𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲

𑀫𑀳𑀸𑀧𑀡𑀸𑀫𑀧𑀸𑀞

(𑀩𑀼𑀤𑁆𑀥𑀯𑀦𑁆𑀤𑀦𑀸)

𑁧. 𑀲𑁄, 𑀓𑁄; 𑀦𑁂, 𑀲𑀁;

𑁨. 𑀲𑀢𑁆𑀣𑀸, 𑀦𑁂𑀲𑀁; 𑀔𑁂𑀫𑀁, 𑀤𑀸𑀢𑀸;

𑁩. 𑀳𑁂𑀴𑀸𑀢-𑀓𑁆𑀓𑀸𑀭𑁄 𑀲𑁄; 𑀚𑀦𑁆𑀢𑀽𑀦𑀁, 𑀦𑁄 𑀫𑀸 𑀦𑀼;

𑁪. 𑀲𑁄 𑀮𑁄𑀓𑀦𑁆𑀥𑀁, 𑀳𑀦𑁆𑀢𑁆𑀯𑀸 𑀦𑀓𑁆𑀓𑁄;

𑀲𑀢𑁆𑀢𑀫𑁆𑀩𑁄𑀚𑀁, 𑀩𑁄𑀥𑁂𑀢𑀸 𑀦𑀼.

𑁫. 𑀚𑀺𑀦𑀲𑀽𑀭𑀺𑀬𑁄, 𑀢𑀺𑀪𑀯𑀦𑀪𑁂;

𑀫𑀼𑀳𑀢𑀺𑀫𑀺𑀭𑀁, 𑀅𑀪𑀺𑀢𑀧𑀬𑁂.

𑁬. 𑀚𑁂𑀦𑁄 𑀚𑀺𑀦𑀫𑀽𑀮𑁂, 𑀤𑀺𑀲𑁆𑀯𑀸 𑀚𑀦𑀓𑀸𑀬𑀁;

𑀲𑀁𑀲𑀸𑀭𑀦𑀺𑀫𑀼𑀕𑁆𑀕𑀁, 𑀲𑀩𑁆𑀩𑀜𑁆𑀜𑀼𑀢 𑀫𑀺𑀘𑁆𑀙𑀁.

𑁭. 𑀳𑀺𑀢𑁆𑀯𑀸 𑀓𑀭𑀼𑀧𑁂𑀢𑀁, 𑀫𑁄𑀓𑁆𑀔𑀁 𑀧𑀡𑀺𑀥𑀸𑀦𑀁;

𑀯𑀢𑁆𑀢𑁂𑀲𑀺 𑀤𑀬𑀸𑀡𑀸, 𑀬𑁄 𑀢𑀁 𑀫𑀼𑀦𑀺 𑀯𑀦𑁆𑀤𑁂.

𑁮. 𑀲𑀼𑀢𑀸𑀬𑀼𑀪𑀭𑀺𑀬𑀸 𑀫𑁂, 𑀥𑀦𑀗𑁆𑀕𑀫𑀧𑀺 𑀘𑀚𑁆𑀚𑀁.

𑀘𑀺𑀦𑀁 𑀩𑀼𑀥𑀺𑀦𑀺𑀤𑀸𑀦𑁂, 𑀅𑀕𑀸 𑀫𑀼𑀦𑀺𑀬𑀁 𑀫𑁂𑀢𑀁.

𑁯. 𑀲𑁄 𑀲𑀲𑀚𑀸𑀢𑀺𑀬 𑀤𑁂𑀳𑀁, 𑀘𑀚𑁆𑀚𑀺𑀬 𑀤𑀸𑀦𑀯𑀭𑀜𑁆𑀘;

𑀦𑀸𑀕𑀼𑀲𑀪𑁄 𑀯𑀭𑀲𑀻𑀮𑀁, 𑀧𑀽𑀭𑀬𑀺 𑀲𑀫𑁆𑀧𑀭𑀺𑀘𑀸𑀕𑁄.

𑁧𑁦. 𑀦𑁂𑀓𑁆𑀔𑀫𑁆𑀫𑀕𑁆𑀕𑀁 𑀭𑀸𑀚𑀸 𑀳𑀼𑀢𑁆𑀯𑀸, 𑀲𑁂𑀦𑀩𑁆𑀩𑀺𑀤𑁆𑀯𑀸 𑀧𑀜𑁆𑀜𑀸𑀲𑁂𑀝𑁆𑀞𑀁;

𑀯𑁂𑀤𑁂𑀳𑀺𑀦𑁆𑀤𑁄 𑀯𑀻𑀭𑀼𑀓𑁆𑀓𑀁𑀲𑀁, 𑀔𑀦𑁆𑀢𑀻𑀯𑀸𑀤𑀻 𑀔𑀦𑁆𑀢𑀻𑀲𑁂𑀝𑁆𑀞𑀁.

𑁧𑁧. 𑀲𑁄 𑀲𑀼𑀢𑀲𑁄𑀫𑁄 𑀢𑀣𑀕𑀁, 𑀢𑁂𑀫𑀺𑀬 𑀥𑀺𑀝𑁆𑀞𑀸𑀦𑀯𑀭𑀁;

𑀏𑀓𑀪𑀼𑀕𑁄 𑀫𑁂𑀢𑁆𑀢𑀯𑀭𑀁, 𑀮𑁄𑀫𑀳𑀲𑁄𑀧𑁂𑀓𑁆𑀔𑀢𑀭𑀁.

𑁧𑁨. 𑀧𑀸𑀭𑀫𑀻 𑀢𑀺𑀤𑀼𑀓𑁆𑀓𑀭𑀸𑀯, 𑀧𑀽𑀭𑀺𑀬𑀸𑀦 𑀲𑁂𑀝𑁆𑀞𑀩𑁄𑀥𑀺;

𑀧𑀸𑀧𑀼𑀡𑀺𑀢𑁆𑀣 𑀬𑁄 𑀅𑀦𑀦𑁆𑀢-𑀥𑀫𑁆𑀫𑀲𑀸𑀭𑀤𑀁 𑀦𑀫𑀸𑀫𑀺.

𑁧𑁩. 𑀧𑀳𑀸𑀬 𑀘𑀓𑁆𑀓𑀯𑀢𑁆𑀢𑀺𑀓𑀁, 𑀓𑀭𑁄𑀧𑀦𑀻𑀢 𑀫𑀤𑁆𑀤𑀺𑀬𑀁;

𑀪𑀼𑀲𑀺𑀥𑀭𑁂 𑀲𑀲𑁂𑀦𑀓𑀁, 𑀅𑀚𑁂𑀦𑀺 𑀧𑀸𑀧𑀺𑀫𑀁 𑀦𑀫𑁂.

𑁧𑁪. 𑀅𑀣𑀼𑀢𑁆𑀢𑀭𑀁 𑀚𑀬𑀸𑀓𑀭𑀁, 𑀩𑀳𑀽𑀧𑀓𑀸𑀭𑀢𑀁 𑀚𑀺𑀦𑁄;

𑀧𑀝𑀺𑀘𑁆𑀘 𑀦𑀺𑀫𑁆𑀫𑀺𑀲𑀓𑁆𑀔𑀺𑀪𑀺, 𑀉𑀤𑀺𑀓𑁆𑀔𑀢𑁂 𑀦𑀫𑀸𑀫𑀺 𑀢𑀁.

𑁧𑁫. 𑀘𑀗𑁆𑀓𑀫𑁂 𑀫𑀭𑀼𑀯𑀺𑀫𑀢𑀺 𑀬𑁄, 𑀙𑀺𑀦𑁆𑀤𑀬𑀁 𑀓𑀫𑀺 𑀭𑀢𑀦𑀺𑀬𑁂;

𑀇𑀤𑁆𑀥𑀺𑀧𑀸𑀝𑀺𑀳𑀺𑀭𑀡𑀓𑀭𑁄, 𑀘𑀓𑁆𑀔𑀼𑀫𑀁 𑀢𑀫𑀪𑀺𑀧𑀡𑀫𑁂.

𑁧𑁬. 𑀅𑀣 𑀭𑀢𑀦𑀖𑀭𑁂 𑀩𑀼𑀤𑁆𑀥𑁄, 𑀙𑀤𑀺𑀥𑀺𑀢𑀺 𑀚𑀦𑀬𑀁 𑀲𑀗𑁆𑀔𑁆𑀬𑀁;

𑀲𑀻𑀫𑀻𑀲𑀸 𑀢𑀫𑀪𑀺𑀥𑀫𑁆𑀫𑀁 𑀬𑁄, 𑀲𑀼𑀭𑀦𑀭𑀫𑀳𑀺𑀢𑀁 𑀯𑀦𑁆𑀤𑁂.

𑁧𑁭. 𑀦𑀺𑀕𑁆𑀭𑁄𑀥𑀦𑁆𑀢𑀺𑀓 𑀦𑀼𑀩𑁆𑀪𑀯𑀻 𑀲𑀼𑀔𑀁, 𑀥𑀫𑁆𑀫𑀁 𑀬𑁄 𑀯𑀺𑀘𑀺𑀦𑀁 𑀦𑀥𑀻𑀯𑀭𑁄;

𑀓𑀺𑀘𑁆𑀙𑀸𑀮𑀤𑁆𑀥 𑀫𑀦𑀜𑁆𑀜𑀩𑁄𑀥𑀺𑀬𑀁, 𑀯𑀦𑁆𑀤𑁂 𑀢𑀁 𑀲𑀼𑀕𑀢𑀁 𑀦𑀺𑀕𑁆𑀭𑁄𑀘𑀭𑀁.

𑁧𑁮. 𑀲𑀩𑁆𑀪𑁄𑀕𑁂𑀳𑀺 𑀣 𑀫𑀼𑀘𑀮𑀺𑀦𑁆𑀤𑁂𑀦,

𑀦𑀸𑀕𑀺𑀦𑁆𑀤𑁂𑀦 𑀭𑀳𑀲𑀺 𑀧𑀸𑀯𑀼𑀢𑁆𑀢𑁄;

𑀲𑁄𑀔𑁆𑀬𑀁 𑀬𑁄 𑀦𑀼𑀪𑀯𑀺 𑀯𑀺𑀫𑀼𑀢𑁆𑀢𑀺𑀁𑀢𑀁,

𑀯𑀦𑁆𑀤𑁂 𑀫𑀸𑀭𑀸𑀚𑀺 𑀅𑀢𑀼𑀮𑀧𑁆𑀧𑀜𑁆𑀜𑁄.

𑁧𑁯. 𑀓𑀸𑀭𑀼𑀡𑀺𑀓𑁄 𑀭𑀸𑀚𑀸𑀬𑀢𑀦𑁂 𑀬𑁄,

𑀪𑁄𑀚 𑀫𑀼𑀴𑀸𑀭𑀁 𑀪𑁄𑀚𑁆𑀚𑀭𑀲𑁂𑀓𑀁;

𑀯𑀸𑀲 𑀫𑀓𑀸 𑀦𑀦𑁆𑀢𑀕𑁆𑀕𑀼𑀡𑀥𑀸𑀭𑁄,

𑀏𑀓𑀕𑀢𑁄 𑀯𑀦𑁆𑀤𑀸𑀫𑀺 𑀫𑀳𑁂𑀲𑀻.

𑁨𑁦. 𑀓𑁂𑀬𑁆𑀬𑀁 𑀓𑁂𑀬𑁆𑀬𑀁 𑀅𑀪𑀺𑀚𑀬𑀓𑁂𑀢𑀼𑀁,

𑀚𑁂𑀬𑁆𑀬𑀁 𑀚𑁂𑀬𑁆𑀬𑀁 𑀯𑀭𑀚𑀬𑀧𑀸𑀦𑀁;

𑀧𑁂𑀬𑁆𑀬𑀁 𑀧𑁂𑀬𑁆𑀬𑀁 𑀲𑀼𑀯𑀺𑀘𑀺 𑀦𑀫𑁂 𑀢𑀁,

𑀦𑁂𑀬𑁆𑀬𑀁 𑀦𑁂𑀬𑁆𑀬𑀁 𑀲𑀫𑀢𑀫𑀼𑀧𑁂𑀓𑁆𑀔𑀺𑀁.

𑁨𑁧. 𑀲𑀢𑁆𑀢 𑀘 𑀲𑀢𑁆𑀢𑀸𑀳𑁂 𑀯𑀺𑀚𑀺𑀢𑀸𑀯𑀻,

𑀔𑁂𑀧𑀺𑀬 𑀦𑀺𑀕𑁆𑀭𑁄𑀥𑀁 𑀧𑀼𑀦 𑀕𑀦𑁆𑀢𑁆𑀯𑀸;

𑀥𑀫𑁆𑀫𑀲𑀼𑀤𑀼𑀤𑁆𑀤𑀲𑁆𑀬𑀁 𑀧𑀢𑀺 𑀚𑀸𑀢𑁄,

𑀥𑀫𑁆𑀫𑀓𑀣𑀸 𑀧𑁆𑀧𑁄𑀲𑀼𑀓𑁆𑀓 𑀯𑀺𑀢𑀓𑁆𑀓𑁄.

𑁨𑁨. 𑀫𑀭𑀼𑀕𑀡𑁂𑀳𑀺 𑀩𑁆𑀭𑀳𑁆𑀫𑀼𑀦𑀸 𑀲𑀫𑀁,

𑀭𑀢𑀦𑀤𑀸𑀫𑀫𑁂𑀭𑀼𑀡𑀸 𑀤𑀤𑀸;

𑀲𑀫𑀪𑀺𑀬𑀸𑀘𑀺𑀢𑁄 𑀧𑀝𑀺𑀲𑁆𑀲𑀯𑀁,

𑀤𑀲𑀩𑀮𑁄 𑀦𑀫𑀸𑀫𑀺 𑀤𑁂𑀲𑀺𑀢𑀼𑀁.

𑁨𑁩. 𑀕𑀦𑁆𑀢𑁆𑀯𑀸 𑀇𑀲𑀺𑀧𑁆𑀧𑀸𑀢𑀓𑁆𑀓𑀸𑀦𑀦𑀜𑁆𑀘,

𑀲𑀢𑁆𑀣𑀸 𑀫𑀺𑀕𑀤𑁆𑀤𑀸𑀬𑀁 𑀤𑁂𑀲𑀬𑀺𑀢𑁆𑀣;

𑀲𑀘𑁆𑀘𑀧𑁆𑀧𑀓𑀸𑀭𑀁 𑀬𑁄 𑀥𑀫𑁆𑀫𑀘𑀓𑁆𑀓-

𑀲𑀼𑀢𑁆𑀢𑀁 𑀦𑀫𑁂 𑀙𑀩𑁆𑀩𑀻𑀥𑀁𑀲𑀼 𑀢𑀸𑀯.

𑁨𑁪. 𑀭𑀜𑁆𑀜𑁄 𑀫𑀕𑀥𑀲𑁆𑀲 𑀓𑀢𑀧𑁆𑀧𑀝𑀺𑀜𑁆𑀜𑁄,

𑀕𑀦𑁆𑀢𑁆𑀯𑀸𑀦𑀣 𑀭𑀸𑀚𑀕𑀳𑀁 𑀯𑀺𑀦𑁂𑀢𑀺;

𑀲𑀢𑁆𑀢𑁂 𑀫𑀮𑀭𑁄𑀕𑀬𑀼𑀢𑁂 𑀕𑀤𑀕𑁆𑀕𑀁,

𑀧𑀸𑀬𑁂𑀢𑀼𑀦 𑀢𑀁 𑀧𑀡𑀫𑁂 𑀪𑀺𑀲𑀓𑁆𑀓𑀁.

𑁨𑁫. 𑀲𑀓𑁆𑀬𑀸𑀥𑀺𑀯𑀸𑀲𑁂 𑀓𑀧𑀺𑀮𑁂 𑀲𑀜𑁆𑀜𑀢𑀺𑀁,

𑀫𑀸𑀦𑀤𑁆𑀥𑀚𑀁 𑀪𑀺𑀦𑁆𑀤𑀺𑀬 𑀫𑀺𑀤𑁆𑀥𑀺𑀯𑀸𑀢𑀸;

𑀥𑀫𑁆𑀫𑀸𑀫𑀢𑀁 𑀧𑀸𑀬𑀺 𑀧𑀺𑀢𑀼𑀧𑁆𑀧𑀪𑀼𑀢𑀺,

𑀯𑀦𑁆𑀤𑀸𑀫𑀺 𑀲𑀓𑁆𑀬𑀺𑀦𑁆𑀤 𑀫𑀦𑁄𑀫𑀤𑀲𑁆𑀲𑀺𑀁.

𑁨𑁬. 𑀅𑀦𑀸𑀣𑀧𑀺𑀡𑁆𑀟𑁄𑀢𑀺 𑀯𑁆𑀳𑀬𑁂𑀦 𑀦𑀦𑁆𑀢-

𑀤𑁆𑀥𑀦𑀁 𑀘𑀚𑀺𑀢𑁆𑀯𑀸 𑀲𑀼𑀓𑀢𑁂 𑀯𑀺𑀳𑀸𑀭𑁂;

𑀯𑀺𑀳𑀸𑀲𑀺 𑀪𑀺𑀬𑁆𑀬𑁄 𑀚𑀦𑀢𑀸 𑀳𑀺𑀢𑀢𑁆𑀣𑀁,

𑀲𑀼𑀥𑀫𑁆𑀫𑀪𑁂𑀭𑀺𑀁 𑀯𑀤𑀬𑀁 𑀪𑀺𑀯𑀦𑁆𑀤𑁂.

𑁨𑁭. 𑀉𑀧𑁂𑀢𑀧𑀼𑀜𑁆𑀜𑀁 𑀯𑀭𑀮𑀓𑁆𑀔𑀡𑁄𑀓𑀁-

𑀡𑁄𑀓𑀁 𑀯𑀺𑀲𑀼𑀤𑁆𑀥𑀁 𑀚𑀮𑀺𑀢𑀧𑁆𑀧𑀤𑀻𑀫𑀁;

𑀤𑀻𑀧𑀁 𑀧𑀚𑀸𑀦𑀁 𑀅𑀦𑀺𑀖𑀁 𑀦𑀯𑀚𑁆𑀚𑀁-

𑀦𑀯𑀚𑁆𑀚𑀯𑀸𑀘𑀁 𑀲𑀼𑀕𑀢𑀁 𑀦𑀫𑀸𑀫𑀺.

𑁨𑁮. 𑀫𑀼𑀦𑀺𑀪𑀸𑀦𑀼 𑀥𑀫𑁆𑀫𑀧𑀪𑀸𑀳𑀺 𑀚𑀦-

𑀫𑁆𑀩𑀼𑀚 𑀫𑀼𑀤𑁆𑀥𑀢𑀦𑁆𑀥𑀢𑀫𑁄 𑀲𑀼𑀢𑀧𑁄;

𑀓𑀭𑀼𑀡𑀸𑀭𑀼𑀡𑁄 𑀲𑀫𑀩𑁄𑀥𑀬𑀺 𑀬𑁄,

𑀪𑀯𑀺𑀲𑀻𑀢𑀮𑀢𑁆𑀢𑀧𑀦𑁄 𑀧𑀡𑀫𑁂.

𑁨𑁯. 𑀇𑀦𑁆𑀤𑀼 𑀯𑀺𑀬𑀫𑁆𑀩𑀭𑀫𑀚𑁆𑀛𑀢𑀮𑁂 𑀬𑁄,

𑀭𑀸𑀚𑀢𑀺 𑀢𑀸𑀭𑀕𑀡𑁂𑀦 𑀫𑀼𑀦𑀺𑀦𑁆𑀤𑁄;

𑀅𑀭𑀺𑀬𑀕𑀡𑀧𑁆𑀧𑀭𑀺𑀢𑁄 𑀢𑀺𑀪𑀯𑁂 𑀢𑀁,

𑀲𑀸𑀤𑀭 𑀫𑀼𑀕𑁆𑀕𑀢𑀲𑁄𑀪 𑀫𑀯𑀦𑁆𑀤𑀺.

𑁩𑁦. 𑀫𑀽𑀮𑀸𑀫𑀽𑀮𑀸 𑀢𑀺𑀁𑀲𑀢𑀺𑀧𑀸𑀭𑀫𑀺𑀬𑁄,

𑀲𑀸𑀔𑀸𑀲𑀸𑀔𑀸 𑀫𑀚𑁆𑀛𑀺𑀫𑀚𑁆𑀛𑀸𑀦𑀓𑀸𑀬𑀸;

𑀧𑀢𑁆𑀢𑀸𑀧𑀢𑁆𑀢𑀸 𑀩𑀼𑀤𑁆𑀥𑀘𑀓𑁆𑀔𑀼𑀦𑀺 𑀬𑀲𑁆𑀲,

𑀧𑀼𑀧𑁆𑀨𑀸𑀧𑀼𑀧𑁆𑀨𑀸 𑀓𑀸𑀭𑀼𑀡𑀸 𑀫𑀕𑁆𑀕𑀔𑀦𑁆𑀥𑁄.

𑁩𑁧. 𑀲𑀸𑀭𑀸𑀲𑀸𑀭𑀸 𑀬𑀫𑀓𑀸 𑀨𑁂𑀕𑁆𑀕𑀼𑀪𑀺𑀜𑁆𑀜𑀸,

𑀲𑀩𑁆𑀩𑀸𑀮𑀫𑁆𑀩𑀗𑁆𑀓𑀼𑀭𑀓𑀁 𑀲𑀻𑀮𑀯𑀡𑁆𑀝𑀁;

𑀲𑁂𑀲𑀸𑀥𑀫𑁆𑀫𑀸 𑀫𑀥𑀼𑀧𑀓𑁆𑀓𑀧𑁆𑀨𑀮𑀸𑀦𑀺,

𑀭𑀁𑀲𑀻𑀙𑀮𑁆𑀮𑀻 𑀲𑀼𑀢𑀘𑀸 𑀮𑀓𑁆𑀔𑀡𑀸𑀦𑀺.

𑁩𑁨. 𑀙𑀸𑀬𑀼𑀧𑀕𑀸 𑀲𑀼𑀁 𑀧𑀼𑀣𑀼𑀦𑀭𑀤𑁂𑀯𑀸,

𑀫𑀸𑀭𑀚𑀺𑀤𑀻𑀧𑀗𑁆𑀓𑀭 𑀫𑀳𑀺𑀚𑀸𑀢𑀁;

𑀧𑀢𑁆𑀣𑀢𑀦𑀦𑁆𑀢𑀜𑁆𑀘 𑀓𑀼𑀲𑀮𑀩𑀻𑀚𑀁,

𑀏𑀓𑀭𑀼𑀳𑀁 𑀧𑀸𑀤𑀧𑀫𑀼𑀦𑀺 𑀯𑀦𑁆𑀤𑁂.

𑁩𑁩. 𑀫𑀸𑀭𑀢𑀺𑀢𑁆𑀣𑀺𑀬𑀭𑀺𑀧𑀼𑀁 𑀢𑀫𑀜𑁆𑀘 𑀬𑁄,

𑀥𑀁𑀲𑀬𑀁 𑀦𑀕𑀭𑀥𑀫𑁆𑀫 𑀫𑀸𑀧𑀬𑀁;

𑀲𑀻𑀮𑀦𑀻𑀯𑀭𑀡 𑀤𑁆𑀯𑀸𑀭𑀓𑁄𑀝𑁆𑀞𑀓𑀁,

𑀏𑀲𑀺𑀓𑀸𑀧𑀭𑀫𑀲𑀤𑁆𑀥 𑀫𑀼𑀢𑁆𑀢𑀫𑀁.

𑁩𑁪. 𑀤𑁆𑀯𑀸𑀭𑀧𑀸𑀮𑀲𑀼𑀬𑀢𑀁 𑀲𑀢𑀺𑀝𑀸𑀮𑀁,

𑀜𑀸𑀡𑀘𑀘𑁆𑀘𑀭 𑀲𑀺𑀖𑀸𑀝𑀧𑀤𑀺𑀤𑁆𑀥𑀺𑀁;

𑀥𑀫𑁆𑀫𑀫𑀕𑁆𑀕𑀓𑀼𑀝𑀺𑀲𑀸𑀮 𑀲𑀳𑀺𑀢𑁆𑀢𑀁,

𑀥𑀫𑁆𑀫𑀲𑁂𑀦𑀧𑀢𑀺𑀲𑀸𑀭𑀺𑀚𑀪𑀽𑀢𑀁.

𑁩𑁫. 𑀤𑀼𑀢𑀺𑀬𑀲𑀼𑀢𑀧𑀭𑁄𑀳𑀺𑀢𑀁 𑀫𑀳𑀸-

𑀥𑀼𑀢𑀕𑀼𑀡𑀥𑀭𑀫𑀕𑁆𑀖 𑀤𑀲𑁆𑀲𑀺𑀓𑀁;

𑀯𑀺𑀦𑀬𑀘𑀺𑀦𑀓 𑀥𑀫𑁆𑀫𑀭𑀓𑁆𑀔𑀓𑀁,

𑀢𑀺𑀪𑀯𑀧𑀢𑀺𑀓 𑀥𑀫𑁆𑀫𑀭𑀸𑀚𑀺𑀬𑀁.

𑁩𑁬. 𑀲𑀼𑀢𑀁 𑀲𑀼𑀢𑀁 𑀲𑀩𑁆𑀩𑀥𑀺 𑀲𑀚𑁆𑀚𑀦𑀁𑀚𑀦𑀁,

𑀫𑀺𑀢𑀁 𑀫𑀺𑀢𑀁 𑀦𑀦𑁆𑀢𑀕𑀼𑀡𑀸𑀮𑀬𑀁 𑀮𑀬𑀁;

𑀳𑀼𑀢𑀁 𑀳𑀼𑀢𑀁 𑀚𑀦𑁆𑀢𑀼𑀦𑀫𑀸𑀦𑀫𑀁 𑀦𑀫𑀁,

𑀪𑀯𑁂 𑀪𑀯𑁂 𑀢𑁂𑀪𑀯𑀫𑀗𑁆𑀕𑀮𑀁 𑀕𑀮𑀁.

𑁩𑁭. 𑀮𑁄𑀓𑀸𑀪𑀺𑀭𑀸𑀫𑀁 𑀭𑀫𑀡𑁂𑀬𑁆𑀬𑀯𑁂𑀤𑀼𑀭𑀁,

𑀮𑁄𑀓𑀦𑁆𑀢𑀕𑀼𑀁 𑀅𑀦𑁆𑀢𑀼𑀪𑀬𑀸𑀦𑀼𑀧𑀸𑀕𑀢𑀁;

𑀮𑁄𑀓𑀤𑁆𑀥𑀚𑀁 𑀫𑀸𑀦𑀥𑀚𑀧𑁆𑀧𑀳𑀸𑀭𑀓𑀁,

𑀮𑁄𑀓𑀕𑁆𑀕𑀭𑀼𑀁 𑀅𑀕𑁆𑀕𑀭𑀼 𑀧𑀘𑁆𑀘𑀬𑁂 𑀦𑀫𑁂.

𑁩𑁮. 𑀫𑀓𑀼𑀝𑀕𑁆𑀕𑀨𑀮𑀁 𑀦𑀬𑀦𑀜𑁆𑀘𑀦𑀺𑀓𑀁,

𑀲𑀯𑀦𑀩𑁆𑀪𑀼𑀲𑀦𑀁 𑀯𑀤𑀦𑀩𑁆𑀪𑀼𑀲𑀦𑀁;

𑀕𑀮𑀫𑀡𑁆𑀟𑀦𑀫𑀺𑀤𑁆𑀥𑀺 𑀫𑀦𑀜𑁆𑀜𑀼𑀭𑀲𑀁,

𑀓𑀺𑀭𑀺𑀬𑀜𑁆𑀜𑀼𑀤𑀭𑀁 𑀤𑁆𑀯𑀺𑀔𑀡𑀜𑁆𑀜𑀼𑀓𑀭𑀁.

𑁩𑁯. 𑀓𑀝𑀺𑀯𑀺𑀪𑀽𑀲𑀦 𑀫𑀚𑁆𑀛𑀺𑀫𑀜𑁆𑀜𑀡𑀓𑀁,

𑀤𑀬𑀯𑀺𑀮𑁂𑀧𑀦 𑀥𑀸𑀭𑀡𑀫𑀡𑁆𑀟𑀦𑀁;

𑀧𑀝𑀔𑀺𑀮𑀜𑁆𑀜𑀼𑀦𑀺𑀯𑀢𑁆𑀣 𑀫𑀦𑀼𑀢𑁆𑀢𑀭𑀁,

𑀫𑀼𑀦𑀺𑀫𑀭𑀼𑀢𑁆𑀢𑀫 𑀫𑁂𑀓 𑀫𑀳𑀁 𑀦𑀫𑁂.

𑁪𑁦. 𑀲𑀢𑀺𑀯𑀭 𑀲𑀼𑀘𑀓𑀁 𑀇𑀩𑁆𑀪𑀕𑁆𑀕𑀧𑀜𑁆𑀜𑀁,

𑀲𑀼𑀯𑀻𑀭𑀺𑀬𑀯𑀲𑀼𑀯𑀸𑀳𑀁 𑀧𑀻𑀢𑀺𑀲𑁂𑀮𑀁;

𑀕𑀳𑀧𑀢𑀺𑀲𑀫𑀣𑀕𑁆𑀕𑀁 𑀣𑀻𑀧𑀲𑀤𑁆𑀥𑀺𑀁,

𑀅𑀲𑀡𑀺𑀬𑀲𑀼𑀦𑀼𑀧𑁂𑀓𑁆𑀔𑀁 𑀲𑀢𑁆𑀢𑀪𑁄𑀕𑀁.

𑁪𑁧. 𑀘𑀢𑀼𑀤𑀺𑀲𑀺𑀓𑀺𑀤𑁆𑀥𑀺𑀧𑁆𑀧𑀤 𑀫𑀲𑀳𑀸𑀬𑀁,

𑀲𑀼𑀧𑀭𑀺𑀯𑀼𑀢𑀁 𑀔𑀢𑁆𑀢𑀺𑀬𑀯𑀺𑀭𑀚𑀸𑀦𑀁;

𑀲𑀼𑀘𑀺𑀧𑀭𑀺𑀲𑀁 𑀤𑁂𑀯𑀦𑀭 𑀫𑀦𑀸𑀧𑀁,

𑀤𑀲𑀩𑀮𑀘𑀓𑁆𑀓𑀸𑀥𑀺𑀧𑀢𑀺 𑀪𑀺𑀯𑀦𑁆𑀤𑁂.

𑁪𑁨. 𑀲𑀫𑀸𑀥𑀺𑀩𑁆𑀩𑀳𑀺𑀤𑁆𑀥𑀁 𑀲𑀢𑀺𑀘𑁆𑀙𑀝𑁆𑀞𑀲𑁂𑀮𑀁,

𑀯𑀺𑀭𑀧𑁆𑀧𑀜𑁆𑀘𑀫𑀸 𑀚𑀻𑀯𑀫𑀚𑁆𑀛𑀁 𑀲𑀼𑀓𑀫𑁆𑀫-

𑀢𑁆𑀢𑀢𑀺𑀬𑀁 𑀲𑀼𑀯𑀸𑀘𑀸𑀤𑀼𑀢𑀺𑀬𑀁 𑀪𑀺𑀲𑁂𑀝𑁆𑀞𑀁,

𑀲𑀫𑀸𑀢𑀓𑁆𑀓𑀧𑀼𑀩𑁆𑀩𑀜𑁆𑀘 𑀲𑀢𑁆𑀢𑀧𑁆𑀧𑀯𑀸𑀭𑀁.

𑁪𑁩. 𑀯𑀺𑀯𑀺𑀥𑀜𑀸𑀡𑀧𑀪𑀼𑀢𑀺𑀩𑁆𑀩𑀲𑀸𑀓𑀭𑀁,

𑀩𑀳𑀼𑀫𑀳𑀺𑀤𑁆𑀥𑀺𑀓 𑀫𑀭𑀽𑀦 𑀫𑀸𑀲𑀬𑀁;

𑀥𑀼𑀁𑀯𑀧𑀪𑀸𑀚𑀮𑀺𑀢𑀭𑀸𑀫𑀡𑁂𑀬𑁆𑀬𑀓𑀁,

𑀲𑀼𑀕𑀢𑀦𑁂𑀭𑀼𑀦𑀕𑀭𑀸𑀚 𑀫𑀸𑀦𑀫𑁂.

𑁪𑁪. 𑀲𑀻𑀮𑀚𑁆𑀚𑀮𑀁 𑀭𑀢𑀦𑀥𑀫𑁆𑀫 𑀫𑀸𑀓𑀭𑀁,

𑀪𑀺𑀜𑁆𑀜𑀸𑀯𑀺𑀘𑀺𑀁 𑀲𑀢𑀺𑀓𑀼𑀮𑀝𑁆𑀞𑀺 𑀕𑀫𑁆𑀪𑀺𑀭𑀁;

𑀯𑀺𑀢𑁆𑀣𑀺𑀡𑁆𑀡𑀜𑀸𑀡 𑀫𑀭𑀺𑀬𑁄𑀤𑀚𑀸𑀲𑀬𑀁,

𑀅𑀝𑁆𑀞𑀫𑁆𑀩𑀻𑀥𑀘𑁆𑀙𑀭𑀺𑀬𑀓𑀁 𑀅𑀲𑀦𑁆𑀤𑀦𑀁.

𑁪𑁫. 𑀩𑀳𑀼𑀦𑀚𑁆𑀚𑀫𑁄𑀲𑀭𑀡 𑀫𑁂𑀓𑀭𑀲𑀁,

𑀤𑀼𑀭𑀼𑀧𑀕𑁆𑀕𑀫𑀁 𑀅𑀘𑀺𑀢𑀲𑀫𑁆𑀪𑀭𑀺𑀦𑀁;

𑀧𑀼𑀣𑀼𑀧𑁄𑀢𑀧𑀼𑀜𑁆𑀜𑀯𑀢𑀫𑁂𑀯 𑀦𑀫𑁂,

𑀤𑁆𑀯𑀻𑀧𑀤𑀼𑀢𑁆𑀢𑀫𑀡𑁆𑀡𑀯 𑀦𑀤𑀺𑀦𑁆𑀤𑀯𑀭𑀁.

𑁪𑁬. 𑀅𑀪𑀺𑀦𑀺𑀳𑀭𑀥𑀦𑀼𑀁 𑀕𑀼𑀡𑀧𑀸𑀭𑀫𑀺𑀁,

𑀦𑀴𑀫𑀢𑀺𑀫𑀦𑀩𑀸𑀚𑀭𑀳𑀫𑁆𑀫𑀼𑀔𑀸;

𑀥𑀺𑀢𑀺𑀲𑀫𑀺𑀢𑀲𑀭𑁂𑀦 𑀲𑀼𑀥𑀸𑀭𑀬𑀁,

𑀫𑀮𑀫 𑀕𑀕𑀡 𑀫𑁂𑀓𑀧𑀯𑁂𑀤𑀦𑀸.