𑁬. 𑀅𑀲𑁆𑀲𑀸𑀤𑀲𑀼𑀢𑁆𑀢𑀁

𑁧𑁧𑁨. ‘‘𑀢𑀬𑁄𑀫𑁂, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑀸. 𑀓𑀢𑀫𑁂 𑀢𑀬𑁄? 𑀅𑀲𑁆𑀲𑀸𑀤𑀤𑀺𑀝𑁆𑀞𑀺, 𑀅𑀢𑁆𑀢𑀸𑀦𑀼𑀤𑀺𑀝𑁆𑀞𑀺, 𑀫𑀺𑀘𑁆𑀙𑀸𑀤𑀺𑀝𑁆𑀞𑀺. 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀢𑀬𑁄 𑀥𑀫𑁆𑀫𑀸. 𑀇𑀫𑁂𑀲𑀁 𑀔𑁄, 𑀪𑀺𑀓𑁆𑀔𑀯𑁂, 𑀢𑀺𑀡𑁆𑀡𑀁 𑀥𑀫𑁆𑀫𑀸𑀦𑀁 𑀧𑀳𑀸𑀦𑀸𑀬 𑀢𑀬𑁄 𑀥𑀫𑁆𑀫𑀸 𑀪𑀸𑀯𑁂𑀢𑀩𑁆𑀩𑀸. 𑀓𑀢𑀫𑁂 𑀢𑀬𑁄? 𑀅𑀲𑁆𑀲𑀸𑀤𑀤𑀺𑀝𑁆𑀞𑀺𑀬𑀸 𑀧𑀳𑀸𑀦𑀸𑀬 𑀅𑀦𑀺𑀘𑁆𑀘𑀲𑀜𑁆𑀜𑀸 𑀪𑀸𑀯𑁂𑀢𑀩𑁆𑀩𑀸, 𑀅𑀢𑁆𑀢𑀸𑀦𑀼𑀤𑀺𑀝𑁆𑀞𑀺𑀬𑀸 𑀧𑀳𑀸𑀦𑀸𑀬 𑀅𑀦𑀢𑁆𑀢𑀲𑀜𑁆𑀜𑀸 𑀪𑀸𑀯𑁂𑀢𑀩𑁆𑀩𑀸, 𑀫𑀺𑀘𑁆𑀙𑀸𑀤𑀺𑀝𑁆𑀞𑀺𑀬𑀸 𑀧𑀳𑀸𑀦𑀸𑀬 𑀲𑀫𑁆𑀫𑀸𑀤𑀺𑀝𑁆𑀞𑀺 𑀪𑀸𑀯𑁂𑀢𑀩𑁆𑀩𑀸. 𑀇𑀫𑁂𑀲𑀁 𑀔𑁄, 𑀪𑀺𑀓𑁆𑀔𑀯𑁂, 𑀢𑀺𑀡𑁆𑀡𑀁 𑀥𑀫𑁆𑀫𑀸𑀦𑀁 𑀧𑀳𑀸𑀦𑀸𑀬 𑀇𑀫𑁂 𑀢𑀬𑁄 𑀥𑀫𑁆𑀫𑀸 𑀪𑀸𑀯𑁂𑀢𑀩𑁆𑀩𑀸’’𑀢𑀺. 𑀙𑀝𑁆𑀞𑀁.