𑁮. 𑀤𑀦𑁆𑀢𑀓𑀝𑁆𑀞𑀲𑀼𑀢𑁆𑀢𑀁

𑁨𑁦𑁮. ‘‘𑀧𑀜𑁆𑀘𑀺𑀫𑁂, 𑀪𑀺𑀓𑁆𑀔𑀯𑁂, 𑀆𑀤𑀻𑀦𑀯𑀸 𑀤𑀦𑁆𑀢𑀓𑀝𑁆𑀞𑀲𑁆𑀲 𑀅𑀔𑀸𑀤𑀦𑁂. 𑀓𑀢𑀫𑁂 𑀧𑀜𑁆𑀘? 𑀅𑀘𑀓𑁆𑀔𑀼𑀲𑁆𑀲𑀁, 𑀫𑀼𑀔𑀁 𑀤𑀼𑀕𑁆𑀕𑀦𑁆𑀥𑀁 𑀳𑁄𑀢𑀺, 𑀭𑀲𑀳𑀭𑀡𑀺𑀬𑁄 𑀦 𑀯𑀺𑀲𑀼𑀚𑁆𑀛𑀦𑁆𑀢𑀺, 𑀧𑀺𑀢𑁆𑀢𑀁 𑀲𑁂𑀫𑁆𑀳𑀁 𑀪𑀢𑁆𑀢𑀁 𑀧𑀭𑀺𑀬𑁄𑀦𑀦𑁆𑀥𑀢𑀺 [𑀧𑀭𑀺𑀬𑁄𑀦𑀤𑁆𑀥𑀦𑁆𑀢𑀺 (𑀲𑀻. 𑀧𑀻.), 𑀧𑀭𑀺𑀬𑁄𑀦𑀤𑁆𑀥𑀢𑀺 (𑀲𑁆𑀬𑀸. 𑀓𑀁. 𑀓.) 𑀘𑀽𑀴𑀯. 𑁨𑁮𑁨 𑀧𑀲𑁆𑀲𑀺𑀢𑀩𑁆𑀩𑀁], 𑀪𑀢𑁆𑀢𑀫𑀲𑁆𑀲 𑀦𑀘𑁆𑀙𑀸𑀤𑁂𑀢𑀺. 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘 𑀆𑀤𑀻𑀦𑀯𑀸 𑀤𑀦𑁆𑀢𑀓𑀝𑁆𑀞𑀲𑁆𑀲 𑀅𑀔𑀸𑀤𑀦𑁂.

‘‘𑀧𑀜𑁆𑀘𑀺𑀫𑁂, 𑀪𑀺𑀓𑁆𑀔𑀯𑁂, 𑀆𑀦𑀺𑀲𑀁𑀲𑀸 𑀤𑀦𑁆𑀢𑀓𑀝𑁆𑀞𑀲𑁆𑀲 𑀔𑀸𑀤𑀦𑁂. 𑀓𑀢𑀫𑁂 𑀧𑀜𑁆𑀘? 𑀘𑀓𑁆𑀔𑀼𑀲𑁆𑀲𑀁, 𑀫𑀼𑀔𑀁 𑀦 𑀤𑀼𑀕𑁆𑀕𑀦𑁆𑀥𑀁 𑀳𑁄𑀢𑀺, 𑀭𑀲𑀳𑀭𑀡𑀺𑀬𑁄 𑀯𑀺𑀲𑀼𑀚𑁆𑀛𑀦𑁆𑀢𑀺, 𑀧𑀺𑀢𑁆𑀢𑀁 𑀲𑁂𑀫𑁆𑀳𑀁 𑀪𑀢𑁆𑀢𑀁 𑀦 𑀧𑀭𑀺𑀬𑁄𑀦𑀦𑁆𑀥𑀢𑀺, 𑀪𑀢𑁆𑀢𑀫𑀲𑁆𑀲 𑀙𑀸𑀤𑁂𑀢𑀺. 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘 𑀆𑀦𑀺𑀲𑀁𑀲𑀸 𑀤𑀦𑁆𑀢𑀓𑀝𑁆𑀞𑀲𑁆𑀲 𑀔𑀸𑀤𑀦𑁂’’𑀢𑀺. 𑀅𑀝𑁆𑀞𑀫𑀁.