𑀦𑀸𑀬𑀓 𑀓𑀡𑁆𑀟

𑁨𑁭𑁬. 𑀅𑀦𑀸𑀬𑀓𑀸 𑀯𑀺𑀦𑀲𑁆𑀲𑀦𑁆𑀢𑀺, 𑀦𑀲𑁆𑀲𑀦𑁆𑀢𑀺 𑀩𑀳𑀼𑀦𑀸𑀬𑀓𑀸;

𑀣𑀻𑀦𑀸𑀬𑀓𑀸 𑀯𑀺𑀦𑀲𑁆𑀲𑀦𑁆𑀢𑀺, 𑀦𑀲𑁆𑀲𑀦𑁆𑀢𑀺 𑀲𑀼𑀲𑀼𑀦𑀸𑀬𑀓𑀸.

𑁨𑁭𑁭. 𑀕𑀯𑀁 𑀘𑁂 𑀢𑀭𑀫𑀸𑀦𑀸𑀦𑀁, 𑀉𑀚𑀼𑀁 𑀕𑀘𑁆𑀙𑀢𑀺 𑀧𑀼𑀗𑁆𑀕𑀯𑁄;

𑀲𑀩𑁆𑀩𑀸 𑀕𑀸𑀯𑀻 𑀉𑀚𑀼𑀁 𑀬𑀦𑁆𑀢𑀺, 𑀦𑁂𑀢𑁆𑀢𑁂 𑀉𑀚𑀼𑀁 𑀕𑀢𑁂 𑀲𑀢𑀺.

𑁨𑁭𑁮. 𑀏𑀯𑀫𑁂𑀯 𑀫𑀦𑀼𑀲𑁆𑀲𑁂𑀲𑀼, 𑀬𑁄 𑀳𑁄𑀢𑀺 𑀲𑁂𑀝𑁆𑀞𑀲𑀫𑁆𑀫𑀢𑁄;

𑀲𑁄 𑀲𑀘𑁂 𑀥𑀫𑁆𑀫𑀁 𑀘𑀭𑀢𑀺, 𑀧𑀕𑁂𑀯 𑀇𑀢𑀭𑀸 𑀧𑀚𑀸.

𑀕𑀯𑀁 𑀘𑁂 𑀢𑀭𑀫𑀸𑀦𑀸𑀦𑀁, 𑀉𑀚𑀼𑀁 𑀕𑀘𑁆𑀙𑀢𑀺 𑀧𑀼𑀗𑁆𑀕𑀯𑁄;

𑀲𑀩𑁆𑀩𑀸 𑀕𑀸𑀯𑀻 𑀉𑀚𑀼𑀁𑀬𑀦𑁆𑀢𑀺, 𑀦𑁂𑀢𑁆𑀢𑁂 𑀉𑀚𑀼𑀁 𑀕𑀢𑁂 𑀲𑀢𑀺.

𑀏𑀯𑀫𑁂𑀯 𑀫𑀦𑀼𑀲𑁆𑀲𑁂𑀲𑀼, 𑀬𑁄 𑀳𑁄𑀢𑀺 𑀲𑁂𑀝𑁆𑀞𑀲𑀫𑁆𑀫𑀢𑁄;

𑀲𑁄 𑀲𑀘𑁂 𑀥𑀫𑁆𑀫𑀁 𑀘𑀭𑀢𑀺, 𑀧𑀕𑁂𑀯 𑀇𑀢𑀭𑀸 𑀧𑀚𑀸;

𑀲𑀩𑁆𑀩𑀁 𑀭𑀝𑁆𑀞𑀁 𑀲𑀼𑀔𑀁 𑀲𑁂𑀢𑀺, 𑀭𑀸𑀚𑀸 𑀘𑁂 𑀳𑁄𑀢𑀺 𑀥𑀫𑁆𑀫𑀺𑀓𑁄.

𑁨𑁭𑁯. 𑀦𑁄𑀤𑀬𑀸𑀳 𑀯𑀺𑀦𑀸𑀲𑀸𑀬, 𑀩𑀳𑀼𑀦𑀸𑀬𑀓𑀢𑀸 𑀪𑀼𑀲𑀁;

𑀫𑀺𑀮𑀸𑀬𑀦𑁆𑀢𑀺 𑀯𑀺𑀦𑀲𑁆𑀲𑀦𑁆𑀢𑀺, 𑀧𑀤𑁆𑀫𑀸𑀦𑁆𑀬𑀓𑁆𑀓𑁂𑀳𑀺 𑀲𑀢𑁆𑀢𑀳𑀺.

𑁨𑁮𑁦. 𑀲𑀼𑀢𑀸𑀭𑀓𑁆𑀔𑁄 𑀅𑀪𑀺𑀬𑁄𑀕𑁄, 𑀓𑀼𑀮𑀸𑀭𑀓𑁆𑀔𑁄 𑀯𑀢𑁆𑀢𑀁 𑀪𑀯𑁂;

𑀯𑀺𑀚𑁆𑀚𑀸 𑀳𑀺 𑀓𑀼𑀮𑀧𑀼𑀢𑁆𑀢𑀲𑁆𑀲, 𑀦𑀸𑀬𑀓𑀲𑁆𑀲𑀸𑀧𑀫𑀸𑀤𑀓𑁄.