𑀧𑀓𑀺𑀡𑁆𑀡𑀓𑀣𑀯𑀺𑀯𑀭𑀡𑀁

𑀢𑁂𑀲𑀼 𑁋’𑀫𑀺𑀮𑀺𑀤𑁄 𑀦𑀸𑀫 𑀲𑁄 𑀭𑀸𑀚𑀸 …𑀧𑁂… 𑀲𑀸𑀕𑀭𑀦𑁆𑀢𑀺 𑀏𑀣 𑀅𑀚𑁆𑀛𑀸𑀳𑀸𑀭𑀲𑀫𑁆𑀩𑀥𑁄 𑀯𑁂𑀤𑀺𑀢𑀩𑁆𑀩𑁄 𑀬𑁄’𑀧𑀺 𑀫𑀺𑀮𑀺𑀤𑁄 𑀭𑀸𑀚𑀸 𑀪𑀕𑀯𑀢𑁄 𑀧𑀭𑀺𑀦𑀺𑀩𑁆𑀩𑀸𑀦𑀢𑁄 𑀧𑀜𑁆𑀘𑀯𑀲𑁆𑀲𑀲𑀢𑁂 𑀅𑀢𑀺𑀓𑁆𑀓𑀦𑁆𑀢𑁂 𑀭𑀸𑀚𑀓𑀼𑀮𑁂 𑀉𑀧𑁆𑀧𑀦𑁆𑀦𑁄 𑀲𑁄 𑀭𑀸𑀚𑀸 𑀫𑀺𑀮𑀺𑀤𑁄 𑀦𑀸𑀫.

𑀲𑀸𑀕𑀮𑀸𑀬𑀁 𑀧𑀼𑀭𑀼𑀢𑁆𑀢𑀫𑁂 𑀲𑀸𑀕𑀮𑀦𑀸𑀫𑀓𑁂 𑀉𑀢𑁆𑀢𑀫𑀦𑀕𑀭𑁂 𑀭𑀚𑁆𑀚𑀁 𑀓𑀸𑀭𑁂𑀦𑁆𑀢𑁄 𑀦𑀸𑀕𑀲𑁂𑀦𑀣𑁂𑀭𑀁 𑀉𑀧𑀕𑀜𑁆𑀙𑀺 𑀓𑀺𑀁 𑀯𑀺𑀬𑀸?𑀢𑀺.

𑀕𑀗𑁆𑀕𑀸𑀯 𑀬𑀣 𑀲𑀸𑀕𑀭𑀦𑁆𑀢𑀺 𑀆𑀳. 𑀬𑀣𑀸 𑀕𑀗𑁆𑀕𑀸 𑀯𑀸 𑀬𑀫𑀼𑀦𑀸𑀤𑀻𑀲𑀼 𑀅𑀜𑁆𑀜𑀢𑀭𑀸 𑀯𑀸 𑀲𑀸𑀕𑀭𑀁 𑀉𑀧𑀕𑀜𑁆𑀙𑀺 𑀢𑀣𑀸 𑀉𑀧𑀕𑀜𑁆𑀙𑀺’𑀢𑀺 𑀅𑀣𑁄. 𑀯-𑀲𑀤𑁆𑀤𑁄 |𑀑𑁦.𑁦𑁩𑁭𑁦| 𑀯𑁂𑀣 𑀲𑀫𑀼𑀘𑁆𑀘𑀬𑀣𑁄. 𑀕𑀗𑁆𑀕𑀸 𑀯𑀸’𑀢𑀺 𑀯𑀢𑁆𑀢𑀩𑁆𑀩𑁂 𑀆𑀓𑀸𑀭𑀲𑁆𑀲 𑀭𑀲𑁆𑀲𑀢𑁆𑀢𑀁 𑀓𑀯𑀸 𑀕𑀗𑁆𑀕𑀸𑀯 𑀇𑀢𑀺 𑀯𑀼𑀢𑁆𑀢𑀁. 𑀉𑀧𑁆𑀧𑀮𑀁𑀯 𑀬𑀣𑁄𑀤𑀓𑁂’𑀢𑀺 𑀏𑀣 𑀯𑀼𑀢𑁆𑀢𑀲𑀫𑀼𑀘𑁆𑀘𑀬𑀣𑁄 𑀯𑀸𑀲𑀤𑁆𑀤𑁄 𑀯𑀺𑀬.

𑀆𑀲𑀚𑁆𑀚 𑀭𑀸𑀚𑀸 …𑀧𑁂… 𑀯𑀺𑀤𑀸𑀴𑀦𑁂’𑀢𑀺 𑀏𑀣 𑀬𑀣𑀸𑀯𑀼𑀢𑁆𑀢𑀲𑀫𑁆𑀩𑀥𑁄 𑀯𑁂𑀤𑀺𑀢𑀩𑁆𑀩𑁄. 𑀲𑁄 𑀘 𑀲𑀼𑀯𑀺𑀜𑁂𑀜𑀬𑁆𑀬𑁄’𑀯. 𑀧𑀤𑀦𑁆𑀢𑀺 𑀉𑀧𑀲𑀕𑁆𑀕 𑀦𑀺𑀧𑀸𑀢𑀦𑀸𑀫𑀆𑀔𑁆𑀬𑀸𑀢𑀧𑀤𑀯𑀲𑁂𑀦 𑀘𑀢𑀼𑀩𑁆𑀩𑀺𑀥𑀁. 𑀢𑁂𑀲𑀼 𑀦𑀸𑀫𑀧𑀤𑀁 𑀲𑀸𑀫𑀜𑁆𑀜𑀕𑀼𑀡-𑀓𑀺𑀢𑁆𑀢𑀺𑀫-𑀑𑀧𑀧𑀸𑀢𑀺𑀓-𑀦𑀸𑀫 𑀯𑀲𑁂𑀦 𑀘𑀢𑀼𑀩𑁆𑀩𑀺𑀥𑀁. 𑀢𑀣 𑀧𑀞𑀫𑀓𑀧𑁆𑀧𑀺𑀓𑀫𑀳𑀸𑀚𑀦𑁂𑀦 𑀲𑀫𑁆𑀫𑀦𑁆𑀢𑀺𑀯𑀸 𑀞𑀧𑀺𑀢𑀢𑁆𑀢𑀸 𑀫𑀳𑀸𑀲𑀫𑁆𑀫𑀢𑁄’𑀢𑀺 𑀭𑀜𑁆𑀜𑁄 𑀦𑀸𑀫𑀁 𑀲𑀸𑀫𑀜𑀜𑀦𑀸𑀫𑀁 𑀦𑀸𑀫. 𑀥𑀫𑁆𑀫𑀓𑀣𑀺𑀓𑁄 𑀧𑀁𑀲𑀼𑀓𑀼𑀮𑀺𑀓𑁄 𑀯𑀺𑀦𑀬𑀥𑀭𑁄 𑀢𑁂𑀧𑀺𑀝𑀓𑁄 𑀲𑀤𑁆𑀥𑁄 𑀧𑀲𑀦𑁆𑀦𑁄’𑀢𑀺 𑀏𑀯𑀭𑀽𑀧𑀁 𑀕𑀼𑀡𑀢𑁄 𑀆𑀕𑀢𑀁 𑀦𑀸𑀫𑀁 𑀕𑀼𑀡𑀦𑀸𑀫𑀁 𑀦𑀸𑀫. 𑀬𑀫𑁆𑀧𑀦 𑀚𑀸𑀢𑀲𑁆𑀲 𑀓𑀼𑀫𑀸𑀭𑀲𑁆𑀲 𑀦𑀸𑀫𑀕𑀳𑀡𑀤𑀺𑀯𑀲𑁂 𑀤𑀓𑁆𑀔𑀺𑀡𑁂𑀬𑁆𑀬𑀸𑀦𑀁 𑀲𑀓𑁆𑀓𑀸𑀭𑀁 𑀓𑀯𑀸 𑀲𑀫𑀻𑀧𑁂 𑀞𑀺𑀢𑀸 𑀜𑀸𑀢𑀓𑀸 𑀓𑀧𑁆𑀧𑁂𑀯𑀸’𑀅𑀬𑀁 𑀅𑀫𑀼𑀓𑁄 𑀦𑀸𑀫𑀸’𑀢𑀺 𑀦𑀸𑀫𑀁 𑀓𑀭𑁄𑀦𑁆𑀢𑀺 𑀇𑀤𑀁 𑀓𑀺𑀢𑁆𑀢𑀺𑀫 𑀦𑀸𑀫𑀁 𑀦𑀸𑀫. 𑀬𑀸 𑀧𑀦 𑀧𑀼𑀭𑀺𑀫𑀧𑀜𑁆𑀜𑀢𑁆𑀢𑀺 𑀧𑀘𑁆𑀙𑀺𑀫𑀧𑀜𑁆𑀜𑀢𑁆𑀢𑀺𑀬𑀁 𑀧𑀢𑀢𑀺, 𑀧𑀼𑀭𑀺𑀫𑀯𑁄𑀳𑀸𑀭𑁄 𑀧𑀘𑁆𑀙𑀺𑀫𑀯𑁄𑀳𑀸𑀭𑁂 𑀲𑁂𑀬𑁆𑀬𑀣𑀺𑀤𑀁 𑀧𑀼𑀭𑀺𑀫𑀓𑀧𑁆𑀧𑁂’𑀧𑀺 𑀘𑀤𑁄 𑀘𑀤𑁄𑀬𑁂𑀯 𑀦𑀸𑀫 𑀏𑀢𑀭𑀳𑀺’𑀧𑀺 𑀘𑀤𑁄 𑀘𑀤𑁄𑀬𑁂𑀯 𑀦𑀸𑀫, 𑀅𑀢𑀻𑀢𑁂 𑀲𑀽𑀭𑀺𑀬𑁄 𑀲𑀫𑀼𑀤𑁆𑀤𑁄 𑀧𑀣𑀯𑀻 𑀧𑀩𑁆𑀩𑀢𑁄𑀬𑁂𑀯 𑀦𑀸𑀫. 𑀏𑀢𑀭𑀳𑀺’𑀧𑀺 𑀧𑀩𑁆𑀩𑀢𑁄 𑀧𑀩𑁆𑀩𑀢𑁄𑀬𑁂𑀯 𑀦𑀸𑀫𑀸𑀢𑀺 𑀇𑀤𑀁 𑀑𑀧𑀧𑀸𑀢𑀺𑀓𑀦𑀸𑀫𑀁 𑀦𑀸𑀫, 𑀇𑀤𑀁 𑀦𑀸𑀫𑀘𑀢𑀼𑀓𑁆𑀓𑀁 𑀅𑀪𑀺𑀥𑀫𑁆𑀫𑀧𑀭𑀺𑀬𑀸𑀬𑁂𑀦 𑀯𑀼𑀢𑁆𑀢𑀁. 𑀲𑀤𑁆𑀤𑀲𑀣𑁂 𑀧𑀦 𑀦𑀸𑀫𑀦𑀸𑀫-𑀲𑀩𑁆𑀩𑀦𑀸𑀫-𑀲𑀫𑀸𑀲𑀦𑀸𑀫-𑀢𑀤𑁆𑀥𑀺𑀢𑀦𑀸𑀫-𑀓𑀺𑀢𑀦𑀸𑀫𑀯𑀲𑁂𑀦 𑀧𑀜𑁆𑀘𑀯𑀺𑀥𑀁 𑀯𑀼𑀢𑁆𑀢𑀁. 𑀢𑀁 𑀲𑀩𑁆𑀩𑀁 𑀇𑀥 𑀬𑀣𑀸𑀭𑀳𑀁 𑀯𑁂𑀤𑀺𑀢𑀩𑁆𑀩𑀁. 𑀧𑀤𑀣𑁄 𑀧𑀦 𑀆𑀲𑀚𑁆𑀚𑀸’𑀢𑀺 𑀧𑀯𑀸. 𑀞𑀸𑀦𑀸𑀞𑀸𑀦𑀕𑀢𑁂’𑀢𑀺 𑀓𑀸𑀭𑀡𑀸𑀓𑀸𑀭𑀡𑀕𑀢𑁂.

𑀧𑀼𑀣𑀽’𑀢𑀺 𑀦𑀸𑀦𑀧𑁆𑀧𑀓𑀸𑀭𑁂.

𑀲𑀼𑀢𑁆𑀢𑀚𑀸𑀮𑀲𑀫𑀣𑀺𑀢𑀸’𑀢𑀺 𑀲𑀼𑀢𑁆𑀢𑀦𑁆𑀢𑀧𑀺𑀝𑀓𑀲𑀗𑁆𑀔𑀸𑀢𑀲𑀼𑀢𑁆𑀢𑀲𑀫𑀽𑀳𑁂𑀦 𑀲𑀫𑀣𑀺𑀢𑀸 𑀧𑀣𑀺𑀢𑀸, 𑀲𑀼𑀢𑁆𑀢𑀁 𑀆𑀳𑀭𑀺𑀯𑀸 𑀲𑀼𑀢𑁆𑀢𑀣𑀯𑀺𑀲𑁄𑀥𑀦𑀯𑀲𑁂𑀦 𑀲𑀼𑀢𑁆𑀢𑀚𑀸𑀮𑀲𑁄𑀥𑀓𑀸

𑀦𑀬𑁂𑀳𑀺 𑀘𑀸𑀢𑀺 𑀅𑀪𑀺𑀥𑀫𑁆𑀫𑀯𑀺𑀦𑀬𑀸𑀤𑀻𑀳𑀺 𑀦𑀬𑁂𑀳𑀺 𑀬𑀼𑀢𑁆𑀢𑀻𑀳𑀺 𑀯𑀸.

𑀧𑀡𑀺𑀥𑀸𑀬𑀸 𑀘𑀸𑀢𑀺 𑀅𑀪𑀺𑀥𑀫𑁆𑀫𑀯𑀺𑀦𑀬𑀸𑀤𑀻𑀳𑀺 𑀦𑀬𑁂𑀳𑀺 𑀬𑀼𑀢𑁆𑀢𑀻𑀳𑀺 𑀯𑀸.

𑀧𑀡𑀺𑀥𑀸𑀬𑀸𑀢𑀺 𑀅𑀢𑁆𑀢𑀦𑁄 𑀜𑀸𑀡𑀁 𑀞𑀧𑁂𑀦𑁆𑀢𑁄.

𑀪𑀸𑀲𑀬𑀺𑀯𑀸𑀦 𑀫𑀸𑀦𑀲𑀦𑁆𑀢𑀺 𑀅𑀢𑁆𑀢𑀦𑁄 𑀘𑀺𑀢𑁆𑀢𑀁 𑀅𑀢𑀺𑀲𑀬𑁂𑀦 𑀧𑀼𑀦𑀧𑁆𑀧𑀼𑀦𑀁 𑀧𑀯𑀢𑁆𑀢𑀸𑀧𑀦𑀯𑀲𑁂𑀦 𑀳𑀸𑀲𑁂𑀯𑀸

𑀓𑀗𑁆𑀔𑀸𑀞𑀸𑀦𑀯𑀺𑀤𑀸𑀴𑀦𑁂’𑀢𑀺 𑀓𑀗𑁆𑀔𑀸𑀬 𑀯𑀺𑀘𑀺𑀓𑀺𑀘𑁆𑀙𑀸𑀬 𑀯𑀲𑁆𑀲𑀸 𑀓𑀸𑀭𑀡𑀪𑀽𑀢𑀸𑀦𑀁 𑀅𑀯𑀺𑀚𑁆𑀚𑀸𑀤𑀺𑀓𑀺𑀮𑁂𑀲𑀸𑀦𑀁 𑀥𑀫𑁆𑀫𑀸𑀦𑀁 𑀯𑀺𑀤𑀸𑀴𑀦𑀓𑀸𑀭𑀡𑁂.

𑀅𑀬𑀁 𑀧𑀤𑀣𑁄 𑀦𑀸𑀫.

𑀯𑀺𑀕𑁆𑀕𑀳𑁄 |𑀑𑁦.𑁦𑁩𑁭𑁧| 𑀧𑀦 𑀏𑀯𑀁 𑀯𑁂𑀤𑀺𑀢𑀩𑁆𑀩𑁄?

𑀬𑁄𑀦𑀓𑀲𑀗𑁆𑀔𑀸𑀢𑀸𑀦𑀁 𑀫𑀺𑀮𑀸𑀦𑀁 𑀇𑀤𑁄

𑀫𑀺𑀮𑀺𑀤𑁄.

𑀲𑁄𑀢𑀁 𑀧𑀢𑀺𑀢𑀸𑀦𑀁 𑀚𑀦𑀸𑀦𑀁 𑀲𑀁𑀲𑀻𑀤𑀦𑀁 𑀭𑀸𑀢𑀺 𑀆𑀤𑀤𑀸𑀢𑀻’𑀢𑀺

𑀲𑀸𑀕𑀭𑁄, 𑀢𑀁 𑀲𑀸𑀕𑀭𑀁.

𑀅𑀪𑀺𑀥𑀫𑁆𑀫𑀯𑀺𑀦𑀬𑁂𑀲𑀼 𑀅𑀦𑀼𑀧𑀯𑀺𑀲𑀦𑀣𑁂𑀦 𑀑𑀕𑀸𑀴𑁆𑀳𑀸

𑀅𑀪𑀺𑀥𑀫𑁆𑀫𑀯𑀺𑀦𑀬𑁄𑀕𑀸𑀴𑁆𑀳𑀸.

𑀲𑀼𑀢𑁆𑀢𑀚𑀸𑀮𑀲𑁆𑀲 𑀲𑀫𑀣𑀺𑀢𑀸

𑀲𑀼𑀢𑁆𑀢𑀚𑀸𑀮𑀲𑀫𑀣𑀺𑀢𑀸.

𑀓𑀗𑁆𑀔𑀸 𑀘 𑀓𑀗𑁆𑀔𑀸𑀞𑀸𑀦𑀜𑁆𑀘 𑀓𑀗𑁆𑀔𑀸𑀞𑀸𑀦𑀸𑀦𑀺 𑀓𑀗𑁆𑀔𑀸𑀞𑀸𑀦𑀸𑀦𑀁 𑀯𑀺𑀤𑀸𑀴𑀦𑀁

𑀓𑀗𑁆𑀔𑀸𑀞𑀸𑀦𑀯𑀺𑀤𑀸𑀴𑀦𑀁.

𑀅𑀬𑀁 𑀯𑀺𑀕𑁆𑀕𑀳𑁄.

𑀇𑀫𑀸 𑀧𑀜𑁆𑀘 𑀕𑀸𑀣𑀸 𑀓𑁂𑀦 𑀓𑀢𑀸?𑀢𑀺 𑀘𑁄𑀤𑀦𑀸 𑀪𑀤𑀦𑁆𑀢𑀩𑀼𑀤𑁆𑀥𑀖𑁄𑀲𑀸𑀘𑀭𑀺𑀬𑁂𑀦 𑀓𑀢𑀸’𑀢𑀺 𑀧𑀭𑀺𑀳𑀸𑀭𑁄. 𑀦 𑀓𑁂𑀯𑀮𑀁 𑀧𑀜𑀘 𑀕𑀸𑀣𑀸’𑀯, 𑀣𑁂𑀭𑀭𑀸𑀚𑀯𑀘𑀦𑁂’𑀧𑀺 𑀅𑀜𑁆𑀜𑀁 𑀧𑀼𑀩𑁆𑀩𑀸𑀧𑀭𑀯𑀘𑀦𑀫𑁆𑀧𑀺 𑀢𑁂𑀦 𑀯𑀼𑀢𑁆𑀢𑀁.

𑀢𑁂𑀲𑀼 𑀲𑀫𑁆𑀩𑀥𑀦𑀬𑁂𑁋

‘𑀏𑀓𑀔𑁆𑀬𑀸𑀢𑁄 𑀧𑀤𑀘𑁆𑀘𑀬𑁄 𑀲𑀺𑀬𑀸 𑀯𑀸𑀓𑁆𑀬𑀁 𑀲𑀓𑀸𑀭𑀓𑁄’𑀢𑀺 𑀘

‘𑀬𑁂𑀦 𑀬𑀲𑁆𑀲 𑀳𑀺 𑀲𑀫𑁆𑀩𑀥𑁄 𑀤𑀽𑀭𑀝𑁆𑀞𑀫𑁆𑀧𑀺 𑀘 𑀢𑀲𑁆𑀲 𑀢𑀁,

𑀅𑀣𑀢𑁄 𑀅𑀲𑀫𑀸𑀦𑀸𑀦𑀁 𑀆𑀲𑀦𑁆𑀦𑀢𑁆𑀢𑀁 𑀅𑀓𑀸𑀭𑀡𑀁𑀦𑁆𑀢𑀺 𑀘;

‘𑀦𑀸𑀦𑀢𑁆𑀢𑀸 𑀲𑀢𑀺 𑀬𑀸 𑀦𑀸𑀦𑀸-𑀓𑁆𑀭𑀺𑀬𑀸 𑀳𑁄𑀢𑀺 𑀬𑀣𑀸𑀭𑀳𑀁,

𑀏𑀓𑀓𑁆𑀭𑀺𑀬𑀸𑀬 𑀙𑀦𑁆𑀦𑀦𑁆𑀢𑀼 𑀦𑀣𑀺 𑀓𑀸𑀭𑀓𑀢𑀸 𑀲𑀤𑀸’;

‘𑀯𑁄𑀳𑀸𑀭𑀯𑀺𑀲𑀬𑁄 𑀲𑀤𑁆𑀤𑁄’𑀦𑁂𑀓𑀣𑀧𑀭𑀫𑀣𑀢𑁄,

𑀩𑀼𑀤𑁆𑀥𑀺𑀯𑀺𑀓𑀧𑁆𑀧𑀢𑁄 𑀘𑀣𑁄 𑀢𑀲𑁆𑀲𑀣𑁄’𑀢𑀺 𑀧𑀯𑀼𑀘𑁆𑀘𑀢𑀺;

𑀢𑀻𑀡𑀻’𑀧𑀺 𑀮𑀓𑁆𑀔𑀡𑀸𑀦𑀺 𑀲𑀮𑁆𑀮𑀓𑁆𑀔𑁂𑀯𑀸 𑀬𑀣𑀸 𑀅𑀣𑁄 𑀘 𑀲𑀪𑀸𑀯𑁄 𑀘 𑀮𑀩𑁆𑀪𑀢𑀺, 𑀢𑀣𑀸 𑀲𑀤𑁆𑀤𑀧𑁆𑀧𑀬𑁄𑀕𑁄 𑀓𑀸𑀢𑀩𑁆𑀩𑁄. 𑀲𑀤𑁆𑀤𑀧𑁆𑀧𑀬𑁄𑀕𑁂𑀦 𑀳𑀺 𑀅𑀢𑁆𑀣𑀲𑀪𑀸𑀯𑀸 𑀅𑀦𑀼𑀯𑀢𑁆𑀢𑀺𑀢𑀩𑁆𑀩𑀸, 𑀦 𑀅𑀢𑁆𑀣𑀲𑀪𑀸𑀯𑁂𑀳𑀺 𑀲𑀤𑁆𑀤𑀧𑁆𑀧𑀬𑁄𑀕𑁄 𑀅𑀧𑀺 𑀘 𑀆𑀘𑀭𑀺𑀬𑀸 𑀦𑀸𑀦𑀸𑀭𑀝𑁆𑀞𑁂𑀲𑀼 𑀞𑀺𑀢𑀸 𑀅𑀢𑁆𑀢𑀦𑁄 𑀅𑀢𑁆𑀢𑀦𑁄 𑀭𑀝𑁆𑀞𑀯𑁄𑀳𑀸𑀭𑀸𑀦𑀼𑀭𑀽𑀧𑁂𑀦 |𑀑𑁦.𑁦𑁩𑁭𑁨| 𑀲𑀤𑁆𑀤𑀧𑁆𑀧𑀬𑁄𑀕𑀲𑁆𑀲 𑀅𑀣𑀁 𑀯𑀤𑀦𑁆𑀢𑀺. 𑀇𑀥 𑀅𑀫𑁆𑀳𑀸𑀓𑀁 𑀩𑀺𑀗𑁆𑀕𑀭𑀝𑁆𑀞𑁂 𑀲𑀺𑀮𑀺𑀝𑁆𑀞𑀯𑁄𑀳𑀸𑀭𑀸𑀦𑀼𑀭𑀽𑀧𑁂𑀦 𑀲𑀤𑁆𑀤𑀧𑁆𑀧𑀬𑁄𑀕𑀲𑁆𑀲 𑀅𑀣𑁄 𑀯𑀢𑁆𑀢𑀩𑁆𑀩𑁄. 𑀬𑀣𑀸 𑀯𑀘𑀦𑀁 𑀲𑀺𑀮𑀺𑀝𑁆𑀞𑀁 𑀳𑁄𑀢𑀺 𑀓𑀼𑀮𑀧𑀼𑀢𑁆𑀢𑀸𑀦𑀜𑁆𑀘 𑀳𑀤𑀬𑀁 𑀧𑀯𑀺𑀲𑀢𑀺 𑀢𑀣𑀸 𑀯𑀢𑁆𑀢𑀩𑁆𑀩𑁄 𑀓𑀣𑀁? 𑀬𑀤𑀺 𑀧𑀞𑀫𑀸 𑀓𑀢𑁆𑀢𑀸 𑀳𑁄𑀢𑀺, 𑀤𑀼𑀢𑀺𑀬𑀸 𑀓𑀫𑁆𑀫𑀁 𑀲𑀯𑀺𑀲𑁂𑀲𑀦𑀁 𑀧𑀞𑀫𑀦𑁆𑀢𑀓𑀢𑁆𑀢𑀁 𑀯𑀯𑀸 𑀓𑁆𑀭𑀺𑀬𑀸𑀧𑀤𑀁 𑀯𑀢𑁆𑀢𑀩𑁆𑀩𑀁. 𑀓𑁆𑀭𑀺𑀬𑀸𑀧𑀤𑀁 𑀯𑀯𑀸 𑀲𑀯𑀺𑀲𑁂𑀲𑀦𑀁 𑀤𑀼𑀢𑀺𑀬𑀦𑁆𑀢𑀓𑀫𑁆𑀫𑀁 𑀯𑀢𑁆𑀢𑀩𑁆𑀩𑀁. 𑀬𑀤𑀺 𑀲𑀯𑀺𑀲𑁂𑀲𑀦𑀁 𑀧𑀞𑀫𑀦𑁆𑀢𑀧𑀤𑀁 𑀓𑀫𑁆𑀫𑀁 𑀳𑁄𑀢𑀺 𑀢𑀁 𑀢𑀲𑁆𑀲 𑀯𑀺𑀲𑁂𑀲𑀦𑀜𑁆𑀘 𑀯𑀯𑀸 𑀢𑀢𑀺𑀬𑀦𑁆𑀢𑀓𑀢𑁆𑀢𑀸 𑀯𑀢𑁆𑀢𑀩𑁆𑀩𑁄. 𑀢𑀁 𑀯𑀯𑀸 𑀓𑁆𑀭𑀺𑀬𑀸𑀧𑀤𑀁 𑀯𑀢𑁆𑀢𑀩𑁆𑀩𑀦𑁆𑀢𑀺.

𑀧𑀤𑀣𑁄 𑀧𑀦 𑁋

‘𑀅𑀣𑀧𑁆𑀧𑀓𑀸𑀭𑀡𑀸 𑀮𑀺𑀗𑁆𑀕𑀸 𑀑𑀚𑀜𑁆𑀜𑀸 (?) 𑀤𑁂𑀲𑀓𑀸𑀮𑀢𑁄;

𑀲𑀤𑁆𑀤𑀣𑀸 𑀯𑀺𑀪𑀚𑀻𑀬𑀦𑁆𑀢𑀺; 𑀦 𑀲𑀤𑁆𑀤𑀸𑀬𑁂𑀯 𑀓𑁂𑀯𑀮𑀸’𑀢𑀺 𑀘;

‘𑀧𑀭𑀪𑀸𑀯𑀧𑀣𑀸𑀧𑁂𑀓𑁆𑀔𑀁 𑀲-𑀅𑀫𑀸𑀤𑀺 𑀢𑀼 𑀓𑀸𑀭𑀓𑀁,

𑀧𑀘𑁆𑀘𑀬𑀲𑁆𑀲 𑀲𑀥𑀸𑀢𑀼𑀲𑁆𑀲 𑀅𑀣𑀪𑀼𑀢𑀦𑁆𑀢𑀼 𑀲𑀸𑀥𑀦𑀦𑁆𑀢𑀺 𑀘;

‘𑀥𑀸𑀢𑀼 𑀲𑀤𑁆𑀤𑁄 𑀓𑁆𑀭𑀺𑀬𑀸𑀯𑀸𑀘𑀻 𑀧𑀘𑁆𑀘𑀬𑁄 𑀲𑀸𑀥𑀦𑀯𑀸𑀘𑀓𑁄,

𑀅𑀣𑀲𑁆𑀲 𑀯𑀸𑀘𑀓𑀁 𑀮𑀺𑀗𑁆𑀕𑀁 𑀯𑀺𑀪𑀢𑁆𑀢𑀺 𑀅𑀣𑀚𑁄𑀢𑀓𑀸;’

𑀢𑀺 𑀘 𑀮𑀓𑁆𑀔𑀡𑀸𑀦𑀺 𑀲𑀮𑁆𑀮𑀓𑁆𑀔𑁂𑀯𑀸 𑀏𑀓𑁂𑀓𑀧𑀤𑀲𑁆𑀲 𑀅𑀣𑀯𑀺𑀕𑁆𑀕𑀳𑁄 𑀯𑀢𑁆𑀢𑀩𑁆𑀩𑁄.

𑀧𑀤 𑀯𑀺𑀕𑁆𑀕𑀳𑁄 𑀧𑀦-

‘𑀥𑀸𑀯𑀣𑁄 𑀳𑀺 𑀲𑀺𑀬𑀸 𑀳𑁂𑀢𑀼 - 𑀧𑀘𑁆𑀘𑀬𑀣𑁄 𑀲𑀺𑀬𑀸 𑀨𑀮𑀁,

𑀤𑁆𑀯𑀺𑀦𑁆𑀦𑀁 𑀚𑀸𑀦𑀦𑀣𑀜𑁆𑀘 𑀇𑀢𑀺 𑀲𑀤𑁆𑀤𑁄 𑀧𑀬𑀼𑀚𑁆𑀚𑀢𑁂;

𑀲𑀩𑁆𑀩𑀯𑀸𑀓𑁆𑀬𑁂 𑀓𑁆𑀭𑀺𑀬𑀸𑀲𑀤𑁆𑀤𑁄 𑀇𑀢𑀺𑀲𑀤𑁆𑀤𑁄 𑀘 𑀳𑁄𑀢𑀺 𑀳𑀺;

𑀓𑁆𑀭𑀺𑀬𑀸𑀩𑁆𑀬𑀼𑀧𑁆𑀧𑀢𑁆𑀢𑀺 𑀦𑀺𑀫𑀺𑀢𑁆𑀢𑀁 𑀇𑀢𑀺𑀲𑀤𑁆𑀤𑁂𑀦 𑀤𑀻𑀧𑀺𑀢𑀦𑁆𑀢𑀺,

𑀆𑀤𑀻𑀦𑀺 𑀮𑀓𑁆𑀔𑀡𑀸𑀦𑀺 𑀲𑀮𑁆𑀮𑀓𑁆𑀔𑁂𑀯𑀸 𑀯𑀢𑁆𑀢𑀩𑁆𑀩𑁄;

𑀅𑀬𑀁 𑀅𑀫𑁆𑀳𑁂𑀳𑀺 𑀯𑀼𑀢𑁆𑀢𑁄 𑀲𑀤𑁆𑀤𑀧𑁆𑀧𑀬𑁄𑀕𑀅𑀣𑀧𑁆𑀧𑀬𑁄𑀕𑁄 𑀬𑁄𑀚𑀦𑀸𑀦𑀁 𑀦𑀬𑁄 𑀲𑀩𑁆𑀩𑀣 𑀉𑀧𑀓𑀸𑀭𑁄 𑀓𑀼𑀮𑀧𑀼𑀢𑁆𑀢𑁂𑀳𑀺 𑀉𑀕𑁆𑀕𑀳𑁂𑀢𑀩𑁆𑀩𑁄 𑀲𑀮𑁆𑀮𑀓𑁆𑀔𑁂𑀢𑀩𑁆𑀩𑁄𑀬𑁂𑀯.

𑀇𑀢𑁄 𑀧𑀭𑀁 𑀬𑀁 𑀅𑀣𑀢𑁄 𑀘 𑀭𑀽𑀧𑀢𑁄 𑀘 𑀅𑀧𑀸𑀓𑀝𑀁, 𑀢𑀁𑀬𑁂𑀯 𑀯𑀡𑁆𑀡𑀬𑀺𑀲𑁆𑀲𑀸𑀫.

𑀲𑀼𑀯𑀺𑀪𑀢𑁆𑀢-𑀯𑀻𑀣𑀺-𑀘𑀘𑁆𑀘𑀭-𑀘𑀢𑀼𑀓𑁆𑀓-𑀲𑀺𑀗𑁆𑀖𑀸𑀝𑀓𑀦𑁆𑀦𑀺 𑀲𑀼𑀯𑀺𑀪𑀢𑁆𑀢𑀸 𑀭𑀣𑀺𑀓𑀸𑀲𑀗𑁆𑀔𑀸𑀢𑀸 𑀯𑀻𑀣𑀺 𑀘𑀘𑁆𑀘𑀭𑀲𑀗𑁆𑀔𑀸𑀢𑀸 𑀘𑀢𑀼𑀓𑁆𑀓𑀸 𑀫𑀕𑁆𑀕𑀲𑀥𑀺𑀲𑀗𑁆𑀔𑀸𑀢𑀸 𑀲𑀺𑀗𑁆𑀖𑀸𑀝𑀓𑀸 |𑀑𑁦.𑁦𑁩𑁭𑁩| 𑀏𑀣𑀸𑀢𑀺 𑀲𑀼𑀯𑀺𑀯𑀺𑀪𑀢𑁆𑀢𑀯𑀻𑀣𑀺𑀘𑀘𑁆𑀘𑀭𑀘𑀢𑀼𑀓𑁆𑀓𑀲𑀺𑀗𑁆𑀖𑀸𑀝𑀁. 𑀯𑀼𑀢𑁆𑀢𑀜𑁆𑀳𑁂𑀢𑀁 𑀅𑀪𑀺𑀥𑀸𑀦𑀧𑁆𑀧𑀤𑀻𑀧𑀺𑀓𑀸𑀬𑀁;

‘‘𑀭𑀘𑁆𑀙𑀸 𑀘 𑀯𑀺𑀲𑀺𑀔𑀸 𑀯𑀼𑀢𑁆𑀢𑀸 𑀭𑀝𑀺𑀓𑀸 𑀯𑀻𑀣𑀺 𑀘𑀸𑀧𑁆𑀬𑀣

𑀯𑁆𑀬𑀼𑀳𑁄 𑀭𑀘𑁆𑀙𑀸 𑀅𑀦𑀺𑀩𑁆𑀩𑀺𑀤𑁆𑀥𑀸 𑀦𑀺𑀩𑁆𑀩𑀺𑀤𑁆𑀥𑀸 𑀢𑀼 𑀧𑀣𑀤𑁆𑀥𑀺 𑀘,

𑀘𑀢𑀼𑀓𑁆𑀓𑀁 𑀘𑀘𑁆𑀘𑀭𑁂 𑀫𑀕𑁆𑀕-𑀲𑀥𑀺-𑀲𑀺𑀗𑁆𑀖𑀸𑀝𑀓𑀫𑁆𑀪𑀯𑁂’’𑀢𑀺;

𑀓𑀸𑀲𑀺𑀓-𑀓𑁄𑀝𑀼𑀫𑁆𑀩𑀭𑀓𑀸𑀤𑀺 - 𑀦𑀸𑀦𑀸𑀯𑀺𑀥𑀯𑀣𑀸𑀧𑀡𑀲𑀫𑁆𑀧𑀦𑁆𑀦𑀦𑁆𑀢𑀺 𑀏𑀣 𑀫𑀳𑀕𑁆𑀖𑀯𑀣𑀁 𑀓𑀸𑀲𑀺𑀓𑀁 𑀓𑀸𑀲𑀺𑀓𑀭𑀝𑁆𑀞𑁂 𑀯𑀸 𑀉𑀧𑁆𑀧𑀦𑁆𑀦𑀁 𑀓𑀸𑀲𑀺𑀓𑀁. 𑀓𑁄𑀝𑀼𑀫𑁆𑀩𑀭𑀤𑁂𑀲𑁂 𑀚𑀸𑀢𑀁 𑀯𑀣𑀁 𑀓𑁄𑀝𑀼𑀫𑁆𑀩𑀭𑀁. 𑀆𑀤𑀺𑀲𑀤𑁆𑀤𑁂𑀦 𑀔𑁄𑀫𑀁 𑀓𑀧𑁆𑀧𑀸𑀲𑀺𑀓𑀁 𑀓𑁄𑀲𑁂𑀬𑁆𑀬𑀁 𑀓𑀫𑁆𑀩𑀮𑀁 𑀲𑀸𑀡𑀁 𑀪𑀗𑁆𑀕𑀦𑁆𑀢𑀺. 𑀥𑀯𑀮𑀯𑀣𑀸𑀦𑀺 𑀘 𑀔𑁄𑀫𑀲𑁆𑀲 𑀅𑀦𑀼𑀮𑁄𑀫𑀪𑀼𑀢𑀁 𑀤𑀼𑀓𑀼𑀮𑀁 𑀓𑁄𑀲𑁂𑀬𑁆𑀬𑀲𑁆𑀲 𑀅𑀦𑀼𑀮𑁄𑀫𑀪𑀼𑀢𑀸𑀦𑀺 𑀧𑀢𑁆𑀢𑀼𑀦𑁆𑀦𑀧𑀝𑁆𑀝-𑀲𑁄𑀫𑀸𑀭-𑀘𑀻𑀦𑀚 𑀯𑀣𑀸𑀦𑀺 𑀘 𑀲𑀗𑁆𑀕𑀡𑁆𑀳𑀸𑀢𑀺. 𑀯𑀼𑀢𑁆𑀢𑀜𑁆𑀳𑁂𑀢𑀁 𑀔𑀼𑀤𑁆𑀤𑀓𑀲𑀺𑀓𑁆𑀔𑀸𑀕𑀣𑁂?

𑀤𑀼𑀓𑀽𑀮𑀜𑁆𑀘𑁂𑀯 𑀧𑀢𑁆𑀢𑀼𑀦𑁆𑀦 - 𑀧𑀢𑁆𑀢𑀁 𑀲𑁄𑀫𑀸𑀭𑀘𑀻𑀦𑀚𑀁 𑀇𑀤𑁆𑀥𑀺𑀚𑀁 𑀤𑁂𑀯𑀤𑀺𑀦𑁆𑀦𑀜𑁆𑀘 𑀢𑀲𑁆𑀲 𑀢𑀲𑁆𑀲𑀸𑀦𑀼𑀮𑁄𑀫𑀓𑀦𑁆𑀢𑀺.

𑀢𑀲𑁆𑀲 𑀝𑀻𑀓𑀸𑀬𑀜𑁆𑀘’𑀯𑀸𑀓𑀫𑀬𑀢𑁆𑀢𑀸 𑀤𑀼𑀓𑀼𑀮𑀸 𑀲𑀸𑀡𑀲𑁆𑀲 𑀅𑀦𑀼𑀮𑁄𑀫𑀓𑁂𑀳𑀺 𑀓𑀢𑀲𑀼𑀢𑁆𑀢𑀫𑀬𑀢𑁆𑀢𑀸 𑀧𑀢𑁆𑀢𑀼𑀡𑁆𑀡𑀧𑀝𑁆𑀝-𑀲𑁄𑀫𑀸𑀭𑀘𑀻𑀦𑀯𑀣𑀸𑀦𑀺 𑀓𑁄𑀲𑁂𑀬𑁆𑀬𑀲𑁆𑀲 𑀅𑀦𑀼𑀮𑁄𑀫𑀸𑀦𑀺 𑀇𑀤𑁆𑀥𑀺𑀚𑀤𑁂𑀯𑀤𑀺𑀦𑁆𑀦𑀯𑀣𑀸𑀦𑀺 𑀙𑀦𑁆𑀦𑀁 𑀯𑀣𑀸𑀦𑀁 𑀅𑀦𑀼𑀮𑁄𑀫𑀸𑀦𑀺 𑀢𑁂𑀲𑀁 𑀅𑀜𑁆𑀜𑀢𑀭𑀫𑀬𑀢𑁆𑀢𑀸’𑀢𑀺 𑀯𑀼𑀢𑁆𑀢𑀁.

𑀢𑀣 𑀫𑀺𑀮𑀺𑀤𑀧𑀜𑁆𑀳𑁄 𑀮𑀓𑁆𑀔𑀡𑀧𑀜𑁆𑀳𑁄 𑀯𑀺𑀫𑀢𑀺𑀘𑁆𑀙𑁂𑀤𑀦𑀧𑀜𑁆𑀳𑁄’𑀢𑀺 𑀤𑀼𑀯𑀺𑀥𑁄’𑀢𑀺 𑀏𑀣 𑀥𑀫𑁆𑀫𑀸𑀦𑀁 𑀮𑀓𑁆𑀔𑀡𑀧𑀼𑀘𑁆𑀙𑀦𑀯𑀲𑁂𑀦 𑀧𑀯𑀢𑁆𑀢𑁄 𑀧𑀜𑁆𑀳𑁄 𑀮𑀓𑁆𑀔𑀡𑀧𑀜𑁂𑀳𑀸.𑀥𑀫𑁆𑀫𑀸𑀦𑀁 𑀮𑀓𑁆𑀔𑀡𑀧𑀜𑁆𑀳𑁄’𑀢𑀺 𑀓𑀣𑀘𑀺 𑀮𑀺𑀔𑀺𑀢𑀁. 𑀞𑀸𑀦𑀼𑀧𑁆𑀧𑀦𑁆𑀢𑀺𑀓𑀧𑀝𑀺𑀳𑀸𑀦𑁄’𑀢𑀺 𑀢𑀲𑁆𑀫𑀺𑀁 𑀢𑀲𑁆𑀫𑀺𑀁 𑀕𑀫𑁆𑀪𑀻𑀭𑀣𑀯𑀺𑀘𑀸𑀭𑀡𑀓𑀸𑀮𑁂 𑀓𑀢𑁆𑀢𑀩𑁆𑀩𑀓𑀺𑀘𑁆𑀘𑀲𑀗𑁆𑀔𑀸𑀢𑁂 𑀞𑀸𑀦𑁂 𑀉𑀧𑁆𑀧𑀢𑁆𑀢𑀺 𑀉𑀧𑁆𑀧𑀚𑁆𑀚𑀦𑀁 𑀞𑀸𑀦𑀼𑀧𑁆𑀧𑀢𑁆𑀢𑀺 𑀲𑀸 𑀅𑀲𑁆𑀲 𑀅𑀣𑀺𑀢𑀺 𑀞𑀸𑀦𑀼𑀧𑁆𑀧𑀢𑁆𑀢𑀺𑀓𑀁. 𑀆𑀭𑀫𑁆𑀫𑀡𑁂 𑀧𑀝𑀺𑀪𑀸𑀢𑀻𑀢𑀺 𑀧𑀝𑀺𑀪𑀸𑀦𑀁, 𑀜𑀸𑀡𑀁. 𑀞𑀸𑀦𑀼𑀧𑁆𑀧𑀢𑁆𑀢𑀺𑀓𑀁 𑀧𑀝𑀺𑀪𑀸𑀦𑀁 𑀬𑀲𑁆𑀲 𑀲𑁄 𑀞𑀸𑀦𑀼𑀧𑁆𑀧𑀢𑁆𑀢𑀺𑀓𑀧𑀝𑀺𑀪𑀸𑀦𑁄.

𑀧𑀝𑀺𑀩𑀮𑁄 𑀅𑀢𑀻𑀢𑀸𑀦𑀸𑀕𑀢𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀦𑀦𑁆𑀢𑀺 𑀏𑀣 𑀅𑀣𑀸𑀦𑀁 𑀚𑀸𑀦𑀺𑀢𑀼𑀦𑁆𑀢𑀺 𑀧𑀸𑀞𑀲𑁂𑀲𑁄 𑀓𑀸𑀢𑀩𑁆𑀩𑁄 𑀲𑁄𑀬𑁂𑀯 𑀯𑀸 𑀧𑀸𑀞𑁄. 𑀢𑀣 𑀅𑀳𑀁 𑀅𑀢𑀻𑀢𑀪𑀯𑁂 𑀤𑀺𑀦𑁆𑀦𑀤𑀸𑀦𑁄 𑀭𑀓𑁆𑀔𑀺𑀢𑀲𑀻𑀮𑁄 𑀪𑀸𑀯𑀺𑀢𑀪𑀸𑀯𑀦𑁄 𑀓𑀢𑀓𑀮𑁆𑀬𑀸𑀡𑁄 𑀇𑀤𑀸𑀦𑀺 𑀜𑀸𑀡𑀲𑀫𑁆𑀧𑀦𑁆𑀦𑁄 𑀥𑀦𑀯𑀸 𑀬𑀲𑀯𑀸’𑀢𑀺 𑀅𑀢𑀻𑀢𑀣𑀁 𑀚𑀸𑀦𑀺𑀢𑀼𑀁 𑀧𑀝𑀺𑀩𑀮𑁄 𑀇𑀤𑀸𑀦𑀺 𑀫𑀬𑀸 𑀤𑀸𑀦𑀸𑀤𑀺 𑀧𑀼𑀜𑁆𑀜𑀁 𑀓𑀢𑁆𑀢𑀩𑁆𑀩𑀁 𑀲𑀫𑁆𑀧𑀢𑁆𑀢𑀺 |𑀑𑁦.𑁦𑁩𑁭𑁪| 𑀪𑀯𑀢𑁄. 𑀲𑀫𑁆𑀧𑀢𑁆𑀢𑀺 𑀪𑀯𑁂 𑀉𑀧𑁆𑀧𑀚𑁆𑀚𑀺𑀯𑀸 𑀲𑀼𑀔𑀻 𑀳𑀼𑀯𑀸 𑀧𑀭𑀺𑀦𑀺𑀩𑁆𑀩𑀸𑀬𑀺𑀲𑁆𑀲𑀸𑀫𑀻’𑀢𑀺. 𑀏𑀯𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀅𑀦𑀸𑀕𑀢𑀣𑁂 𑀚𑀸𑀦𑀺𑀢𑀼𑀁 𑀧𑀝𑀺𑀩𑀮𑁄 𑀦𑀸𑀫.

𑀲𑀫𑀦𑁆𑀢𑀬𑁄𑀕𑀯𑀺𑀥𑀸𑀦𑀓𑀺𑀭𑀺𑀬𑀸𑀦𑀁 𑀓𑀭𑀡𑀓𑀸𑀮𑁂’𑀢𑀺 𑀬𑀼𑀜𑁆𑀚𑀺𑀢𑀩𑁆𑀩𑁄 𑀬𑁄𑀕𑁄. 𑀲𑀫𑀦𑁆𑀢𑀢𑁄 𑀲𑀩𑁆𑀩𑀢𑁄 𑀲𑀩𑁆𑀩𑀓𑀸𑀮𑁂 𑀬𑁄𑀕𑁄 𑀲𑀩𑁆𑀩𑀓𑀸𑀮𑁂𑀲𑀼 𑀲𑀩𑁆𑀩𑀓𑀢𑁆𑀢𑀩𑁆𑀩𑀓𑀫𑁆𑀫𑀸𑀦𑀁 𑀯𑀺𑀤𑀳𑀦𑀁 𑀯𑀺𑀥𑀸𑀦𑀁 𑀦𑀸𑀫. 𑀇𑀤𑀜𑁆𑀘𑀺𑀤𑀜𑁆𑀘 𑀓𑀭𑀺𑀲𑁆𑀲𑀸𑀫𑀺, 𑀇𑀫𑀲𑁆𑀫𑀺𑀁 𑀓𑀢𑁂 𑀇𑀤𑀁 𑀪𑀯𑀺𑀲𑁆𑀲𑀢𑀻’𑀢𑀺 𑀧𑀼𑀩𑁆𑀩𑀪𑀸𑀕𑁂 𑀉𑀧𑀸𑀬𑁂𑀦 𑀓𑀢𑁆𑀢𑀩𑁆𑀩𑀯𑀺𑀥𑀸𑀦𑀁 𑀓𑀺𑀭𑀺𑀬𑀸 𑀦𑀸𑀫 𑀓𑀭𑀡𑀓𑀸𑀮𑁂𑀬𑁂𑀯 𑀮𑀩𑁆𑀪𑀢𑀺. 𑀧𑀼𑀩𑁆𑀩𑀪𑀸𑀕𑁂 𑀘 𑀓𑀭𑀡𑀓𑀸𑀮𑁂 𑀘 𑀦𑀺𑀲𑀫𑁆𑀫𑀓𑀸𑀭𑀻𑀢𑀺 𑀅𑀥𑀺𑀧𑁆𑀧𑀸𑀬𑁄.

𑀲𑁂𑀬𑁆𑀬𑀣𑀻𑀤𑀦𑁆𑀢𑀺 𑀬𑀸𑀦𑀺 𑀲𑀣𑀸𑀦𑀺 𑀢𑁂𑀦 𑀉𑀕𑁆𑀕𑀳𑀺𑀢𑀸𑀦𑀺 𑀢𑀸𑀦𑀺 𑀲𑁂𑀬𑁆𑀬𑀣𑀺𑀤𑀁 𑀯𑀺𑀪𑀚𑀺𑀲𑁆𑀲𑀸𑀫𑀻𑀢𑀺 𑀅𑀣𑁄 𑀅𑀦𑁂𑀓𑀣𑀢𑁄 𑀫𑀳𑀦𑀺𑀤𑀸𑀦𑀲𑀼𑀢𑁆𑀢𑀯𑀡𑁆𑀡𑀦𑀸𑀬𑀜𑁆𑀘 𑀏𑀯𑀫𑁂𑀯𑀣𑁄 𑀯𑀼𑀢𑁆𑀢𑁄’ 𑀲𑁂𑀬𑁆𑀬𑀣𑀺𑀤𑀁 𑀓𑀢𑀫𑀸𑀦𑀻’𑀢𑀺 𑀓𑁂𑀘𑀺 𑀯𑀤𑀦𑁆𑀢𑀺. 𑀢𑀁’𑀓𑀢𑀫𑁂 𑀧𑀜𑁆𑀘𑀼𑀧𑀸𑀤𑀸𑀦𑀓𑁆𑀔𑀥𑀸? 𑀲𑁂𑀬𑁆𑀬𑀣𑀺𑀤𑀁? 𑀭𑀽𑀧𑀽𑀧𑀸𑀤𑀸𑀦𑀓𑁆𑀔𑀥𑁄’𑀢𑀺𑀆𑀤𑀺𑀦𑀸 𑀦𑀬𑁂𑀦 𑀲𑀫𑁂𑀢𑀺. 𑀢𑁂𑀲𑀼 𑀘 𑀏𑀓𑀽𑀦𑀯𑀻𑀲𑀢𑀺𑀲𑀣𑁂𑀲𑀼.

𑀲𑀼𑀢𑀻𑀢𑀺 𑀏𑀣 𑀲𑀼𑀬𑁆𑀬𑀢𑁂 𑀥𑀫𑁆𑀫𑁄 𑀏𑀢𑀸𑀬𑀸𑀢𑀺 𑀲𑀼𑀢𑀺, 𑀯𑁂𑀤𑁄.

𑀲𑀫𑁆𑀫𑀼𑀢𑀻𑀢𑀺 𑀲𑀤𑁆𑀤𑀕𑀦𑁆𑀣𑁄. 𑀲𑁂𑀲𑀸 𑀲𑀗𑁆𑀔𑁆𑀬𑀸𑀤𑀬𑁄𑀧𑀺 𑀘 𑀓𑀢𑁆𑀢𑀼𑀬𑁄𑀦𑀓𑀢𑁆𑀢𑀸 𑀩𑀸𑀳𑀺𑀭 𑀲𑀣𑁂𑀲𑀼 𑀬𑀤𑀺 𑀤𑀺𑀲𑁆𑀲𑀦𑁆𑀢𑀺 𑀢𑁂 𑀲𑀼𑀕𑀳𑁂𑀢𑀩𑁆𑀩𑀸 𑀬𑁂𑀯𑀸𑀢𑀺.

𑀪𑀢𑁆𑀢𑀯𑀺𑀲𑁆𑀲𑀕𑁆𑀕𑀓𑀭𑀡𑀣𑀸𑀬𑀸𑀢𑀺 𑀪𑀢𑁆𑀢𑀓𑀺𑀘𑁆𑀘𑀓𑀭𑀡𑀣𑀸𑀬.

𑀲𑀓𑀺𑀁 𑀏𑀯𑀁 𑀘𑀓𑁆𑀔𑀼𑀁 𑀉𑀤𑀧𑀸𑀤𑀻𑀢𑀺 𑀅𑀢𑀻𑀢𑀪𑀯𑁂 𑀢𑀻𑀲𑀼 𑀯𑁂𑀤𑁂𑀲𑀼 𑀧𑀭𑀺𑀘𑀬𑀲𑀢𑀺𑀜𑀸𑀡𑀩𑀮𑁂𑀦 𑀲𑀓𑀺𑀫𑁂𑀯 𑀏𑀓𑀼𑀕𑁆𑀕𑀳𑀡𑀯𑀸𑀭𑀫𑁂𑀯 𑀘𑀓𑁆𑀔𑀼 𑀯𑁂𑀤𑀼𑀕𑁆𑀕𑀳𑀜𑀸𑀡𑀘𑀓𑁆𑀔𑀼 𑀉𑀤𑀧𑀸𑀤𑀺. 𑀩𑀳𑀼𑀢𑀭𑀁 𑀅𑀯𑀘𑀸𑀧𑁂𑀯𑀸 𑀏𑀓𑀯𑀸𑀭𑀫𑁂𑀯 𑀯𑀤𑀸𑀧𑁂𑀯𑀸 𑀥𑀸𑀭𑁂𑀢𑀼𑀁 𑀅𑀲𑀓𑁆𑀓𑁄𑀦𑁆𑀢𑀲𑁆𑀲 𑀜𑀸𑀡𑀘𑀓𑁆𑀔𑀼 𑀉𑀤𑀧𑀸𑀤𑀻𑀢𑀺 𑀅𑀥𑀺𑀧𑁆𑀧𑀸𑀬𑁄.

𑀆𑀘𑀭𑀺𑀬𑀲𑁆𑀲 𑀅𑀦𑀼𑀬𑁄𑀕𑀁 𑀤𑀯𑀸’𑀢𑀺’𑀆𑀘𑀭𑀺𑀬, 𑀢𑀼𑀫𑁆𑀳𑁂𑀳𑀺 𑀬𑀁 𑀬𑀁 𑀇𑀘𑁆𑀙𑀣, 𑀢𑀁 𑀢𑀁 𑀫𑀁 𑀧𑀼𑀘𑁆𑀙𑀣, 𑀅𑀳𑀁 𑀯𑀺𑀲𑁆𑀲𑀚𑁂𑀲𑁆𑀲𑀸𑀫𑀺. 𑀩𑁆𑀬𑀸𑀓𑀸𑀢𑀼𑀁 𑀅𑀲𑀓𑁆𑀓𑁄𑀦𑁆𑀢𑀲𑁆𑀲 𑀫𑁂 𑀆𑀘𑀺𑀓𑁆𑀔𑀣𑀸’𑀢𑀺 𑀆𑀘𑀭𑀺𑀬𑀲𑁆𑀲 𑀅𑀢𑁆𑀢𑀦𑁄 𑀅𑀦𑀼𑀬𑁄𑀕𑀁 𑀅𑀦𑀼𑀬𑀼𑀜𑁆𑀚𑀦𑀁 𑀘𑁄𑀤𑀦𑀁 𑀤𑀯𑀸. 𑀏𑀓𑀘𑁆𑀘𑁄 𑀳𑀺 𑀅𑀦𑀼𑀬𑁄𑀕𑀁 𑀤𑀸𑀢𑀼𑀁 𑀲𑀓𑁆𑀓𑁄𑀢𑀺 𑀩𑁆𑀬𑀸𑀓𑀸𑀢𑀼𑀁 𑀧𑀦 𑀦 𑀲𑀓𑁆𑀓𑁄𑀢𑀺. 𑀦𑀸𑀕𑀲𑁂𑀦𑀤𑀸𑀭𑀓𑁄 𑀧𑀦 𑀢𑀤𑀼𑀪𑀬𑀫𑁆𑀧𑀺 𑀓𑀸𑀢𑀼𑀁 𑀲𑀓𑁆𑀓𑁄𑀢𑀺𑀬𑁂𑀯.

𑀥𑀫𑁆𑀫𑀘𑀓𑁆𑀔𑀼𑀁 𑀉𑀤𑀧𑀸𑀤𑀻𑀢𑀺’𑀬𑀁 𑀓𑀺𑀜𑁆𑀘𑀺 𑀲𑀫𑀼𑀤𑀬𑀥𑀫𑁆𑀫𑀁 𑀲𑀩𑁆𑀩𑀁 𑀢𑀁 𑀦𑀺𑀭𑁄𑀥𑀥𑀫𑁆𑀫𑀦𑁆𑀢𑀺𑀥𑀫𑁆𑀫𑀘𑀓𑁆𑀔𑀼 𑀲𑁄𑀢𑀸𑀧𑀢𑁆𑀢𑀺𑀫𑀕𑁆𑀕𑀜𑀸𑀡𑀁 𑀦𑀺𑀩𑁆𑀩𑀸𑀦𑀸𑀭𑀫𑁆𑀫𑀡𑀁 𑀳𑀼𑀯𑀸 𑀏𑀯𑀁 𑀉𑀧𑁆𑀧𑀚𑁆𑀚𑀦𑀸𑀓𑀸𑀭𑁂𑀦 𑀉𑀤𑀧𑀸𑀤𑀺𑀬𑀁 𑀓𑀺𑀜𑁆𑀘𑀺 𑀲𑀗𑁆𑀔𑀢𑀁 𑀥𑀫𑁆𑀫𑀚𑀸𑀢𑀁 𑀲𑀫𑀼𑀤𑀬𑀥𑀫𑁆𑀫𑀁 𑀉𑀧𑁆𑀧𑀚𑁆𑀚𑀦𑀲𑀪𑀸𑀯𑀁 𑀲𑀩𑁆𑀩𑀁 𑀢𑀁 𑀦𑀺𑀭𑁄𑀥𑀥𑀫𑁆𑀫𑀁, 𑀲𑀩𑁆𑀩𑀁 𑀢𑀁 𑀥𑀫𑁆𑀫𑀚𑀸𑀢𑀁 𑀦𑀺𑀭𑀼𑀚𑁆𑀛𑀦𑀲𑀪𑀸𑀯𑀁 𑀅𑀦𑀺𑀘𑁆𑀘𑀁 𑀔𑀬𑀯𑀬𑀥𑀫𑁆𑀫𑀦𑁆𑀢𑀺 𑀉𑀤𑀧𑀸𑀤𑀺. |𑀑𑁦.𑁦𑁩𑁭𑁫| 𑀓𑀲𑁆𑀫𑀸 𑀦𑀺𑀩𑁆𑀩𑀸𑀦𑀸𑀭𑀫𑁆𑀫𑀡𑀁𑀬𑁂𑀯 𑀫𑀕𑁆𑀕𑀜𑀸𑀡𑀫𑁂𑀯 𑀉𑀤𑀧𑀸𑀤𑀻?𑀢𑀺. 𑀢𑀧𑁆𑀧𑀝𑀺𑀘𑁆𑀙𑀸𑀤𑀓𑀫𑁄𑀳𑀥𑀓𑀸𑀭𑀁 𑀯𑀺𑀤𑁆𑀥𑀁𑀲𑁂𑀯𑀸 𑀉𑀧𑁆𑀧𑀦𑁆𑀦𑀢𑁆𑀢𑀸.

(𑀤𑁄𑀲𑀺𑀦𑀸) 𑀤𑁄𑀲𑀺𑀢𑀸𑀢𑀺 𑀯𑀢𑁆𑀢𑀩𑁆𑀩𑁂 𑀢𑀓𑀸𑀭𑀲𑁆𑀲 𑀢𑀓𑀸𑀭𑀁 𑀓𑀯𑀸 𑀤𑁄𑀲𑀺𑀦𑀸’𑀢𑀺 𑀯𑀼𑀢𑁆𑀢𑀁.

𑀭𑀣𑀁 𑀆𑀭𑀼𑀬𑁆𑀳𑀸’𑀢𑀺 𑀏𑀣 𑀲𑀸𑀫𑀺𑀓𑀁 𑀭𑀫𑀬𑀢𑀻𑀢𑀺 𑀭𑀣𑁄’𑀢𑀺 𑀯𑀺𑀕𑁆𑀕𑀳𑁄 𑀓𑀸𑀢𑀩𑁆𑀩𑁄.

𑀭𑀸𑀚𑀭𑀣𑁄 𑀦𑀸𑀫 𑀲𑀩𑁆𑀩𑀭𑀢𑀦𑀯𑀺𑀘𑀺𑀢𑁆𑀢𑁄 𑀇𑀘𑁆𑀙𑀺𑀢𑀩𑁆𑀩𑁄.

(𑀯𑀬𑀳𑀁) 𑀯𑀳𑀦𑁆𑀢𑀻 𑀏𑀢𑁂𑀦𑀸𑀢𑀺 𑀯𑀬𑀳𑀁 𑀉𑀧𑀭𑀺𑀫𑀡𑁆𑀟𑀧𑀲𑀤𑀺𑀲𑀧𑀤𑀭𑀘𑁆𑀙𑀦𑁆𑀦𑀲𑀩𑁆𑀩𑀫𑀸𑀮𑀸𑀕𑀼𑀡𑁆𑀞𑀺𑀫𑀁 𑀯𑀸 𑀙𑀸𑀤𑁂𑀯𑀸𑀢𑀺 𑀅𑀝𑁆𑀞𑀓𑀣𑀸𑀬𑀁 𑀯𑀼𑀢𑁆𑀢𑀦𑀬𑁂𑀦 𑀓𑀢𑀲𑀓𑀝𑀁 𑀯𑀬𑁆𑀳𑀁 𑀦𑀸𑀫.

𑀲𑀤𑀫𑀸𑀦𑀺𑀓𑀸’𑀢𑀺 𑀉𑀪𑁄𑀲𑀼 𑀧𑀲𑁆𑀲𑁂𑀲𑀼 𑀲𑀼𑀯𑀡𑁆𑀡𑀭𑀚𑀢𑀸𑀤𑀺𑀫𑀬𑀸 𑀕𑁄𑀧𑀸𑀦𑀲𑀺𑀬𑁄 𑀤𑀯𑀸 𑀕𑀭𑀼𑀴𑀧𑀓𑁆𑀔𑀓𑀦𑀬𑁂𑀦 𑀲𑀤𑀫𑀸𑀦𑀺𑀓𑀸’𑀢𑀺 𑀅𑀝𑁆𑀞𑀓𑀣𑀸𑀬𑀁 𑀯𑀼𑀢𑁆𑀢𑀦𑀬𑁂𑀦 𑀓𑀢𑁄 𑀬𑀸𑀦𑀯𑀺𑀲𑁂𑀲𑁄 𑀯𑀬𑁆𑀳𑀸𑀤𑀺𑀤𑁆𑀯𑀬𑀁 𑀘𑁂𑀓𑀣𑀸𑀬 𑀇𑀥𑀸𑀦𑀻𑀢𑀁

𑀢𑀺𑀣𑀓𑀭𑁄’𑀢𑀺’𑀉𑀕𑁆𑀕𑀳𑁄 𑀲𑀯𑀡𑀁 𑀧𑀼𑀘𑁆𑀙𑀸 𑀓𑀣𑀦𑀁 𑀥𑀸𑀭𑀡𑀁 𑀇𑀢𑀺 𑀧𑀜𑁆𑀘𑀥𑀫𑁆𑀫𑀯𑀲𑁂𑀦𑁂𑀯 𑀢𑀺𑀣𑀯𑀸𑀲𑁄 𑀧𑀯𑀼𑀘𑁆𑀘𑀢𑀻’𑀢𑀺 𑀏𑀯𑀁 𑀯𑀼𑀢𑁆𑀢𑁂 𑀢𑀺𑀣𑀯𑀸𑀲𑁂 𑀧𑀢𑀺𑀝𑁆𑀞𑀸𑀬 𑀧𑀭𑁂 𑀘 𑀧𑀢𑀺𑀝𑁆𑀞𑀸𑀧𑁂𑀯𑀸 𑀧𑀺𑀝𑀓𑀢𑁆𑀢𑀬𑀢𑀺𑀣𑀙𑁂𑀓𑀓𑀭𑀡𑁂𑀦 𑀥𑀫𑁆𑀫𑀢𑀺𑀣𑀗𑁆𑀓𑀭𑁄.

𑀦𑀺𑀧𑀼𑀡𑁄’𑀢𑀺 𑀩𑀥𑀸𑀤𑀻𑀲𑀼 𑀉𑀧𑀚𑀸𑀦𑀦𑀲𑀫𑀣𑁄.

𑀯𑀺𑀲𑀸𑀭𑀤𑁄’𑀢𑀺 𑀧𑀭𑀺𑀲𑀸𑀲𑀼 𑀪𑀬𑀭𑀳𑀺𑀢𑁄.

𑀲𑀸𑀫𑀬𑀺𑀓𑁄’𑀢𑀺 𑀤𑁂𑀲𑀚𑀪𑀸𑀲𑀸𑀲𑀗𑁆𑀔𑀸𑀢𑀲𑀫𑀬𑀓𑀼𑀲𑀮𑁄 𑀲𑀓𑀲𑀫𑀬𑀲𑀫𑀬𑀦𑁆𑀢𑀭𑀘𑁆𑀙𑁂𑀓𑀜𑀸𑀡𑀯𑀦𑁆𑀢𑁄.

𑀧𑀝𑀺𑀪𑀸𑀡𑁄’𑀢𑀺 𑀓𑀮𑁆𑀬𑀸𑀡𑀯𑀸𑀓𑁆𑀬 𑀲𑀗𑁆𑀔𑁆𑀬𑀸𑀢𑀧𑀝𑀺𑀪𑀸𑀡𑀯𑀦𑁆𑀢𑁄.

𑀫𑁂𑀥𑀸𑀯𑀻𑀢𑀺 𑀥𑀫𑁆𑀫𑁄𑀚𑀧𑀜𑁆𑀜𑀸𑀬 𑀫𑁂𑀥𑀸𑀯𑀻. 𑀥𑀫𑁆𑀫𑁄𑀚𑀧𑀜𑁆𑀜𑀸 𑀦𑀸𑀬 𑀜𑀸𑀦𑀕𑀢𑁄 𑀧𑀡𑁆𑀟𑀺𑀢𑁄’𑀓𑀺𑀁 𑀲𑀼𑀢𑀁 𑀓𑀺𑀁 𑀯𑀸 𑀲𑀼𑀡𑀸𑀫𑀺, 𑀓𑀺𑀁 𑀓𑀼𑀲𑀮𑀁 𑀕𑀯𑁂𑀲𑀺𑀦𑁆𑀢𑀺’ 𑀬𑀸𑀬 𑀯𑀺𑀘𑀸𑀭𑁂𑀢𑀺 𑀲𑀸 𑀥𑀫𑁆𑀫𑁄𑀚𑀧𑀜𑁆𑀜𑀸 𑀦𑀸𑀫.

𑀆𑀬𑀲𑁆𑀫𑀸𑀧𑀺 𑀔𑁄 𑀦𑀸𑀕𑀲𑁂𑀦𑁄 𑀧𑀝𑀺𑀲𑀫𑁆𑀫𑁄𑀤𑀺…𑀧𑁂… 𑀆𑀭𑀸𑀥𑁂𑀲𑀺𑀢𑀺 𑀬𑁂𑀦𑁂𑀯 𑀲𑀫𑁆𑀫𑁄𑀤𑀦𑀺𑀬𑀯𑀘𑀦𑁂𑀦 𑀣𑁂𑀭𑁄 𑀭𑀜𑁂𑀜𑀸 𑀫𑀺𑀮𑀺𑀤𑀲𑁆𑀲 𑀘𑀺𑀢𑁆𑀢𑀁 𑀆𑀭𑀸𑀥𑁂𑀲𑀺 𑀢𑁄𑀲𑁂𑀲𑀺 𑀢𑁂𑀦𑁂𑀯 𑀲𑀫𑁆𑀫𑁄𑀤𑀦𑀻𑀬𑀯𑀘𑀦𑁂𑀦 𑀭𑀜𑁆𑀜𑀸 𑀲𑀤𑁆𑀥𑀺𑀁 𑀧𑀝𑀺𑀲𑀫𑁆𑀫𑁄𑀤𑀻𑀢𑀺 𑀬𑁄𑀚𑀦𑀸.

𑀜𑀸𑀬𑀸𑀫𑀻𑀢𑀺 𑀜𑀸𑀢𑁄 𑀧𑀸𑀓𑀝𑁄 𑀳𑁄𑀫𑀺.

𑀅𑀧𑀺 |𑀑𑁦.𑁦𑁩𑁭𑁬| 𑀘 𑀔𑁄 𑀫𑀳𑀸𑀭𑀸𑀚 …𑀧𑁂… 𑀦𑀸𑀕𑀲𑁂𑀦𑁄’𑀢𑀺 𑀬𑀁 𑀇𑀤𑀁𑀦𑀸𑀕𑀲𑁂𑀦𑁄’𑀢𑀺 𑀦𑀸𑀫𑀁 𑀏𑀲𑀸 𑀲𑀗𑁆𑀔𑀸 𑀲𑀫𑀜𑁆𑀜𑀸 𑀧𑀜𑁆𑀜𑀢𑁆𑀢𑀺 𑀯𑁄𑀳𑀸𑀭𑁄 𑀦𑀸𑀫𑀫𑀢𑁆𑀢𑀁 𑀳𑁄𑀢𑀻𑀢𑀺 𑀬𑁄𑀚𑀦𑀸.

(𑀲𑀗𑁆𑀔𑀸) 𑀏𑀣 𑀘 𑀲𑀗𑁆𑀔𑀸𑀬𑀢𑀻𑀢𑀺 𑀲𑀗𑁆𑀔𑀸. 𑀲𑀗𑁆𑀓𑀣𑀺𑀬𑀢𑀻𑀢𑀺 𑀅𑀣𑁄 𑀓𑀺𑀦𑁆𑀢𑀺 𑀲𑀗𑁆𑀓𑀣𑀺𑀬𑀢𑀺? 𑀧𑀭𑀲𑁆𑀲𑀸𑀢𑀺 𑀅𑀢𑁆𑀢𑀸’𑀢𑀺 𑀪𑀯𑁄’𑀢𑀺 𑀧𑁄𑀲𑁄’𑀢𑀺 𑀧𑀼𑀕𑁆𑀕𑀮𑁄’𑀢𑀺 𑀦𑀭𑁄’𑀢𑀺 𑀫𑀸𑀡𑀯𑁄’𑀢𑀺 𑀢𑀺𑀲𑁆𑀲𑁄’𑀢𑀺 𑀤𑀢𑁆𑀢𑁄’𑀢𑀺 𑀫𑀜𑁆𑀘𑀧𑀻𑀞𑀁 𑀪𑀺𑀲𑀺𑀩𑀺𑀫𑁆𑀩𑁄 𑀳𑀦𑀦𑁆𑀢𑀺 𑀯𑀺𑀳𑀸𑀭𑁄 𑀧𑀭𑀺𑀯𑁂𑀡𑀁 𑀤𑁆𑀯𑀸𑀭𑀁 𑀯𑀸𑀢𑀧𑀸𑀦𑀦𑁆𑀢𑀺. 𑀏𑀯𑀁 𑀅𑀦𑁂𑀓𑁂𑀳𑀺 𑀆𑀓𑀸𑀭𑁂𑀳𑀺 𑀲𑀗𑁆𑀓𑀣𑀻𑀬𑀢𑀺𑀢𑀺 𑀲𑀗𑁆𑀔𑀸.

𑀲𑀫𑀜𑁆𑀜𑀸 𑀲𑀫𑁆𑀫𑀸 𑀜𑀸𑀬𑀢𑀻𑀢𑀺 𑀓𑀺𑀦𑁆𑀢𑀺 𑀜𑀸𑀬𑀢𑀻?𑀢𑀺. 𑀅𑀳𑀦𑁆𑀢𑀺 𑀫𑀫𑀦𑁆𑀢𑀺…𑀧𑁂… 𑀤𑁆𑀯𑀸𑀭𑀁 𑀯𑀸𑀢𑀧𑀸𑀦𑀦𑁆𑀢𑀺 𑀲𑀫𑁆𑀫𑀸 𑀜𑀸𑀬𑀢𑀻𑀢𑀺 𑀲𑀫𑀜𑁆𑀜𑀸.

(𑀧𑀜𑁆𑀜𑀢𑁆𑀢𑀺) 𑀧𑀜𑁆𑀜𑀸𑀧𑀻𑀬𑀢𑀻𑀢𑀺 𑀧𑀜𑁆𑀜𑀢𑁆𑀢𑀺.

(𑀯𑁄𑀳𑀸𑀭𑁄). 𑀓𑀺𑀦𑁆𑀢𑀺 𑀧𑀜𑁆𑀜𑀸𑀧𑀻𑀬𑀢𑀻𑀢𑀺…𑀧𑁂… 𑀯𑁄𑀳𑀭𑀻𑀬𑀢𑀻𑀢𑀺 𑀯𑁄𑀳𑀸𑀭𑁄. 𑀓𑀺𑀦𑁆𑀦𑀺 𑀯𑁄𑀳𑀭𑀻𑀬𑀢𑀺𑀢𑀺. 𑀅𑀳𑀦𑁆𑀢𑀺 𑀫𑀫𑀦𑁆𑀢𑀺…𑀧𑁂… 𑀤𑁆𑀯𑀸𑀭𑀁 𑀯𑀸𑀢𑀧𑀸𑀢𑀦𑁆𑀢𑀺 𑀯𑁄𑀳𑀭𑀻𑀬𑀢𑀻𑀢𑀺 𑀯𑁄𑀳𑀸𑀭𑁄. 𑀇𑀫𑁂𑀳𑀺 𑀘𑀢𑀼𑀳𑀺 𑀲𑀗𑁆𑀔𑀸𑀆𑀤𑀻𑀳𑀺 𑀧𑀤𑁂𑀳𑀻 𑀦𑀸𑀫𑀧𑀜𑁆𑀜𑀢𑁆𑀢𑀺𑀬𑁂𑀯 𑀅𑀥𑀺𑀧𑁆𑀧𑁂𑀢𑀸 𑀦𑀸𑀫𑀫𑀢𑁆𑀢𑀦𑁆𑀢𑀺 𑀤𑀲𑁆𑀲𑀦𑀢𑁄.

𑀲𑀘𑁂 𑀯𑀁 𑀫𑀳𑀸𑀭𑀸𑀚 𑀧𑀡𑁆𑀟𑀺𑀢𑀯𑀸𑀤𑀸 𑀲𑀮𑁆𑀮𑀧𑀺𑀲𑁆𑀲𑀲𑀻𑀢𑀺 𑀯𑀁 𑀲𑀘𑁂 𑀫𑀬𑀸 𑀲𑀤𑁆𑀥𑀺𑀁 𑀧𑀡𑁆𑀟𑀺𑀢𑀸𑀦𑀁 𑀲𑀮𑁆𑀮𑀸𑀧𑁂𑀦.

𑀆𑀯𑁂𑀞𑀦𑀫𑁆𑀧𑀺 𑀓𑀬𑀺𑀭𑀢𑀺 𑀦𑀺𑀩𑁆𑀩𑁂𑀞𑀦𑀫𑁆𑀧𑀺 𑀓𑀬𑀺𑀭𑀢𑀻’𑀢𑀺 𑀧𑀜𑁆𑀳𑀧𑀽𑀘𑁆𑀙𑀦𑀯𑀲𑁂𑀦 𑀯𑁂𑀞𑀦𑀁 𑀧𑀡𑁆𑀟𑀺𑀢𑁂𑀳𑀺 𑀓𑀬𑀺𑀭𑀢𑀺 𑀧𑀜𑁆𑀳𑀯𑀺𑀲𑁆𑀲𑀚𑁆𑀚𑀦𑀯𑀲𑁂𑀦 𑀯𑁂𑀞𑀦𑀁 𑀧𑀡𑁆𑀟𑀺𑀢𑁂𑀳𑀺 𑀓𑀬𑀺𑀭𑀢𑀺 𑀧𑀜𑁆𑀳𑀯𑀺𑀲𑁆𑀲𑀚𑁆𑀚𑀦𑀯𑀲𑁂𑀦 𑀦𑀺𑀩𑁆𑀩𑁂𑀞𑀦𑀫𑁆𑀧𑀺 𑀓𑀬𑀺𑀭𑀢𑀺.

𑀦𑀺𑀕𑁆𑀕𑀳𑁄’𑀧𑀺 𑀓𑀬𑀺𑀭𑀢𑀻’𑀢𑀺 𑀦𑀸𑀕𑀲𑁂𑀦𑀣𑁂𑀭𑁄 𑀫𑀼𑀲𑀸𑀪𑀡𑀢𑀻𑀢𑀺𑀆𑀤𑀺𑀦𑀸 𑀦𑀺𑀕𑁆𑀕𑀳𑀦𑀬𑁂𑀦 𑀅𑀜𑁆𑀜𑀧𑀡𑁆𑀟𑀺𑀢𑀸𑀦𑀁 𑀦𑀺𑀕𑁆𑀕𑀳𑀡𑀯𑀘𑀦𑀁 𑀅𑀜𑁆𑀜𑀧𑀡𑁆𑀟𑀺𑀢𑁂𑀳𑀺 𑀓𑀬𑀺𑀭𑀢𑀺. 𑀅𑀧𑀺 𑀘 𑀓𑀣𑀸𑀯𑀣𑀼𑀧𑁆𑀧𑀓𑀭𑀡𑁂 𑀆𑀕𑀢𑁄 𑀲𑀩𑁆𑀩𑀦𑀺𑀕𑁆𑀕𑀳𑁄 𑀦𑀺𑀕𑁆𑀕𑀳𑁄𑀬𑁂𑀯.

𑀧𑀝𑀺𑀓𑁆𑀓𑀫𑀫𑁆𑀧𑀻’𑀢𑀺 𑀯𑀁 𑀫𑀳𑀸𑀭𑀸𑀚’𑀭𑀸𑀚𑀸 𑀫𑀺𑀮𑀺𑀤𑁄 𑀚𑀫𑁆𑀩𑀼𑀤𑀻𑀧𑁂 𑀅𑀕𑁆𑀕𑀭𑀸𑀚𑀸 𑀓𑀲𑁆𑀫𑀸 𑀫𑀼𑀲𑀸 𑀪𑀡𑀲𑀻’𑀢𑀺𑀆𑀤𑀺𑀦𑀸 𑀧𑀝𑀺𑀓𑁆𑀓𑀫𑀫𑁆𑀧𑀺 𑀓𑀬𑀺𑀭𑀢𑀺.

𑀯𑀺𑀲𑁂𑀲𑁄 ‘𑀧𑀻𑀢𑀺’𑀲𑀫𑁆𑀧𑀦𑁆𑀦𑀁 𑀫𑀼𑀦𑀺𑀦𑁄 𑀘𑀺𑀢𑁆𑀢𑀁, ‘𑀓𑀫𑁆𑀫𑀦𑀸 𑀩𑁆𑀬𑀢𑁆𑀢𑀢𑁆𑀢𑁂𑀦 𑀘 𑀯𑀺𑀚𑁆𑀚𑀸𑀘𑀭𑀡𑀲𑀫𑁆𑀧𑀦𑁆𑀦𑀁 𑀥𑀫𑁆𑀫𑀕𑀢𑀸𑀦𑀁 𑀧𑀲𑀁𑀲𑀢𑀻’𑀢𑀺𑀆𑀤𑀺𑀦𑀸 𑀕𑀼𑀡𑀧𑀲𑀁𑀲𑀦𑀲𑀗𑁆𑀔𑀸𑀢 𑀯𑀺𑀲𑁂𑀲𑁄. 𑀇𑀥 𑀧𑀦 𑀓𑀮𑁆𑀮𑁄’𑀲𑀺 𑀪𑀦𑁆𑀢𑁂’𑀢𑀺𑀆𑀤𑀺 𑀧𑀝𑀺𑀕𑁆𑀕𑀳𑀡𑀯𑀺𑀲𑁂𑀲𑁄’𑀢𑀺’𑀲𑀫𑁆𑀧𑀦𑁆𑀦𑀁 𑀫𑀼𑀦𑀺𑀦𑁄 𑀘𑀺𑀢𑁆𑀢𑀁…𑀧𑁂… 𑀥𑀫𑁆𑀫𑀕𑀢𑀸𑀦𑀁 𑀅𑀦𑀼𑀫𑁄𑀤𑀲𑀻’𑀢𑀺𑀆𑀤𑀺𑀦𑀸 𑀕𑀼𑀡𑀧𑀲𑀁𑀲𑀦𑀲𑀗𑁆𑀔𑀸𑀢𑁄 𑀧𑀝𑀺𑀕𑁆𑀕𑀳𑀡𑀯𑀺𑀲𑁂𑀲𑁄. 𑀇𑀥 𑀧𑀦 𑀲𑀸𑀥𑀼 𑀔𑁄 𑀯𑀁 𑀫𑀳𑀸𑀭𑀸𑀚 𑀭𑀣𑀁 𑀚𑀸𑀦𑀸𑀲𑀻’𑀢𑀺𑀆𑀤𑀺. 𑀏𑀓𑀁 |𑀑𑁦.𑁦𑁩𑁭𑁭| 𑀯𑀣𑀼𑀁 𑀧𑀝𑀺𑀚𑀸𑀦𑀦𑁆𑀢𑀻𑀢𑀺 𑀓𑀮𑁆𑀬𑀸𑀡𑀫𑀡𑀺𑀆𑀤𑀺𑀓𑀁 𑀅𑀜𑁆𑀜𑀢𑀭𑀁 𑀏𑀓𑀁 𑀯𑀣𑀼𑀁 𑀓𑀮𑁆𑀬𑀸𑀡𑀁 𑀯𑀸 𑀅𑀣𑀺 𑀦𑀣𑀺𑀢𑀺 𑀧𑀝𑀺𑀚𑀸𑀦𑀦𑁆𑀢𑀺 𑀧𑀞𑀫𑀤𑀺𑀯𑀲𑁂 𑀢𑀬𑁄 𑀧𑀜𑁆𑀳𑀸 𑀭𑀜𑁆𑀜𑀸 𑀧𑀼𑀘𑁆𑀙𑀺𑀢𑀸 𑀦𑀸𑀫𑀧𑀜𑁆𑀜𑀢𑁆𑀢𑀺𑀧𑀜𑁆𑀳𑁄 𑀲𑀢𑁆𑀢𑀯𑀲𑁆𑀲𑀺𑀓𑀧𑀜𑁆𑀳𑁄 𑀯𑀻𑀫𑀁𑀲𑀦𑀧𑀜𑁆𑀳𑁄.

𑀪𑀦𑁆𑀢𑁂 𑀦𑀸𑀕𑀲𑁂𑀦 𑀧𑀼𑀘𑁆𑀙𑀺𑀲𑁆𑀲𑀸𑀫𑀻𑀢𑀺 …𑀧𑁂… 𑀓𑀺𑀫𑁆𑀧𑀦 𑀫𑀳𑀸𑀭𑀸𑀚 𑀢𑀬𑀸 𑀧𑀼𑀘𑁆𑀙𑀺𑀢𑀦𑁆𑀢𑀺 𑀢𑀢𑀺𑀬𑁄 𑀯𑀻𑀫𑀁𑀲𑀦𑀧𑀜𑁆𑀳𑁄 𑀞𑀸𑀦𑀼𑀧𑁆𑀧𑀢𑁆𑀢𑀺𑀓𑀧𑀝𑀺𑀳𑀸𑀦𑀚𑀸𑀦𑀦𑀣𑀸𑀬 𑀯𑀻𑀫𑀁𑀲𑀦𑀯𑀲𑁂𑀦 𑀧𑀼𑀘𑁆𑀙𑀺𑀢𑀢𑁆𑀢𑀸 𑀯𑀺𑀫𑀁𑀲𑀦𑀧𑀜𑁆𑀳𑁄 𑀦𑀸𑀫. 𑀢𑀣’𑀧𑀼𑀘𑁆𑀙𑀺𑀢𑁄 𑀫𑁂 𑀪𑀦𑁆𑀢𑁂’𑀢𑀺 𑀇𑀤𑀁 𑀭𑀜𑁆𑀜𑀸 𑀅𑀢𑁆𑀢𑀦𑀸 𑀳𑁂𑀝𑁆𑀞𑀸 𑀧𑀼𑀘𑁆𑀙𑀺𑀢𑁂 𑀤𑁆𑀯𑁂 𑀧𑀜𑁆𑀳𑁂 𑀲𑀥𑀸𑀬 𑀯𑀼𑀢𑁆𑀢𑀁.

𑀯𑀺𑀲𑁆𑀲𑀚𑁆𑀚𑀺𑀢𑀁 𑀫𑁂’𑀢𑀺 𑀇𑀤𑀫𑁆𑀧𑀺 𑀣𑁂𑀭𑁂𑀦 𑀅𑀢𑁆𑀢𑀦𑀸 𑀳𑁂𑀝𑁆𑀞𑀸 𑀯𑀺𑀲𑁆𑀲𑀚𑁆𑀚𑀺𑀢𑁂 𑀤𑁆𑀯𑁂 𑀧𑀜𑁆𑀳𑁂 𑀲𑀥𑀸𑀬 𑀯𑀼𑀢𑁆𑀢𑀁.

𑀦𑀸𑀕𑀲𑁂𑀦𑁄 𑀦𑀸𑀕𑀲𑁂𑀦𑁄’𑀢𑀺 𑀲𑀚𑁆𑀛𑀸𑀬𑀁 𑀓𑀭𑁄𑀦𑁆𑀢𑁄 𑀧𑀓𑁆𑀓𑀸𑀫𑀻𑀢𑀺 𑀭𑀜𑁆𑀜𑀸 𑀦𑀸𑀕𑀲𑁂𑀦𑀣𑁂𑀭𑁂 𑀩𑀳𑀼𑀫𑀸𑀦𑀕𑀸𑀭𑀯𑁄 𑀓𑀢𑁄’𑀢𑀺 𑀤𑀻𑀧𑁂𑀢𑀼𑀁 𑀩𑀼𑀤𑁆𑀥𑀖𑁄𑀲𑀸𑀘𑀭𑀺𑀬𑁂𑀦 𑀯𑀼𑀢𑁆𑀢𑀁 𑀅𑀕𑀸𑀭𑀯𑁄 𑀳𑀺 𑀧𑀼𑀕𑁆𑀕𑀮𑁄 𑀕𑀭𑀼𑀝𑁆𑀞𑀸𑀦𑀺𑀬𑀁 𑀧𑀼𑀕𑁆𑀕𑀮𑀁 𑀤𑀺𑀲𑁆𑀯𑀸𑀧𑀺 𑀲𑀼𑀯𑀸𑀧𑀺 𑀚𑀸𑀦𑀺𑀯𑀸𑀧𑀺 𑀅𑀧𑀲𑁆𑀲𑀦𑁆𑀢𑁄 𑀅𑀲𑀼𑀡𑀦𑁆𑀢𑁄 𑀅𑀚𑀸𑀦𑀦𑁆𑀢𑁄 𑀯𑀺𑀬 𑀳𑁄𑀢𑀻𑀢𑀺. 𑀢𑀢𑁆𑀭𑀸𑀬𑀁 𑀯𑀘𑀦𑀣𑁄? 𑀆𑀕𑀼𑀁 𑀧𑀸𑀧𑀁 𑀦 𑀓𑀭𑁄𑀢𑀻𑀢𑀺 𑀦𑀸𑀕𑁄. 𑀲𑁂𑀦𑁆𑀢𑀺 𑀲𑀬𑀦𑁆𑀢𑀺 𑀏𑀢𑁂𑀦 𑀯𑀸𑀤𑀧𑀘𑁆𑀘𑀣𑀺𑀓𑀸 𑀚𑀦𑀸𑀢𑀺 𑀲𑁂𑀦𑁄 𑀦𑀸𑀕𑁄 𑀘 𑀲𑁄 𑀲𑁂𑀦𑁄 𑀘𑀸𑀢𑀺 𑀦𑀸𑀕𑀲𑁂𑀦𑁄 𑀲𑀸𑀫𑀜𑁆𑀜𑀸𑀤𑀻𑀲𑀼 𑀘𑀢𑀼𑀲𑀼 𑀦𑀸𑀫𑁂𑀲𑀼 𑀇𑀤𑀁 𑀓𑀺𑀢𑁆𑀢𑀺𑀫𑀦𑀸𑀫𑀁.

𑀲𑀼𑀝𑁆𑀞𑀼 𑀣𑁂𑀭𑁄 𑀅𑀩𑀪𑀦𑀼𑀫𑁄𑀤𑀻𑀢𑀺’𑀲𑀸𑀥𑀼 𑀲𑀼𑀝𑁆𑀞𑀼’𑀢𑀺 𑀯𑀘𑀦𑁂𑀦. 𑀅𑀦𑁆𑀢𑀭𑀸𑀫𑀕𑁆𑀕𑁂 𑀧𑀼𑀘𑁆𑀙𑀺𑀢𑁄 𑀅𑀦𑀣𑀓𑀸𑀮𑀧𑀜𑁆𑀳𑁄.

𑀓𑀢𑀫𑁂𑀣 𑀦𑀸𑀕𑀲𑁂𑀦𑁄’𑀢𑀺 𑀓𑀢𑀫𑁄 𑀥𑀫𑁆𑀫𑁄 𑀏𑀢𑀲𑁆𑀫𑀺𑀁 𑀯𑀘𑀦𑁂 𑀦𑀸𑀕𑀲𑁂𑀦𑁄 𑀦𑀸𑀫 𑀳𑁄𑀢𑀻𑀢𑀺 𑀧𑀼𑀘𑁆𑀙𑀺.

𑀚𑀻𑀯𑁄’𑀢𑀺 𑀚𑀻𑀯𑀪𑀼𑀢𑁄 𑀯𑀸𑀬𑁄.

𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑀸 𑀦𑀸𑀫𑁂𑀢𑁂 𑀓𑀸𑀬𑀲𑀗𑁆𑀔𑀸𑀭𑁄’𑀢𑀺 𑀣𑁂𑀭𑁄 𑀅𑀪𑀺𑀥𑀫𑁆𑀫𑀓𑀣𑀁 𑀅𑀓𑀸𑀲𑀻𑀢𑀺 𑀇𑀫𑀺𑀦𑀸 𑀅𑀦𑀦𑁆𑀢𑀓𑀸𑀬𑀲𑁆𑀲 𑀏𑀢𑁂 𑀅𑀦𑁆𑀢𑁄-𑀧𑀯𑀺𑀲𑀦-𑀩𑀳𑀺-𑀦𑀺𑀓𑁆𑀔𑀫𑀢𑀯𑀸𑀢𑀸 𑀅𑀲𑁆𑀲𑀸𑀲𑀧𑀲𑁆𑀲𑀲𑀸 𑀦𑀸𑀫 𑀓𑀭𑀚𑀓𑀸𑀬𑁂𑀦 𑀅𑀪𑀺𑀲𑀗𑁆𑀔𑀭𑀻𑀬𑀦𑁆𑀢𑀺, 𑀢𑀲𑁆𑀫𑀸 𑀓𑀸𑀬𑀲𑀗𑁆𑀔𑀸𑀭𑀸 𑀘 𑀳𑁄𑀦𑁆𑀢𑀺, 𑀢𑁂𑀦𑁂𑀯 𑀚𑀻𑀯𑁂𑀦 𑀦𑀸𑀕𑀲𑁂𑀦𑁄 𑀦𑀸𑀕𑀲𑁂𑀦𑁄’𑀢𑀺 𑀇𑀫𑀺𑀦𑀸 𑀦𑀸𑀫𑀫𑀢𑁆𑀢𑀁 𑀕𑀡𑁆𑀳𑀸𑀢𑀺 𑀦 𑀧𑀼𑀕𑁆𑀕𑀮𑁄 𑀚𑀻𑀯𑁄 𑀕𑀳𑁂𑀢𑀩𑁆𑀩𑁄’𑀢𑀺 𑀣𑁂𑀭𑁄 𑀅𑀪𑀺𑀥𑀫𑁆𑀫𑀓𑀣𑀁 𑀅𑀓𑀸𑀲𑀺.

𑀉𑀧𑀸𑀲𑀓𑀢𑁆𑀢𑀁 𑀧𑀯𑁂𑀤𑁂𑀲𑀻’𑀢𑀺 𑀅𑀢𑁆𑀢𑀲𑀦𑁆𑀦𑀺𑀬𑁆𑀬𑀸𑀢𑀦𑁂𑀦 𑀲𑀺𑀲𑁆𑀲𑀪𑀸𑀯𑀽𑀧𑀕𑀫𑀦𑁂𑀦 𑀧𑀡𑀺𑀧𑀸𑀢𑁂𑀦 𑀲𑀫𑀸𑀤𑀸𑀦𑁂𑀦𑀸𑀢𑀺 𑀘𑀢𑀼𑀲𑀼 𑀲𑀭𑀡𑀕𑀫𑀦𑀽𑀧𑀸𑀬𑁂𑀲𑀼 𑀲𑀫𑀸𑀤𑀸𑀦𑁂𑀦 𑀭𑀢𑀦𑀢𑁆𑀢𑀬𑀲𑁆𑀲 𑀘 𑀣𑁂𑀭𑀲𑁆𑀲 𑀘 𑀉𑀧𑀸𑀲𑀓𑀪𑀸𑀯𑀁, 𑀩𑀼𑀤𑁆𑀥𑀁 𑀲𑀭𑀡𑀁 𑀕𑀘𑁆𑀙𑀸𑀫𑀺, 𑀥𑀫𑁆𑀫𑀁 𑀲𑀭𑀡𑀁 𑀕𑀘𑁆𑀙𑀸𑀫𑀺, 𑀲𑀗𑁆𑀖𑀁 𑀲𑀭𑀡𑀁 𑀕𑀘𑁆𑀙𑀸𑀫𑀺, 𑀢𑀜𑁆𑀘 𑀲𑀭𑀡𑀁 𑀕𑀘𑁆𑀙𑀸𑀫𑀺, 𑀉𑀧𑀸𑀲𑀓𑀁 𑀫𑀁 𑀥𑀸𑀭𑁂𑀳𑀺 𑀅𑀚𑁆𑀚𑀢𑀕𑁆𑀕𑁂 𑀧𑀸𑀡𑀼𑀧𑁂𑀢𑀁 𑀲𑀭𑀡𑀁 𑀕𑀢𑀦𑁆𑀢𑀺.

𑀅𑀦𑀦𑁆𑀢𑀓𑀸𑀬𑀧𑀜𑁆𑀳𑁄 𑀘𑀢𑀼𑀣𑁄.

𑀓𑀺𑀫𑁆𑀳𑀺 |𑀑𑁦.𑁦𑁩𑁭𑁮| 𑀳𑁄𑀢𑀺 𑀓𑀣𑀸𑀲𑀮𑁆𑀮𑀸𑀧𑁄’𑀢𑀺 𑀓𑀺𑀫𑁆𑀳𑀺 𑀓𑀸𑀭𑀡𑁂 𑀦𑀺𑀫𑀺𑀢𑁆𑀢𑀪𑀼𑀢𑁂 𑀓𑀣𑀸𑀲𑀮𑁆𑀮𑀸𑀧𑁄 𑀳𑁄𑀢𑀺. 𑀓𑀺𑀫𑁆𑀧𑀬𑁄𑀚𑀦𑁄 𑀓𑀣𑀸𑀲𑀮𑁆𑀮𑀸𑀧𑁄’𑀢𑀺 𑀅𑀥𑀺𑀧𑁆𑀧𑀸𑀬𑁄 𑀇𑀤𑀁 𑀭𑀜𑀜𑀸 𑀓𑀺𑀫𑀣𑀸𑀬 𑀯𑀼𑀢𑁆𑀢𑀁? 𑀅𑀦𑀼𑀬𑁄𑀕𑀤𑀸𑀦𑀣𑀸𑀬 𑀘𑁂𑀯 𑀧𑀼𑀘𑁆𑀙𑀦𑀲𑁆𑀲 𑀑𑀓𑀸𑀲𑀤𑀸𑀧𑀦𑀣𑀸𑀬 𑀘𑀸𑀢𑀺 𑀜𑀸𑀢𑀩𑁆𑀩𑀁.

𑀅𑀣𑁂𑀦 𑀫𑀬𑀁 𑀫𑀳𑀸𑀭𑀸𑀚 𑀅𑀣𑀺𑀓𑀸 𑀅𑀣𑁂𑀦 𑀳𑁄𑀢𑀼 𑀓𑀣𑀸𑀲𑀮𑁆𑀮𑀧𑁄’𑀢𑀺 𑀇𑀫𑀺𑀦𑀸 𑀣𑁂𑀭𑁄 𑀭𑀜𑁆𑀜𑁄 𑀅𑀦𑀼𑀬𑁄𑀕𑀜𑁆𑀘𑁂𑀯 𑀑𑀓𑀸𑀲𑀜𑁆𑀘 𑀤𑁂𑀢𑀺 𑀢𑀣 𑀅𑀣𑁂𑀦𑀸’𑀢𑀺.

’𑀅𑀣𑁄 𑀧𑀬𑁄𑀚𑀦𑁄 𑀲𑀤𑁆𑀤𑀸’𑀪𑀺𑀥𑁂𑀬𑁆𑀬 𑀯𑀼𑀤𑁆𑀥𑀺𑀬𑀁 𑀥𑀦𑁂,

𑀯𑀣𑀫𑁆𑀳𑀺 𑀓𑀸𑀭𑀡𑁂 𑀦𑀸𑀲𑁂 𑀳𑀺𑀢𑁂 𑀧𑀘𑁆𑀙𑀺𑀫𑀧𑀩𑁆𑀩𑀢𑁂’𑀢𑀺;

𑀏𑀯𑀁 𑀯𑀼𑀢𑁆𑀢𑁂𑀲𑀼 𑀅𑀣𑁂𑀲𑀼 𑀇𑀥 𑀧𑀬𑁄𑀚𑀦𑀜𑁆𑀘 𑀳𑀺𑀢𑀜𑁆𑀘 𑀮𑀩𑁆𑀪𑀢𑀺. 𑀢𑁂𑀲𑀼 𑀮𑁄𑀓𑀺𑀬𑀮𑁄𑀓𑀼𑀢𑁆𑀢𑀭𑀨𑀮𑀁 𑀧𑀬𑁄𑀚𑀦𑀁 𑀦𑀸𑀫, 𑀲𑀸𑀲𑀦𑀯𑀼𑀤𑁆𑀥𑀺 𑀯𑀸. 𑀬𑀣𑀺𑀘𑁆𑀙𑀺𑀢𑀨𑀮𑀦𑀺𑀧𑁆𑀨𑀸𑀤𑀸𑀦𑁄 𑀳𑀺𑀦𑁄𑀢𑀺 𑀧𑀯𑀢𑁆𑀢𑀢𑀻𑀢𑀺 𑀳𑀺𑀢𑀁. 𑀤𑀸𑀦𑀲𑀻𑀮𑀸𑀤𑀺𑀮𑁄𑀓𑀺𑀬𑀮𑁄𑀓𑀼𑀢𑁆𑀢𑀭𑀓𑀸𑀭𑀡𑀁.

𑀓𑀺𑀦𑁆𑀢𑀻’𑀢𑀺 𑀓𑀺𑀫𑁆𑀳𑀺 𑀅𑀲𑀗𑁆𑀔𑀢𑀥𑀸𑀢𑀼𑀲𑀗𑁆𑀔𑀸𑀢𑁂 𑀦𑀺𑀩𑁆𑀩𑀸𑀦𑁂 𑀨𑀮𑀲𑀗𑁆𑀔𑀸𑀢𑁂 𑀦𑀺𑀩𑁆𑀩𑀸𑀦𑁂 𑀇𑀤𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀤𑀼𑀓𑁆𑀔𑀁 𑀦𑀺𑀭𑀼𑀚𑁆𑀛𑁂𑀬𑁆𑀬.

𑀅𑀦𑀼𑀧𑀸𑀤𑀸𑀧𑀭𑀺𑀦𑀺𑀩𑁆𑀩𑀸𑀦𑀦𑁆𑀢𑀺 𑀅𑀭𑀳𑀢𑁆𑀢𑀨𑀮𑀲𑀗𑁆𑀔𑀸𑀢𑀁 𑀅𑀦𑀼𑀧𑀸𑀤𑀸𑀧𑀭𑀺𑀦𑀺𑀩𑁆𑀩𑀸𑀦𑀁. 𑀦𑀺𑀩𑁆𑀩𑀸𑀦𑀜𑁆𑀳𑀺 𑀤𑀼𑀯𑀺𑀥𑀁 𑀅𑀧𑀘𑁆𑀘𑀬𑀧𑀭𑀺𑀦𑀺𑀩𑁆𑀩𑀸𑀦𑀁 𑀅𑀦𑀼𑀧𑀸𑀤𑀸𑀧𑀭𑀺𑀦𑀺𑀩𑁆𑀩𑀸𑀦𑀦𑁆𑀢𑀺. 𑀢𑁂𑀲𑀼 𑀅𑀯𑀺𑀚𑁆𑀚𑀸𑀤𑀺𑀧𑀘𑁆𑀘𑀬𑀭𑀳𑀺𑀢𑀢𑁆𑀢𑀸 𑀅𑀲𑀗𑁆𑀔𑀢𑀥𑀸𑀢𑀼 𑀅𑀧𑀘𑁆𑀘𑀬-𑀧𑀭𑀺𑀦𑀺𑀩𑁆𑀩𑀸𑀦𑀁 𑀦𑀸𑀫. 𑀓𑀺𑀮𑁂𑀲𑀲𑀗𑁆𑀔𑀢-𑀧𑀭𑀺𑀦𑀺𑀩𑁆𑀩𑀸𑀦𑀲𑀗𑁆𑀔𑀸𑀢𑀁 𑀉𑀧𑀸𑀤𑀸𑀦 𑀭𑀳𑀺𑀢𑀢𑁆𑀢𑀸 𑀅𑀭𑀳𑀢𑁆𑀢𑀨𑀮𑀁 𑀅𑀦𑀼𑀧𑀸𑀤𑀸𑀧𑀭𑀺𑀦𑀺𑀩𑁆𑀩𑀸𑀦𑀁 𑀦𑀸𑀫.

𑀭𑀸𑀚𑀸𑀪𑀺𑀦𑀻𑀢𑀸’𑀢𑀺 𑀭𑀸𑀚𑀽𑀳𑀺 𑀧𑀻𑀴𑀺𑀢𑀸 𑀭𑀸𑀚𑀪𑀻𑀢𑀸 𑀯𑀸.

𑀇𑀡𑀝𑁆𑀝𑀸’𑀢𑀺 𑀇𑀡𑁂𑀦 𑀧𑀻𑀴𑀺𑀢𑀸.

𑀓𑀮𑁆𑀮𑁄’𑀲𑀻𑀢𑀺 𑀩𑁆𑀬𑀸𑀓𑀭𑀡 𑀜𑀸𑀡𑁂𑀦 𑀙𑁂𑀓𑁄’𑀲𑀺, 𑀅𑀗𑁆𑀕𑀼𑀢𑁆𑀢𑀭𑀝𑀻𑀓𑀸𑀬𑀁’ 𑀩𑁆𑀬𑀸𑀓𑀭𑀡𑁂 𑀲𑀫𑀣𑁄’. 𑀧𑀝𑀺𑀩𑀮𑁄’𑀢𑀺𑀧𑀺 𑀯𑀢𑁆𑀢𑀼𑀁 𑀯𑀝𑁆𑀝𑀢𑀺 𑀬𑁂𑀯𑀸𑀢𑀺.

𑀧𑀩𑁆𑀩𑀚𑁆𑀚𑀸𑀧𑀜𑁆𑀳𑁄 𑀧𑀜𑁆𑀘𑀫𑁄.

𑀲𑁄𑀧𑀸𑀤𑀸𑀦𑁄’𑀢𑀺 𑀲𑀓𑀺𑀮𑁂𑀲𑁄.

𑀧𑀝𑀺𑀲𑀤𑀳𑀦𑀧𑀜𑁆𑀳𑁄 𑀙𑀝𑁆𑀞𑁄.

𑀬𑁄𑀦𑀺𑀲𑁄 𑀫𑀦𑀲𑀺𑀓𑀸𑀭𑁂𑀦𑀸𑀢𑀺 𑀅𑀦𑀺𑀘𑁆𑀘𑀁 𑀤𑀼𑀓𑁆𑀔𑀦𑁆𑀢𑀺 𑀉𑀧𑀸𑀬𑁂𑀦 𑀧𑀣𑁂𑀦 𑀲𑀸𑀭𑀡𑀮𑀓𑁆𑀔𑀡𑁂𑀦 𑀆𑀭𑀫𑁆𑀫𑀡𑀧𑀝𑀺𑀧𑀸𑀤𑀓𑀫𑀦𑀲𑀺𑀓𑀸𑀭𑁂𑀦.

𑀫𑀦𑀲𑀺𑀓𑀸𑀭𑀧𑀜𑁆𑀳𑁄 𑀲𑀢𑁆𑀢𑀫𑁄.

𑀉𑀲𑁆𑀲𑀳𑀦𑀮𑀓𑁆𑀔𑀡𑁂’𑀢𑀺 |𑀑𑁦.𑁦𑁩𑁭𑁯| 𑀲𑀫𑁆𑀧𑀬𑀼𑀢𑁆𑀢𑀸𑀦𑀁 𑀆𑀭𑀫𑁆𑀫𑀡𑁂 𑀲𑀁𑀬𑁄𑀚𑀦𑀯𑀲𑁂𑀦 𑀉𑀲𑁆𑀲𑀳𑀦𑀮𑀓𑁆𑀔𑀡𑁂 𑀕𑀡𑁆𑀳𑀦𑀮𑀓𑁆𑀔𑀡𑁂 𑀯𑀸.

𑀫𑀦𑀲𑀺𑀓𑀸𑀭𑀮𑀓𑁆𑀔𑀡𑀧𑀜𑁆𑀳𑁄 𑀅𑀝𑁆𑀞𑀫𑁄.

𑀬𑁄 𑀲𑀻𑀮𑀓𑁆𑀔𑀥𑁄 𑀯𑀭𑀧𑀸𑀢𑀺𑀫𑁄𑀓𑁆𑀔𑀺𑀬𑁄’𑀢𑀺 𑀬𑁄 𑀧𑀸𑀢𑀺𑀫𑁄𑀓𑁆𑀔𑀲𑀻𑀮𑀲𑀁𑀯𑀭𑀲𑀗𑁆𑀔𑀸𑀢𑁄 𑀩𑀼𑀤𑁆𑀥𑀼𑀧𑁆𑀧𑀸𑀤𑁂𑀬𑁂𑀯 𑀉𑀧𑁆𑀧𑀦𑁆𑀦𑁄 𑀲𑀻𑀮𑀕𑀼𑀡𑁄 𑀲𑀬𑀁 𑀧𑀢𑀺𑀝𑁆𑀞𑀸𑀢𑀺 𑀇𑀤𑀼𑀬𑀸𑀤𑀻𑀦𑀁 𑀏𑀓𑀤𑀲𑀦𑁆𑀦𑀁 𑀓𑀼𑀲𑀮𑀥𑀫𑁆𑀫𑀸𑀦𑀁 𑀦𑀺𑀲𑁆𑀲𑀬𑀸𑀓𑀸𑀭𑁂𑀦 𑀦𑀺𑀲𑁆𑀲𑀬𑀧𑀘𑁆𑀘𑀬𑁄 𑀘𑁂𑀯 𑀩𑀮𑀯𑀓𑀸𑀭𑀡𑀝𑁆𑀞𑁂𑀦 𑀉𑀧𑀦𑀺𑀲𑁆𑀲𑀬𑁄 𑀘 𑀧𑀣𑀯𑀻 𑀇𑀯 𑀲𑀢𑁆𑀢𑀸𑀦𑀁 𑀧𑀢𑀺𑀝𑁆𑀞𑀸.

𑀲𑀻𑀮𑀧𑀢𑀺𑀝𑁆𑀞𑀸𑀦𑀮𑀓𑁆𑀔𑀡𑀧𑀜𑁆𑀳𑁄 𑀦𑀯𑀫𑁄.

𑀅𑀜𑁆𑀜𑁂𑀲𑀁 𑀘𑀺𑀢𑁆𑀢𑀁 𑀯𑀺𑀫𑀼𑀢𑁆𑀢𑀁 𑀧𑀲𑁆𑀲𑀺𑀯𑀸’𑀢𑀺 𑀅𑀜𑁆𑀜𑁂𑀲𑀁 𑀅𑀭𑀺𑀬𑀸𑀦𑀁 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀤𑀺𑀓𑁂 𑀨𑀮𑁂 𑀯𑀺𑀲𑁂𑀲𑁂𑀦 𑀅𑀥𑀺𑀫𑀼𑀢𑁆𑀢𑀁 𑀧𑀓𑁆𑀔𑀤𑀦𑁆𑀢𑀁 𑀜𑀸𑀡𑀘𑀓𑁆𑀔𑀼𑀦𑀸 𑀧𑀲𑁆𑀲𑀺𑀯𑀸.

𑀲𑀤𑁆𑀥𑀸𑀮𑀓𑁆𑀔𑀡𑀧𑀜𑁆𑀳𑁄 𑀤𑀲𑀫𑁄.

𑀲𑀩𑁆𑀩𑁂 𑀓𑀼𑀲𑀮𑀸 𑀥𑀫𑁆𑀫𑀸’𑀢𑀺 𑀲𑀩𑁆𑀩𑁂 𑀮𑁄𑀓𑀺𑀬𑀓𑀼𑀲𑀮𑀥𑀫𑁆𑀫𑀸 𑀉𑀧𑁆𑀧𑀦𑁆𑀦𑀸 𑀦 𑀧𑀭𑀺𑀳𑀸𑀬𑀦𑁆𑀢𑀺.

𑀯𑀻𑀭𑀺𑀬𑀮𑀓𑁆𑀔𑀡𑀧𑀜𑁆𑀳𑁄 𑀏𑀓𑀸𑀤𑀲𑀫𑁄.

𑀅𑀧𑀺𑀮𑀸𑀧𑀦𑀮𑀓𑁆𑀔𑀡𑁄’𑀢𑀺 𑀆𑀭𑀫𑁆𑀫𑀡𑁂 𑀅𑀦𑀼𑀧𑀯𑀺𑀲𑀦𑀝𑁆𑀞𑁂𑀦 𑀑𑀕𑀸𑀳𑀦𑀮𑀓𑁆𑀔𑀡𑁄 𑀲𑀧𑁆𑀧𑀝𑀺𑀪𑀸𑀕𑀥𑀫𑁆𑀫𑁄’𑀢𑀺 𑀧𑀝𑀺𑀪𑀸𑀕𑁂𑀦 𑀧𑀘𑁆𑀘𑀣𑀺𑀓𑁂𑀦 𑀲𑀳 𑀯𑀢𑁆𑀢𑀦𑁆𑀢𑀻𑀢𑀺 𑀲𑀧𑁆𑀧𑀝𑀺𑀪𑀸𑀕𑀸 𑀲𑀼𑀓𑁆𑀓𑁄 𑀘 𑀓𑀡𑁆𑀳𑀧𑀝𑀺𑀪𑀸𑀕𑁂𑀦 𑀲𑀧𑁆𑀧𑀝𑀺𑀪𑀸𑀕𑁄.

𑀓𑀡𑁆𑀳𑀲𑀼𑀓𑁆𑀓𑀲𑀧𑁆𑀧𑀝𑀺𑀪𑀸𑀕𑁂’𑀢𑀺 𑀈𑀤𑀺𑀲𑀧𑀸𑀞𑁄 𑀬𑀤𑀺 𑀅𑀣𑀺 𑀲𑀼𑀤𑀭𑁄𑀬𑁂𑀯.

𑀅𑀧𑀺𑀮𑀸𑀧𑁂𑀢𑀻𑀢𑀺 𑀅𑀦𑀼𑀧𑀯𑀺𑀲𑀦𑀝𑁆𑀞𑁂𑀦 𑀑𑀕𑀸𑀳𑀢𑀺.

𑀳𑀺𑀢𑀸𑀳𑀺𑀢𑀸𑀦𑀁 𑀥𑀫𑁆𑀫𑀸𑀦𑀁 𑀕𑀢𑀺𑀬𑁄’𑀢𑀺 𑀓𑀼𑀲𑀮𑀸𑀓𑀼𑀲𑀮𑀸𑀦𑀁 𑀥𑀫𑁆𑀫𑀸𑀦𑀁 𑀇𑀝𑁆𑀞𑀸𑀦𑀺𑀝𑁆𑀞-𑀯𑀺𑀧𑀸𑀓𑀤𑀸𑀦𑀪𑀸𑀯-𑀲𑀁𑀔𑀸𑀢-𑀦𑀺𑀧𑁆𑀨𑀢𑁆𑀢𑀺𑀬𑁄.

𑀲𑀩𑁆𑀩𑀣𑀓𑀦𑁆𑀢𑀺 𑀲𑀩𑁆𑀩𑀓𑀺𑀘𑁆𑀘𑁂 𑀦𑀺𑀬𑀼𑀢𑁆𑀢𑀁 𑀲𑀩𑁆𑀩𑀮𑀻𑀦𑀼𑀥𑀘𑁆𑀘𑁂𑀲𑀼 𑀇𑀘𑁆𑀙𑀺𑀢𑀩𑁆𑀩𑀁 𑀯𑀸.

𑀲𑀢𑀺𑀮𑀓𑁆𑀔𑀡𑀧𑀜𑁆𑀳𑁄 𑀤𑁆𑀯𑀸𑀤𑀲𑀫𑁄.

𑀢𑀧𑁆𑀧𑀫𑀼𑀔𑀸’𑀯𑀸𑀢𑀺 𑀭𑀸𑀚𑀧𑁆𑀧𑀥𑀸𑀦𑀸 𑀇𑀯.

𑀲𑀫𑀸𑀥𑀺𑀧𑀜𑁆𑀳𑁄 𑀢𑁂𑀭𑀲𑀫𑁄.

𑀬𑁄 𑀉𑀧𑁆𑀧𑀚𑁆𑀚𑀢𑀺 𑀲𑁄 𑀏𑀯 𑀲𑁄’𑀢𑀺 𑀬𑁄 𑀧𑀣𑀯𑀺𑀨𑀲𑁆𑀲𑀸𑀤𑀺𑀧𑀭𑀫𑀣𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺, 𑀲𑁄 𑀉𑀧𑁆𑀧𑀦𑁆𑀦𑀧𑀼𑀩𑁆𑀩𑀥𑀫𑁆𑀫𑁄 𑀏𑀯.

𑀧𑀜𑁆𑀜𑀸𑀮𑀓𑁆𑀔𑀡𑀧𑀜𑁆𑀳𑁄 |𑀑𑁦.𑁦𑁩𑁮𑁦| 𑀘𑀼𑀤𑁆𑀤𑀲𑀫𑁄.

𑀦𑀸𑀦𑀸-𑀏𑀓𑀓𑀺𑀘𑁆𑀘𑀓𑀭𑀡𑀧𑀜𑁆𑀳𑁄 𑀧𑀡𑁆𑀡𑀭𑀲𑀫𑁄.

𑀧𑀡𑁆𑀡𑀭𑀲𑀧𑀜𑁆𑀳𑀯𑀦𑁆𑀢𑁄 𑀧𑀞𑀫𑀯𑀕𑁆𑀕𑁄 𑀲𑀫𑀢𑁆𑀢𑁄.

𑀯𑀁 𑀧𑀦 𑀪𑀦𑁆𑀢𑁂 𑀏𑀯𑀁 𑀯𑀼𑀢𑁆𑀢𑁂 𑀓𑀺𑀁 𑀯𑀤𑁂𑀬𑁆𑀬𑀸𑀲𑀻’𑀢𑀺 𑀬𑀤𑀸 𑀯𑀁 𑀤𑀳𑀭𑁄 𑀢𑀭𑀼𑀡𑁄 𑀫𑀤𑁄 𑀉𑀢𑁆𑀢𑀸𑀦𑀲𑁂𑀬𑁆𑀬𑀓𑁄 𑀅𑀳𑁄𑀲𑀺 𑀲𑁄𑀬𑁂𑀯 𑀯𑀁 𑀏𑀢𑀭𑀳𑀺 𑀫𑀳𑀦𑁆𑀢𑁄’𑀢𑀺 𑀇𑀫𑀲𑁆𑀫𑀺𑀁 𑀯𑀘𑀦𑁂 𑀫𑀬𑀸 𑀘 𑀓𑁂𑀦𑀯𑀺𑀥 𑀧𑀼𑀘𑁆𑀙𑀦𑀯𑀲𑁂𑀦 𑀯𑀼𑀢𑁆𑀢𑁂 𑀯𑀁 𑀓𑀺𑀁 𑀯𑀤𑁂𑀬𑁆𑀬𑀸𑀲𑀻𑀢𑀺 𑀬𑁄𑀚𑀦𑀸.

𑀤𑀼𑀢𑀺𑀬𑀯𑀕𑁆𑀕𑁂 𑀧𑀦 𑀥𑀫𑁆𑀫𑀲𑀦𑁆𑀢𑀢𑀺𑀧𑀜𑁆𑀳𑁄 𑀧𑀞𑀫𑁄.

𑀦 𑀧𑀝𑀺𑀲𑀤𑀳𑀦𑀚𑀸𑀦𑀦𑀧𑀜𑁆𑀳𑁄 𑀤𑀼𑀢𑀺𑀬𑁄.

𑀲𑀓𑀺𑀘𑁆𑀘𑀬𑀦𑁆𑀢𑀺 𑀅𑀢𑁆𑀢𑀦𑁄 𑀯𑀺𑀲𑀬𑁄𑀪𑀸𑀲𑀦𑀓𑀺𑀘𑁆𑀘𑀁.

𑀆𑀮𑀺𑀫𑁆𑀧𑀦𑀁 𑀯𑀺𑀚𑁆𑀛𑀸𑀧𑁂𑀢𑀼𑀦𑁆𑀢𑀺 𑀅𑀕𑁆𑀕𑀺𑀁 𑀦𑀺𑀩𑁆𑀩𑀸𑀧𑁂𑀢𑀼𑀁

𑀧𑀜𑁆𑀜𑀸𑀦𑀺𑀭𑀼𑀚𑁆𑀛𑀦𑀧𑀜𑁆𑀳𑁄 𑀢𑀢𑀺𑀬𑁄.

𑀦𑀺𑀩𑁆𑀩𑀺𑀲𑀁 𑀪𑀢𑀓𑁄 𑀬𑀣𑀸’𑀢𑀺 𑀬𑀣𑀸 𑀪𑀢𑀓𑁄 𑀪𑀢𑀓𑀓𑀫𑁆𑀫𑀁 𑀓𑀯𑀸 𑀮𑀓𑁆𑀔𑀁 𑀦𑀺𑀩𑁆𑀩𑀺𑀲𑀁 𑀦𑀺𑀩𑁆𑀩𑀺𑀲𑀦𑁆𑀢𑁄 𑀮𑀪𑀦𑁆𑀢𑁄 𑀤𑀼𑀓𑁆𑀔𑀁 𑀚𑀻𑀯𑀺𑀢𑀼𑀁 𑀦𑀸𑀪𑀺𑀦𑀤𑀢𑀺 𑀫𑀭𑀡𑀜𑁆𑀘 𑀦𑀸𑀪𑀺𑀦𑀤𑀢𑀺 𑀫𑀭𑀡𑀓𑀸𑀮𑀁 𑀆𑀕𑀫𑁂𑀢𑀺, 𑀏𑀯𑀫𑁂𑀯𑀸𑀳𑀁 𑀓𑀸𑀮𑀁 𑀫𑀭𑀡𑀓𑀸𑀮𑀁 𑀧𑀝𑀺𑀓𑀗𑁆𑀔𑀸𑀫𑀺 𑀆𑀕𑀫𑁂𑀫𑀻𑀢𑀺 𑀅𑀥𑀺𑀧𑁆𑀧𑀸𑀬𑁄.

𑀧𑀭𑀻𑀦𑀺𑀩𑁆𑀩𑀸𑀦𑀧𑀜𑁆𑀳𑁄 𑀘𑀢𑀼𑀣𑁄.

𑀬𑀤𑀺 𑀓𑀼𑀲𑀮𑀸 𑀦 𑀤𑀼𑀓𑁆𑀔𑀸’𑀢𑀺 𑀲𑀼𑀔𑀸 𑀯𑁂𑀤𑀦𑀸 𑀓𑀼𑀲𑀮𑀸 𑀬𑀤𑀺 𑀲𑀺𑀬𑀸 𑀲𑀸 𑀓𑀼𑀲𑀮𑀸 𑀯𑁂𑀤𑀦𑀸 𑀦 𑀤𑀼𑀓𑁆𑀔𑀪𑀽𑀢𑀸.𑀬𑀤𑀺 𑀲𑀺𑀬𑀸 𑀲𑀸 𑀓𑀼𑀲𑀮𑀸 𑀦 𑀳𑁄𑀢𑀺. 𑀓𑀼𑀲𑀮𑀁 𑀤𑀼𑀓𑁆𑀔𑀦𑁆𑀢𑀺 𑀦 𑀉𑀧𑀧𑀚𑁆𑀚𑀢𑀻’𑀢𑀺 𑀓𑀼𑀲𑀮𑀁 𑀤𑀼𑀓𑁆𑀔𑀪𑀼𑀢𑀦𑁆𑀢𑀺 𑀯𑀘𑀦𑀁 𑀦 𑀉𑀧𑀧𑀚𑁆𑀚𑀢𑀻𑀢𑀺 𑀯𑀢𑁆𑀢𑀼𑀁 𑀦 𑀬𑀼𑀚𑁆𑀚𑀢𑀺. 𑀓𑀼𑀲𑀮𑀁 𑀤𑀼𑀓𑁆𑀔𑀁 𑀦. 𑀅𑀜𑁆𑀜𑀫𑀜𑁆𑀜𑀧𑀘𑁆𑀘𑀦𑀻𑀓𑀢𑁆𑀢𑀸’𑀢𑀺 𑀭𑀜𑁆𑀜𑁄 𑀅𑀥𑀺𑀧𑁆𑀧𑀸𑀬𑁄. 𑀲𑀪𑀸𑀯𑁄 𑀧𑀦 𑀏𑀯𑀁 𑀦 𑀳𑁄𑀢𑀺. 𑀓𑀼𑀲𑀮𑀸 𑀳𑀺 𑀲𑀼𑀔𑀸 𑀯𑁂𑀤𑀦𑀸 𑀲𑀗𑁆𑀔𑀸𑀭𑀤𑀼𑀓𑁆𑀔𑁂𑀦 𑀯𑀺𑀧𑀭𑀺𑀡𑀸𑀫𑀤𑀼𑀓𑁆𑀔𑁂𑀦’𑀧𑀺 𑀤𑀼𑀓𑁆𑀔𑀸. 𑀦𑁂𑀓𑁆𑀔𑀫𑁆𑀫𑀦𑀺𑀲𑁆𑀲𑀺𑀢𑀤𑁄𑀫𑀦𑀲𑁆𑀲𑀲𑀗𑁆𑀔𑀸𑀢𑀤𑀼𑀓𑁆𑀔𑀸’𑀧𑀺 𑀅𑀦𑀯𑀚𑁆𑀚𑀝𑁆𑀞𑁂𑀦 𑀓𑀼𑀲𑀮𑀸 𑀲𑀺𑀬𑀸𑀢𑀺 𑀣𑁂𑀭𑁄 𑀧𑀦 𑀫𑀬𑀺 𑀭𑀸𑀚𑀸𑀦𑀁 𑀅𑀬𑁄𑀕𑀼𑀴𑀳𑀺𑀫𑀧𑀺𑀡𑁆𑀟𑀧𑀜𑁆𑀳𑀁 𑀧𑀼𑀘𑁆𑀙𑀦𑁆𑀢𑁂 𑀢𑀁 𑀭𑀸𑀚𑀸 𑀫𑀺𑀘𑁆𑀙𑀸 𑀩𑁆𑀬𑀸𑀓𑀭𑀺𑀲𑁆𑀲𑀢𑀺. 𑀢𑀲𑁆𑀫𑀺𑀁 𑀤𑁄𑀲𑀁 𑀆𑀭𑁄𑀧𑁂𑀲𑁆𑀲𑀸𑀫𑀺. 𑀭𑀸𑀚𑀸 𑀢𑀁 𑀫𑀺𑀘𑁆𑀙𑀸 𑀩𑁆𑀬𑀸𑀓𑀭𑀺𑀲𑁆𑀲𑀢𑀺. 𑀢𑀲𑁆𑀫𑀺𑀁 𑀤𑁄𑀲𑀁 𑀆𑀭𑁄𑀧𑁂𑀲𑁆𑀲𑀸𑀫𑀺. 𑀭𑀸𑀚𑀸 𑀢𑀁 𑀳𑀭𑀺𑀢𑀼𑀁 𑀅𑀲𑀓𑁆𑀓𑁄𑀦𑁆𑀢𑁄 𑀫𑀁 𑀅𑀣𑀚𑀧𑁆𑀧𑀦𑀁 𑀬𑀸𑀘𑀺𑀲𑁆𑀲𑀢𑀺. 𑀅𑀣 𑀭𑀸𑀚𑀸𑀢𑀁 𑀲𑀪𑀸𑀯𑀣𑀁 𑀲𑀜𑁆𑀜𑀸𑀧𑁂𑀲𑁆𑀲𑀸𑀫𑀻𑀢𑀺 𑀫𑀦𑁆𑀯𑀸 𑀢𑀁 𑀓𑀺𑀫𑁆𑀫𑀜𑁆𑀜𑀲𑀺 𑀫𑀳𑀸𑀭𑀸𑀚𑀸’𑀢𑀺𑀆𑀤𑀺𑀫𑀸𑀳. 𑀓𑀺𑀦𑁆𑀦𑀼 |𑀑𑁦.𑁦𑁩𑁮𑁧| 𑀔𑁄 𑀫𑀳𑀸𑀭𑀸𑀚 𑀉𑀪𑁄’𑀧𑀺 𑀢𑁂 𑀤𑀳𑁂𑀬𑁆𑀬𑀼𑀦𑁆𑀢𑀺 𑀇𑀫𑀲𑁆𑀫𑀺𑀁 𑀧𑀼𑀘𑁆𑀙𑀸𑀯𑀘𑀦𑁂 𑀣𑁂𑀭𑁂𑀦 𑀯𑀼𑀢𑁆𑀢𑁂 𑀭𑀸𑀚𑀸 𑀲𑀻𑀢𑀼𑀡𑁆𑀳𑀲𑀫𑀜𑁆𑀜𑀸𑀢𑀸 𑀢𑁂𑀚𑁄𑀥𑀸𑀢𑀼’𑀢𑀺 𑀲𑀼𑀢𑀢𑁆𑀢𑀸 𑀲𑀻𑀢𑀳𑀺𑀫𑀧𑀺𑀡𑁆𑀟𑀲𑁆𑀲 𑀔𑀭𑀔𑀸𑀤𑀦𑀪𑀸𑀯𑀜𑁆𑀘 𑀲𑀥𑀸𑀬 𑀥𑀸𑀢𑀼𑀦𑀁 𑀉𑀲𑁆𑀲𑀤𑀪𑀸𑀯𑀚𑀸𑀦𑀦𑀜𑀸𑀡𑀢𑁄 𑀯𑀺𑀭𑀼𑀚𑁆𑀛𑀺𑀯𑀸’𑀆𑀫 𑀪𑀦𑁆𑀢𑁂 𑀉𑀪𑁄’𑀧𑀺 𑀢𑁂 𑀤𑀳𑁂𑀬𑁆𑀬𑀼𑀦𑁆𑀢𑀺 𑀯𑀺𑀭𑀼𑀤𑁆𑀥𑀧𑀝𑀺𑀯𑀘𑀦𑀁 𑀅𑀤𑀸𑀲𑀺.

𑀦 𑀳𑀺 𑀪𑀦𑁆𑀢𑁂’𑀢𑀺 𑀭𑀜𑁆𑀜𑁄 𑀅𑀯𑀚𑀸𑀦𑀦𑀧𑀝𑀺𑀓𑁆𑀔𑀧𑀦𑀁.

𑀅𑀚𑀸𑀦𑀸𑀳𑀺 𑀦𑀺𑀕𑁆𑀕𑀳𑀦𑁆𑀢𑀺 𑀣𑁂𑀭𑀯𑀘𑀦𑀁. 𑀬𑀲𑁆𑀫𑀸 𑀢𑁂 𑀧𑀼𑀭𑀺𑀫𑀸𑀬’𑀆𑀫𑀸’𑀢𑀺 𑀧𑀝𑀺𑀜𑁆𑀜𑀸𑀬 𑀧𑀘𑁆𑀙𑀺𑀫𑀸’𑀦 𑀳𑀺 𑀪𑀦𑁆𑀢𑁂’𑀢𑀺 𑀧𑀝𑀺𑀜𑁆𑀜𑀸 𑀧𑀘𑁆𑀙𑀺𑀫𑀸𑀬 𑀘 𑀧𑀼𑀭𑀺𑀫𑀸 𑀦 𑀲𑀥𑀺𑀬𑀢𑀻. 𑀢𑀲𑁆𑀫𑀸 𑀯𑀁 𑀦𑀺𑀕𑁆𑀕𑀳𑀁 𑀧𑀢𑁆𑀢𑁄. 𑀯𑀁 𑀦𑀺𑀕𑁆𑀕𑀳𑀁 𑀤𑁄𑀲𑀁 𑀅𑀧𑀭𑀸𑀥𑀁 𑀲𑀫𑁆𑀧𑀺𑀝𑀺𑀘𑁆𑀙𑀸𑀳𑀻’𑀢𑀺 𑀅𑀣𑁄. 𑀇𑀤𑀸𑀦𑀺 𑀉𑀪𑀺𑀦𑁆𑀦𑀁 𑀢𑀢𑁆𑀢𑀸𑀪𑀸𑀯𑀤𑀲𑁆𑀲𑀦𑀯𑀲𑁂𑀦 𑀉𑀪𑀺𑀦𑁆𑀦𑀁 𑀲𑀻𑀢𑀮𑀸𑀪𑀸𑀯𑀤𑀲𑁆𑀲𑀦𑀯𑀲𑁂𑀦 𑀘 𑀢𑀁 𑀦𑀺𑀕𑁆𑀕𑀳𑀁 𑀧𑀸𑀓𑀝𑀁 𑀓𑀭𑁄𑀦𑁆𑀢𑁄 𑀬𑀤𑀺 𑀢𑀢𑁆𑀢𑀁 𑀤𑀳𑀢𑀻’𑀢𑀺𑀆𑀤𑀺𑀫𑀸𑀳.

𑀢𑀣𑁋 ‘𑀬𑀤𑀺 𑀢𑀢𑁆𑀢𑀁 𑀤𑀳𑀢𑀻’𑀢𑀺 𑀲𑀘𑁂 𑀉𑀪𑀺𑀦𑁆𑀦𑀁 𑀢𑀢𑁆𑀢𑀢𑀸 𑀤𑀳𑀢𑀺. 𑀬𑀤𑀺 𑀢𑀢𑁆𑀢𑀁 𑀤𑀳𑀢𑀻’𑀢𑀺 𑀘 𑀞𑀧𑀦𑀯𑀘𑀦𑀁.

𑀦 𑀘 𑀢𑁂 𑀉𑀪𑁄’𑀢𑀺 𑀤𑁄𑀲𑀸𑀭𑁄𑀧𑀦𑀯𑀘𑀦𑀁.

𑀢𑁂𑀦 𑀦 𑀉𑀧𑁆𑀧𑀚𑁆𑀚𑀢𑀻’𑀢𑀺 𑀢𑁂𑀦 𑀢𑀲𑁆𑀫𑀺𑀁 𑀉𑀪𑀺𑀦𑁆𑀦𑀁 𑀉𑀡𑁆𑀳𑀪𑀸𑀯𑀓𑀸𑀭𑀡𑀸 𑀉𑀪𑁄’𑀧𑁂𑀢𑁂 𑀤𑀳𑀦𑁆𑀢𑀺’𑀢𑀺 𑀯𑀘𑀦𑀁 𑀢𑀢𑁆𑀢𑀪𑀸𑀯𑀲𑁆𑀲 𑀤𑀳𑀦𑁂 𑀦 𑀉𑀧𑀧𑀚𑁆𑀚𑀢𑀺, 𑀦 𑀬𑀼𑀚𑁆𑀚𑀢𑀺.

𑀬𑀤𑀺 𑀲𑀻𑀢𑀮𑀁 𑀤𑀳𑀢𑀻𑀢𑀺 𑀲𑀘𑁂 𑀉𑀪𑀺𑀦𑁆𑀦𑀁 𑀲𑀻𑀢𑀮𑀪𑀸𑀯𑁄 𑀤𑀳𑀢𑀺 𑀢𑁂𑀦 𑀦 𑀉𑀧𑀧𑀚𑁆𑀚𑀢𑀻’𑀢𑀺 𑀢𑀲𑁆𑀫𑀸 𑀓𑀸𑀭𑀡𑀸 𑀉𑀪𑀺𑀦𑁆𑀦𑀁 𑀲𑀻𑀢𑀮𑀸𑀪𑀸𑀯𑀓𑀸𑀭𑀡𑀸 𑀉𑀪𑁄’𑀧𑀺 𑀢𑁂 𑀤𑀳𑀦𑁆𑀢𑀺’𑀢𑀺 𑀯𑀘𑀦𑀁 𑀲𑀻𑀢𑀮𑀪𑀸𑀯𑀲𑁆𑀲 𑀤𑀳𑀦𑁂𑀦 𑀦 𑀉𑀧𑀧𑀚𑁆𑀚𑀢𑀻’𑀢𑀺 𑀯𑀢𑁆𑀢𑀼𑀁 𑀦 𑀬𑀼𑀚𑁆𑀚𑀢𑀺 𑀧𑀼𑀦 𑀢𑀁 𑀤𑁄𑀲𑀁 𑀧𑀸𑀓𑀝𑀢𑀭𑀁 𑀓𑀭𑁄𑀦𑁆𑀢𑁄 𑀣𑁂𑀭𑁄 𑀓𑀺𑀲𑁆𑀲 𑀧𑀦 𑀢𑁂 𑀫𑀳𑀸𑀭𑀸𑀚 𑀉𑀪𑁄’𑀧𑀺 𑀤𑀳𑀦𑁆𑀢𑀺𑀢𑀺𑀆𑀤𑀺𑀫𑀸𑀳.