𑁧. 𑀓𑀸𑀬𑀸𑀦𑀼𑀧𑀲𑁆𑀲𑀻𑀲𑀼𑀢𑁆𑀢𑀁

𑁧𑁧𑁭. ‘‘𑀙, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑁂 𑀅𑀧𑁆𑀧𑀳𑀸𑀬 𑀅𑀪𑀩𑁆𑀩𑁄 𑀓𑀸𑀬𑁂 𑀓𑀸𑀬𑀸𑀦𑀼𑀧𑀲𑁆𑀲𑀻 𑀯𑀺𑀳𑀭𑀺𑀢𑀼𑀁. 𑀓𑀢𑀫𑁂 𑀙? 𑀓𑀫𑁆𑀫𑀸𑀭𑀸𑀫𑀢𑀁, 𑀪𑀲𑁆𑀲𑀸𑀭𑀸𑀫𑀢𑀁, 𑀦𑀺𑀤𑁆𑀤𑀸𑀭𑀸𑀫𑀢𑀁, 𑀲𑀗𑁆𑀕𑀡𑀺𑀓𑀸𑀭𑀸𑀫𑀢𑀁, 𑀇𑀦𑁆𑀤𑁆𑀭𑀺𑀬𑁂𑀲𑀼 𑀅𑀕𑀼𑀢𑁆𑀢𑀤𑁆𑀯𑀸𑀭𑀢𑀁, 𑀪𑁄𑀚𑀦𑁂 𑀅𑀫𑀢𑁆𑀢𑀜𑁆𑀜𑀼𑀢𑀁. 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀙 𑀥𑀫𑁆𑀫𑁂 𑀅𑀧𑁆𑀧𑀳𑀸𑀬 𑀅𑀪𑀩𑁆𑀩𑁄 𑀓𑀸𑀬𑁂 𑀓𑀸𑀬𑀸𑀦𑀼𑀧𑀲𑁆𑀲𑀻 𑀯𑀺𑀳𑀭𑀺𑀢𑀼𑀁.

‘‘𑀙, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑁂 𑀧𑀳𑀸𑀬 𑀪𑀩𑁆𑀩𑁄 𑀓𑀸𑀬𑁂 𑀓𑀸𑀬𑀸𑀦𑀼𑀧𑀲𑁆𑀲𑀻 𑀯𑀺𑀳𑀭𑀺𑀢𑀼𑀁. 𑀓𑀢𑀫𑁂 𑀙? 𑀓𑀫𑁆𑀫𑀸𑀭𑀸𑀫𑀢𑀁, 𑀪𑀲𑁆𑀲𑀸𑀭𑀸𑀫𑀢𑀁, 𑀦𑀺𑀤𑁆𑀤𑀸𑀭𑀸𑀫𑀢𑀁, 𑀲𑀗𑁆𑀕𑀡𑀺𑀓𑀸𑀭𑀸𑀫𑀢𑀁, 𑀇𑀦𑁆𑀤𑁆𑀭𑀺𑀬𑁂𑀲𑀼 𑀅𑀕𑀼𑀢𑁆𑀢𑀤𑁆𑀯𑀸𑀭𑀢𑀁, 𑀪𑁄𑀚𑀦𑁂 𑀅𑀫𑀢𑁆𑀢𑀜𑁆𑀜𑀼𑀢𑀁 𑁋 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀙 𑀥𑀫𑁆𑀫𑁂 𑀧𑀳𑀸𑀬 𑀪𑀩𑁆𑀩𑁄 𑀓𑀸𑀬𑁂 𑀓𑀸𑀬𑀸𑀦𑀼𑀧𑀲𑁆𑀲𑀻 𑀯𑀺𑀳𑀭𑀺𑀢𑀼’’𑀦𑁆𑀢𑀺. 𑀧𑀞𑀫𑀁.