𑀯𑀸𑀲𑀫𑀸𑀮𑀺𑀦𑀻𑀓𑁆𑀬

𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲

𑁧. 𑀯𑀼𑀟𑁆𑀠𑁄𑀧𑀺 𑀚𑀺𑀦𑀸𑀦𑀁, 𑀩𑀼𑀤𑁆𑀥𑁄𑀲𑀺 𑀯𑀺𑀚𑀸𑀦𑀁;

𑀧𑀼𑀩𑁆𑀩𑁄𑀤𑀺𑀢𑀺 𑀫𑀸𑀳𑀁, 𑀓𑀼𑀩𑁆𑀩𑁄𑀫𑀺 𑀯𑀺𑀫𑀸𑀦𑀁.

(𑀢𑀦𑀼𑀫𑀚𑁆𑀛𑀸𑀕𑀸𑀣𑀸)

𑁨. 𑀫𑀳𑀸𑀲𑀫𑀢𑀓𑀽𑀮𑀁, 𑀦𑀭𑀸𑀧𑀯𑀭𑀧𑀽𑀚𑀁;

𑀚𑀳𑀸 𑀅𑀪𑀬𑀧𑀽𑀭𑀁, 𑀦𑀫𑀸 𑀓𑀦𑀓𑀭𑀽𑀧𑀁.

(𑀓𑀼𑀫𑀸𑀭𑀮𑀮𑀺𑀢𑀸𑀕𑀸𑀣𑀸)

𑁩. 𑀦𑀭𑀸𑀲𑀪𑀲𑀼𑀩𑀼𑀤𑁆𑀥𑀁, 𑀧𑀚𑀸𑀫𑀢𑀦𑀼𑀭𑀼𑀢𑁆𑀢𑀁;

𑀤𑀬𑀸𑀓𑀭𑀫𑀼𑀤𑀼𑀢𑁆𑀢𑀁, 𑀦𑀫𑀸𑀫 𑀳 𑀉𑀲𑀼𑀓𑁆𑀓𑀁.

(𑀓𑀼𑀫𑀸𑀭𑀮𑀮𑀺𑀢𑀸𑀕𑀸𑀣𑀸)

𑁪. 𑀳𑀺𑀢𑀁 𑀯𑀳𑀲𑀼𑀲𑀻𑀮𑁄, 𑀧𑀫𑁄𑀤𑀢𑀺 𑀲𑀼𑀔𑀢𑁆𑀢𑁂;

𑀦𑀫𑁂 𑀢𑀫𑀧𑀩𑀼𑀤𑁆𑀥𑀁, 𑀚𑀺𑀦𑀁 𑀕𑀢𑀲𑀼𑀔𑀦𑁆𑀢𑀁.

(𑀓𑀼𑀫𑀸𑀭𑀮𑀮𑀺𑀢𑀸𑀕𑀸𑀣𑀸)

𑁫. 𑀩𑀦𑁆𑀥𑀼 𑀘 𑀲𑀦𑁆𑀢𑀓𑀺𑀮𑁂𑀲𑁄, 𑀬𑁄 𑀧𑀺𑀢𑀯𑀡𑁆𑀡𑀧𑀪𑀸𑀲𑁄;

𑀕𑁄𑀢𑀫𑀕𑁄𑀢𑁆𑀢𑀲𑀼𑀜𑁆𑀜𑀢𑁄, 𑀢𑀲𑁆𑀲 𑀦𑀫𑁄 𑀦𑀭𑀲𑀻𑀳𑁄.

(𑀘𑀺𑀢𑁆𑀭𑀧𑀤𑀸𑀕𑀸𑀣𑀸)

𑁬. 𑀩𑀼𑀤𑁆𑀥𑀁 𑀲𑀼𑀤𑁆𑀥𑀁 𑀮𑁄𑀓𑁂𑀲𑀻𑀢𑀁, 𑀉𑀓𑁆𑀓𑀁 𑀬𑀼𑀢𑁆𑀢𑀁 𑀬𑁄𑀕𑁂 𑀳𑀁;

𑀯𑀦𑁆𑀢𑀸𑀢𑀻𑀢𑀁 𑀑𑀖𑁂 𑀲𑀻𑀤𑀁, 𑀯𑀦𑁆𑀤𑀸𑀧𑀻𑀳𑀁 𑀲𑁄𑀓𑁂𑀳𑀻𑀳𑀁.

(𑀯𑀺𑀚𑁆𑀚𑀼𑀫𑁆𑀫𑀸𑀮𑀸𑀕𑀸𑀣𑀸)

𑁭. 𑀪𑁄𑀕𑀯𑀢𑀻 𑀬𑁄𑀧𑀔𑀫𑀻, 𑀲𑀻𑀢𑀤𑀬𑀸 𑀮𑁄𑀓𑀲𑀔𑀸;

𑀥𑀸𑀢𑀼𑀢𑀬𑁂 𑀓𑀺𑀢𑁆𑀢𑀺 𑀲 𑀯𑁂, 𑀤𑀸𑀢𑀼 𑀚𑀬𑁂-𑀢𑀲𑁆𑀲 𑀘 𑀫𑁂;

(𑀫𑀸𑀡𑀯𑀓𑀕𑀸𑀣𑀸)

𑁮. 𑀫𑀸𑀦𑀺𑀢𑁄 𑀮𑀼𑀔𑁄 𑀭𑀼𑀢𑁄𑀣, 𑀲𑀦𑁆𑀦𑀺𑀪𑁄 𑀲𑀼𑀪𑁄 𑀲𑀼𑀔𑁄 𑀘;

𑀚𑀸𑀦𑀺𑀢𑁄 𑀥𑀭𑁄 𑀦𑀫𑁄 𑀘, 𑀢𑀲𑁆𑀲 𑀬𑁄 𑀣𑀼𑀢𑁄 𑀕𑀼𑀡𑁄𑀯.

(𑀲𑀫𑀸𑀦𑀺𑀓𑀸𑀕𑀸𑀣𑀸)

𑁯. 𑀚𑀬𑀁 𑀥𑀚𑀁 𑀧𑀚𑀸𑀧𑀼𑀕𑁂, 𑀞𑀺𑀢𑀁 𑀮𑀺𑀮𑀁 𑀫𑀳𑀸𑀲𑀼𑀔𑁂;

𑀲𑀼𑀪𑀁 𑀨𑀼𑀝𑀁 𑀧𑀪𑀁 𑀦𑀫𑁂, 𑀳𑀺𑀢𑀁 𑀲𑀼𑀔𑀁 𑀤𑀤𑀸𑀢𑀼 𑀫𑁂.

(𑀧𑀫𑀸𑀡𑀺𑀓𑀸𑀕𑀸𑀣𑀸)

𑁧𑁦. 𑀧𑀼𑀡𑁆𑀡𑀧𑀼𑀜𑁆𑀜𑀚𑀦𑀺𑀢𑀲𑀼𑀪𑀁, 𑀚𑀸𑀢𑀺𑀜𑀸𑀢𑀺𑀣𑀼𑀢𑀺𑀬𑀕𑀼𑀡𑀁;

𑀪𑁂𑀤𑀯𑁂𑀭𑀯𑀺𑀫𑀮𑀚𑀺𑀦𑀁, 𑀜𑀸𑀡𑀧𑀸𑀤𑀘𑀭𑀡-𑀫𑀳𑀁.

(𑀳𑀮𑀫𑀼𑀔𑀻𑀕𑀸𑀣𑀸)

𑁧𑁧. 𑀲𑀢𑀺 𑀫𑀢𑀺 𑀲𑀼𑀘𑀺 𑀬𑁄-𑀪𑀸𑀲𑁄, 𑀣𑀼𑀢𑀺 𑀫𑀼𑀦𑀺 𑀲𑀼𑀔𑀺𑀢𑁄 𑀓𑀸𑀬𑁄;

𑀫𑀦𑀼𑀚𑀧𑀼𑀫𑀲𑀼𑀢𑁄 𑀦𑀸𑀣𑁄, 𑀚𑀬𑀯𑀭 𑀫𑀼-𑀲𑀪𑁄 𑀤𑀸𑀢𑁄.

(𑀪𑀼𑀚𑀕𑀲𑀼𑀲𑀼𑀕𑀸𑀣𑀸)

𑁧𑁨. 𑀬𑁄 𑀩𑀼𑀤𑁆𑀥𑁄 𑀧𑀯𑀭𑁄 𑀮𑀺𑀮𑁄 𑀧𑀼𑀕𑁂,

𑀮𑁄𑀓𑀼𑀢𑁆𑀢𑁄 𑀅𑀪𑀬𑁄 𑀞𑀺𑀢𑁄 𑀲𑀼𑀔𑁂;

𑀉𑀢𑁆𑀢𑀺𑀡𑁆𑀡𑀁 𑀦𑀺𑀲𑀪𑀁 𑀳𑀺𑀢𑀁 𑀯𑀳𑁂,

𑀫𑁄𑀦𑀺𑀦𑁆𑀤𑀁 𑀯𑀺𑀫𑀮𑀁 𑀚𑀺𑀦𑀁 𑀦𑀫𑁂.

(𑀲𑀼𑀤𑁆𑀥𑀯𑀺𑀭𑀸𑀚𑀺𑀢𑀕𑀸𑀣𑀸)

𑁧𑁩. 𑀤𑁂𑀯𑀺𑀦𑁆𑀤𑀁 𑀯𑀭𑀕𑀡𑀣𑁂𑀭𑀺𑀦𑁆𑀤𑀁,

𑀦𑀺𑀝𑁆𑀞𑀸𑀦𑀁 𑀪𑀯𑀚𑀦𑀦𑀺𑀩𑁆𑀩𑀸𑀦𑀁;

𑀦𑀺𑀤𑁆𑀤𑁄𑀲𑀁 𑀭𑀡𑀭𑀚𑀦𑀺𑀧𑁆𑀨𑁄𑀝𑀁,

𑀯𑀦𑁆𑀤𑁂-𑀳𑀁 𑀲𑀼𑀪𑀫𑀼𑀔𑀲𑁄𑀡𑁆𑀡𑁂𑀫𑀁.

(𑀧𑀡𑀯𑀕𑀸𑀣𑀸)

𑁧𑁪. 𑀕𑁄𑀢𑀫𑀕𑁄𑀢𑁆𑀢𑁂 𑀓𑁂𑀢𑀼𑀯 𑀜𑀸𑀢𑀁,

𑀮𑁄𑀓𑀚𑀔𑁂𑀢𑁆𑀢𑁂 𑀫𑁂𑀭𑀼𑀯 𑀚𑀸𑀢𑀁;

𑀣𑀦𑁆𑀤𑀺𑀮𑀚𑁂𑀝𑁆𑀞𑁂 𑀪𑁂𑀤𑀺𑀢𑀫𑀸𑀭𑀁,

𑀧𑀡𑁆𑀟𑀺𑀢𑀫𑀚𑁆𑀛𑁂 𑀫𑁂𑀥𑀺𑀯 𑀪𑀸𑀡𑀁;

𑀫𑀦𑁆𑀢𑀺𑀬 𑀯𑀦𑁆𑀤𑁂 𑀲𑁂𑀯𑀺𑀢𑀦𑀸𑀣𑀁.

(𑀭𑀼𑀫𑁆𑀫𑀯𑀢𑀻𑀕𑀸𑀣𑀸)

𑁧𑁫. 𑀩𑀼𑀤𑁆𑀥𑁄 𑀲𑀼𑀓𑁆𑀓𑁄 𑀅𑀫𑀺𑀢𑀕𑀼𑀡𑀻𑀲𑁄,

𑀬𑀼𑀢𑁆𑀢𑁄 𑀫𑀼𑀢𑁆𑀢𑁄 𑀲𑀲𑀺𑀯 𑀢𑀺𑀫𑀻𑀢𑁄;

𑀔𑁂 𑀬𑁄 𑀢𑁂𑀚𑁄 𑀢𑀧𑀲𑀺𑀯 𑀅𑀓𑁆𑀓𑁄,

𑀨𑁂𑀮𑁄 𑀣𑁂𑀢𑁄 𑀢𑀯 𑀦𑀫𑀓𑀸𑀭𑁄.

(𑀫𑀢𑁆𑀢𑀸𑀕𑀸𑀣𑀸)

𑁧𑁬. 𑀬𑁄 𑀚𑀺𑀢𑀫𑀸𑀭𑁂 𑀯𑁂 𑀅𑀚𑀺 𑀲𑀩𑁆𑀩𑀁,

𑀣𑁄 𑀫𑀺𑀢𑀲𑀸𑀭𑁂 𑀳𑁂-𑀥𑀺𑀢𑀧𑀢𑁆𑀢𑀁;

𑀲𑀁𑀲𑀺𑀢𑀧𑀼𑀡𑁆𑀡𑁄 𑀲𑁄 𑀦𑀫𑀺 𑀢𑀲𑁆𑀲,

𑀧𑀡𑁆𑀟𑀺𑀢𑀨𑀼𑀮𑁆𑀮𑁄 𑀲𑁄 𑀫𑀢𑀺𑀓𑀲𑁆𑀲.

(𑀘𑀫𑁆𑀧𑀓𑀫𑀸𑀮𑀸𑀕𑀸𑀣𑀸)

𑁧𑁭. 𑀓𑀦𑀓𑀭𑀽𑀧 𑀫𑀽𑀧𑀫𑁂𑀬𑁆𑀬𑀓𑀁,

𑀧𑀯𑀭𑀲𑀽𑀭 𑀧𑀽𑀚𑀲𑁂𑀯𑀢𑀁;

𑀓𑀫𑀮𑀪𑀽𑀫 𑀥𑀽𑀭𑀤𑁂𑀲𑀓𑀁,

𑀦𑀭𑀫𑀭𑀽𑀧 𑀭𑀽 𑀦𑀫𑁂 𑀢-𑀳𑀁.

(𑀫𑀦𑁄𑀭𑀫𑀸𑀕𑀸𑀣𑀸)

𑁧𑁮. 𑀤𑁂𑀯𑁂 𑀕𑀢𑁂 𑀤𑁆𑀯𑁂𑀯𑀸𑀭𑀸 𑀕𑀫𑀸𑀲𑀺,

𑀲𑁂𑀮𑁂 𑀘𑀮𑁂 𑀬𑁂 𑀜𑀸𑀢𑀸 𑀧𑀘𑀸𑀬𑀺;

𑀉𑀤𑁆𑀥𑀁 𑀢𑀮𑁂 𑀢𑁂𑀯𑀸𑀲𑀁 𑀅𑀓𑀸𑀲𑀺,

𑀩𑀼𑀤𑁆𑀥𑀁 𑀫𑀢𑁂 𑀏𑀲𑀸𑀳𑀁 𑀦𑀫𑀸𑀫𑀺.

(𑀉𑀩𑁆𑀪𑀸𑀲𑀓𑀦𑁆𑀢𑀕𑀸𑀣𑀸)

𑁧𑁯. 𑀉𑀓𑁆𑀓𑁂 𑀲𑀼𑀦𑀼𑀢𑀁 𑀧𑀼𑀣𑀼𑀓𑀜𑁆𑀘 𑀣𑁂𑀭𑀁,

𑀯𑀼𑀢𑁆𑀢𑁂 𑀲𑀼𑀔𑀼𑀫𑀁 𑀉𑀚𑀼𑀓𑀁 𑀢𑀣𑁂𑀢𑀁;

𑀤𑀺𑀩𑁆𑀩𑁂 𑀧𑀝𑀺𑀫𑀁 𑀓𑀺𑀭𑀺𑀬𑀁 𑀯𑀤𑁂𑀢𑀁,

𑀇𑀤𑁆𑀥𑁂 𑀫𑀳𑀺𑀢𑀁 𑀓𑀣𑀺𑀢𑀁 𑀦𑀫𑁂𑀳𑀁.

(𑀉𑀧𑀝𑁆𑀞𑀺𑀢𑀕𑀸𑀣𑀸)

𑁨𑁦. 𑀤𑀺𑀩𑁆𑀩𑀲𑁆𑀲 𑀧𑀽𑀭𑁂 𑀧𑀯𑀭𑁂𑀳𑀺 𑀕𑀼𑀢𑁆𑀢𑁄,

𑀲𑀺𑀤𑁆𑀥𑀢𑁆𑀣 𑀪𑀽𑀢𑁂 𑀦𑀕𑀭𑁂𑀳𑀺 𑀯𑀼𑀝𑁆𑀞𑁄;

𑀲𑀗𑁆𑀓𑀲𑁆𑀲 𑀧𑀽𑀭𑁂 𑀫-𑀕𑀡𑁂𑀳𑀺 𑀩𑀼𑀤𑁆𑀥𑁄,

𑀅𑀜𑁆𑀜𑀢𑁆𑀣 𑀧𑀽𑀚𑁂 𑀧𑀦𑀫𑁂 𑀦𑀺 𑀓𑀼𑀩𑁆𑀩𑁄.

(𑀇𑀦𑁆𑀤𑀯𑀚𑀺𑀭𑀸𑀕𑀸𑀣𑀸)

𑁨𑁧. 𑀲𑀼𑀪𑀁 𑀣𑀼𑀢𑀁 𑀬𑁄 𑀭𑀚𑀢𑀁 𑀩𑀮𑀢𑁆𑀣𑀁,

𑀬𑀼𑀕𑀁 𑀳𑀼𑀢𑀁 𑀲𑁄 𑀓𑀦𑀓𑀁 𑀓𑀫𑀢𑁆𑀣𑀁;

𑀘𑀺𑀢𑀁 𑀞𑀺𑀢𑀁 𑀮𑁄𑀳𑀺𑀢𑀓𑀁 𑀫𑀦𑀸𑀧𑀁,

𑀮𑀺𑀮𑀁 𑀇𑀢𑀁 𑀲𑁄𑀭𑀘𑀺 𑀢𑀁 𑀦𑀫𑀸𑀳𑀁.

(𑀉𑀧𑁂𑀦𑁆𑀤𑀯𑀚𑀺𑀭𑀸𑀕𑀸𑀣𑀸)

𑁨𑁨. 𑀧𑀺𑀦𑀺𑀢𑀁 𑀯𑀺𑀡𑀁 𑀲𑀔𑀺𑀮𑀁 𑀬𑀚𑀺 𑀢𑀁,

𑀲𑀼𑀲𑀼𑀔𑀁 𑀥𑀼𑀚𑀁 𑀩𑀺𑀮𑀼𑀯𑀁 𑀦𑀺𑀬𑀼𑀢𑀁;

𑀞𑀧𑀺𑀬𑀁 𑀲𑀺𑀫𑀁 𑀣𑀼𑀦𑀼𑀢𑀁 𑀧𑀼𑀣𑀼𑀮𑀁,

𑀦𑀫𑀺 𑀳𑀁 𑀔𑀺𑀡𑀁 𑀲𑀼𑀔𑀼𑀫𑀁 𑀫𑀼𑀤𑀼𑀓𑀁.

(𑀲𑀼𑀫𑀼𑀔𑀻𑀕𑀸𑀣𑀸)

𑁨𑁩. 𑀲𑁄𑀕𑀢𑀺 𑀩𑁄𑀥𑀬𑀺𑀁 𑀕𑀸𑀳𑀺𑀬 𑀧𑀢𑁆𑀢𑀁,

𑀑𑀢𑀭𑀺 𑀲𑁄𑀦𑀫𑀺 𑀚𑀸𑀦𑀺𑀢 𑀅𑀢𑁆𑀣𑀁;

𑀪𑀽𑀧𑀢𑀺 𑀧𑀽𑀚𑀬𑀺 𑀲𑀸𑀓𑀺𑀬 𑀯𑀁𑀲𑀁,

𑀲𑀽𑀚𑀥𑀺 𑀊𑀧𑀥𑀺 𑀪𑀸𑀲𑀺𑀢 𑀥𑀫𑁆𑀫𑀁.

(𑀤𑁄𑀥𑀓𑀕𑀸𑀣𑀸)

𑁨𑁪. 𑀘𑀢𑁆𑀢𑀸𑀭𑁄-𑀫𑁂 𑀬𑀸𑀘𑀺𑀢𑁂 𑀲𑁄 𑀧𑀯𑀼𑀢𑁆𑀣𑁂,

𑀮𑀤𑁆𑀥𑀸 𑀪𑁄𑀕𑁂 𑀓𑀸𑀫𑀺𑀢𑁂 𑀑𑀖𑀫𑀼𑀢𑁆𑀢𑁂;

𑀓𑀢𑁆𑀢𑀸 𑀢𑁄𑀲𑁂-𑀢𑀁 𑀦𑀫𑁂 𑀘𑁄𑀮𑀬𑀼𑀢𑁆𑀢𑁂,

𑀢𑀢𑁆𑀣𑀸-𑀮𑁄𑀓𑁂 𑀢𑀁𑀧𑀢𑁂 𑀔𑁄 𑀧𑀤𑀼𑀓𑁆𑀓𑁂.

(𑀲𑀸𑀮𑀺𑀦𑀻𑀕𑀸𑀣𑀸)

𑁨𑁫. 𑀲𑀢𑁆𑀢𑀸-𑀮𑁄𑀓𑁄 𑀲𑀭𑀺𑀢𑁄 𑀬𑁄 𑀥𑀚𑀼𑀓𑁆𑀓𑀁,

𑀢𑀢𑁆𑀣𑀸-𑀕𑁄𑀧𑁄 𑀭𑀘𑀺𑀬𑁄-𑀦𑁄𑀚-𑀫𑀼𑀤𑁆𑀥𑀁;

𑀪𑀤𑁆𑀤𑀸-𑀲𑁄𑀓𑁄-𑀧𑀘𑀺𑀢𑁄-𑀪𑁄 𑀧𑀩𑀼𑀤𑁆𑀥𑀁,

𑀲𑀤𑁆𑀥𑀸𑀬𑁄𑀕𑁄 𑀪𑀚𑀺 𑀲𑁄-𑀳𑁄-𑀦𑀫𑀼𑀘𑁆𑀘𑀁.

(𑀯𑀸𑀢𑁄𑀫𑁆𑀧𑀻𑀕𑀸𑀣𑀸)

𑁨𑁬. 𑀜𑀸𑀢𑀫𑀭𑀽𑀦𑀁 𑀉𑀧𑀭𑀺 𑀞𑀺𑀢𑀸𑀦𑀁,

𑀯𑀸𑀮𑀧𑀲𑀽𑀓𑀁 𑀳𑀼𑀯𑀢𑀺 𑀚𑀺𑀦𑀸𑀦𑀁;

𑀤𑁂𑀯𑀲𑀼𑀬𑀸𑀫𑁄 𑀚𑀺𑀦𑀫𑀺𑀢𑀺 𑀜𑀸𑀢𑁄,

𑀢𑁂𑀦 𑀲𑀼𑀔𑀸-𑀪𑁄 𑀯𑀺𑀦𑀫𑀺 𑀇𑀤𑀸 𑀲𑁄.

(𑀲𑀺𑀭𑀻𑀕𑀸𑀣𑀸)

𑁨𑁭. 𑀧𑀼𑀡𑁆𑀡𑀓𑁂𑀦 𑀓𑀼𑀲𑀼𑀫𑁂𑀦 𑀲𑁂𑀯𑀢𑀁,

𑀓𑀼𑀜𑁆𑀚𑀭𑁂𑀯 𑀣𑀼𑀦𑀼𑀢𑁂𑀦 𑀔𑁂 𑀕𑀢𑀁;

𑀲𑀼𑀦𑁆𑀤𑀭𑁂𑀦 𑀦𑀫𑀺 𑀢𑁂𑀦 𑀫𑁂 𑀚𑀬𑀁,

𑀧𑀼𑀜𑁆𑀜𑀢𑁂𑀚𑀓𑀭𑀺-𑀥𑁂𑀲 𑀯𑁂 𑀤𑀤𑀁.

(𑀭𑀣𑁄𑀤𑁆𑀥𑀢𑀸𑀕𑀸𑀣𑀸)

𑁨𑁮. 𑀫𑀸𑀢𑀼 𑀆𑀬𑀼 𑀔𑀺𑀡𑀼-𑀓𑁂 𑀇𑀳 𑀧𑀼𑀩𑁆𑀩𑁂,

𑀢𑀸𑀲𑀼 𑀲𑀸𑀥𑀼 𑀯𑀺𑀲𑀼𑀢𑁂-𑀤𑀺𑀲𑀓𑀼𑀘𑁆𑀘𑁂;

𑀯𑀸𑀢 𑀢𑀸𑀮 𑀔𑀘𑀺𑀢𑁂𑀦𑀺-𑀥 𑀲𑁄𑀡𑁆𑀡𑁂,

‘‘𑀢𑀸𑀢 𑀢𑀸𑀢’’ 𑀬𑀚𑀺 𑀢𑁂-𑀢𑀺𑀲 𑀯𑀦𑁆𑀤𑁂.

(𑀲𑁆𑀯𑀸𑀕𑀢𑀕𑀸𑀣𑀸)

𑁨𑁯. 𑀉𑀧𑀭𑀺 𑀓𑀫𑀮𑀬𑁄𑀦𑀺 𑀲𑁄𑀪𑀺𑀢𑀁,

𑀚𑀼𑀳𑀢𑀺 𑀥𑀯𑀮𑀚𑁄𑀢𑀺-𑀤𑁄𑀲𑀺𑀢𑀁;

𑀲𑀼𑀓𑀭𑀺 𑀬-𑀫𑀢𑀩𑁄𑀥𑀺-𑀫𑁄𑀘𑀺𑀢𑀁,

𑀲𑀼𑀦𑀫𑀺 𑀘𑀭𑀡𑀮𑁄𑀓𑀺-𑀥𑁄-𑀭𑀺𑀫𑀁.

(𑀪𑀤𑁆𑀤𑀺𑀓𑀸𑀕𑀸𑀣𑀸)

𑁩𑁦. 𑀯𑀦𑁂 𑀚𑀺𑀦𑁄 𑀬𑁄 𑀯𑀺𑀦𑀬𑀁 𑀲𑀼𑀧𑁂𑀓𑁆𑀔𑀺-𑀫𑀁,

𑀫𑀢𑁂 𑀞𑀺𑀢𑁄-𑀪𑁄 𑀤𑀺𑀚𑀓𑀁 𑀤𑀼𑀩𑀚𑁆𑀚𑀺𑀢𑀁;

𑀅𑀖𑁂-𑀦𑀺𑀥𑁄 𑀔𑁄𑀪𑀺-𑀢𑀭𑀁 𑀫𑀼𑀦𑁂-𑀘𑁆𑀙𑀺-𑀤𑀁,

𑀦𑀫𑁂-𑀪𑀺𑀢𑁄 𑀩𑁄𑀥𑀺𑀫𑀳𑀁 𑀮𑀼𑀔-𑀚𑁆𑀛𑀺𑀢𑀁.

(𑀯𑀁𑀲𑀝𑁆𑀞𑀕𑀸𑀣𑀸)

𑁩𑁧. 𑀬𑁄 𑀚𑀸𑀢𑀺-𑀤𑁄𑀫𑀸𑀦𑀻-𑀫𑀼𑀧𑀸𑀲𑀺 𑀮𑀫𑁆𑀩𑀺 𑀢𑀁,

𑀓𑁄𑀥𑁂𑀳𑀺 𑀮𑁄𑀓𑁂𑀳𑀺 𑀤𑀼𑀪𑀸𑀲𑀺 𑀧𑀡𑁆𑀟𑀺𑀢𑀁;

𑀧𑀽𑀭𑁂𑀧𑀺 𑀫𑀽𑀮𑁂𑀧𑀺 𑀧𑀳𑀸𑀲𑀺 𑀤𑀺𑀝𑁆𑀞𑀺𑀓𑀁,

𑀲𑀩𑁆𑀩𑁂𑀳𑀺 𑀧𑀢𑁆𑀢𑁂𑀳𑀺 𑀦𑀫𑀸𑀫𑀺 𑀇𑀘𑁆𑀙𑀺𑀢𑀁.

(𑀇𑀦𑁆𑀤𑀯𑀁𑀲𑀸𑀕𑀸𑀣𑀸)

𑁩𑁨. 𑀯𑁂𑀭𑀜𑁆𑀚𑀓𑁂 𑀧𑀽𑀭𑀯𑀭𑁂 𑀯𑀺𑀪𑀽𑀲𑀺𑀢𑁂,

𑀦𑁂𑀮𑀜𑁆𑀚𑀦𑁂 𑀤𑀽𑀫𑀯𑀦𑁂 𑀯𑀺𑀓𑀽𑀚𑀺𑀢𑁂;

𑀔𑁂𑀫𑀗𑁆𑀓𑀭𑁂 𑀣𑀽𑀮𑀢𑀭𑁂 𑀯𑀺𑀤𑀽 𑀲𑀺𑀢𑁂,

𑀏𑀢-𑀗𑁆𑀕𑀫𑁂 𑀧𑀽𑀦 𑀦𑀫𑁂 𑀯𑀺𑀭𑀽𑀧𑀺 𑀯𑁂.

(𑀇𑀦𑁆𑀤𑀯𑀁𑀲𑀸𑀕𑀸𑀣𑀸)

𑁩𑁩. 𑀅𑀥𑀼𑀦𑀸𑀧𑀺 𑀲 𑀲𑀸𑀭𑀺𑀲𑀼𑀢𑁄 𑀦𑀺𑀫𑀮𑀁,

𑀢𑀫𑀼𑀧𑀸𑀲𑀺 𑀫𑀢𑀸𑀧𑀺 𑀓𑀼𑀢𑁄 𑀘𑀺 𑀦𑀬𑀁;

𑀓𑀭𑀼𑀡𑀸𑀬𑀺 𑀥 𑀬𑀸𑀘𑀺 𑀩𑀼𑀥𑁄 𑀯𑀺𑀦𑀬𑀁,

𑀕𑀭𑀼𑀓𑀸𑀧𑀺 𑀦𑀫𑀸𑀫𑀺 𑀲𑀼-𑀬𑁄 𑀚𑀺𑀢-𑀳𑀁.

(𑀢𑁄𑀝𑀓𑀕𑀸𑀣𑀸)

𑁩𑁪. 𑀚𑀦𑀯𑀭𑁄 𑀫𑀼𑀦𑀺 𑀲𑁄 𑀲𑀭𑀺𑀢𑁄 𑀯𑀦𑁂,

𑀯𑀲𑀪𑀢𑁄 𑀉𑀤𑀺𑀢𑁄-𑀧𑀭𑀺 𑀕𑁄𑀢𑀫𑁂;

𑀕𑀫𑀦𑀲𑁄 𑀕𑀼𑀡𑀺𑀓𑁄 𑀕𑀫𑀺-𑀢𑁄 𑀦𑀫𑁂,

𑀦𑀕𑀭-𑀤𑁄 𑀚𑀼𑀢𑀺-𑀫𑁄 𑀖𑀢𑀺𑀢𑁄-𑀲𑀣𑁂.