𑀯𑁂𑀚𑁆𑀚𑀸𑀘𑀭𑀺𑀬 𑀓𑀡𑁆𑀟

𑁨𑁮𑁬. 𑀆𑀬𑀼𑀩𑁂𑀤𑀓𑀢𑀸𑀪𑁆𑀬𑀸𑀲𑁄, 𑀲𑀩𑁆𑀩𑁂𑀲𑀁 𑀧𑀺𑀬𑀤𑀲𑁆𑀲𑀦𑁄;

𑀅𑀭𑀺𑀬𑀲𑀻𑀮𑀕𑀼𑀡𑁄𑀧𑁂𑀢𑁄, 𑀏𑀲 𑀯𑁂𑀚𑁆𑀚𑁄 𑀯𑀺𑀥𑀻𑀬𑀢𑁂.

𑁨𑁮𑁭. 𑀦𑀸𑀦𑀸𑀕𑀦𑁆𑀣𑀚𑀸𑀦𑀦𑀜𑁆𑀘, 𑀲𑀼𑀤𑀺𑀝𑁆𑀞𑀓𑀫𑁆𑀫𑀲𑀫𑁆𑀧𑀤𑀸;

𑀤𑀓𑁆𑀔𑀢𑀸 𑀳𑀢𑁆𑀣𑀲𑀻𑀖𑀢𑀸, 𑀧𑀲𑀸𑀤𑀲𑀽𑀭𑀲𑀢𑁆𑀢𑀺𑀢𑀸.

𑁨𑁮𑁮. 𑀲𑀸𑀪𑀸𑀯𑀺𑀓𑀢𑀗𑁆𑀔𑀡𑀺𑀓-𑀜𑀸𑀡𑀲𑀼𑀪𑀸𑀲𑀺𑀢𑀸𑀧𑀺 𑀘;

𑀉𑀲𑁆𑀲𑀸𑀳𑁄 𑀤𑀩𑁆𑀩𑁄 𑀲𑀩𑁆𑀩𑀢𑀸, 𑀯𑁂𑀚𑁆𑀚𑀸𑀘𑁂𑀭𑀲𑁆𑀲 𑀮𑀓𑁆𑀔𑀡𑀁;

𑁨𑁮𑁯. 𑀓𑀺𑀮𑀺𑀝𑁆𑀞𑀯𑀢𑁆𑀣𑀁 𑀓𑁄𑀥𑁄 𑀘, 𑀅𑀢𑀺𑀫𑀸𑀦𑀜𑁆𑀘 𑀕𑀫𑁆𑀫𑀢𑀸;

𑀅𑀦𑀺𑀫𑀦𑁆𑀢𑀺𑀢𑀕𑀫𑀦𑀁, 𑀏𑀢𑁂 𑀧𑀜𑁆𑀘 𑀯𑀺𑀯𑀚𑁆𑀚𑀺𑀬𑀸.

𑁨𑁯𑁦. 𑀤𑀺𑀝𑁆𑀞𑀓𑀫𑁆𑀫𑀢𑀸 𑀲𑁄𑀘𑀜𑁆𑀘, 𑀤𑀓𑁆𑀔𑀢𑀸 𑀯𑀺𑀤𑀺𑀢𑀸𑀕𑀫𑁄;

𑀘𑀢𑁆𑀢𑀸𑀭𑁄 𑀲𑀼𑀪𑀺𑀲𑀓𑁆𑀓𑀲𑁆𑀲, 𑀲𑀼𑀕𑀼𑀡𑀸 𑀯𑀺𑀜𑁆𑀜𑀼𑀦𑀸 𑀫𑀢𑀸.

𑁨𑁯𑁧. 𑀭𑀼𑀚𑀸𑀬 𑀚𑀬𑀮𑀓𑁆𑀔𑀡𑀁, 𑀭𑀲𑁄 𑀘 𑀪𑁂𑀲𑀚𑁆𑀚𑀫𑁆𑀧𑀺 𑀘;

𑀢𑀺𑀮𑀓𑁆𑀔𑀡𑀪𑁂𑀤𑁄 𑀘𑁂𑀯, 𑀯𑀺𑀜𑁆𑀜𑁂𑀬𑁆𑀬𑁄 𑀪𑀺𑀲𑀓𑁆𑀓𑁂𑀦 𑀯𑁂.