𑀲𑁆𑀲 𑀲𑀓𑀸𑀭𑁄 𑀳𑁄𑀢𑀺. 𑀅𑀲𑁆𑀫𑀺 𑀅𑀲𑁆𑀫, 𑀧𑀭𑀭𑀽𑀧𑀩𑀸𑀥𑀦𑀢𑁆𑀣𑀁.

𑁫𑁬. 𑀈𑀆𑀤𑁄 𑀤𑀻𑀖𑁄.

𑀅𑀢𑁆𑀣𑀺𑀲𑁆𑀲 𑀤𑀻𑀖𑁄 𑀳𑁄𑀢𑀺 𑀈𑀆𑀤𑀺𑀫𑁆𑀳𑀺. 𑀆𑀲𑀺, 𑀆𑀲𑀼𑀁, 𑀆𑀲𑀺, 𑀆𑀲𑀺𑀢𑁆𑀣, 𑀆𑀲𑀺𑀁, 𑀆𑀲𑀺𑀁 𑀫𑁆𑀳𑀸.

𑁫𑁭. 𑀳𑀺𑀫𑀺𑀫𑁂𑀲𑁆𑀯𑀲𑁆𑀲.

𑀅𑀓𑀸𑀭𑀲𑁆𑀲 𑀤𑀻𑀖𑁄 𑀳𑁄𑀢𑀺 𑀳𑀺𑀫𑀺𑀫𑁂𑀲𑀼. 𑀧𑀘𑀸𑀳𑀺, 𑀧𑀘𑀸𑀫𑀺, 𑀧𑀘𑀸𑀫, 𑀫𑀼𑀬𑁆𑀳𑀸𑀫𑀺.

𑁫𑁮. 𑀲𑀓𑀸 𑀡𑀸𑀲𑁆𑀲 𑀔 𑀈𑀆𑀤𑁄.

𑀲𑀓𑀲𑁆𑀫𑀸 𑀓𑁆𑀡𑀸𑀲𑁆𑀲𑀔𑁄𑀳𑁄𑀢𑀺 𑀈𑀆𑀤𑀻𑀲𑀼. 𑀅𑀲𑀓𑁆𑀔𑀺, 𑀅𑀲𑀓𑁆𑀔𑀺𑀁𑀲𑀼.

𑁫𑁯. 𑀲𑁆𑀲𑁂 𑀯𑀸.

𑀲𑀓𑀲𑁆𑀫𑀸 𑀓𑁆𑀡𑀲𑁆𑀲𑀔𑁄 𑀯𑀸 𑀳𑁄𑀢𑀺 𑀲𑁆𑀲𑁂. 𑀲𑀓𑁆𑀔𑀺𑀲𑁆𑀲𑀸 𑀲𑀓𑁆𑀓𑀼𑀡𑀺𑀲𑁆𑀲𑀸, 𑀲𑀓𑁆𑀔𑀺𑀲𑁆𑀲𑀢𑀺, 𑀲𑀓𑁆𑀓𑀼𑀡𑀺𑀲𑁆𑀲𑀢𑀺.

𑁬𑁦. 𑀢𑁂𑀲𑀼 𑀲𑀼𑀢𑁄 𑀓𑁆𑀡𑁄𑀓𑁆𑀡𑀸𑀦𑀁 𑀭𑁄𑀝.

𑀢𑁂𑀲𑀼 𑀈𑀆𑀤𑀺𑀲𑁆𑀲𑁂𑀲𑀼 𑀲𑀼𑀢𑁄 𑀧𑀭𑁂𑀲𑀁 𑀓𑁆𑀡𑁄𑀓𑁆𑀡𑀸𑀦𑀁 𑀭𑁄𑀝 𑀯𑀸 𑀳𑁄𑀢𑀺. 𑀅𑀲𑁆𑀲𑁄𑀲𑀺 𑀅𑀲𑀼𑀡𑀺, 𑀅𑀲𑁆𑀲𑁄𑀲𑁆𑀲𑀸 𑀅𑀲𑀼𑀡𑀺𑀲𑁆𑀲𑀸, 𑀲𑁄𑀲𑁆𑀲𑀢𑀺 𑀲𑀼𑀡𑀺𑀲𑁆𑀲𑀢𑀺.

𑁬𑁧. 𑀜𑀸𑀲𑁆𑀲 𑀲𑀦𑀸𑀲𑁆𑀲 𑀦𑀸𑀬𑁄 𑀢𑀺𑀫𑁆𑀳𑀺. 𑀲𑀦𑀸𑀲𑁆𑀲 𑀜𑀸𑀲𑁆𑀲 𑀦𑀸𑀬𑁄 𑀯𑀸 𑀳𑁄𑀢𑀺 𑀢𑀺𑀫𑁆𑀳𑀺. 𑀦𑀸𑀬𑀢𑀺, 𑀚𑀸𑀦𑀸𑀢𑀺.

𑁬𑁨. 𑀜𑀸𑀫𑁆𑀳𑀺 𑀚𑀁.

𑀜𑀸𑀤𑁂𑀲𑁂 𑀲𑀦𑀸𑀲𑁆𑀲 𑀜𑀸𑀲𑁆𑀲 𑀚𑀁 (𑀯𑀸) 𑀳𑁄𑀢𑀺. 𑀚𑀜𑁆𑀜𑀸 (𑀚𑀸𑀦𑁂𑀬𑁆𑀬).

𑁬𑁩. 𑀏𑀬𑁆𑀬𑀸𑀲𑁆𑀲𑀺𑀬𑀸𑀜𑀸 𑀯𑀸.

𑀜𑀸𑀢𑁄 𑀏𑀬𑁆𑀬𑀸𑀲𑁆𑀲 𑀇𑀬𑀸𑀜𑀸 𑀳𑁄𑀦𑁆𑀢𑀺 𑀯𑀸. 𑀚𑀸𑀦𑀺𑀬𑀸, 𑀚𑀜𑁆𑀜𑀸 𑀚𑀸𑀦𑁂𑀬𑁆𑀬.

𑁬𑁪. 𑀈𑀲𑁆𑀲𑀢𑁆𑀬𑀸𑀤𑀻𑀲𑀼 𑀓𑁆𑀦𑀸𑀮𑁄𑀧𑁄.

𑀈𑀆𑀤𑁄 𑀲𑁆𑀲𑀢𑁆𑀬𑀸𑀤𑁄 𑀘 𑀜𑀸𑀢𑁄 𑀓𑁆𑀦𑀸𑀮𑁄𑀧𑁄 𑀯𑀸 𑀳𑁄𑀢𑀺. 𑀅𑀜𑁆𑀜𑀸𑀲𑀺 𑀅𑀚𑀸𑀦𑀺, 𑀜𑀲𑁆𑀲𑀢𑀺 𑀚𑀸𑀦𑀺𑀲𑁆𑀲𑀢𑀺.

𑁬𑁫. 𑀲𑁆𑀲𑀲𑁆𑀲 𑀳𑀺 𑀓𑀫𑁆𑀫𑁂.

𑀜𑀸𑀢𑁄 𑀧𑀭𑀲𑁆𑀲 𑀲𑁆𑀲𑀲𑁆𑀲 𑀳𑀺 𑀯𑀸 𑀳𑁄𑀢𑀺 𑀓𑀫𑁆𑀫𑁂. 𑀧𑀜𑁆𑀜𑀸𑀬𑀺𑀳𑀺𑀢𑀺 𑀧𑀜𑁆𑀜𑀸𑀬𑀺𑀲𑁆𑀲𑀢𑀺.

𑁬𑁬. 𑀏𑀢𑀺𑀲𑁆𑀫𑀸.

𑀏𑀢𑀺𑀲𑁆𑀫𑀸 𑀧𑀭𑀲𑁆𑀲 𑀲𑁆𑀲𑀲𑁆𑀲 𑀳𑀺 𑀳𑁄𑀢𑀺 𑀯𑀸. 𑀏𑀳𑀺𑀢𑀺 𑀏𑀲𑁆𑀲𑀢𑀺.

𑁬𑁭. 𑀳𑀦𑀸 𑀙𑀔𑀸.

𑀳𑀦𑀸 𑀲𑁆𑀲𑀲𑁆𑀲 𑀙𑀔𑀸 𑀯𑀸 𑀳𑁄𑀦𑁆𑀢𑀺. 𑀳𑀜𑁆𑀙𑀸𑀫𑀺 𑀳𑀦𑀺𑀲𑁆𑀲𑀸𑀫𑀺, 𑀧𑀝𑀺𑀳𑀗𑁆𑀔𑀸𑀫𑀺 𑀧𑀝𑀺𑀳𑀦𑀺𑀲𑁆𑀲𑀸𑀫𑀺.

𑁬𑁮. 𑀳𑀸𑀢𑁄 𑀳.

𑀳𑀸𑀢𑁄 𑀧𑀭𑀲𑁆𑀲 𑀲𑁆𑀲𑀲𑁆𑀲 𑀳 𑀳𑁄𑀢𑀺 𑀯𑀸. 𑀳𑀸𑀳𑀢𑀺 𑀚𑀳𑀺𑀲𑁆𑀲𑀢𑀺.

𑁬𑁯. 𑀤𑀓𑁆𑀔 𑀔 𑀳𑁂𑀳𑀺 𑀳𑁄𑀳𑀻𑀳𑀺 𑀮𑁄𑀧𑁄.

𑀤𑀓𑁆𑀔𑀸𑀤𑀻𑀳𑀺 𑀆𑀤𑁂𑀲𑁂𑀳𑀺 𑀧𑀭𑀲𑁆𑀲 𑀲𑁆𑀲𑀲𑁆𑀲 𑀮𑁄𑀧𑁄 𑀯𑀸 𑀳𑁄𑀢𑀺. 𑀤𑀓𑁆𑀔𑀢𑀺 𑀤𑀓𑁆𑀔𑀺𑀲𑁆𑀲𑀢𑀺, 𑀲𑀓𑁆𑀔𑀢𑀺 𑀲𑀓𑁆𑀔𑀺𑀲𑁆𑀲𑀢𑀺, 𑀳𑁂𑀳𑀺𑀢𑀺 𑀳𑁂𑀳𑀺𑀲𑁆𑀲𑀢𑀺𑀳𑁄𑀳𑀺𑀢𑀺 𑀳𑁄𑀳𑀺𑀲𑁆𑀲𑀢𑀺.

𑁭𑁦. 𑀓𑀬𑀺𑀭𑁂𑀬𑁆𑀬𑀲𑁆𑀲𑁂𑀬𑁆𑀬𑀼𑀫𑀸𑀤𑀻𑀦𑀁.

𑀓𑀬𑀺𑀭𑀸 𑀧𑀭𑀲𑁆𑀲 𑀏𑀬𑁆𑀬𑀼𑀫𑀸𑀤𑀻𑀦𑀁 𑀏𑀬𑁆𑀬𑀲𑁆𑀲 𑀮𑁄𑀧𑁄 𑀳𑁄𑀢𑀺. 𑀓𑀬𑀺𑀭𑀼𑀁, 𑀓𑀬𑀺𑀭𑀸𑀲𑀺, 𑀓𑀬𑀺𑀭𑀸𑀣, 𑀓𑀳𑀺𑀭𑀸𑀫𑀺, 𑀓𑀬𑀺𑀭𑀸𑀫.

𑁭𑁧. 𑀝𑀸.

𑀓𑀬𑀺𑀭𑀸 𑀧𑀭𑀲𑁆𑀲 𑀏𑀬𑁆𑀬𑀲𑁆𑀲 𑀝𑀸 𑀳𑁄𑀢𑀺. 𑀲𑁄 𑀓𑀬𑀺𑀭𑀸.

𑁭𑁨. 𑀏𑀣𑀲𑁆𑀲𑀸.

𑀓𑀬𑀺𑀭𑀸 𑀧𑀭𑀲𑁆𑀲 𑀏𑀣𑀲𑁆𑀲 𑀆 𑀳𑁄𑀢𑀺. 𑀓𑀬𑀺𑀭𑀸𑀣.

𑁭𑁩. 𑀮𑀪𑀸 𑀇𑀁 𑀈𑀦𑀁 𑀣𑀁 𑀣𑀸 𑀯𑀸.

𑀮𑀪𑀲𑁆𑀫𑀸 𑀇𑀁𑀈𑀇𑀘𑁆𑀘𑁂𑀲𑀁 𑀣𑀁𑀣𑀸 𑀳𑁄𑀦𑁆𑀢𑀺 𑀯𑀸. 𑀅𑀮𑀢𑁆𑀣𑀁 𑀅𑀮𑀪𑀺𑀁, 𑀅𑀮𑀢𑁆𑀣 𑀅𑀮𑀪𑀺.