𑁧𑁪. 𑀅𑀧𑀭𑀧𑀞𑀫𑀛𑀸𑀦𑀲𑀼𑀢𑁆𑀢𑀁

𑁨𑁬𑁪. ‘‘𑀧𑀜𑁆𑀘𑀺𑀫𑁂, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑁂 𑀅𑀧𑁆𑀧𑀳𑀸𑀬 𑀅𑀪𑀩𑁆𑀩𑁄 𑀧𑀞𑀫𑀁 𑀛𑀸𑀦𑀁 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀺𑀢𑀼𑀁. 𑀓𑀢𑀫𑁂 𑀧𑀜𑁆𑀘? 𑀆𑀯𑀸𑀲𑀫𑀘𑁆𑀙𑀭𑀺𑀬𑀁, 𑀓𑀼𑀮𑀫𑀘𑁆𑀙𑀭𑀺𑀬𑀁, 𑀮𑀸𑀪𑀫𑀘𑁆𑀙𑀭𑀺𑀬𑀁, 𑀯𑀡𑁆𑀡𑀫𑀘𑁆𑀙𑀭𑀺𑀬𑀁, 𑀅𑀓𑀢𑀜𑁆𑀜𑀼𑀢𑀁 𑀅𑀓𑀢𑀯𑁂𑀤𑀺𑀢𑀁 𑁋 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘 𑀥𑀫𑁆𑀫𑁂 𑀅𑀧𑁆𑀧𑀳𑀸𑀬 𑀅𑀪𑀩𑁆𑀩𑁄 𑀧𑀞𑀫𑀁 𑀛𑀸𑀦𑀁 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀺𑀢𑀼𑀁.

‘‘𑀧𑀜𑁆𑀘𑀺𑀫𑁂, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑁂 𑀧𑀳𑀸𑀬 𑀪𑀩𑁆𑀩𑁄 𑀧𑀞𑀫𑀁 𑀛𑀸𑀦𑀁 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀺𑀢𑀼𑀁. 𑀓𑀢𑀫𑁂 𑀧𑀜𑁆𑀘? 𑀆𑀯𑀸𑀲𑀫𑀘𑁆𑀙𑀭𑀺𑀬𑀁, 𑀓𑀼𑀮𑀫𑀘𑁆𑀙𑀭𑀺𑀬𑀁, 𑀮𑀸𑀪𑀫𑀘𑁆𑀙𑀭𑀺𑀬𑀁, 𑀯𑀡𑁆𑀡𑀫𑀘𑁆𑀙𑀭𑀺𑀬𑀁, 𑀅𑀓𑀢𑀜𑁆𑀜𑀼𑀢𑀁 𑀅𑀓𑀢𑀯𑁂𑀤𑀺𑀢𑀁 𑁋 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘 𑀥𑀫𑁆𑀫𑁂 𑀧𑀳𑀸𑀬 𑀪𑀩𑁆𑀩𑁄 𑀧𑀞𑀫𑀁 𑀛𑀸𑀦𑀁 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀺𑀢𑀼’’𑀦𑁆𑀢𑀺. 𑀘𑀼𑀤𑁆𑀤𑀲𑀫𑀁.