𑁩. 𑀲𑀁𑀔𑀺𑀢𑁆𑀢𑀩𑀮𑀲𑀼𑀢𑁆𑀢𑀁

𑁩. 𑀏𑀯𑀁 𑀫𑁂 𑀲𑀼𑀢𑀁 𑁋 𑀏𑀓𑀁 𑀲𑀫𑀬𑀁 𑀪𑀕𑀯𑀸 𑀲𑀸𑀯𑀢𑁆𑀣𑀺𑀬𑀁 𑀯𑀺𑀳𑀭𑀢𑀺 𑀚𑁂𑀢𑀯𑀦𑁂 𑀅𑀦𑀸𑀣𑀧𑀺𑀡𑁆𑀟𑀺𑀓𑀲𑁆𑀲 𑀆𑀭𑀸𑀫𑁂…𑀧𑁂… 𑀲𑀢𑁆𑀢𑀺𑀫𑀸𑀦𑀺, 𑀪𑀺𑀓𑁆𑀔𑀯𑁂, 𑀩𑀮𑀸𑀦𑀺. 𑀓𑀢𑀫𑀸𑀦𑀺 𑀲𑀢𑁆𑀢? 𑀲𑀤𑁆𑀥𑀸𑀩𑀮𑀁, 𑀯𑀻𑀭𑀺𑀬𑀩𑀮𑀁, 𑀳𑀺𑀭𑀻𑀩𑀮𑀁, 𑀑𑀢𑁆𑀢𑀧𑁆𑀧𑀩𑀮𑀁, 𑀲𑀢𑀺𑀩𑀮𑀁, 𑀲𑀫𑀸𑀥𑀺𑀩𑀮𑀁, 𑀧𑀜𑁆𑀜𑀸𑀩𑀮𑀁. 𑀇𑀫𑀸𑀦𑀺 𑀔𑁄, 𑀪𑀺𑀓𑁆𑀔𑀯𑁂, 𑀲𑀢𑁆𑀢 𑀩𑀮𑀸𑀦𑀻𑀢𑀺.

‘‘𑀲𑀤𑁆𑀥𑀸𑀩𑀮𑀁 𑀯𑀻𑀭𑀺𑀬𑀜𑁆𑀘, 𑀳𑀺𑀭𑀻 [𑀳𑀺𑀭𑀺 (𑀲𑀻. 𑀧𑀻. 𑀓.)] 𑀑𑀢𑁆𑀢𑀧𑁆𑀧𑀺𑀬𑀁 𑀩𑀮𑀁;

𑀲𑀢𑀺𑀩𑀮𑀁 𑀲𑀫𑀸𑀥𑀺 𑀘, 𑀧𑀜𑁆𑀜𑀸 𑀯𑁂 𑀲𑀢𑁆𑀢𑀫𑀁 𑀩𑀮𑀁;

𑀏𑀢𑁂𑀳𑀺 𑀩𑀮𑀯𑀸 𑀪𑀺𑀓𑁆𑀔𑀼, 𑀲𑀼𑀔𑀁 𑀚𑀻𑀯𑀢𑀺 𑀧𑀡𑁆𑀟𑀺𑀢𑁄;

‘‘𑀬𑁄𑀦𑀺𑀲𑁄 𑀯𑀺𑀘𑀺𑀦𑁂 𑀥𑀫𑁆𑀫𑀁, 𑀧𑀜𑁆𑀜𑀸𑀬𑀢𑁆𑀣𑀁 𑀯𑀺𑀧𑀲𑁆𑀲𑀢𑀺;

𑀧𑀚𑁆𑀚𑁄𑀢𑀲𑁆𑀲𑁂𑀯 𑀦𑀺𑀩𑁆𑀩𑀸𑀦𑀁, 𑀯𑀺𑀫𑁄𑀓𑁆𑀔𑁄 𑀳𑁄𑀢𑀺 𑀘𑁂𑀢𑀲𑁄’’𑀢𑀺. 𑀢𑀢𑀺𑀬𑀁;